Yangiliklar

Telegram messenjeri asoschisi Pavel Durovga qarshi Fransiyada qoʻzgʻatilgan ish kamida bir yil yoki undan ham koʻproq vaqt ichida sudga topshiriladi. Bu haqda Fransiya prokuraturasi vakili Wired nashriga ma’lum qildi.

Uning soʻzlariga koʻra, qandaydir kelishuv bitimini muhokama qilishga hali erta. Durovni hibsga olish toʻgʻrisidagi order uning jamoasi Telegram orqali jinoyatlarga oid ma’lumot soʻrovlariga javob bermagani sababli turli departamentlardagi tergovlar toʻxtab qolganidan soʻng chiqarilgan. Huquq-tartibot idoralari xodimlarining fikricha, Durovning sukut saqlashi jinoyatga sheriklik bilan teng boʻlgan.

Telegramʼning tashqi va hukumatlar bilan aloqalarni boshqargan Yuliya Konlining ta’kidlashicha, u Durovga platformada sodir boʻlgan barcha voqealar uchun javobgarlikni yuklashni «aqlsiz» deb hisoblaydi.

2024-yil davomida Andijon viloyatida avtomobillarga yoqilg‘i quyish shoxobchalari tomonidan iste’molchilarga taqim etilayotgan benzin mahsulotlari sifatini o‘rganishlar olib borildi. Bu haqda Raqomat qo‘mitasi ma’lum qildi.

Tekshiruvlar natijasida «Faykon» MChJ, «Markaziy Gaz Oil» MChJ, «Azizbek Barchinoy» MChJ, «Sanjar» MChJ, «Qalqon Invest Star» MChJ, «Baraka 2000» MChJ, «Ziyo Agro Kimyo Mineral» MChJ, «Abdusattor Sifat Oil» MChJ, «Madina Baraka Xamkor» MChJ, «Andijon Neft Bazasi» MChJ, «Fayz Baraka Hamkori» MChJ, «Eco Petrol Max» MChJ, «Mustaqillik 2001» MChJ, «Elit Tranzit Oil» MChJ, «Boburshox Plyus Oil» MChJ, «Brava Oil Ko» MChJ, «Moxinur Oil» XK va «Maks Petrol Agro» MChJ tomonidan sifatsiz benzin sotilganligi aniqlanib, jami...

Oʻzbekiston Afgʻonistondan koʻmir sotib olishi haqida kelishuvga erishdi. Bu haqda Tasnim agentligi xabar berdi.

Ma’lum qilinishicha, Oʻzbekiston delegatsiyasi Kobulda «Tolibon»ning Sanoat va savdo vazirligi vakillari bilan uchrashuv oʻtkazgan. Muzokaralar chogʻida Oʻzbekiston tomoni afgʻon koʻmirini import qilishga tayyorligini bildirgan. Natijada ikki davlatning xususiy kompaniyalari umumiy qiymati $4,5 million boʻlgan savdo shartnomalarini imzoladi.

Shuningdek, uchrashuvda savdo imtiyozlari, Afgʻonistonning Samangan viloyatida sement zavodi qurish va qoʻshma koʻrgazmalar tashkil etish masalalari ham muhokama qilingan.

Avvalroq Kursiv Uzbekistan Qirgʻiziston Oʻzbekistonga koʻmir eksportidan tushgan daromadni qariyb 38 foizga oshirgani haqida xabar bergan edi.

Foto: fotoslaz / www.depositphotos.com

Markaziy bank O‘zbekiston ko‘chmas mulk bozori bo‘yicha 2024-yilgi tahlilini e’lon qildi. Hisob-kitoblarga ko‘ra, poytaxtda bir sotix yer narxi dekabr oyida o‘rtacha 352 million so‘mni tashkil qilgan. Bu ko‘rsatkich o‘tgan yilgiga qaraganda 10 million so‘mga pastlagan. Toshkent shahri respublika bo‘ylab eng qimmat yer narxiga ega bo‘lib qolmoqda.

Shuningdek, Toshkent shahrida so‘nggi uch yil davomida yer narxlarining dinamikasi quyidagicha bo‘ldi:

Hududlar kesimida solishtirganda, Toshkent viloyatida bir sotix yer narxi 100 million so‘m atrofida bo‘lgani qayd etildi. Ya’ni poytaxtdagi yer...

