Yangiliklar

Boeing oʻz xodimlarining 10 foizini yoki taxminan 17 ming kishini ishdan boʻshatishini eʼlon qildi. Tashkilot saytida kompaniya bosh direktori Kelli Ortbergning xabari joylashtirilgan.

Juma kuni kechqurun kutilmagan press-relizda kompaniya uning yoʻqotishlari kutilganidan ancha katta boʻlishini e’lon qildi. Boeing, shuningdek, yangi keng fyuzelyajli samolyotlarini yetkazib berish boshlanishini yana bir yilga (2025-yil oʻrniga 2026-yilgacha) kechiktirdi.

Boeing aksiyalari bu xabardan keyin 2 foizga arzonlashdi. Boshqa bir hisobotda aytilishicha, Boeing’ning uchinchi chorakdagi sof zarari har bir aksiya uchun 9,97 dollarni tashkil qilgan. Bu har bir aksiya uchun taxminan 1,19 dollar zarar kutgan tahlilchilarning prognozlaridan ancha yuqori, deya qayd etadi WSJ. Yil boshidan...

«Wildberries» kompaniyasi rahbari Tatyana Kim sobiq turmush oʻrtogʻi Vladislav Bakalchukni 37 milliard rubl miqdoridagi mablagʻni oʻgʻirlaganda aybladi. U o‘zining Telegram-kanalida videomurojaat e’lon qildi.

Kim video murojaatida Bakalchukni o‘tgan yili noto‘g‘ri harakatlari tufayli bir qator muammolar keltirib chiqarganini va uning jamoasi kompaniyani 37 milliard rublga aldab ketganini aytdi. Tatyana bu holat faqat Wildberries biznesini emas, balki kompaniya bilan hamkorlik qilayotganlarning ham ishini xavf ostiga qo‘yganini ta’kidladi.

«Vladislav bilan nima boʻlayotganini bilmayman. U aqlini yoʻqotgandek taassurot qoldirmoqda. Xodimlarimizga tinimsiz tahdidlar, xakerlik hujumlarini tashkil qilish, qurilayotgan omborlarimizga hujumlar, shikoyatlar va ayblovlarning cheksiz oqimi davom etmoqda», – dedi Kim.

Bunday murakkab vaziyatlarga...

Namangan viloyatida joylashgan «Ifoda Agro Kimyo Himoya» qo‘shma korxonasi loyihasining uchinchi bosqichi foydalanishga topshirildi. Ushbu bosqichda $2,3 millionlik loyiha doirasida granula organomineral o‘g‘itlar ishlab chiqarilishi yo‘lga qo‘yildi. Bu haqda Namangan viloyati hokimligi axborot xizmati xabar berdi.

Chust tumanida 3 gektar yer maydonida qurilish ishlari qisqa muddatda yakunlandi. Yiliga 115 ming tonna o‘g‘it ishlab chiqarish rejalashtirilgan bo‘lib, $7 millionlik mahsulot eksportga yo‘naltiriladi. Ushbu yo‘nalish tufayli 100 dan ortiq yangi ish o‘rinlari yaratildi. AQSH Xalqaro taraqqiyot agentligi (USAID) ham loyiha uchun $357 ming ajratdi.

Avvalroq Kursiv Uzbekistan USAID O‘zbekistondagi biznesni qo‘llab-quvvatlash uchun grantlar dasturini ishga tushirgani haqida yozgan edi.

O‘zbekiston dzyudo terma jamoasi Abu-Dabida o‘tayotgan «Katta dubulg‘a» turnirida o‘zining birinchi medalini qo‘lga kiritdi. -66 kg vazn toifasida ishtirok etgan Muhriddin Tilovov bronza medaliga ega chiqdi. Bu haqda Milliy olimpiya qo‘mitasi xabar berdi.

Yarim finalgacha yetib kelgan sportchi final ostonasida neytral sportchi Murad Chopanovga imkoniyatni boy berdi. Uchinchi o‘rin uchun kurashda esa yaponiyalik Takeshi Takeokani mag‘lub etib, sovrindorlar qatoriga qo‘shildi.

