Yangiliklar

2025-yil 27-yanvarda prezidentning «Uy-joy qurilishi sohasini rivojlantirish va qurilish jarayonini tartibga solish mexanizmini takomillashtirishga qaratilgan chora-tadbirlar toʻgʻrisida»gi Farmoni qabul qilindi.

Ushbu Farmonga koʻra, 2025-yilning 1-iyulidan boshlab uy-joy qurilishi sohasidagi barcha moliyalashtirish jarayonlari yangi mexanizm asosida amalga oshiriladi. Jumladan, «eskrou» hisobvaraqlari orqali qurilishga ulushdorlarning mablagʻlarini jalb qilish mexanizmi joriy etiladi.

Mablagʻlarini jalb qilish tartibi 2025-yilning 31-dekabriga qadar «ulushli ishtirok» asosida ham amalga oshirilishi mumkin boʻladi. 2026-yildan esa faqat «eskrou» hisobvaraqlari orqali mablagʻlarni jalb qilish imkoniyati qoladi.

Shuningdek, 2025-yil 1-iyuldan boshlab «Shaffof qurilish» axborot tizimi doirasida yangi elektron platforma ishga tushiriladi. Ushbu platforma orqali uy-joylar qurilishi jarayoni va ularga aloqador...

1-fevraldan AQSh Kanada va Meksikadan importga 25 foiz boj solishi mumkin. Buni AQSh prezidenti Donald Tramp buni «fentanil oqimi va katta savdo taqchilligi» bilan izohladi.

«Biz bojlarni bir qator sabablarga koʻra kiritmoqdamiz: noqonuniy migratsiya, narkotrafik va ulkan savdo taqchilligi tufayli», – dedi Tramp 30-yanvar kuni.

Uning aniqlik kiritishicha, vaqt oʻtishi bilan tarif oshishi mumkin. AQSh prezidenti Kanada neftiga soliq solish imkoniyatini ham koʻrib chiqmoqda. Qaror xomashyo narxlariga bogʻliq boʻladi.

Avvalroq Kursiv Uzbekistan Tramp BRIKSʼning dollardan voz kechishiga qanday javob berishgani haqida xabar bergan edi.

Ukraina adliya vaziri Olga Stefanishinaning ma’lumotiga koʻra, Rossiyaning Ukrainaga bosqini boshlanganidan buyon Markaziy Osiyoning 30 ga yaqin fuqarolari Ukraina harbiylari tomonidan asirga olingan.

Vazirlikka koʻra, asirlarning fuqaroligi asosan ularning soʻzlariga tayanib aniqlanadi, chunki hujjatlar koʻpincha mavjud boʻlmaydi. Barcha asirlar xalqaro va milliy qonunlarga muvofiq bir xil huquqiy maqomga ega boʻlib, fuqarolik bu maqomga ta’sir qilmaydi.

Xabarda asirga tushganlar qaysi davlat fuqarosi ekani aniq koʻrsatilmagan.

Avvalroq «Kursiv» Uzbekistan BMTning Ukrainadagi yadroviy inshootlar xavfsizligi bo‘yicha rezolyutsiyasiga ovoz berishda betaraf qolgani haqida xabar bergan edi.

2024-yilda O‘zbekiston bo‘ylab temir yo‘l orqali jo‘natilgan yuk hajmi 73,9 mln tonnaga yetdi. Bu haqda Transport vazirligi ma’lum qildi.

Unga ko‘ra, bu 2023-yilga nisbatan 100,3% o‘sish sur’atini ko‘rsatadi. So‘nggi yillarda yuk tashish hajmi muntazam oshib bormoqda: 2020-yilda 70,6 mln tonna, 2021-yilda 72,0 mln tonna, 2022-yilda 73,4 mln tonna, 2023-yilda 73,7 mln tonna, 2024-yilda esa 73,9 mln tonnani tashkil etdi.

Yuk tashish hajmining ortishiga temir yo‘l infratuzilmasini rivojlantirish, logistika jarayonlarini optimallashtirish va xalqaro transport yo‘laklarini kengaytirish kabi omillar ta’sir ko‘rsatmoqda. Transport vazirligi temir yo‘l transportining samaradorligini oshirish va barqaror rivojlanishini ta’minlashga qaratilgan chora-tadbirlarni davom ettirmoqda.

