Yangiliklar

Xitoyning Shandun provinsiyasidagi sud «Xitoy banki» sobiq raisi Lyu Lianjga pora olish va noqonuniy kredit berish ayblovi bilan shartli ravishda o‘lim jazosi hukmini chiqardi. Bu haqda Reuters axborot agentligi ma’lum qildi.

Hukmga ko‘ra, Lyu ikki yillik sinov muddati bilan o‘lim jazosi olgan. Agar shu davrda boshqa jinoyat sodir etmasa, jazosi umrbod qamoq jazosiga almashtiriladi.

Lyu Lianj 1961-yilda tug‘ilgan bo‘lib, uzoq vaqt davomida Xitoy xalq banki va Xitoy Eksport-Import bankida yuqori lavozimlarda ishlagan. 2019-yilda u «Xitoy banki» raisi lavozimiga tayinlangan edi. Ammo o‘tgan yilning oktabr oyida Xitoy Kommunistik partiyasi tomonidan noqonuniy faoliyat va pora olish ayblovi bilan partiyadan chiqarilgan.

Davlat...

Oktabr oyida Oʻzbekistonda bank depozitlari boʻyicha foiz stavkalari yana oshib, milliy valyutadagi depozitlardan olingan daromad 19,7 foizni tashkil etdi. Bu sentabr oyiga nisbatan 0,5 foizga ko‘pdir. Bu haqda Markaziy bank xabar berdi.

Unga koʻra, bir yilgacha boʻlgan depozitlar uchun stavka sentabr oyiga nisbatan 0,9 foizga oshib, 17,9 foizga koʻtarildi va oʻtgan yilning mazkur davridagi natijani qayd etdi. Bir yildan ortiq muddatga moʻljallangan depozitlar uchun foiz stavkalarining oʻsishi 0,1 foiz boʻlib, 20,6 foizni tashkil qildi.

Jismoniy shaxslar uchun depozitlar daromadligi 22,1 foizga yetib, iyul oyidagi natijani takrorladi. Qisqa muddatli depozitlar uchun stavka 20,9 foiz (-0,1 foiz) boʻlsa, uzoq muddatli depozitlar...

26-noyabr kuni Pokiston poytaxti Islomobodda sobiq bosh vazir Imron Xonning ozod etilishini talab qilgan namoyishchilar va xavfsizlik kuchlari parlament binosi oldida to‘qnash kelishdi. Bu haqda Urdu point axborot nashri xabar bermoqda.

Shahar shifoxonalarining ma’lumotlariga ko‘ra, ushbu to‘qnashuvlar oqibatida kamida olti kishi halok bo‘lgan va taxminan 50 kishi jarohat olgan. Mahalliy hukumatning xabariga ko‘ra, to‘rt nafar xavfsizlik xodimi ham qurbon bo‘lgan. Ichki ishlar vaziri Mohsin Naqvi namoyishchilar bilan muzokaralar o‘tkazmaslikni buyurdi. To‘qnashuvlar davomida ko‘zdan yosh oqizuvchi gaz qo‘llanilgan.

Qamoqda saqlanayotgan Imron Xon o‘z tarafdorlarini talablari bajarilmaguncha ko‘chalarni tark etmaslikka undadi. Sobiq bosh vazir ijtimoiy tarmoqlarda namoyishchilarga «o‘z huquqlarini himoya qilish...

Chevrolet Aveo Black Edition’ni taqdim etildi. Avtomobil qoraytirilgan detallar va yangi korpusga ega. Bu haqda Ithome xabar berdi.

Qayd etilishicha, avtomobilning old panjarasi, g‘ildirak hamda tashqi oynalari, oldingi va orqa logotiplarni, shuningdek, boshqa komponentlari qora rangda ishlab chiqilgan.

Aveo Black Special Edition, shuningdek, eksklyuziv sport paketiga egadir. Shuningdek, avtomobil saloni qora-sariq ranglarda ishlangan va standart komplektatsiyada sakkiz dyuymli multimedia displeyi, orqa kamerasi, oltita xavfsizlik yostiqchasi va qo‘lda boshqariladigan konditsioner bilan jihozlangan.