Avvalroq Kursiv Uzbekistan Samarqandda o’tayotgan Osiyo chempionatida O‘zbekiston eshkak eshuvchisi Malika Tagmatova birinchi medalni qo‘lga kiritgani haqida xabar bergan edi.

2023-yilning sentabr oyida Toshkentning Sergeli tumanidagi «Quruvchilar» dahasida sodir bo‘lgan kuchli portlash oqibatida aybdor deb topilgan shaxslar ustidan sud hukmi o‘qildi. Bu haqda Daryo.uz xabar bermoqda.

Portlash oqibatida bir o‘smir halok bo‘lib, 163 kishi jarohatlangan edi. Mazkur ish bo‘yicha 4 nafar aybdor har biri 5 yil muddatga qamaldi. «Inter Logistics» va «Polychem» kompaniyalari jabrlanganlarga 282 milliard so‘m miqdorida tovon to‘lashi belgilandi.

Ushbu hodisa omborxonada yong‘in xavfsizligi qoidalarining buzilishi tufayli sodir bo‘lgani aniqlangan.

Avvalroq Kursiv Uzbekistan Toshkentning Sergeli tumanidagi yong‘in oqibatlari haqida batafsil yozgan edi.

Samarqandda oʻtayotgan Osiyo chempionatida Oʻzbekiston eshkak eshuvchi Malika Tagmatova birinchi medalni qoʻlga kiritdi. Bu haqda MOQ xabar berdi.

Yengil vazn toifasida yakkalik dasturida (LW1x) qatnashgan Tagmatova finalida 8:17.538 daqiqa natija bilan ikkinchi oʻrinni egallab, kumush medal sohibasi boʻldi.

Avvalroq Kursiv Uzbekistan 10-oktabr kuni Oʻzbekiston va Eron oʻrtasidagi futbol uchrashuvi haqida yozgan edi, unda jamoalar durang oʻynadi. Chiptalarga bo‘lgan yuqori talab tufayli Toshkentda xavfsizlik choralari kuchaytirilgan.

Poytaxtda jamoat transportini modernizatsiya qilish doirasida yangi avtobus bekatlari oʻrnatiladi. Bu haqda Toshkent shahar hokimligi matbuot xizmati xabar berdi.

Bekatlar multimedia ekranlari, Wi-Fi, USB portlari, kuzatuv kameralar va shoshilinch chaqiruv tugmalari (112) bilan jihozlangan.

Avvalroq, Kursiv Uzbekistan Namanganda 10-oktabrdan boshlab Xitoyning Yutong kompaniyasining 26 ta avtobusi harakatlana boshlagani haqida yozgan edi.

Statistika agentligining so‘nggi ma’lumotlariga ko‘ra, O‘zbekistonda ijara xizmatlariga bo‘lgan talab ortib bormoqda. Ayniqsa, Sirdaryo viloyatida bu o‘sish juda sezilarli.

2024-yilning yanvar – avgust oylarida ijara xizmatlari respublika bo‘yicha 5,8 trln so‘mni tashkil etgan. O‘tgan yilning mos davriga nisbatan bu ko‘rsatkich 4,9 % ga o‘sgan. Viloyatlar kesimida Sirdaryo yetakchi bo‘lib, o‘sish 18,7 % ni tashkil etdi. Ikkinchi o‘rinni Samarqand viloyati egalladi (+10,5 %), uchinchi o‘rinda esa Farg‘ona viloyati joylashdi (+6,6 %).

Avvalroq Kursiv Uzbekistan turarjoy uchun talaba bilan tuzilgan ijara shartnomalari 21 mingga ortgani haqida yozgan edi.

11-oktabr kuni Toshkentda O‘zbekistondagi beshta partiya o‘rtasida saylovoldi debatlar bo‘lib o‘tdi. Muhokama mavzusi – mamlakat iqtisodiyotini rivojlantirish masalalari. «Kursiv Uzbekistan» siyosiy partiyalar vakillarining eng qiziqarli bayonotlarini to‘pladi.

