Toshkentda O‘zbekiston mustaqilligining 33-yilligi munosabati bilan xalq sayillari o‘tkazilmoqda. «Kursiv Uzbekistan» fotomuxbiri Roman Fedotov bayram tadbirlari suratlarini to‘pladi.
Avvalroq Kursiv Uzbekistan O‘zbekiston qanday qilib mustaqillikka erishgani haqida yozgan edi.
Kuzning birinchi oyida O‘zbekistonda quruq va issiq ob-havo kuzatiladi. Kunduzi havo harorati 33-35 darajagacha issiq bo‘ladi. Bu haqda Gidrometeorologiya xizmati agentligi xabar beradi.
Ikkinchi o‘n kunlikda havo harorati 27-darajagacha pasayadi. Kechga kelib havo 17-18 darajadan 7-12 darajagacha pasayishi mumkin.
Oy oxirida qisqa muddatli yomg‘ir yog‘ishi ehtimoli bor.
AQSh poytaxti meri Muriyel Bauzer mamlakatimiz mustaqilligining 33 yilligi munosabati bilan 1-sentabrni Vashingtonda «O‘zbekiston mustaqilligi kuni» sifatida rasman e’lon qildi. Bu haqda Dunyo axborot agentligi ma’lum qildi.
Merning bayonotiga ko‘ra, AQSh va O‘zbekiston ko‘plab sohalarda, jumladan, chegara va mintaqaviy xavfsizlik dasturlari, madaniy va gumanitar hamkorlikni mustahkamlash, ingliz tilida ta’lim berishni rivojlantirish bo‘yicha ikki tomonga ham manfaatli hamkorlikni yo‘lga qo‘ymoqda.
Shu bilan birga, mamlakatimizda yuz berayotgan bir qator iqtisodiy va siyosiy islohotlarni qo‘llab-quvvatlanishi ham ta’kidlandi.
«Vashington shahri Amerika Qo‘shma Shtatlarining poytaxti sifatida O‘zbekiston mustaqilligi va uning jahon miqyosidagi ahamiyatini katta hurmat bilan e’tirof etadi», deya ta’kidladi...
O‘zbekiston mustaqilligining 33 yilligi munosabati bilan poytaxtimizdagi istirohat bog‘larida keng ko‘lamli bayram tadbirlari o‘tkaziladi. Poytaxt hokimligi 2-sentabrgacha tomoshalar o‘tkaziladigan joylar ro‘yxatini e’lon qildi.
Tomoshalar bo‘lib o‘tadigan joylar ro‘yxati
Bektemir tumani: Coca-cola garden bog‘i Mirobod tumani: Furqat nomidagi madaniyat va istirohat bog‘i Mirzo Ulug‘bek tumani: Central park Sergeli tumani: Sergeli markaziy xiyoboni Olmazor tumani: Beruniy maydoni Uchtepa tumani: Eko Seul bog‘i Chilonzor tumani: G‘afur G‘ulom nomidagi istirohat bog‘i Yunusobod tumani: «O‘zekspomarkaz» maydoni Shayxontohur tumani: «Navro‘z» bog‘i Yashnobod tumani: «Ashxobod» bog‘i Yangihayot tumani: Green park Yakkasaroy tumani: Millatlararo munosabatlar qo‘mitasi binosi oldidagi maydon«Har bir bog‘ ma’muriyati...
«Ochiq budjet» portalida «Tashabbusli budjet» jarayonining 2024-yildagi 2-mavsumida 1772 ta loyiha gʻolib deb topildi. Bu haqda Iqtisodiyot va moliya vazirligi ma’lum qildi.
Unga ko‘ra, respublika bo‘ylab jami 9,81 mln ovoz berildi. Yakuniy natijalarga koʻra, salkam 2,14 trln soʻmlik 1772 ta loyiha gʻolib deb e’lon qilindi.
G‘oliblar ro‘yxati bilan ushbu havola orqali tanishishingiz mumkin.
Eslatib o‘tamiz, avvalroq «Tashabbusli budjet»da ovoz yig‘ish masalasiga doir qator shikoyatlar kelib tushgan edi.
Paralimpiya o‘yinlarida para yengil atletika bo‘yicha ishtirok etgan Yorqinbek Odilov delegatsiyamizga beshinchi oltin medalni olib berdi. Bu haqda Paralimpiya qo‘mitasi ma’lum qildi.
Unga ko‘ra, para yengil atletika bo‘yicha erkaklar o‘rtasida F57 klassida nayza uloqtirish bahsida ishtirok etgan hamyurtimiz Yorqinbek Odilov 50.32 metr natija qayd etib, delegatsiyamizga beshinchi oltin medalni taqdim etdi.