Kuchlanish masalasida esa Aveo Black Special Edition 1,5 litrli atmosferali dvigatelga ega bo‘lib, maksimal quvvati 99 ot kuchiga teng va 6 pog‘ona mexanik uzatish qutisi...

Amerikaning texnologik giganti Nvidia sun’iy intellekt (SI) yordamida musiqa va tovushlarni yaratish bo‘yicha Fugatto modelini taqdim etdi. Bu haqda kompaniya saytida e’lon qilindi.

Model tovushlar, ovozlar va musiqani so‘rovlar yordamida ham matn, ham audio formatda yaratish yoki o‘zgartirish imkonini beradi.

Aytilishicha, bu dastur har qanday his-tuygʻuni ifoda etadigan ovozlarni yaratish, cholgʻular tovushini oʻzgartirish va qisqacha qoʻshiqlarni tezda yozish uchun qulay.

Kompaniya dasturning qachon ochiq foydalanishga chiqarilishini ma’lum qilmadi.

Avvalroq Kursiv Uzbekistan SI-chiplarga bo‘lgan talab tufayli Nvidia daromadi 94 foizga oshgani haqida yozgan edi.

Isroil hukumati va Livanning «Hizbulloh» harbiy guruhi rahbariyati AQSH va Fransiya tomonidan taklif etilgan oʻt ochishni toʻxtatish toʻgʻrisidagi bitimni qabul qildi, deb ma’lum qildi AQSH prezidenti Jo Bayden.

Baydenning aytishicha, tinchlik kelishuvi chorshanba kunidan boshlab kuchga kiradi.

Livan harbiy kuchlari chegara hududlariga qaytib, «Hizbulloh» vakillarining u yerga kirishini to‘sib qo‘yishi kutilmoqda. Isroil Livandan o‘z qo‘shinini 60 kun ichida olib chiqadi. Sulh bitimi muddatsiz boʻladi.

Ommaviy axborot vositalarining ta’kidlashicha, mazkur kelishuv Isroil va Livan chegarasida minglab insonlarning hayotiga zomin boʻlgan toʻqnashuvga barham berish yoʻlini ochib beradi.

Kursiv Uzbekistan bir kun avval sulh bitimi bo‘yicha muzokaralar haqida yozgan

Bugun, 27-noyabr kuni O‘zbekistonda quruq va iliq ob-havo kuzatiladi. Ba’zi joylarga tuman tushishi mumkin. O‘rtacha havo harorati 17-22 iliq bo‘ladi. Bu haqda Gidrometeorologiya xizmati agentligi xabar berdi.

Toshkentda havo bulutli bo‘lishi mumkin, biroq yog‘ingarchilik kuzatilmaydi. Kunduzi harorat 20 daraja iliq, kechasi esa 4-6 daraja ilib bo‘ladi.

Tog‘li hududlarda ham yomg‘ir yog‘maydi. Kunduzi havo 7-12 daraja iliq, kechga kelib 0-5 daraja iliq bo‘ladi.

«Milliy Tiklanish» partiyasi raisi Alisher Qodirov o‘qituvchilar o‘rtasida raqobat tizimini yaratish tashabbusini ilgari surdi.

Uning fikricha, bu maktablarda yuqori maoshlar va ta’lim sifatini ta’minlashga yordam beradi.

Siyosatchi, shuningdek, pedagoglarning oylik maoshlarini oshirish uchun davlat byudjetidan 50 trillion so‘m ajratish samaradorligiga shubha bildirdi.

«Rejalashtirilgan 50 trln so‘m o‘qituvchilarning maoshlariga ajratilishi kutilgan natijalarga olib keladimi?» — dedi Qodirov.

Eslatib o‘tamiz, avvalroq O‘zbekistonda o‘qituvchilar aslida qancha maosh olishi haqida yozgan edik.

Toshkentda xavfli virus tarqalayotgani haqida ijtimoiy tarmoqlarda tarqalgan xabarlar asossiz, deya ma’lum qildi Sog‘liqni saqlash vazirligi.

Mutaxassislar fikriga ko‘ra, kuz-qish mavsumida respirator kasalliklarning ko‘payishi tabiiy hol. Havo harorati pasayishi va yopiq joylarda havo almashinuvi kamayishi viruslarning tarqalishini kuchaytirishi mumkin. Ammo bular mavsumiy kasalliklar bo‘lib, ulardan vahima qilishga asos yo‘q.