Eslatib o‘tamiz, avvalroq 2024-yilda...

Oliy Majlis Qonunchilik palatasi deputatlari «Mehnat kodeksiga o‘zgartirishlar kiritish to‘g‘risida»gi qonun loyihasini birinchi o‘qishda ma’qulladi. Bu haqda Qonunchilik palatasi matbuot xizmati ma’lum qildi.

Hujjatga ko‘ra, otalar farzand tug‘ilganda haq to‘lanadigan ta’til olish huquqiga ega bo‘ladi.

Shuningdek, ish joyida har qanday tazyiq va zo‘ravonlik turlarini taqiqlash hamda ularning oldini olish bo‘yicha choralar ko‘riladi.

Ish joyida zo‘ravonlik yoki tazyiqqa uchraganlarga ish haqi saqlangan holda qo‘shimcha haq to‘lanadigan ta’til berish taklif etilmoqda.

Eslatib o‘tamiz, avvalroq 2024-yilda O‘zbekistonda qancha chaqaloq tug‘ilgani haqida yozgan edik.

Prezidentining «Chorvachilik va parrandachilikni qo‘llab-quvvatlash, sohaga yuqori qo‘shilgan qiymat yaratish bo‘yicha qo‘shimcha chora-tadbirlar to‘g‘risida»gi qarori qabul qilindi. Bu haqda Adliya vazirligi ma’lum qildi.

Qarorga ko‘ra, 2025-yilda go‘sht, sut, parranda go‘shti va tuxum yetishtirish hajmlari bo‘yicha prognoz ko‘rsatkichlar tasdiqlandi. Shuningdek, parrandachilik kooperatsiyasi orqali aholi bandligini ta’minlash hamda mahsulot eksporti bo‘yicha rejalar belgilandi.

2025-yil 1-apreldan 2028-yil 1-yanvarga qadar chorvachilik va parrandachilik xo‘jaliklari tomonidan davlat byudjetiga to‘langan QQSning 50 foizi har oyning 25-sanasiga qadar qaytariladi.

Bundan tashqari, «Parranda boqish – daromad topish» loyihasi orqali 1 mln kishining bandligi ta’minlanadi. Naslchilik korxonalariga esa foyda solig‘i, mol-mulk solig‘i, yer solig‘i va suv resurslaridan foydalanish...

UFC prezidenti Dana Uayt amerikalik jangchi Brys Mitchellning Adolf Gitlerni maqtagani va antisemitik izohlar bergani uchun keskin qoraladi. Bu haqda CNN axborot agentligi ma’lum qildi.

Unga ko‘ra, Uayt Mitchellning gaplarini «eng yomon va johilona» fikr deb atadi va Gitlerning insoniyat tarixidagi eng yovuz shaxslardan biri ekanini ta’kidladi:

«Hayotim davomida juda ko‘p ahmoqona va nodon gaplarni eshitganman, lekin bu – eng yomoni. Gitler haqida gap ketganda, u olti million yahudiyni qirg‘in qilgani va butun bir xalqni yer yuzidan yo‘q qilishga uringanini unutmaslik kerak».

Shunga qaramay Uayt UFC jangchini jazolamasligini bildirdi, chunki bu so‘z erkinligi tamoyiliga...

O‘zbekiston delegatsiyasi Litvaning «Sanoatchilar konfederatsiyasi» rahbari va a’zolari bilan uchrashuv o‘tkazdi. Bu haqda Migratsiya agentligi ma’lum qildi.

Unda o‘zbekistonlik fuqarolarni Litvada rasmiy tartibda ishga joylashtirish hajmini oshirish bo‘yicha hamkorlik memorandumi imzolandi.

Litvada haydovchi va avtomexaniklarga talab yuqori ekani ta’kidlandi. Ushbu ehtiyojni qondirish maqsadida O‘zbekistonda «Girteka» va «TVG Groupe» kompaniyalari bilan hamkorlikda maxsus o‘quv markazlari tashkil etiladi. Dastlab 200 nafar o‘zbekistonlik o‘qitilib, Litvadagi bo‘sh ish o‘rinlariga joylashtiriladi.

«Girteka» kompaniyasida 4 mingta yuk mashinasi bo‘lsa, «TVG Groupe» parkida 800 ta transport vositasi mavjud.