Unga ko‘ra, debatda O‘zbekiston Xalq demokratik partiyasidan Anvarxon Temirov, O‘zLiDePdan Abdullo Aslonov, «Ekopartiya»dan Mohira Xo‘jaeva, «Adolat»dan Bekzod To‘xtamurodov, «Milliy tiklanish» demokratik partiyasidan Nodir Tilavoldiyev ishtirok etdi.

Bahs chog‘ida O‘zXDP vakili davlat xaridlari va jamoatchilik nazorati shaffofligini ta’minlash tarafdori bo‘ldi.

Shuningdek, partiya imkoniyati cheklangan O‘zbekiston fuqarolarini ijtimoiy uy-joy bilan ta’minlamoqchiligini aytdi.

«Adolat» partiyasidan Bekzod Toʻxtamurodovning aytishicha, partiyaning maqsadi barqaror iqtisodiyotni ta’minlash, adolatli budjet va yashil iqtisodiyotni shakllantirish.

«Bizning, jamiyatning, mamlakatning...

Shavkat Mirziyoyev shoir Maxtumquli tavalludining 300 yilligiga bag‘ishlangan forumda Turkmaniston Xalq maslahati raisi Gurbanguli Berdimuhamedov bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Berdimuhamedov bilan muzokaralar chog‘ida unga Maxtumqulining tanlangan asarlari to‘plamini sovg‘a qildi.

Ikki davlat vakillari O‘zbekiston va Turkmaniston oʻrtasidagi siyosiy, iqtisodiy va madaniy hamkorlikni chuqurlashtirish masalalarini muhokama qildi.

Tomonlar o‘zaro tovar ayirboshlash hajmi oshgani, qo‘shma investitsiya loyihalari yo‘lga qo‘yilgani va O‘zbekiston Respublikasining Xorazm viloyati va Turkmanistonning Toshhovuz viloyati chegarasida savdo zonasi barpo etilayotganini qayd etdilar.

2024-yilning yanvar – avgust oylari yakunlariga ko‘ra, mamlakatlar o‘rtasidagi tovar ayirboshlash hajmi $805 mlnga yetdi, Turkmaniston O‘zbekistonning...

Ashxobod shahridagi xalqaro forum doirasida prezident Shavkat Mirziyoyev Eron Islom Respublikasi prezidenti Mas’ud Pezeshkiyon bilan uchrashuv o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda O‘zbekiston bilan Eron o‘rtasidagi ko‘p qirrali munosabatlar muhokama qilindi.

Shuningdek, unda turli darajalardagi faol aloqalar va samarali almashinuvlar davom etayotgani mamnuniyat bilan qayd etildi.

Ikki davlat rahbarlari kooperatsiya loyihalarini qo‘llab-quvvatlash va tezkor amalga oshirish, Imtiyozli savdo bitimi doirasidagi mahsulotlar ro‘yxatini kengaytirishning ahamiyatini ta’kidladilar.

Eslatib o‘tamiz, avvalroq prezident Maxtumquli Firog‘iy ijodi jahon adabiyotida ham alohida o‘ringa egaligi haqida so‘zlagan edi.

Xitoylik aktyor Jeki Chan ijtimoiy tarmoqda tarqalgan surati muxlislari orasida qizg‘in muhokamalarga sabab bo‘ldi. Bu haqda The Sun nashri ma’lum qildi.

«Bolalikdagi film qahramonlarini qanday qariganini ko‘rish hayratlanarli», deb yozadi aktyorning ijtimoiy tarmoqlardagi muxlislaridan biri.

Ko‘plab ijtimoiy tarmoq foydalanuvchilari Jeki Chan 70 yoshida ham ancha yaxshi ko‘rinishda ekanligini ta’kidladi.

Eslatib o‘tamiz, Jeki Chan 1954-yil 7-aprelda Gonkongda tug‘ilgan va 150 dan ortiq filmlarda, jumladan, «Mast usta» va «Shoshilinch fursat» kabi turli filmlarda suratga tushgan.

Avvalroq Kursiv Uzbekistan nashri Xitoyda pora olgan mansabdor o‘lim jazosiga hukm qilingani haqida yozgan edi.

Namanganda 10-oktabrdan Xitoyning «Yutong» ishlab chiqaruvchi kompaniyasining 26 ta avtobusi harakatlana boshladi. Bu haqda Transport vazirligi matbuot xizmati ma’lum qildi.