AnTuTu joriy yilning yanvar oyi uchun dunyodagi eng kuchli smartfonlar reytingini e’lon qildi. Ro‘yxatning birinchi pog‘onasini MediaTek Dimensity 9400 protsessoriga ega bo‘lgan Vivo X200 Pro egalladi. Shu tariqa bu model Qualcomm ustunligini buzgan yagona smartfon bo‘ldi. Ikkinchi o‘rinni Snapdragon 8 Elite bilan jihozlangan OnePlus Ace5 Pro, uchinchi pog‘onani esa Red Magic 10 Pro+ egalladi.

Diqqatga sazovor jihati shundaki, eng kuchli 10 ta smartfon orasida faqat bitta o‘yin modeli – Red Magic 10 Pro+ mavjud, qolganlari oddiy flagmanlar bo‘lib, ular Snapdragon 8 Elite yoki Dimensity 9400 protsessorlarida ishlaydi. Shunday qilib, kuchli o‘nlik besh Mediatek va besh Qualcomm chipiga asoslangan modellardan...

2024-yilda O‘zbekiston 24,1 mingta elektromobil import qildi. Bu haqda Statistika agentligi matbuot xizmati ma’lum qildi.

Unga ko‘ra, ushbu avtomobillar uchun sarflangan mablag‘ $224,8 mln.ni tashkil etdi.

O‘zbekiston elektromobil importining asosiy qismi Xitoydan keltirilgan bo‘lib, u yerda 23,98 mingta mashina xarid qilingan. Shuningdek, Qozog‘iston (51 ta), Gonkong (17 ta), Germaniya (15 ta), BAA (13 ta) va AQSh (10 ta) ham yetkazib beruvchilar qatoridan joy olgan.

Eslatib o‘tamiz, avvalroq BYD va Tesla raqobati tobora kuchayib borayotgani haqida yozgan edik.

Oʻzbekistonlik professional bokschi Bahodir Jalolov bugun, 6-fevral kuni Kanadaning Monreal shahrida fransiyalik Devid Spilmontga qarshi jang qilishi kerak edi. Ammo shifokorlar unga ringga chiqishga ruxsat bermadi.

Jalolovning aytishicha, oddiy sabab tufayli jang bekor qilingan. «Raqib ham, men ham jang qilishga tayyor edik, lekin komissiya ruxsat bermadi. Menda bu holat yoshlikdan bor. Har safar boshqa davlatga uchsam yoki havo oʻzgarsa, shunday boʻladi», – dedi bokschi oʻzining Instagram sahifasida.

Ma’lumot uchun, Jalolov hozirgi kunga qadar professional faoliyatida 14 ta jang oʻtkazgan va barchasini nokaut bilan yakunlagan. Oxirgi jangida 2023-yilda, Toshkentda Janubiy afrikalik Kris Tompsonni birinchi raunddayoq magʻlub...

Tolibon Kobulda joylashgan yagona ayollar radiosi – Radio Begum faoliyatini to‘xtatdi. Bu haqda CNN axborot agentligi ma’lum qildi.

Ushbu radiostansiya ayollar ta’limi va jamiyatdagi o‘rnini mustahkamlashga qaratilgan edi.

Tolibon radioni «efir siyosatini buzish» va «chet el kanaliga ruxsatsiz kontent taqdim etish» ayblovlari bilan yopdi. Radioga hujum chog‘ida xodimlarning kompyuterlari, hujjat va telefonlari musodara qilindi, ikki erkak xodim hibsga olindi.

«Chegara bilmas muxbirlar» tashkiloti bu qarorni qoralab, radio faoliyatini qayta tiklashga chaqirdi.

Eslatib o‘tamiz, avvalroq AQSh O‘zbekistondan Afg‘oniston harbiy havo kuchlarining yettita aviatexnikasini qaytarib olgan edi.

Navoiy kon-metallurgiya kombinati HMP-3 boyitish fabrikasida ikkita yangi BIOX qurilmasini ishga tushirdi. Bu haqda kompaniya o‘z LinkedIn sahifasida ma’lum qildi.

Ushbu qurilmalar ishlab chiqarish hajmini kengaytirish va oltin qazib olishni oshirishga qaratilgan.

