Yangiliklar

Oʻzbekistonda sakkizta don korxonaning davlat ulushi 402,6 mlrd soʻmga sotildi, deb xabar qildi Davlat aktivlarini boshqarish agentligi (DABA).

Tegishli qaror Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi tomonidan qabul qilindi.

Sakkizta kompaniyaning eng qimmat loti 85 mlrd so‘mga sotilgan. «Toshkent don mahsulotlari» AJ aksiyalarining nazorat paketi (51 foizi) «Corn City» MChJ tomonidan sotib olindi. «Humo Agro Platinum» tashkiloti birdaniga uchta aksiyadorlik jamiyatini sotib oldi. «Juma elevatori»ning 63,8 foizlik davlat ulushi 41,5 mlrd so‘mga, «Oqtosh Don»da (57,4 foiz) 22,5 mlrd so‘mga, «Samarqand don mahsulotlari»ning 72,3 foizi esa 55 mlrd so‘mga sotildi.

Korxonalar asosiy faoliyatni kamida besh yil davom...

Bugun, 15-iyun kuni poytaxt va Farg‘ona vodiysidan tashqari har bir viloyatda kuchli shamol tufayli chang-to‘zon ko‘tarilishi ehtimoli bor. Kunduzi havo harorati 32-37 daraja issiq bo‘ladi, deb xabar bermoqda «Oʻzgidromet».

Toshkent shahrida havo o‘zgaruvchan bo‘ladi, yog‘ingarchilik kutilmaydi. Kunduzi havo harorati 34-36 issiq va kechasi 19-21 daraja iliq bo‘ladi.

Respublikaning tog‘li hududlarida havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi havo 22-27 daraja iliq va kechasi 13-18 daraja iliq bo‘ladi.

15-iyun kuni Germaniya mezbonligida «Yevro – 2024» o‘yinlariga start beriladi. Ochilish o‘yinida Germaniya terma jamoasi Shotlandiya vakillariga qarshi maydonga tushadi.

Uchrashuv 15-iyun kuni soat 00:00 da «Alyans Arena» stadionida bo‘lib o‘tadi.

«A» guruhidan joy olgan Vengriya – Shveytsariya bahsi ertaga soat 18:00 da boshlanadi. «B» guruhining birinchi turida Ispaniya jamoasi Xorvatiyaga qarshi to‘p suradi.

Ma’lumot uchun, «Yevro – 2024» musobaqasida oltita guruh yig‘ilgan, har bir guruhda to‘rtadan jamoa shakllangan. Har bir terma jamoa o‘z guruhida uchta o‘yin o‘tkazadi va eng ko‘p ochko to‘plagan ikki jamoa pley-off bosqichiga yo‘l oladi.

Eslatib o‘tamiz, o‘tgan «Yevro – 2020» o‘yinlarida Italiya terma...

6-iyun kuni Toshkent shahrida start olgan sovrin jamg‘armasi $166 mingni tashkil qiluvchi «UzChess Cup – 2024» turniring «Masters» guruhida Nodirbek Yoqubboyev so‘nggi turda bahsni durang bilan yakunlab, g‘oliblikni qo‘lga kiritdi, deb xabar beradi «Uzchess» telegram kanali.

Nodirbek Abdusattorov bilan ochkolari teng bo‘lgan bo‘lsa ham, qo‘shimcha ko‘rsatkichlar bo‘yicha Yoqubboyev kuchliroq edi.

G‘olib $25 ming mukofot bilan taqdirlandi, ikkinchi o‘rinni egallagan Nodirbek Abdusattorov $20 ming va uchinchi o‘rinda Yu Yangyi $15 ming bilan taqdirlandi.

Turnir ishtirokchilari uch guruhga bo‘lingan edi. «Masters – Elo» reytingi 2700 dan yuqori bo‘lgan shaxmatchilar, «Challengers – Elo» reytingi 2600 va undan yuqori bo‘lgan shaxmatchilar va «Futures...

Muzokaralar yakunlari boʻyicha Oʻzbekiston prezidenti Shavkat Mirziyoyev va Janubiy Koreya prezidenti Yun Seok Yol maxsus strategik sheriklikni yanada chuqurlashtirish va har tomonlama kengaytirish toʻgʻrisidagi Qoʻshma bayonotni imzoladi.