Unga ko‘ra, avtobuslar «Otchopar – Taxtakoʻprik» va «Yuksalish – Chorsu» yoʻnalishlarida harakatlanadi.

Boshqarma bu tashabbuslarni prezident Shavkat Mirziyoyevning jamoat transportini isloh qilish to‘g‘risidagi farmoniga muvofiq amalga oshirilayotganini alohida ta’kidladi.

Avvalroq Kursiv Uzbekistan Toshkentdan bir qancha viloyatlarga yangi avtobus qatnovi yoʻlga qoʻyilishi haqida yozgan edi.

Eron rasmiylari Saudiya Arabistoniga mamlakatning neft inshootlariga zarba berish bilan tahdid qildi. Bu haqda Reuters manbalariga tayanib xabar bermoqda.

Ar-Riyod Eronga hujum qilishda Isroilni qoʻllab-quvvatlasa, Tehron bu qadamni tashlaydi, shuningdek, Qirollikka Eronning Yaman yoki Iroqdagi ittifoqchilari ham hujum qilishi mumkin.

Prinston universitetining Yaqin Sharq tadqiqotlari kafedrasi professori Bernard Xaykel ikki davlatning hududiy yaqinligi tufayli Ar-Riyod Erondan kelayotgan hujumlarga nisbatan zaif ekanini qoʻshimcha qildi.

Isroilga Fors koʻrfazi davlatlari Eronga hujum qilish uchun havo hududidan foydalanishga ruxsat bermaydi. Bu haqda mintaqa davlatlari ham AQSh rasmiylarini xabardor qilgan.

Agar Isroil hukumati Eron neft obyektlariga hujum qilishga qaror qilsa, bu Eron neftining asosiy...

«Navoiy kon-metallurgiya kombinati» (NKMK) aksiyadorlik jamiyati $1 milliard miqdoridagi oʻzining birinchi xalqaro yevroobligatsiyalarini chiqardi. Bu haqda Kursiv Uzbekistan muxbiri xabar bermoqda.

Ma’lum qilinishicha, emissiya har biri to‘rt va yetti yillik toʻlov muddati bilan $500 millionlik ikki transhni oʻz ichiga oladi. Qimmatli qogʻozlarning daromadi toʻrt yillik transh uchun yillik 6,7 foiz va yetti yillik uchun 6,95 foizni tashkil qiladi.

Bu Oʻzbekiston emitentlari oʻrtasida 2019-yildan buyon eng yirik bitim hisoblanadi. Shuningdek, 2020-yil iyul oyidan buyon MDHdagi eng yirik emissiyalaridan biridir.

NKMK oʻz tarixidagi birinchi kredit reytingini S&P Global Platts tomonidan «BB+“ va Fitchʼdan “BB» darajasida olgan.

Eslatib oʻtamiz, NKMK bir necha yillardan...

Prezident Shavkat Mirziyoyevning shoir va mutafakkir Maxtumquli Firog‘iy tavalludining 300 yilligiga bag‘ishlangan xalqaro forumda nutq so‘zladi. Bu haqda davlat rahbari matbuot xizmati xabar berdi.

«Turkman xalqining benazir farzandi, durdona asarlari bilan insoniyat tafakkurini boyitgan Maxtumquli Firog‘iy ijodi nafaqat Sharq, balki jahon adabiyotida alohida o‘ringa egadir», – dedi Shavkat Mirziyoyev.

Davlat rahbarining ta’kidlashicha, Maxtumquli Xivadagi Sherg‘ozixon madrasasida tahsil olgan. Ushbu ilm dargohida dunyoviy va diniy ilmlarni chuqur o‘rgangan.

«Ayni vaqtda u buyuk o‘zbek shoiri Alisher Navoiy ijodini yuksak qadrlagani ham mushtarak tariximiz sahifalari orqali yaxshi ma’lum», – dedi prezident.

Prezidentning...

11-oktabr kuni O‘zbekiston Respublika valyuta birjasida dollarning rasmiy narxi 11,84 so‘mga o‘sdi va 12 780,14 so‘mni tashkil qildi.