Shuningdek, 12 ta yangi bioreaktor qo‘shilib, zavoddagi umumiy bioreaktorlar soni 60 taga yetdi. Oltin dore ishlab chiqarish quvvati 12% ga, sulfidli konsentrat ishlab chiqarish hajmi esa 25% ga oshdi. 25 ta yangi ish o‘rni yaratildi.

Ma’lumot uchun, HMP-3 kengaytirish loyihasi «Kokpatas va Daugiztau oltin konlarida rudani qazib olish (III bosqich)» dasturining bir qismidir. 2024-yilda quvvat yillik 9 mln tonnaga yetkazildi.

Eslatib o‘tamiz, avvalroq OKMK mahsulot ishlab chiqarishni...

O‘zbekiston bo‘ylab biroz bulutli ob-havo hukm suradi, yog‘ingarchilik esa kutilmaydi. Ayrim joylarda tuman tushishi mumkin, deya xabar qilmoqda «O‘zgidromet».

Unga ko‘ra, Toshkent shahrida havo biroz bulutli bo‘ladi. Shamol sharqdan 3-8 m/s tezlikda esadi. Harorat kechasi 1-3° iliq, kunduzi esa 12-14° iliq bo‘lishi kutilmoqda.

Qoraqalpog‘iston Respublikasi va Xorazm viloyatida havo biroz bulutli bo‘ladi, yog‘ingarchilik kuzatilmaydi. Shamol sharqdan 7-12 m/s tezlikda esadi. Harorat kechasi 0-5° sovuq, kunduzi esa 7-12° iliq bo‘ladi.

Buxoro va Navoiy viloyatlarida ham havo biroz bulutli bo‘lib, yog‘ingarchilik kutilmaydi. Shamol sharqdan 7-12 m/s tezlikda esadi. Harorat kechasi 2° sovuqdan 3° iliqqacha, kunduzi esa 14-19° iliq bo‘lishi prognoz qilinmoqda.

Filippin quyi palatasi vitse-prezident Sara Dutertega impichment e’lon qildi. Bu haqda Reuters axborot agentligi ma’lum qildi.

U davlat mablag‘larini noto‘g‘ri sarflash, noqonuniy boylik orttirish va prezident Ferdinand Markos Jr. hamda uning yaqinlariga tahdid qilishda ayblanmoqda.

Impichment qarori Senatga yuborilgan bo‘lib, agar u lavozimidan chetlatilsa, siyosiy faoliyatini davom ettirish imkoniyatidan mahrum bo‘ladi. Bu qaror Sara Duterte va prezident Markos o‘rtasidagi keskin siyosiy ziddiyatlar fonida yuzaga keldi.

Duterte barcha ayblovlarni rad etmoqda, uning tarafdorlari esa buni siyosiy o‘yin deb baholamoqda. Endi Senatda impichment jarayoni qachon boshlanishi noma’lum.

Eslatib o‘tamiz, avvalroq Janubiy Koreyada muvaqqat prezidentga impichment e’lon qilingan edi.

Shavkat Mirziyoyevning Malayziyaga rasmiy tashrifi yakunlandi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Kuala-Lumpurda u bosh vazir Anvar Ibrohim bilan samarali muzokaralar o‘tkazdi.

Tashrif natijasida ikki tomonlama hamkorlikni chuqurlashtirish to‘g‘risida qo‘shma bayonot imzolandi va muhim kelishuvlar qabul qilindi. Davlat rahbari biznes forumda qatnashib, «Petronas» kompaniyasi rahbari bilan uchrashdi.

Shuningdek, Shavkat Mirziyoyev Malayziya Islom san’ati muzeyiga tashrif buyurdi. Tashrif yakunida uni Kuala-Lumpur xalqaro aeroportida rasmiy shaxslar kuzatib qo‘ydi. Prezident Toshkentga jo‘nab ketdi.

Eslatib o‘tamiz, avvalroq «Petronas» kompaniyasi O‘zbekiston bilan hamkorlik qilishi haqida yozgan edik.

Sun’iy yo‘ldosh tasvirlari Xitoyda yadro sintezi bo‘yicha yirik tadqiqot markazi qurilayotganini ko‘rsatmoqda. Bu haqda CNN axborot agentligi ma’lum qildi.