Davlat tashrifi doirasida jami 17 ta hujjat, jumladan, Iqtisodiy taraqqiyot va hamkorlik jamgʻarmasi bilan kelishuv, Koreyaning Eksport-import banki hamda Hyundai Rotem bilan tezyurar elektr poyezdlarini xarid qilish va yetkazib berish boʻyicha shartnomalar qabul qilindi.

Koreya Eksport-import banki bilan umumta’lim maktablarida ilmiy va axborot-kommunikatsiya ta’limi uchun asbob-uskunalar bilan ta’minlash boʻyicha bitim, shuningdek, «Toshkent Farma Park» innovatsion farmatsevtika klasteri loyihasini amalga oshirish boʻyicha bitim imzolandi.

Shu bilan birga, tomonlar savdo, madaniyat va qishloq xoʻjaligi...

Oʻzbekiston va Janubiy Koreya OʻzRda mintaqaviy yuqori texnologiyali xab yaratish rejalarini belgilab oldi, deb xabar qildi OʻzR prezidenti Shavkat Mirziyoyev matbuot xizmati.

Bu tashabbus Mirziyoyev va Janubiy Koreya yetakchisi Yun Sok Yolning kengaytirilgan tarkibda o‘tkazilgan uchrashuvida ma’lum qilindi. Uning rivojlanishi uchun ikki davlat hukumatlari javobgardir.

Xabni yaratishning ustuvor yoʻnalishlari muhim mineral resurslarni qayta ishlash va yarim oʻtkazgichlar ishlab chiqarish boʻladi.

Ushbu loyiha doirasida tomonlar kimyo va avtomobilsozlik sanoatida hamkorlik qilishi mumkin. «Aqlli» qishloq xo‘jaligini yaratish rejalashtirilgan.

Seul va Toshkent infratuzilmani modernizatsiya qilish va zamonaviy energetikani rivojlantirish ustida ishlashmoqchi.

Yig‘ilishda bo‘lajak biznes-sammit uchun salkam $10 milliardlik loyihalar portfeli shakllantirilgani ham...

Yaponiya hukumati Oʻzbekiston, Xitoy va boshqa bir qancha mamlakatlar kompaniyalariga nisbatan yangi sanksiyalar joriy etish masalasini koʻrib chiqmoqda. Bu haqda «TASS» nashri Yaponiya Vazirlar Mahkamasi bosh kotibi Yosimasu Xayasiga tayanib xabar bermoqda.

Tokioga koʻra, ushbu mamlakatlar korxonalari Rossiya Federatsiyasiga mamlakatning Ukrainaga bostirib kirishi sababli joriy qilingan sanksiyalarni chetlab oʻtishda yordam bermoqda.

Ma’lumot uchun, oʻtgan yilning dekabr oyi oʻrtalarida Yaponiya Oʻzbekistonning ikki kompaniyasi – «GFK Logistic Asia» va «Alfa Beta Creative»ni qora roʻyxatga kiritgan edi. Shuningdek, Tokio Rossiya va Belarus kompaniyalariga nisbatan ham sanksiyalar joriy qilgan.

Avvalroq «Kursiv» joriy yil fevral oyi oxirida Yevropa Ittifoqi Oʻzbekiston bir kompaniyasini sanksiyalar roʻyxatiga...

14-iyun kuni O‘zbekiston Respublika valyuta birjasida dollarning o‘rtacha qiymati 12,22 so‘mga oshib, 12 627,02 so‘mga yetdi.

Bugun O‘zR banklari AQSh valyutasini 12 555 – 12 610 so‘mdan xarid qilishmoqda va 12 630 – 12 680 so‘mdan sotishmoqda.

Eslatib o‘tamiz, 13-iyun kuni dollar pasaygan edi.

2023-yil yakuniga koʻra Oʻzbekiston va Janubiy Koreya oʻrtasidagi tovar ayirboshlash hajmi $2,5 milliardga yetdi. Bu haqda Oʻzbekiston Respublikasi prezidenti Shavkat Mirziyoyev va Koreya Respublikasi prezidenti Yun Sok Yolning uchrashuvida ma’lum qilindi.