O‘zbekiston hududida viruslar monitoringi tizimi ishlamoqda va hozirgacha noma’lum xavfli virus aniqlanmagan. Aholiga gigiyena qoidalariga rioya qilish, kasallik belgilari paydo bo‘lganda shifokorga murojaat qilish tavsiya etiladi.

Eslatib o‘tamiz, avvalroq maymunchechak virusi qanchalik xavfli va undan qanday himoyalanish mumkinligi haqida batafsil yozgan edik.

Rossiya Buyuk Britaniya elchixonasi xodimlaridan birini josuslikda ayblab, mamlakatdan chiqarib yubordi. Bu haqda CNN axborot agentligi ma’lum qildi.

Unga ko‘ra, Federal xavfsizlik xizmati (FSB) diplomatni mamlakatga josuslik maqsadida soxta ma’lumotlar asosida kirganlikda aybladi va uning faoliyatini Rossiya xavfsizligiga tahdid deb baholadi.

Rossiya Tashqi ishlar vazirligi diplomatning akkreditatsiyasini bekor qilib, ikki hafta ichida mamlakatni tark etishni buyurdi. Buyuk Britaniya Tashqi ishlar vazirligi bu ayblovlarni «asoslanmagan» deb atab, munosabat bildirishini ma’lum qildi.

Ushbu voqea Rossiya va Buyuk Britaniya o‘rtasidagi yomonlashayotgan diplomatik munosabatlarning navbatdagi bosqichiga aylandi. Britaniya Rossiyaga qarshi sanksiyalarni qo‘llab-quvvatlab, Ukrainaga harbiy va iqtisodiy yordam ko‘rsatishni davom ettirmoqda.

Eslatib o‘tamiz, avvalroq...

«Silk Avia» aviakompaniyasi yo‘lovchilarning ehtiyojlarini hisobga olib, Toshkent – Qarshi – Toshkent yo‘nalishida kechki reyslarni ham amalga oshiradi. Bu haqda Qarshi xalqaro aeroporti matbuot xizmati ma’lum qildi.

Unga ko‘ra, 29-noyabrdan boshlab, seshanba, payshanba va juma kunlari Toshkentdan soat 18:40 da uchgan samolyot 20:00 da Qarshiga yetib keladi. Qarshidan esa 20:40 da parvoz qilib, 22:00 da Toshkentga qaytadi.

Aviakompaniya ushbu yo‘nalish bo‘yicha kunduzgi parvozlarni avvalgidek davom ettiradi. Bu o‘zgarish yo‘lovchilarga qulaylik yaratishni maqsad qilgan.

Eslatib o‘tamiz, avvalroq Zarafshondagi aeroport faoliyati qayta tiklangani haqida yozgan edik.

Shavkat Mirziyoyev Namangan viloyatida investitsiyalar va tadbirkorlikni rivojlantirish bo‘yicha yig‘ilish o‘tkazdi. Bu haqda prezident matbuot xizmati ma’lum qildi.

Unga ko‘ra, viloyatda o‘tgan o‘n oyda 681 loyiha amalga oshirilib, 21 ming ish o‘rni yaratilgani, yil yakunida iqtisodiyot 8 foizga o‘sishi kutilayotgani ma’lum qilindi.

2025-yilga qadar $4,2 mlrd investitsiya jalb qilib, 34 ming ish o‘rni yaratish, 1 milliard dollarlik eksportni amalga oshirish rejalashtirilgan. Shu bilan birga, kambag‘allikni 5,3 foizgacha pasaytirish va 100 ming mehnat migrantini ish bilan ta’minlash maqsad qilingan.

Namanganda yangi sanoat zonalari, qishloq xo‘jaligi texnikumi, charm-poyabzal va dorivor o‘simlik loyihalari kabi qator tashabbuslar taqdim etildi. Prezident bu rejalarni qo‘llab-quvvatlab...

Prezident Shavkat Mirziyoyev davlat madaniyat muassasalari va tashkilotlari xodimlarining ish haqini oshirish toʻgʻrisidagi qarorni imzoladi. Bu haqda Adliya vazirligi xabar berdi.