Unga ko‘ra, bu inshoot kelajak energetikasini o‘zlashtirish yo‘lida katta qadam bo‘lishi mumkin. Mutaxassislarning fikricha, markazda lazer nurlari vodorod yadrolarini birlashtirib, ulkan energiya hosil qilish uchun ishlatiladi. Ushbu texnologiya toza va cheksiz energiya manbai sifatida katta istiqbolga ega.

Biroq ayrim tahlilchilar ushbu loyiha Xitoyning yadroviy qurol dasturlarini rivojlantirish maqsadida ham qo‘llanilishi mumkinligini ta’kidlamoqda. AQSh hozircha bu sohada yetakchi hisoblanadi, ammo Xitoy tezkor harakat qilib, peshqadamlikka intilmoqda.

Eslatib o‘tamiz, avvalroq Xitoy oyda muz qidirish uchun uchuvchi robot yuborishi haqida yozgan edik.

Shavkat Mirziyoyev Malayziyada xizmat safari davomida «Petronas» korporatsiyasi rahbariyati bilan uchrashdi. Bu haqda davat rahbari matbuot xizmati ma’lum qildi.

Kuala-Lumpurdagi «Twin Towers» majmuasida bo‘lib o‘tgan uchrashuvda Malayziya bosh vaziri Anvar Ibrohim ham ishtirok etdi.

Muzokaralar davomida neft-gaz, neft-kimyo va qayta tiklanuvchi energetika sohalarida hamkorlikni kengaytirish masalalari muhokama qilindi. Davlatimiz rahbari xomashyoni chuqur qayta ishlash, «yashil» energetika loyihalarini amalga oshirish va ilg‘or texnologiyalarni joriy etish tashabbuslarini qo‘llab-quvvatladi.

Shuningdek, geologiya-qidiruv ishlari, uglevodorod konlarini o‘zlashtirish hamda «Petronas» universiteti negizida yuqori malakali kadrlar tayyorlash bo‘yicha kelishuvga erishildi.

Eslatib o‘tamiz, avvalroq O‘zbekiston va Malayziya o‘rtasida qo‘shma bayonot imzolangan edi.

«Samarqand noni» geografik koʻrsatkich sifatida Adliya vazirligi tomonidan davlat roʻyxatidan oʻtkazildi. Bu haqda vazirlik Telegram sahifasida ma’lum qilindi.

Unga ko‘ra, bu jarayonda Samarqand viloyati adliya boshqarmasi va «Intellektual mulk markazi»ning hissasi katta bo‘ldi.

Adliya vaziri Akbar Toshqulov rasmiy hujjatni Samarqand viloyati rahbari Adiz Boboyevga topshirdi. Endilikda «Samarqand noni» o‘ziga xos sifati va nom qozongani bilan qonuniy jihatdan himoyalangan brend sifatida e’tirof etiladi.

Mazkur geografik koʻrsatkichga ega bo‘lish Samarqand nonining sifatini xalqaro darajada tan olinishi va mahalliy ishlab chiqaruvchilarni qo‘llab-quvvatlashga xizmat qiladi.

Eslatib o‘tamiz, avvalroq 2025-yil 3 – 15-sentabr kunlari Samarqand shahrida Xalqaro shaxmat federatsiyasi (FIDE) tomonidan tashkil etilgan «Grand...

O‘zbekiston Respublikasi prezidenti Shavkat Mirziyoyev va Malayziya Bosh vaziri Anvar Ibrohim Kuala-Lumpur shahrida o‘tgan rasmiy uchrashuv yakunida strategik sheriklik yo‘lida ikki tomonlama hamkorlikni chuqurlashtirish to‘g‘risida qo‘shma bayonot imzoladilar. Bu haqda prezident matbuot xizmati ma’lum qildi.

Muzokaralar natijasida quyidagi muhim hujjatlar ham qabul qilindi. Jumladan, mahsulotlarning «halol» standartlariga muvofiqligini baholash sohasida hamkorlik to‘g‘risida bitim tuzilib, ushbu yo‘nalishda xalqaro standartlarga javob beruvchi tizimni rivojlantirishga kelishib olindi. Shuningdek, bojxona ishida hamkorlik va o‘zaro yordam to‘g‘risidagi bitim imzolangan bo‘lib, u savdo jarayonlarini soddalashtirish va bojxona tartiblarini takomillashtirishga qaratilgan.