Ikki davlat rahbarlari uchrashuv chogʻida siyosiy, savdo-iqtisodiy, texnologik va boshqa ustuvor sohalarda amaliy hamkorlikni yanada kengaytirish masalalarini muhokama qilishdi.

Shuningdek, Madaniy-gumanitar almashinuv samarali rivojlanayotgani yuqori baholandi. Bugungi kunda Oʻzbekistonda Koreya yetakchi oliygohlarining 4 ta filiali muvaffaqiyatli faoliyat yuritmoqda. Oʻz navbatida, Janubiy Koreyada 11 mingdan ortiq oʻzbekistonlik talabalar ta’lim olayotgani ta’kidlandi.

Bundan tashqari, ikki davlat rahbarlari «Markaziy Osiyo – Koreya Respublikasi» formatidagi hamkorlik masalalari yuzasidan fikr almashildi.

Avvalroq «Kursiv...

O‘zbekiston Kinematografiya agentligi joriy yilning may oyida Kannda «Oltin palma yaprogʻi»ni olgan «Anora» filmi bilan bog‘liq vaziyatga izoh berdi.

«Kim bilsin, balki Oʻzbekistonimizning ulugʻvor bunyodkorlik ishlari, shijoat bilan ketayotgan islohotlari Uchinchi renessans poydevorini qurish yoʻlidagi jonbozliklari, oʻsha film ijodkorlarini yo hasad yoki gʻaraz tuygʻulari bilan oʻralgan boʻlsa ajab emas», deyiladi xabarda.

Anoraning rossiyalik oligarx bilan munosabatlari tasvirlangani ham tanqidga uchradi. Agentlik O‘zbekiston xalqi sha’niga dog‘ tushishiga yo‘l qo‘ymasliklarini ta’kidladi.

«Anora» komediya-drama filmi amerikalik rejissyor Shon Beyker tomonidan suratga olingan. Film asli o‘zbek striptizchi va Ivan ismli yosh rossiyalik milliarder haqida hikoya qiladi.

Filmdagi...

Indoneziyaning Oʻzbekistondagi Favqulodda va muxtor elchisi Sunario Kartadinata Toshkentda vafot etdi. Bu haqda elchixona matbuot xizmati xabar berdi.

Kartadinata 13-iyun kuni 74 yoshida vafot etdi. Elchixona uning oʻlimi sababiga aniqlik kiritmadi. U bir vaqtning oʻzida Indoneziyaning Qirgʻizistondagi elchi ham hisoblangan.

Ma’lumot uchun, Sunario Kartadinata 2019-yil yanvar oyida Indoneziyaning Oʻzbekistondagi elchisi etib tayinlangan edi.

Avvalroq «Kursiv» Andijon viloyatining sobiq hokimi Baxrom Haydarov qamoqxonada vafot etgani haqida xabar bergan edi.

Oʻzbekiston Davlat aktivlarini boshqarish agentligi (DABA) «Milliy banklararo protsessing markazi» AJ (HUMO) ustav kapitalidagi 100 foiz davlat ulushini xususiylashtirish boʻyicha konsalting kompaniyasini jalb etish yuzasidan tanlov e’lon qiladi. Bu haqda agentlik axborot xizmati xabar berdi.

Konsultantlar aktivning tarmoq hamda individual xususiyatlaridan kelib chiqqan holda sohadagi institutsional investorlarni aktivni sotib olishga boʻlgan qiziqishlarini oʻrganish asosida xususiylashtirish usuli va shartlarini ishlab chiqishlari lozim boʻladi

Barcha qiziqish bildirgan talabgorlardan Taklif taqdim etish uchun soʻrovnomaga (RfP) asosan tijorat takliflarini 2024-yil 26-iyun kuni soat 18:00ga (Toshkent vaqti bilan) qadar tender@davaktiv.uz elektron pochtasiga taqdim etish soʻraladi.

Eslatib oʻtamiz, 2024-yil 21-may kuni Istiqbolli loyihalar milliy...