Qarorga koʻra, 2025-yil boshidan ish haqi 20 foizga, oʻsha yilning iyul oyi kelib yana 15 foizga oshiriladi.

Bundan tashqari, respublikada davlat tuzilmalari va madaniyat muassasalari xodimlarining ish samaradorligini baholash (KPI) tizimi joriy etiladi.

Avvalroq Kursiv Uzbekistan joriy yilning oktabr oyi boshida Oʻzbekistonda o‘rtacha ish haqi 16,4 foizga oshib, 5,1 million soʻmga yetgani haqida yozgan edi.

«Toshkent» respublika fond birjasidan (RFB) joy olgan yuqori likvidli aksiyalar 15-noyabrdan 22-noyabr sanasigacha har xil dinamikani koʻrsatdi. Kursiv Uzbekistan hafta davomida RFBdagi qimmatli qogʻozlarning oʻzgarishini oʻrganib chiqdi.

Ortda qolgan haftada UCI fond indeksi 0,9 foizga tushdi. Aksiyalari eng koʻp oʻsishga erishgan kompaniyalar qatoridan «Biznesni rivojlantirish banki (+5,54 foiz), “OʻzRTXB», (2,66 foiz) va «Aloqa bank» (+2,27 foiz) joy oldi.

Oʻz navbatida, haftani salbiy yakunlaganlar kompaniyalar qatoridan «Ipoteka-bank» (-5,13 foiz), «Aloqa bank»ning imtiyozli aksiyalari (-21,88 foiz) va «Turon bank»ni (10,01 foiz) koʻrish mumkin.

Hafta davomida eng koʻp bitimlar amalga oshirilgan kompaniyalar roʻyxatidan «Aloqa bank»ning oddiy (490) va imtiyozli (413 ta) aksiyalari...

O‘zbekiston ravvin Svi Koganning o‘ldirilishi bo‘yicha tergovda Isroil va BAA bilan yaqindan hamkorlik qilmoqda. Bu haqda O‘zbekiston Tashqi ishlar vaziri Baxtiyor Saidov ma’lum qildi.

«O‘zbekiston xalqi barcha din va elat vakillariga azaldan do‘stona munosabatda bo‘lib kelgan. Biz millatchilikning hech qanday ko‘rinishiga toqat qilmaganmiz va bundan keyin ham toqat qilmaymiz. Terrorizm va ekstremizmning chegarasi va millati yo‘q», – deb yozgan Saidov o‘zining Telegram kanalida.

Shuningdek, Saidov Isroilning O‘zbekistondagi elchisi Gideon Lustig bilan uchrashuvda voqea munosabati bilan hamdardlik bildirdi.

Eslatib o‘tamiz, BAAda ravvin Svi Kogan o‘ldirilishida gumonlanib, uch nafar O‘zbekiston fuqarosi qo‘lga olingan edi. U Chabad...

Qozogʻiston bosh vaziri Oljas Bektenovning ma’lum qilishicha, mamlakat ichki bozorni himoya qilish maqsadida Rossiya donlarini Xitoy va Oʻzbekistonga reeksport qilishga taqiq qoʻyilgan. Bu haqda Knews nashri xabar berdi.

Bosh vazir aytishicha, ushbu qaror uchinchi davlatlar va Yevroosiyo iqtisodiy ittifoqi (YEOII) mamlakatlaridan bugʻdoy import qilishga qoʻyilgan cheklovlar bilan bogʻliq. Bu cheklovlar ichki bozorni himoya qilishga qaratilgan.

Hozirgi kunda Qozogʻistonning qishloq xoʻjaligi mahsulotlari temir yoʻl orqali quyidagi yoʻnalishlarda tashilmoqda: «Qozogʻiston – Turkmaniston – Eron» (Inche-Burun) va «Qozogʻiston – Oʻzbekiston – Turkmaniston – Eron» (Sheroz). Ushbu yoʻllar orqali mahsulotlar Eronga, keyinchalik Bender-Abbas porti orqali Fors koʻrfazi mamlakatlariga yuboriladi.

Avvalroq Kursiv Uzbekistan Oʻzbekiston...