Eslatib o‘tamiz, avvalroq O‘zbekistonda eng ko‘p ish o‘rni yaratgan «TOP – 10» korxonalar haqida yozgan edik.

Oʻzbekistonning favqulodda va muxtor elchisi Baxtiyor Ibragimov (qarorgohi Vena shahrida joylashgan) Albaniya prezidenti Bayram Begayga ishonch yorliqlarini topshirdi. Bu haqda «Dunyo» axborot agentligi xabar berdi.

Prezident qarorgohida boʻlib oʻtgan tantanali marosimdan soʻng oʻtkazilgan muloqot chogʻida Oʻzbekiston va Albaniya oʻrtasidagi ikki tomonlama munosabatlarni rivojlantirish istiqbollari muhokama qilindi. Savdo-iqtisodiy, madaniy va turizm sohalarida hamkorlikni mustahkamlash masalalariga alohida e’tibor qaratildi.

Albaniya rahbari soʻnggi yillarda Oʻzbekistonda prezident Shavkat Mirziyoyev rahbarligida amalga oshirilayotgan keng koʻlamli islohotlar va ularning natijalarini yuqori baholadi.

Ma’lumot uchun, Baxtiyor Ibragimov 2023-yil noyabridan Oʻzbekistonning Avstriyadagi elchisi ham hisoblanadi. Shuningdek, u 2023-yilda shtab kvartirasi Vena shahrida joylashgan YXHT, BMT Giyohvand moddalar...

Soʻnggi kunlarda ijtimoiy tarmoqlarda kartoshka narxining 12 ming soʻmga yetgani haqidagi xabarlar tarqaldi. Qishloq xoʻjaligi vazirligi bu borada rasmiy axborot berib, narxlarning shakllanishi va pasayishi boʻyicha prognozini e’lon qildi.

Vazirlik monitoringiga koʻra, bugungi kunda Toshkent shahridagi yirik bozorlarda kartoshkaning narxi 9-10 ming soʻm atrofida boʻlib, arzonlashtirilgan yarmarkalarda 5-6 ming soʻmga sotilmoqda.

Kartoshka narxining oshishiga takroriy ekilgan maydonlarda hosil kam boʻlishi, ishlab chiqarish xarajatlarining oshishi va importdagi transport muammolari sabab boʻldi. Soʻnggi yillarda urugʻlik, oʻgʻit, yoqilgʻi va suv soliqlari narxi keskin oshgani ham tannarxga ta’sir qilmoqda.

Narxlarni barqarorlashtirish uchun 245 ming tonna kartoshka zaxiraga olinib, 9,9 ming tonnasi bozorga chiqarildi...

31-yanvar kuni AQSh dollarining rasmiy kursi 18,04 so‘mga oshib, 12 975,05 soʻmni tashkil qildi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 895 – 12 930 soʻmdan sotib olayotgan boʻlsa, 12 960 – 13 020 soʻm oraligʻida sotmoqda.

Shu bilan birga, yevro 12,37 so‘mga pasayib, 13 473,29 so‘mni tashkil etdi. Rossiya rubli esa 0,25 so‘mga oshib, 132,38 so‘mga teng bo‘ldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

Qurilish va uy-joy kommunal xoʻjaligi vaziri Sherzod Hidoyatov Oʻzbekiston ogʻir atletika federatsiyasining yangi raisi boʻldi. Bu haqda vazirlik matbuot xizmati ma’lum qildi.

Milliy olimpiya qoʻmitasida federatsiyaning 2024-yilgi faoliyat yakunlari va 2025-yil rejalari muhokama qilingan hisobot-saylov yigʻilishi boʻlib oʻtdi. Unda Sherzod Hidoyatov federatsiya rahbarligiga saylandi.

Sherzod Hidoyatov 1980-yil 20-avgustda Toshkent shahrida tugʻilgan. 2006-yilda Toshkent davlat texnika universitetini tamomlagan. Mehnat faoliyatini 1998-yilda Oliy xoʻjalik sudining Tashkiliy-nazorat boshqarmasida boshlagan.

Avvalroq «Kursiv» Oʻzbekiston ogʻir atletika terma jamoasi jahon chempionatida kuchli uchlikdan joy olgani haqida xabar bergan edi.