Eslatib o‘tamiz, sal avvalroq Guljanoy Naimova olgan jarohatiga qaramasdan kumush medal sohibasi bo‘lgan edi.
Guljanoy Naimova «Parij – 2024» yozgi Paralimpiya o‘yinlaridagi ishtirokini kumush medal bilan yakunladi. Bu haqda qo‘mita matbuot xizmati ma’lum qildi.
Unga ko‘ra, para taekvondo bo‘yicha ayollar o‘rtasida +65 kg vazn toifasida ishtirok etgan hamyurtimiz Guljanoy Naimova jarohat olib jangni davom ettira olmadi va Buyuk britaniyalik Emi Trusdeylga 8:2 hisobida mag‘lub bo‘ldi.
Eslatib o‘tamiz, sal avvalroq Asad Toshtemirov Paralimpiya o‘yinlari chempioni bo‘lgan edi.
Parij shahri mezbonlik qilayotgan yozgi Paralimpiya o‘yinlarida ishtirok etgan vakilimiz Asad Toshtemirov oltin medalga sazovor bo‘ldi. Bu haqda Paralimpiya qo‘mitasi xabar berdi.
Unga ko‘ra, para taekvondo bo‘yicha erkaklar o‘rtasida -80 kg vazn toifasida O‘zbekiston sharafini himoya qilgan Asad Toshtemirov hal qiluvchi bahsda meksikalik Luis Mario Najeraga qarshi dayanga chiqdi va 38:17 hisobida mag‘lub etib, oltin medalni qo‘lga kiritdi.
Eslatib o‘tamiz, sal avvalroq Elbek Sultonov ham delegatsiya hisobiga uchinchi oltin medalni olib bergan edi.
Harbiy samolyotlar Toshkent osmonida O‘zbekiston bayrog‘ini chizdi. Prezident Shavkat Mirziyoyev xalqni Mustaqillik bayrami bilan tabriklagan nutqidan so‘ng samolyotlar «Yangi O‘zbekiston» bog‘i uzra uchib o‘tdi.
Eslatib o‘tamiz, davlat rahbari o‘z nutqida mamlakat rivojlanayotgan beshta ustuvor yo‘nalish haqida gapirdi. Respublikada sifatli ta’lim tizimini yaratish, biznesni rivojlantirish, korrupsiyadan xoli adolatli sud-huquq tizimini yaratish, sog‘liqni saqlash sohasini tubdan yaxshilash va ekologik barqarorlikni ta’minlashga intilmoqda.
Silk Avia aviakompaniyasi 11-sentabrdan Toshkent — Shahrisabz — Toshkent yo‘nalishi bo‘yicha reyslarni amalga oshiradi. Bu haqda kompaniya matbuot xizmati ma’lum qildi.
Unga ko‘ra, parvozlar 11-sentabrdan haftasiga chorshanba va shanba kunlari LET L-410 samolyotida amalga oshiriladi.
Reyslar Toshkentdan jo‘nab ketish vaqti soat 11:40, Shahrisabzga yetib borish vaqti 13:10;
Shahrisabzdan jo‘nab ketish vaqti 13:50, Toshkentga yetib borish vaqti 15:50 jadvali asosida yo‘lga qo‘yiladi.
Aviachiptalar xalqaro aeroportlarda va Uzbekistan Airways Sales filialida yoki silk-avia.com sayti yoki ilovada xarid qilish mumkin.
Eslatib o‘tamiz, avvalroq Toshkent aeroportida yangilangan uchib ketish zali ochilgan edi.
Toshkent xalqaro aeroportida 2500 kvadrat metrdan ortiq maydonga ega uchib ketish zali foydalanishga topshirildi. Bu haqda Uzairports matbuot xizmati ma’lum qildi.
Unga ko‘ra, zalda yo‘lovchilar ro‘yxatdan o‘tish joyiga lift va eskalatorlar o‘rnatilgan. Zal va asosiy terminal binosi o‘rtasida o‘rindiqli kichik yashil maydon mavjud. Kelgusida uchib ketish terminalining ikkinchi qavatida shaharga qaraydigan deyarli 2200 kvadrat metr maydonga ega ochiq terassa qurilishi rejalashtirilgan. Har ikkala terassa ham yo‘lovchilar, kuzatuvchi va kutib oluvchilarga xizmat qiladi.
Shuningdek, zalda bagajni qadoqlash, Sim-kartalarni sotib olish, bankomat xizmatlari, zaryadlash stantsiyalari va vending avtomatlari bor.