Bayram va dam olish kunlari ayrim banklar tomonidan valyuta ayirboshlash va pul oʻtkazmalari shoxobchalari faoliyati yoʻlga qoʻyilmoqda. Bu haqda Markaziy bank axborot xizmati xabar berdi.

Qurbon hayiti munosabati bilan oʻzbekistonliklar toʻrt kun – 15-iyundan 18-iyungacha dam oladi. Shu kunlarda quyidagi banklar tomonidan valyuta ayirboshlash va pul oʻtkazmalari shoxobchalari faoliyat yuritadi:

Agro bank;

Asia Alliance bank;

Aloqa bank;

Anor bank;

Asaka bank;

BRB;

Garant bank;

Davr bank;

Infin bank;

Ipoteka bank;

Ipak Yoʻli banki;

Kapitalbank;

Milliy bank;

MKBank;

Oktobank;

Orient Finans bank;

Poytaxt...

Qonunchilik palatasi deputatlari tomonidan «Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida»gi Qonuniga oʻzgartirish va qoʻshimchalar kiritish haqidagi qonun loyihasi ishlab chiqildi. Bu haqda parlament quyi palatasi axborot xizmati xabar berdi.

Qayd etilishicha, bunga Oʻzbekiston suvereniteti va hududiy yaxlitligini muhofaza qilish boʻyicha qoʻshimcha chora-tadbirlar belgilash zarurati sabab boʻlgan.

Loyiha Qozogʻiston, Ozarbayjon, Rossiya Federatsiyasi, Polsha, Belarus, XXR kabi davlatlarning ilgʻor tajribasidan kelib chiqib, quyidagilarni nazarda tutuvchi oʻzgartirish va qoʻshimchalar kiritilmoqda:

Chet el fuqarolari va fuqaroligi boʻlmagan shaxslarni OʻzRda boʻlishi nomaqbul deb topish asoslari va tartibi belgilanmoqda.

Mazkur shaxslar tomonidan quyidagi mazmundagi ommaviy chiqishlar qilish yoxud harakatlar...

UzAuto Motors tomonidan Onix va Tracker avtomobillari uchun foizsiz muddatli toʻlov joriy etilmoqda. Bu haqda kompaniya axborot xizmati xabar berdi.

Chevrolet Onix avtomobili:

Dastlabki toʻlov – 50 foiz;

Oylik toʻlov – 3,7 mln soʻmdan;

Muddati – 24 oy.

Chevrolet Tracker:

Dastlabki toʻlov – 60 yoki 70 foiz;

Oylik toʻlov — 24 oyga 70 foiz badal bilan 2,7 mln soʻmdan, 60 foiz badal bilan esa 18 oyga 4,9 mln.

Ma’lumot uchun, mazkur taklif bugun, 14-iyundan boshlab amal qiladi.

Eslatib oʻtamiz, joriy yilning yanvar-aprel oylari Oʻzbekistonda qariyb 17,2 ming dona Tracker va 11,5 mingta Onix avtomobillari ishlab chiqarildi.

Avvalroq...

Oʻzbekiston hukumati Qiziloʻrda – Uchquduq temir yoʻl liniyasi loyihasini ustuvor yoʻnalish sifatida belgiladi, deb xabar qildi respublika Transport vazirligi.

Bu haqdagi qaror O‘zbekiston transport vazirining birinchi o‘rinbosari Mamanbiy Omarov va Xalqaro hamkorlik bo‘yicha Yevropa komissiyasi delegatsiyasi o‘rtasidagi uchrashuvda ma’lum qilindi. Tadbir Transkaspiy xalqaro transport yo‘lagi platformasi ishi doirasida o‘tkazildi.

Loyiha ustuvor ahamiyatga ega boʻldi, chunki u savdo aloqalarini rivojlantirish orqali ham Oʻzbekiston, ham Qozogʻistonga katta iqtisodiy foyda keltirishi mumkin.

Mamlakatlarning tegishli idoralari tomonidan mazkur temir yo‘l liniyasi loyihasining texnik-iqtisodiy asoslarini moliyalashtirish uchun Yevropa tiklanish va taraqqiyot bankiga, shuningdek, Yevropa investitsiya bankiga arizalar topshirildi.