Moliya institutlari dollarni 12 705 – 12 750 so‘mda xarid qilishmoqda va 12 770 – 12 830 so‘mdan sotishmoqda.

Eslatib o‘tamiz, 10-oktabr kuni AQSh valyutasi kursi deyarli 10 so‘mga pasaygan edi.

Air Samarkand aviakompaniyasi Samarqand va Toshkent oʻrtasida muntazam qatnovlarni amalga oshira boshladi. Bu haqda kompaniya matbuot xizmati Kursiv Uzbekistanʼga xabar berdi.

Parvozlar haftasiga ikki marta – juma va yakshanba kunlari amalga oshiriladi. Chiptalar narxi 76,5 ming soʻmdan boshlanadi.

Shuningdek, yangi reyslarda yoʻlovchilar Air Samarkand aviakompaniyasi bilan Toshkentdan Sharm ash-Shayx va Abu-Dabiga sayohatni davom ettirishi mumkin bo‘ladi.

Chiptalarni aviakompaniyasining rasmiy veb-saytidan, EasyBooking tarmoq agentliklarida va easybooking.uz veb-saytida, shuningdek, aviakassalardan xarid qilish mumkin.

Avvalroq Kursiv Uzbekistan Air Samarkand BAAga parvozlarni amalga oshira boshlagani haqida xabar bergan edi.

2024-yilgi tinchlik bo‘yicha Nobel mukofoti Yaponiyaning Xirosima va Nagasaki shahriga tashlangan atom bombalaridan jabrlanganlarni birlashtirgan Nixon Hidankyo tashkilotiga berildi.

Qayd etilishicha, mukofot yadro qurollaridan xoli dunyo yaratish uchun qilgan sa’y-harakatlari va boshqa ushbu quroldan hech qachon foydalanmaslik kerakligini isbotlagani uchun berilgan.

Ma’lumot uchun, sovrindor tashkilot Xirosima va Nagasaki atom bombalari jabrdiydalari tomonidan yaratilgan. Tashkilotning a’zolari ushbu hujumlardan jabrlanganlarni qo‘llab-quvvatlash uchun lobbichilik qiladi va yadroviy qurollarni bekor qilishga chaqirib keladi.

2023-yilda ushbu yo‘nalishda mukofot sovrindori ayollarga nisbatan zulmga qarshi kurashgan eronlik huquq himoyachisi Narges Muhammadiga berilgan edi.

Eslatib o‘tamiz, 14-oktabrda Alfred Nobel xotirasiga iqtisod bo‘yicha mukofot topshiriladi.

Avvalroq Kursiv Uzbekistan...

JPMorgan tahlilchilarining fikricha, Federal zaxira tizimi va boshqa mamlakatlar bilan hamkorlikning yoʻqligi Donald Tramp ma’muriyatining dollar kursini zaiflashtirish boʻyicha potensial urinishlariga toʻsqinlik qilishi mumkin. Bu haqda Bloomberg nashri xabar berdi.

Ma’lum qilinishicha, Tramp va uning hamkori Ogayo shtati senatori Jey Vens uchun dollarning mustahkamligi mavzusi eng muhim masala hisoblanadi. Trampning dollarni qadrsizlantirish istagi uning savdo siyosatiga zid boʻlishi mumkin, chunki import bojlari yuqori boʻlgan mamlakat valyutasi kuchayishi kutilmoqda.

Biroq bu Tramp ma’muriyati dollar kursini pasaytirish choralarini koʻrib chiqishi mumkinligini istisno etmaydi. JPMorgan iqtisodchisi Michael Feroli Trampning Xalqaro valyuta jamgʻarmasi kabi vositalariga ega ekanligini ta’kidladi. Biroq bunday harakatlarda Federal zaxira...

13-oktabr yakshanba kuni O‘zbekiston shimoliga sovuq havo massalari kirib keladi, deya xabar bermoqda «O‘zgidromet» direktori Sherzodxo‘ja Habibullayev.