Oʻzbekiston oltin zaxiralari mamlakat ichkarisida saqlanadi. Bu haqda Behzod Hamrayev Kursiv Uzbekistan muxbiriga ma’lum qildi.

Uning soʻzlariga koʻra, ba’zan oltin tashqariga kichik hajmda va qisqa muddatga sotish uchun chiqariladi.

«Oltinni tashqariga ba’zida sotishga chiqarilganda yoki narxida keskin oʻzgarish boʻlganda kichik hajmda va qisqa muddatga olib chiqamiz (-tahr.)», – dedi Hamrayev.

Tashqariga olib chiqilgan oltin sotilgandan soʻng qayd etilgan tartibda, hajmda va kelishilgan shartlarga muvofiq belgilangan omborga yetkazib beriladi.

Eslatib oʻtamiz, avvalroq Kursiv Uzbekistan 2024-yilning 1-noyabr holatiga koʻra, Oʻzbekiston oltin-valyuta zaxiralari $43,14 milliardga yetgani haqida xabar bergan edi.

26-noyabr kuni O‘zbekiston Respublikasi valyuta birjasida dollarning rasmiy kursi 5,69 so‘mga o‘sib, 12 820,47 so‘mni tashkil qildi.

Tijorat banklari ushbu valyutani 12 750 – 12 810 so‘mdan xarid qilishmoqda va 12 830 – 12 880 so‘mdan sotishmoqda.

Eslatib o‘tamiz, mamlakatda 25-noyabr kuni dollarning qiymati 14,29 so‘mga pasaygan edi.

Toshkent shahar Bektemir tumanida Saneg kompaniyasi poytaxtdagi birinchi yonilg‘i quyish shoxobchasini ochdi. Bu haqda Kursiv Uzbekistan’ga kompaniya xabar berdi.

Bu shoxobcha poytaxtda kompaniya tomonidan to‘g‘ridan-to‘g‘ri boshqariladigan birinchi stansiya hisoblanadi.

AYOQSH kuniga 1300 tagacha avtomobilga xizmat ko‘rsatish quvvatiga ega bo‘lib, sakkizta yonilg‘i quyish kolonkasi bilan jihozlangan. Bu yerda haydovchilar AI-80, AI-92, AI-95 va AI-98 markali benzinning to‘liq assortimenti, dizel yonilg‘isi va elektromobillar uchun quvvatlash imkoniyatidan foydalanishlari mumkin.

Mijozlar qulayligi uchun shoxobcha hududida qahvaxona va do‘kon faoliyat yuritmoqda.

Kelgusida poytaxtda yangi multimodal AYOQSH ochilishi rejalashtirilgan.

Avvalroq Kursiv Uzbekistan Italiyada Saneg avtomobil moylarini ishlab chiqarish va sotish yo‘lga qo‘yilgani haqida yozgan

2024-yil 1-noyabr holatiga ko‘ra, 1,2 mingdan ortiq O‘zbekiston fuqarosi rasmiy ravishda Qozog‘istonda ishlamoqda. Bu haqda Qozog‘iston Mehnat vazirligi xabar berdi.

Qozog‘istonda mehnat qilayotgan xorijliklar soni bo‘yicha Xitoy yetakchilik qildi. Mamlakatda 4,6 ming nafar xitoylik ishlab kelmoqda. Ushbu ro‘yxatda O‘zbekiston ikkinchi o‘rinni egallagan bo‘lsa, Turkiya uchlikni yakunlab berdi.

Eslatib o‘tamiz, 2023-yilning yanvar – noyabr oylarida Qozog‘istonda 969 nafar O‘zbekiston fuqarosi mehnat qilgan.

Avvalroq Kursiv Uzbekistan xorijga ishlash uchun ketmoqchi bo‘lgan O‘zbekiston fuqarolariga 10 million so‘m miqdorida mikrokreditlar berilishi haqida yozgan edi.

Kia Motors kompaniyasining Hindistondagi shuba korxonasi 2024-yilda O‘zbekiston, Ekvador va Vyetnam bozorlariga kichik qismlardan yig‘ilgan (CKD) avtomobil to‘plamlarini yetkazib berish hajmi 38 ming donadan oshishini taxmin qilmoqda.