2024-yil sentabr holatiga koʻra, Oʻzbekiston farmatsevtika bozori yillik 13 foiz oʻsishni tashkil etib, 20,3 trln soʻmga yetdi. Bu haqda OʻzA STADA farmatsevtika kompaniyasi ma’lumotlariga tayanib xabar berdi.

Ma’lum qilinishicha, respublikada dori vositalari savdosining 98 foizi chakana savdo orqali amalga oshiriladi va retseptura dori vositalarining ulushi esa 70 foizga yetadi.

Oʻtgan yilning sentabr oyi yakunlariga koʻra, Oʻzbekiston farmatsevtika bozorida KRKA 3,5 foiz, Stada 3,1 foiz va «Yuriya-Farm» 3 foiz ulush bilan yetakchilik qildi, deya ta’kidladi Proxima Research.

Dori-darmonlarga Toshkent aholisi koʻproq pul sarflagan. Respublika boʻyicha barcha dori vositalari savdosining 31,4 foizi poytaxt hissasiga toʻgʻri keldi. Shuningdek, dori vositalarini Toshkent...

2024-yilning yanvar – dekabr oylarida O‘zbekistonda jami 926 422 nafar chaqaloq dunyoga keldi. Bu haqda Statistika agentligi ma’lum qildi.

O‘zbekiston Respublikasi FHDYO organlarida qayd etilgan ma’lumotlarga ko‘ra, mamlakatda tug‘ilgan o‘g‘il bolalar soni 479 552 nafarni tashkil qilsa, qiz bolalar soni 446 870 nafar bo‘ldi. O‘g‘il bolalar soni qiz bolalarga nisbatan 32 682 nafarga ko‘proqdir.

Mamlakatda 2018-yildan beri ilk bor tug‘ilishning yillik o‘sishi to‘xtadi. O‘tgan yili tug‘ilganlar soni nafaqat 2023-yil, balki 2022-yil ko‘rsatkichidan ham past bo‘ldi.

Tug‘ilishning kamayishi respublikaning barcha hududlarida kuzatilgan. Shiddatli pasayishga qaramay tug‘ilish darajasi eng yuqori Surxondaryoda, eng past esa Qoraqalpog‘istonda qayd etildi.

Ma’lumot uchun, 2025-yil 1-yanvar...

31-yanvar kuni besh grammlik oltin quymasining narxi maksimal 5,98 mln soʻmga yetdi. Bu haqda Markaziy bank matbuot xizmati xabar berdi.

Shu bilan birga, 10 grammlik quymalar 11,97 mln soʻm, 20 grammlik quymalar 23,94 mln soʻm, 50 grammlik quymalar 59,85 mln soʻm va 100 grammlik quymalar 119,7 mln soʻmni tashkil qildi.

Mamlakatda qimmatbaho metall narxlari jahon kotirovkalari ortidan oʻsib bormoqda. Xalqaro maydonlarda troya unsiyasining narxi AQShda inflyatsiya haqidagi ma’lumotlar e’lon qilinishi arafasida rekord darajadagi $2,859 ga yetdi.

Bundan tashqari, Amerika Qoʻshma Shtatlariga Meksika, Kanada va Xitoy tovarlari importiga yuqori bojlar joriy etilishi fonida aktivga boʻlgan talab ortib bormoqda. Jurnalistlarning...

2024-yil davomida respublikamizda faoliyat olib borayotgan aviakompaniyalarning xizmat sifati bo‘yicha 240 ga yaqin murojaatlar kelib tushgan. O‘rganish natijasida iste’molchilar foydasiga 220 mln so‘m qayta hisob-kitob qilindi, deya xabar bermoqda Raqobat qo‘mitasi.

Misol o‘rnida, fuqaro S.T. «Toshkent – Namangan» yo‘nalishida 24-noyabr kuni HY-93 reysiga elektron chipta xarid qilgan. U 06:00 da aeroportga yetib borgan, biroq parvoz avvaliga 09:20, so‘ng 10:20 ga ko‘chirilgan. 5 soat kutish zalida qolib ketgan yo‘lovchilarga dam olish xonasi, ovqat va ichimlik suvi taklif etilmagani sababli shikoyat yo‘llagan.