Avvalroq «Kursiv» Xitoydan O‘zbekistonga temir yo‘l...

Koreya Respublikasi prezidenti Yun Sok Yol O‘zbekistonga tashrifining birinchi kunida «U-ENTER» innovatsion tadbirkorlik markazi faoliyati bilan tanishdi va «Yangi O‘zbekiston» bog‘ini kezib chiqdi, dedi Oʻzbekiston Bosh vaziri matbuot kotibi Bekzod Hidoyatov.

Safarda Janubiy Koreya davlati rahbariga O‘zbekiston Bosh vaziri Abdulla Aripov hamrohlik qildi.

Mamlakatlar vakillari Koreya Respublikasi Xalqaro hamkorlik agentligi ko‘magida tashkil etilgan U-ENTER markaziga tashrif buyurishdi. Mazkur tuzilma o‘zbekistonlik yosh tadbirkorlarga yordam berish uchun mo‘ljallangan.

Tashrif davomida Yun Sok Yol mahalliy biznes doiralar vakillari bilan suhbatlashdi.

Bundan tashqari, Janubiy Koreya rahbari rafiqasi bilan «Yangi O‘zbekiston» bog‘iga tashrif buyurib, Mustaqillik monumenti poyiga gul qo‘ydi.

Avvalroq «Kursiv» Yun Sok Yolni...

Oʻzbekistonning «Qanot Sharq» aviakompaniyasi Qarshi – Istanbul – Qarshi yoʻnalishi boʻyicha qatnovlarni yoʻlga qoʻydi. Bu haqda kompaniya axborot xizmati xabar berdi.

Qayd etilishicha, Qanot Sharq samolyotlari haftada bir kun — payshanba kunlari shaharlar oʻrtasida parvozni amalga oshiradi.

Kompaniya 13-iyun kuni birinchi parvozini amalga oshirdi. Shu munosabat bilan Qarshi shahrida yoʻlovchilarni kutib olish marosimi tashkil etildi.

Ma’lumot uchun, kompaniya 1998-yilda tashkil qilingan.

Avvalroq «Kursiv» Qanot Sharq Namangandan Istanbulga parvozlarni yoʻlga qoʻygani haqida xabar bergan edi.

Bugun, 14-iyun kuni poytaxt va Farg‘ona vodiysidan farqli o‘laroq har bir viloyatda kuchli shamol tufayli chang-to‘zon ko‘tarilishi ehtimoli bor. Kunduzi havo harorati 32-37 daraja issiq bo‘ladi, deb xabar bermoqda «Oʻzgidromet».

Toshkent shahrida havo o‘zgaruvchan bo‘ladi, yog‘ingarchilik kutilmaydi. Kunduzi havo harorati 32-34 issiq va kechasi 18-20 daraja iliq bo‘ladi.

Respublikaning tog‘li hududlarida havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi havo 19-24 daraja iliq va kechasi 10-15 daraja iliq bo‘ladi.  

«Freedom Finance Global» ma’lumotlariga ko‘ra, yaqin 12 oy ichida dollar kursi oshishiga ishongan fuqarolar ulushi 71,4 foizdan 63,4 foizga kamaydi. Bu 2023-yil noyabridan beri eng past ko‘rsatkichdir.

Keyingi oyda so‘mning zaiflashishini kutayotganlar ulushi 53,5 foizdan 43,5 foizga qisqardi.

Shu bilan birga, may oyida so‘m dollarga nisbatan atigi 0,1 foizga mustahkamlandi.

Iste’molchilar ishonchi, Markaziy Osiyo aholisining inflyatsiya va devalvatsiyasi bo‘yicha may oyidagi so‘rov natijalari haqida «Kursiv» maqolasida o‘qing.

May oyida oʻz xizmatlarini eksport qiluvchi 42 ta kompaniya IT-Park rezidenti maqomini oldi, deb xabar qildi texnoklaster matbuot xizmati.

Ularning deyarli yarmi AQSh, Janubiy Koreya va boshqa mamlakatlar investorlari ishtirokida yaratilgan. Shu bilan birga, eksport qiluvchi rezidentlarning umumiy soni 727 nafarga yetdi.