Oliy ta’lim sohasida hamkorlik to‘g‘risidagi bitim ikki davlat universitetlari o‘rtasida akademik almashinuv va qo‘shma ta’lim...

Humo toʻlov tizimining («Milliy banklararo protsessing markazi» AJ) tez orada boshqaruv raisi oʻzgarishi mumkin, deyiladi Korporativ axborot yagona portalidagi xabarda.

Aksiyadorlarning navbatdan tashqari yigʻilishi 21-fevral kuni boʻlib oʻtadi. Uning kun tartibiga boshqaruv raisi Shuhrat Qurbonov bilan tuzilgan shartnomani muddatidan oldin bekor qilish kiritilgan.

Shundan soʻng aksiyadorlar yangi boshqaruv raisi va kuzatuv kengashi a’zolarini saylaydi.

Yanvar oyi boshida Paynet xizmati Humo toʻlov tizimi egasiga aylandi. U kompaniyadagi davlat ulushini $65 mln.ga sotib olgan edi.

Avvalroq Kursiv Uzbekistan xususiylashtirishdan keyin Humo’da qanday oʻzgarishlar kutayotgani haqida yozgan edi.

Bishkekda kartoshka narxi 60 – 65 somga (taxminan 9 – 10 ming soʻm) yetgani sababli Qirgʻiziston Qishloq xoʻjaligi vazirligi uning eksportini vaqtincha taqiqlash masalasini koʻrib chiqmoqda. Bu haqda 24.kg nashri xabar berdi.

Deputat Eldar Abakirovning ta’kidlashicha, kartoshka mamlakatning Issiqkoʻl, Oloy, Chon-Oloy va Qoʻchqor hududlarida yetishtiriladi. Uning fikricha, fermerlar uchun bu foydali boʻlsa-da, aholi uchun narx juda yuqori.

«Bir qop un 1 700 som boʻlsa, bir qop kartoshka 2,5 – 3 ming somga chiqib ketdi», – dedi u.

Qishloq xoʻjaligi vazirligi mazkur cheklov orqali oziq-ovqat xavfsizligini ta’minlash va sun’iy narx oshishining oldini olishni rejalashtirmoqda. Mamlakat...

5-fevral kuni AQSh dollarining rasmiy kursi 13,59 soʻmga tushib, 12 985,32 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 925 – 12 990 soʻmdan sotib olayotgan boʻlsa, 12 990 – 13 060 soʻm oraligʻida sotmoqda.

Shu bilan birga, yevro 71,66 soʻmga ortib, 13 511,23 soʻmga yetdi. Rossiya rubli esa 0,93 soʻmga ortib, 132,22 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin. 

O‘zbekiston prezidentining yangi qaroriga muvofiq, 2025-yil 1-martdan boshlab nogironligi bo‘lgan bolalar uchun kunduzgi parvarish xizmati bosqichma-bosqich joriy etiladi.

Dastlab Qoraqalpog‘iston Respublikasi, Andijon, Qashqadaryo, Samarqand, Surxondaryo va Toshkent viloyatlari hamda Toshkent shahrida yo‘lga qo‘yiladigan tizim 2025-yil 1-oktabrgacha respublikaning barcha hududlarida amalga oshiriladi. Xizmat davlat-xususiy sheriklik asosida tashkil etiladi va 3-yoshdan 18-yoshgacha bo‘lgan bolalar uchun mo‘ljallangan.

Nogironligi bo‘lgan bolalar kunduzgi parvarish xizmatiga ota-onalar va «Inson» ijtimoiy xizmatlar markazlari o‘rtasida tuziladigan shartnoma hamda psixologik-tibbiy-pedagogik komissiyaning xulosasi asosida qabul qilinadi.

Tadbirkorlarni qo‘llab-quvvatlash maqsadida quyidagi tartib joriy etiladi:

3 – 4-fevral kunlari «Qoradori» keng koʻlamli tadbirlarining dastlabki bosqichida 122 kilogramm giyohvandlik vositalarining aholi orasida tarqatilishi toʻxtatib qolindi. Bu haqda DXX axborot xizmati xabar berdi.