O‘rganish natijasida Uzbekistan Airways HY-93 reysi ob-havo yomonligi sababli 5 soat 54 daqiqa kechikkanini tasdiqladi. Shu sababli 22 nafar...

Freedom Bank 2025-yilning bahor oylarida Tojikistonda raqamli bank ochadi. Bu haqda Freedom Holding Corp. rahbari Timur Turlov ma’lum qildi.

Timur Turlovning ta’kidlashicha, mamlakatdagi bank sektorining umumiy aktivlari atigi $2 mlrd.ni tashkil qiladi, naqd pulsiz operatsiyalar ulushi esa bor-yo‘g‘i 20% ni tashkil etadi.

U, shuningdek, kompaniyaning ushbu loyihani amalga oshirish uchun ajoyib jamoaga ega ekanini qayd etdi.

Ma’lumot uchun, Freedom Bank Tojikistonda bank faoliyati yuritish uchun 2024-yilning oktabr oyida litsenziya oldi.

Eslatib o‘tamiz, avvalroq Freedom Pay va CAFA Markaziy Osiyoda fintex va blokcheyn yechimlarini rivojlantirish uchun kuchlarni birlashtirgani haqida yozgan edik.

Oʻzbekiston va Ozarbayjon ikki davlat fuqarolarining ID-kartalarini chegaradan oʻtish uchun rasmiy hujjat sifatida tan olish imkoniyatini koʻrib chiqmoqda. Bu haqda «Dunyo» axborot agentligi xabar berdi.

Ma’lum qilinishicha, ushbu sa’y-harakat sayohatlarni yengillashtirish va ikki tomonlama aloqalarni mustahkamlashga xizmat qiladi.

«ID-kartalardan foydalanish Oʻzbekiston va Ozarbayjon fuqarolariga chet el pasportini olmasdan turib chegarani kesib oʻtish imkonini beradi, bu esa sayohat qilish qulayligini oshiradi va mamlakatlar oʻrtasidagi integratsiyani mustahkamlaydi», – deyiladi xabarda.

Shuningdek, mazkur qarorning qabul qilinishi Oʻzbekiston va Ozarbayjon oʻrtasidagi savdo-iqtisodiy, madaniy va sayyohlik aloqalarini rivojlantirishga ijobiy ta’sir koʻrsatishi kutilmoqda.

Avvalroq Kursiv Uzbekistan ozarbayjonlik tadbirkor Chorvoqda Sea...

Vazirlar Mahkamasi xotin-qizlarni pillachilik sohasiga jalb qilish bo‘yicha qaror qabul qildi. Bu haqda Bandlik vazirligi ma’lum qildi.

Unga ko‘ra, xotin-qizlar uchun pillachilik sohasi bo‘yicha qisqa muddatli o‘quv kurslari tashkil etilib, bitiruvchilar ipak qurti urug‘chiligi va pillachilik xo‘jaliklariga ishga joylashtiriladi.

Shuningdek, Xitoy, Vyetnam, Hindiston va Yaponiya mutaxassislari o‘quv kurslariga jalb qilinadi. Fuqarolar bandligi Yangiish.mehnat.uz platformasida qayd etilib, doimiy monitoring yuritiladi.

Eslatib o‘tamiz, avvalroq og‘ir ahvoldagi mahallalarda quyosh fotoelektr stansiyalari barpo etilishi haqida yozgan edik.

Xitoyning Volkswagen tomonidan qo‘llab-quvvatlanadigan Xpeng kompaniyasi 2025-yilda Fransiyada 3,5 ming elektromobil sotishni maqsad qilgan. Hozirda mamlakat bo‘ylab 30 ta dilerlik markaziga ega bo‘lgan kompaniya yil oxiriga kelib ularning sonini 60 – 70 taga yetkazishni rejalashtirmoqda. Bu haqda Xpeng marketing direktori Tomas Rodier CarNewsChina nashriga ma’lum qildi.

Xpeng rasmiy ravishda Fransiya bozoriga 2024-yil may oyida kirdi va avtomobillar yetkazib berish sentabr oyida boshlandi. Hozirgacha kompaniya 800 ga yaqin elektromobillar yetkazib bergan bo‘lib, ularning 511 tasi ro‘yxatdan o‘tkazilgan. Faqatgina 2024-yil dekabr oyida Fransiyaga 300 ta Xpeng avtomobili olib kelingan.