13-oktabrdan 17-oktabrgacha kechasi havo harorati +3…+8° bo‘lishi kutilmoqda. Mamlakat shimolida – 0…+2° gacha. Respublikada oʻrtacha havo harorati kunduzi +13…+18° iliq boʻladi.

Bundan tashqari, 13-oktabrdan 15-oktabrgacha respublikada yomg‘ir yog‘ishi kutilmoqda. Respublikaning tog‘oldi va tog‘li hududlarida yog‘ingarchilik, baland tog‘li hududlarda qor yog‘ishi mumkin.

Avvalroq Kursiv Uzbekistan Toshkentda yomg‘ir yog‘ishi kutilayotgani haqida yozgan edi.

«Tesla» kompaniyasi Tesla CyberCab robotlashtirilgan taksini taqdim etdi. Bu haqda Reuters nashri xabar berdi.

Robotaksi taqdimoti Kaliforniyadagi Warner Bros kinostudiyasida o‘tkazildi. Robotaksining yo‘lovchisi «Tesla» bosh direktori Ilon Mask bo‘ldi. Maskning ta’kidlashicha, avtonom mashina 2027-yilgacha sotuvga chiqarilishi rejalashtirilmoqda. Mashinaning taxminiy narxi – $30 mingni tashkil etadi.

Bundan tashqari, Mask taqdimotda 20 kishigacha tashiy oladigan robofurgonni tanishtirdi, ammo u haqida batafsil ma’lumot bermadi.

«Avtonom tashishlar kelajagi allaqachon boshlandi», – dedi amerikalik milliarder taqdimotda.

Eslatib o‘tamiz, Mask 2025-yildan boshlab Tesla korxonalarida Optimus nomli odamga o‘xshash robotlar ishlashini aytgandi.

Shuningdek, Optimusning takomillashtirilgan modellariga yangi ko‘nikmalarni o‘rgatish imkoniyati mavjudligini...

Neft ketma-ket ikkinchi hafta ham geosiyosiy vaziyat tufayli o‘sishda davom etmoqda. Bu haqda WSJ va Reuters manbalari ma’lum qildi.

Unga ko‘ra, investorlar Isroilning Eronga javob zarbasini kutishmoqda. Agar Fors ko‘rfazi davlatlari Isroilga havo hududini ochsa, Eron urush bilan tahdid qilmoqda. Ar-Riyod va uning qo‘shnilari neft inshootlariga zarba berilishidan xavotirda.

Shuning uchun Fors ko‘rfazi mamlakatlari Isroilni Eronga javob qaytarishini oldini olishi uchun AQShni Isroilni to‘xtatishga undamoqda.

Fors ko‘rfazi davlatlari Vashingtonni Isroilning Eronning neft obyektlariga hujumini to‘xtatish uchun lobbichilik qilmoqda. Bunga sabab esa mojaro avjiga chiqsa, neft obyektlari Tehronning ishonchli vakillari tomonidan o‘qqa tutilishidan xavotiridir.

Saudiya Arabistoni, Birlashgan Arab Amirliklari...

Qozogʻiston Milliy banki bazaviy foiz stavkasini 14,25 foiz darajasida saqlab qolishga qaror qildi. Bu haqda mamlakat regulyatori xabar berdi.

Milliy bankning ta’kidlashicha, oylik inflyatsiya sentabr oyida 0,4 foizni tashkil etib, tarixiy oʻrtacha koʻrsatkichlardan yuqori boʻlishda davom etmoqda. Shu bilan birga, yillik inflyatsiya 8,3 foizgacha pasaydi. Regulyator mamlakatda inflyatsiyani pasaytirish sur’atlarining yetarli emasligini va inflyatsiya kutilmalari ortib borayotganini ta’kidladi.

Ushbu qaror regulyatorning bazaviy stavkani hech boʻlmaganda yil oxirigacha pasaytirmaslik haqidagi va’dalariga mos keladi.

Shuningdek, Milliy bank kelib tushayotgan ma’lumotlar va inflyatsiya tendensiyalarini kuzatib borishini e’lon qildi. Pul-kredit siyosati qoʻmitasi a’zolari 2026-yilga kelib bazaviy stavkani 10 foizgacha pasaytirish imkoniyatini bashorat qilmoqda.