Yana bir muhim jihat shundaki, uchib ketish terminali oldida panjaralar olib tashlandi. Transport...
Parijda bo‘lib o‘tayotgan yozgi Paralimpiya o‘yinlarida para yengil atletikachimiz Mohigul Hamdamova bronza medali sohibasi bo‘ldi. Bu haqda Paralimpiya qo‘mitasi xabar berdi.
Unga ko‘ra, para yengil atletika bo‘yicha ayollar o‘rtasida F57 klassida disk uloqtirish bellashuvlarida hamyurtimiz Mohigul Hamdamova 32.75 metr natija bilan uchinchi o‘rinni egalladi va bronza medalga sazovor bo‘ldi.
Eslatib o‘tamiz, sal avvalroq Elbek Sultonov delegatsiya hisobiga uchinchi oltin medalni olib berdi.
Soliq qo‘mitasi tizimdagi profilaktika ishlari tufayli 30-avgust soat 22:00 dan 3-sentabr 18:00 gacha ba’zi onlayn xizmatlarida uzilishlar bo‘lishi haqida ogohlantirdi. Bu haqda Soliq qo‘mitasi matbuot xizmati ma’lum qildi.
Unga ko‘ra, tizimning ayrim veb-resurslari faoliyatini optimallashtirish va ma’lumotlarni qayta ishlash markazining yuklamalarni qabul qilish imkoniyatlari oshiriladi, bu esa 30-avgust soat 22:00 dan 3-sentabr 18:00 gacha uzilishlar bo‘lishiga sabab bo‘ladi.
Eslatib o‘tamiz, avvalroq Soliq to‘lovchilarga 12,9 trln so‘m qo‘shilgan qiymat solig‘i qaytarilgan edi.
Prezident «Jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan bir guruh shaxslarni afv etish to‘g‘risida»gi farmonni imzoladi. Bu haqda O‘zA xabar berdi.
Unga ko‘ra, bosh qomusning 109-moddasi 23-bandiga binoan jazo muddatini o‘tayotganlar ichida chin dildan pushaymon bo‘lgan shaxslarning 522 nafari afv etildi.
Ulardan 159 nafari asosiy jazodan, 303 nafari jazoni o‘tashdan muddatidan ilgari shartli ozod qilindi. 60 nafarining esa ozodlikdan mahrum etish jazosi yengilroq jazoga o‘zgartirildi.
Afv etilganlar ichida 19 nafar chet el fuqarolari ham bor. Shuningdek, ular ichidan 56 nafari ayol, 25 nafari 60 yoshdan oshgan erkak, 233 nafari yoshlar (ulardan biri voyaga yetmagan) va 27 nafari taqiqlangan tashkilotlar bilan aloqador shaxslardir.
Eslatib o‘tamiz, avvalroq bayram munosabati bilan pensiya toʻlovlari 1-sentabrgacha toʻlab...
Para yengil atletikachi vakilimiz Elbek Sultonov «Parij – 2024» yozgi Paralimpiya o‘yinlaridagi ishtirokini oltin medal bilan yakunladi. Bu haqda Paralimpiya qo‘mitasi xabar berdi.
Unga ko‘ra, para yengil atletika bo‘yicha erkaklar o‘rtasida F12 klassida yadro uloqtirish bahslarida hamyurtimiz Elbek Sultonov 16.45 metr natija qayd etdi va delegatsiyamiz hisobiga uchinchi oltin medalni qo‘shib qo‘ydi.
Eslatib o‘tamiz, sal avvalroq ham yengil atletikachilarimiz bir bellashuvning o‘zida oltin va bronza medalini qo‘lga kiritgan edi.
Prezident Shavkat Mirziyoyev boshchiligida 31-avgust – Qatag‘on qurbonlarini yod etish kuni munosabat bilan Shahidlar xotirasi xiyobonida Qur’on tilovat qilindi va elga osh berish marosimi tashkil etildi. Bu haqda davlat rahbari matbuot xizmati ma’lum qildi.
Shavkat Mirziyoyev joylardagi qatag‘on qurbonlarini aniqlash, bu borada tadqiqotlarni kengaytirish bo‘yicha ko‘rsatmalar bergan edi.
Prezident o‘z so‘zida oktabr oyining birinchi haftasini Siyosiy qatag‘on qurbonlarini yod etish haftaligi sifatida nishonlanishi haqida ta’kidladi. Bu vaqtning tanlanishiga 1938 yil 4–16-oktabr kunlari 507 nafar o‘zbekistonlik siyosiy mahbus ustidan hukm o‘qilgani sabab qilib keltirildi.