Hozirda Xpeng Fransiyada G6 va G9 SUV modellari sotuvda. G6 Tesla Model...

Qirg‘iziston va O‘zbekiston sudlangan fuqarolarni vatanga qaytarish bo‘yicha kelishuvga erishdi. Mazkur qonun loyihasi Qirg‘iziston parlamenti – Jogorku Kenesh tomonidan uchinchi o‘qishda qabul qilindi.

Qirg‘iziston Bosh prokurori o‘rinbosari Umutkan Qonquboyevaning ma’lumotiga ko‘ra, hozirgi kunda O‘zbekistonda Qirg‘izistonning 42 nafar fuqarosi, Qirg‘izistonda esa 97 nafar O‘zbekiston fuqarosi jazoni o‘tamoqda. Ushbu kelishuv doirasida ular o‘z vatanlarida jazoni davom ettirish imkoniyatiga ega bo‘ladi.

Eslatib o‘tamiz, mahkumlarni almashish bo‘yicha rasmiy bitim 2024-yil 18-iyul kuni Toshkent shahrida imzolangan.

Avvalroq «Kursiv» O‘zbekistonda mahkumlar uchun elektron brasletlar ishlab chiqarilishi haqida xabar bergan edi.

Din ishlari bo‘yicha qo‘mita tekshiruvlari natijasida Qarshi shahrida joylashgan «Maqbul Tur» MChJ litsenziyasiz Umra tadbirini tashkil etgani aniqlandi. Bu haqda Din ishlari bo‘yicha qo‘mita ma’lum qildi.

Unga ko‘ra, kompaniyaga 75 mln so‘m miqdorida jarima qo‘llanildi.

Ma’lumot uchun, Umra tadbirlarini tashkil qilish uchun litsenziya talab etiladi. Ruxsatsiz faoliyat yuritish qonunbuzarlik hisoblanib, og‘ir jarimalarga sabab bo‘lishi mumkin.

Eslatib o‘tamiz, avvalroq ham Umra tadbirlarini litsenziyasiz tashkil etgan subyektlarga nisbatan jarima qoʻllanilgan edi.

Los-Anjeles avtosalonida Jeep bosh direktori Antonio Filosa kompaniya 2025-yilda yangi gibrid SUV – Jeep Cherokee modelini taqdim etishini e’lon qildi. Bu haqda Jeep kompaniyasi ma’lum qildi.

Yangi model plagin gibrid bo‘lmaydi va hozirgi Grand Cherokee va Wrangler 4xe seriyalaridan farqli yo‘nalishda ishlab chiqariladi. Bu esa elektr transport vositalari bozoridagi noaniqliklar fonida yengil gibrid dvigatelli SUV ishlab chiqarish brend uchun oqilona strategiya ekanini ko‘rsatadi.

Jeep 2023-yilda Illinoys shtatidagi Belvidere zavodida Cherokee ishlab chiqarishni to‘xtatgan edi. Biroq kompaniya 2027-yilda zavodni qayta ochish uchun milliardlab dollar sarmoya kiritishni rejalashtirgan. Shunga qaramay jarayonning kechikishi Stellantis va UAW kasaba uyushmasi o‘rtasida kelishmovchiliklarga sabab...

AQSh prezidenti Donald Tramp BRIKS mamlakatlarining xalqaro savdoda AQSh dollaridan uzoqlashish harakatlarini qattiq tanqid qildi. U oʻzining Truth Social ijtimoiy tarmogʻida BRIKS davlatlari AQSh dollariga muqobil valyuta yaratish fikridan voz kechishi yoki 100 foizlik bojlar bilan jazolanishi haqida keskin bayonot berdi.

«BRIKS mamlakatlari dollardan uzoqlashishga harakat qilmoqda, biz esa buni diqqat bilan kuzatyapmiz. Biz dushmanona koʻrinayotgan bu davlatlardan yangi BRIKS valyutasini yaratmaslik, qudratli AQSh dollarini almashtirish uchun boshqa valyutani qoʻllab-quvvatlamaslik boʻyicha majburiyat olishlarini talab qilamiz. Aks holda ular 100 foiz bojlar bilan yuzlashadi va Amerika bozoridan mahrum boʻladi», – dedi Tramp.

Uning soʻzlariga koʻra...