Ta’kidlanishicha, giyohvandlik va kuchli ta’sir qiluvchi dori vositalarining noqonuniy muomalasiga chek qoʻyish maqsadida jami 653 ta maxsus tadbir oʻtkazildi.

Shuningdek, 8,6 ming dona kuchli ta’sir qiluvchi dori vositalarining aholi orasida tarqatilishi toʻxtatib qolindi. Giyohvandlik vositalarining noqonuniy muomalasidan olingan $287 ming va 569 million soʻm miqdoridagi pullar daliliy ashyo sifatida rasmiylashtirildi.

Qoʻzgʻatilgan 222 ta jinoyat ishlari doirasida 228 nafar shaxslar jinoiy javobgarlikka tortildi. 64 nafar shaxslar ma’muriy javobgarlikka tortildi. 47 nafar qidiruvdagi shaxslar ushlandi.

Qozogʻiston Transport vazirligi Oqtov aeroporti yaqinida halokatga uchragan Azerbaijan Airlines (AZAL) bortining qulashiga oid dastlabki hisobotni e’lon qildi.

Hodisa 2024-yil dekabr oyining oxirida yuz berdi. Azerbaijan Airlines aviakompaniyasiga tegishli, bortida 62 yo‘lovchi bo‘lgan samolyot Bokudan Grozniyga parvoz qilayotgan edi. Biroq havo kemasi belgilangan manzilga qo‘na olmagan va Oqtovga yo‘nalishini o‘zgartirishga majbur bo‘lgan.

Mutaxassislar tekshiruv natijasida samolyotda turli o‘lcham va shakldagi teshib o‘tgan hamda teshib o‘tmagan shikastlanishlar borligini aniqladi. Ushbu zararlar, asosan, dum va chap qismida qayd etilgan bo‘lib, ayrim joylarda shikastlanishlar to‘g‘ri to‘rtburchak shakliga ega ekani ma’lum bo‘ldi.

«Havo kemasining teshib oʻtilishi havo kemasi konstruksiyasiga...

Xiaomi kompaniyasi fevral oyi oxirida ikkita yuqori darajadagi qurilmalar – Xiaomi 15 Ultra smartfoni va Xiaomi SU7 Ultra elektromobilining taqdimoti bo‘lishini rasman tasdiqladi. Kompaniya rahbari Ley Junning so‘zlariga ko‘ra, bir vaqtning o‘zida ikkita Ultra bozorga chiqariladi. Bu haqda Ithome nashri ma’lum qildi.

Smartfon 16 GB tezkor xotira va 512 GB ichki xotiraga ega bo‘ladi. Qurilma 6000 mA/soat sig‘imli akkumulyator bilan ta’minlanib, 90 Vt simli va 50 Vt simsiz tez zaryadlashni qo‘llab-quvvatlaydi. Kamera tizimi 1 dyuymli katta sensor va 200 MP periskop telefoto linzalar bilan jihozlanishi kutilmoqda.

Xiaomi SU7 Ultra esa 1548 ot kuchiga ega uchta elektr motor bilan ta’minlanadi...

Amerika Qoʻshma Shtatlari 2021-yilda Tolibon hokimiyat tepasiga kelganidan soʻng afgʻon uchuvchilari tomonidan Oʻzbekistonga olib oʻtilgan yettita vertolyot va samolyotni qaytarib oldi. Voice of America nashrining xabar berishicha, ushbu havo kemalari orasida Black Hawk vertolyotlari ham boʻlgan.

Mazkur ma’lumot Oʻzbekiston armiyasining 33 yilligiga bagʻishlab Vashingtondagi elchixonada oʻtkazilgan tadbir chogʻida e’lon qilingan.

2022-yilda Oʻzbekiston hududida afgʻon uchuvchilari tomonidan olib oʻtilgan 46 ta harbiy aviatexnika mavjud boʻlib, ular orasida Mi-17 va Black Hawk vertolyotlari, shuningdek, turli hujumkor samolyotlar bor edi. «Tolibon» harakati Afgʻonistonning avvalgi hukumatiga tegishli boʻlgan ushbu harbiy texnikaga egalik huquqini bir necha bor da’vo qilgan.

AQSh Sikorsky UH-60 Black Hawk...