Janubi-Sharqiy Osiyo va Yaqin Sharq kompaniyalari O‘zbekiston IT-sohasiga alohida qiziqish bildirmoqda. Texnologik klasterning prognozlariga ko‘ra, joriy yil oxiriga qadar yangi rezident-eksportchilar xorijda jami $28,7 millionlik xizmatlar ko‘rsatishi mumkin.

Eslatib oʻtamiz, joriy yilning yanvar-aprel oylarida Oʻzbekiston tomonidan IT-xizmatlari eksporti yillik oʻsish 20 foizni tashkil etib, $200 millionga yetgan.

Avvalroq «Kursiv» O‘zbekiston rasmiylari IT-xizmatlari eksportini $5 milliardgacha oshirishni...

Jahon banki energetika sohasini isloh qilish uchun Oʻzbekistonga $7,5 million miqdoridagi birinchi grant mablag‘lari ajratildi. Bu haqda Iqtisodiyot va moliya vazirligi matbuot xizmati xabar bermoqda.

Grant «Oʻzenergosotish» kompaniyasini qoʻllab-quvvatlash va muhtoj Oʻzbekiston fuqarolarining uylariga quyosh panellarini oʻrnatishga yoʻnaltiriladi.

Mablagʻ issiqxona gazlari emissiyasini (iCRAFT) kamaytirishga qaratilgan loyihalar uchun ajratilgan.

Eslatib oʻtamiz, mamlakatimiz issiqxona gazlari chiqindilarini oʻlchashni rejalashtirmoqda.

Ma’lumot uchun, iCRAFT loyihasi Oʻzbekistonda Jahon banki ishtirokida amalga oshirilayotgan energetika sohasidagi islohotlarni qoʻllab-quvvatlash boʻyicha dunyodagi birinchi global tashabbus hisoblanadi. Islohotlar natijasida issiqxona gazlari emissiyalarini kamaytirishga va ularning bir qismini xalqaro bozorlarda savdosini yoʻlga qoʻyishga qaratilgan.

Avvalroq «Kursiv» 2023-yilda Osiyo taraqqiyot...

Davlat aktivlarini boshqarish agentligi (DABA) «Avtooyna» va «Uz-Koram Kompani» kompaniyalarining 100 foizlik aksiyalarini xususiylashtirish bo‘yicha konsultantlar tanlovini e’lon qildi. Bu haqda agentlik portalida xabar e’lon qilindi.

DABA ta’kidlaganidek, konsultantlardan arizalar 27-iyungacha qabul qilinadi.

«Avtooyna» korxonasi avtomobillar uchun oyna, «Uz-Koram Kompani» esa avtomobil bamperlarini ishlab chiqaradi.

Avvalroq «Kursiv» «Yulreftrans» davlat ulushi joriy yilning iyul oyi o‘rtalarida kimoshdi savdosiga qo‘yilishi haqida yozgan edi. 11,2 mingga yaqin aksiyalarni sotish rejalashtirilgan.

Baxtiyor Xaydarov va Sanjar Tadjiyev Toshkent shahri hokimiga oʻrinbosarlar etib tayinlandi. Bu haqda poytaxt hokimligi axborot xizmati xabar berdi.

Xaydarov Baxtiyor Xalimovich Toshkent shahar hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari lavozimiga tayinlandi. U 1989-yilda Buxoro shahrida tugʻilgan. 2010-yilda Toshkent moliya institutini bakalavriat, 2012-yilda magistratura yoʻnalishlarida tamomlagan.

Bunga qadar OʻzR prezidenti Administratsiyasi Ijtimoiy sohada muhim tashabbuslarni ishlab chiqish boshqarmasi boshligʻi lavozimida ishlagan.

Tadjiyev Sanjar Shuhratovich Toshkent shahar hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari lavozimiga tayinlandi.

Sanjar Tadjiyev 1981-yilda Toshkent shahrida tugʻilgan. 2003-yilda Toshkent davlat sharqshunoslik institutini bakalavriat, 2006-yilda magistratura yoʻnalishlarida tamomlagan.

Bunga...