Kia India 2020-yilning iyun oyidan boshlab Anantapur zavodidan eksportga 100 mingdan ortiq CKD komplektini ishlab chiqardi.

Ushbu yutuq tufayli Kia India butun dunyo bo‘ylab Kia Motors Corporationning global eksport strategiyasida muhim o‘rin egalladi. Kompaniyaning umumiy eksportida kichik qismlardan yig‘iladigan avtomobillarning 50 foizini tashkil etadi.

Hindistonning Kia kompaniyasi asosan mahalliy ishlab chiqarishga asoslangan Seltos, Sonet va Carens modellarini eksport qiladi.

Kia korporatsiyasi Hindistonda ishlab chiqarilgan CKD’larni Yaqin Sharq va Afrika kabi yangi bozorlarga...

Bitkoin kursi $93 mingdan pasaydi hamda xaridorlar kutilmaganda bitkoin sotib olishga bo‘lgan qiziqishlarini kamaytirdi.

FalconX brokerlik kompaniyasi analitiklari o‘z fikrlarini likvidlikni o‘rganish asosida bildirgan, ya’ni ushbu jarayon turli savdo platformalarida bitkoinni sotib olish va sotish bo‘yicha talab va takliflar soni va miqdorini solishtirishni o‘z ichiga oladi.

«Bitkoin $100 mingga yaqinlashar ekan, likvidlikning og‘ishishi 2022-yildan beri uch marta kuzatilgan darajaga yaqinlashdi. Garchi bu o‘rta muddatli ralliga tahdid solmasa ham, biroq $100 minglik darajani yengish bo‘yicha kurashning qiyin bo‘lishi mumkinligini ko‘rsatadi», – deb yozgan FalconX.

Ma’lumotlarga ko‘ra, mutaxassislar tomonidan so‘nggi kunlarda bitkoinning boshqa kriptovalyutalarga nisbatan dominatsiyasining...

Toshkent shahrining Yangihayot tumanidagi Yo‘ldosh (sobiq Sputnik) massivida yashash uchun yaroqsiz deb topilgan 409 ta ikki qavatli yog‘och uylar buziladi. Bu haqda Tashkent Invest xabar berdi.

Aholi uchun Gulshanobod mahallasida joylashgan Yangi mahalla turarjoy majmuasi barpo etiladi.

Loyihani «GC-Group Industries» MChJ 2024 – 2027-yillar davomida amalga oshiradi. 24 gektar maydonda 93 ta 16 qavatli zamonaviy uy qurilib, ularda jami 13,3 ta xonadon bo‘ladi. Majmua hududida 1600 o‘quvchilik maktab, 600 o‘rinli bolalar bog‘chasi, sun’iy ko‘l, shuningdek, maishiy xizmat ko‘rsatish zonalari va avtoturargohlar qurilishi rejalashtirilgan.

Hozirda aholi bilan shartnomalar tuzish ishlari davom etmoqda.

Avvalroq Kursiv Uzbekistan Yangihayot tumanida umumiy qiymati...

Donald Tramp prezidentlikning ilk kunidayoq Xitoy, Meksika va Kanadadan import qilinadigan mahsulotlarga yangi tariflar joriy etishini e’lon qildi. Bu haqda BBC axborot agentligi ma’lum qildi.

Ta’kidlanishicha, u bunday chora-tadbirlarni noqonuniy immigratsiya va AQShga narkotik moddalar, xususan, fentanil olib kirilishini to‘xtatish uchun qo‘llashini ma’lum qildi.

Trampning rejasiga ko‘ra, Meksika va Kanadaga 25 foizlik, Xitoyga esa 10 foizlik tariflar joriy qilinadi. Ushbu chora mamlakatlarning noqonuniy faoliyatlarga qarshi keskin choralar ko‘rmagunicha amal qiladi.

Bu qaror AQShning uch yirik savdo sherigi bilan munosabatlarni taranglashtirishi kutilmoqda. Ayniqsa, Meksika va Kanada eksportlarining katta qismi AQShga to‘g‘ri kelishi bois bu mamlakatlar iqtisodiyotiga sezilarli ta’sir qilishi mumkin.