Qarorga muvofiq, ushbu haftalik davomida mamlakat bo‘ylab uchrashuvlar, ko‘rgazma, tanlovlar va shu mavzudagi kino namoyishlari o‘tkazilishi...
Universalbank «Sarmoya 25» omonat turi reklamasidagi qonunchilik buzilish holati yuzasidan jarimaga tortildi. Bu haqda Raqobat qo‘mitasi matbuot xizmati ma’lum qildi.
Unga ko‘ra, «Sarmoya 25» omonat turning yillik foiz stavkasi 25 % deyilgan axborot e’lon qilingan. Ammo ushbu omonat shartlarida 18 oyga yillik 22 % stavka ekanligi, foizlar har oyda toʻlanishi va kapitalizatsiya qilinmasligi keltirilgan. Shuningdek, omonat muddati, omonat kiritishning eng kam miqdori va boshqa muhim ma’lumotlar ham taqdim etilmagan.
Shularni hisobga olib, Universalbank’ga nisbatan ish qoʻzgʻatildi va moliyaviy jarima chorasi qoʻllanildi.
Eslatib o‘tamiz, avvalroq «Ipak yo‘li» banki jarimaga tortilgan edi.
Xitoyning elektromobil ishlab chiqaruvchi BYD kompaniyasi ichki bozordagi kichikroq kompaniyalarni siqib chiqargan holda o‘z mavqeini mustahkamlashda davom etmoqda. Bu haqda Bloomberg axborot agentligi xabar berdi.
Unga ko‘ra, 2024-yilning ikkinchi choragida kompaniya daromadi 33 foizga oshib, $127 mlrdni tashkil etdi.
O‘tgan hafta Xpeng uchinchi chorakdagi daromadni Xitoyda keskin narxlar urushi sharoitida tahlilchilar kutganidan ancha past bo‘lishini bashorat qilgan edi.
Joriy yilning fevral oyida BYD o‘zining Qin Plus seriyali sedanlari narxini taxminan 2800 dollarga pasaytirdi. Bu esa boshqa ishlab chiqaruvchilarni ham shunga moslashishga majbur qildi.
Ma’lumot uchun, 2023-yilda BYD 3 mln elektromobil sotib, G‘arb avtomobil ishlab chiqaruvchilari Volkswagen va Tesla’ni ortda...
Parij shahri mezbonlik qilayotgan yozgi Paralimpiya o‘yinlarining yadro uloqtirish dasturida sportchilarimiz Qudratullaxon Ma’rufxo‘jayev hamda Tolibboy Yo‘ldoshev oltin va bronza medallarini qo‘lga kiritdi. Bu haqda Parallimpiya qo‘mitasi xabar berdi.
Unga ko‘ra, para yengil atletikaning erkaklar o‘rtasida F37 klassida yadro uloqtirish bo‘yicha final bahslarida bir yo‘nalishning o‘zida oltin va bronza medallarni delegatsiya hisobiga yozdirib qo‘ydi.
Qudratullaxon Ma’rufxo‘jayev 16.37 metr natija bilan chempion bo‘lgan bo‘lsa, 15.24 metr natija qayd etgan Tolibboy Yo‘ldoshev bronza medaliga sazovor bo‘ldi.
Eslatib o‘tamiz, avvalroq Asila Mirzayorova rekord natija bilan oltin medalni qo‘lga kiritgan edi.
O‘zbekistonda mikroqarz berish miqdori oshib bormoqda. Markaziy bank bergan ma’lumotga ko‘ra, shu yilning ilk olti oyida 18,8 trln so‘m miqdordagi mikroqarz berilgan. O‘tgan yilning shu davrida esa berilgan mikroqarzlar deyarli 13 trln so‘mni tashkil qilgan. O‘sish 5,8 trln so‘mga oshgani qayd etilgan. O‘zbekistondagi qaysi bankdan qancha va qanday muddatga garovsiz mikroqarzlar olish mumkinligi haqida Bankir Telegram sahifasi xabar berdi.
Jumladan, TBC Bank 28% dan, 36 oygacha bo‘lgan muddatga 100 mln so‘mgacha mikroqarz beriladi.
Davr Bank 33% dan, 60 oygacha muddat bilan 100 mln so‘mgacha mikroqarz berilishi haqida ma’lum qildi.
Ipoteka bank esa mikroqarzni 37,99% ga...
O‘zbekiston Mustaqilligining 33 yilligini nishonlash munosabati bilan respublikada bayramlar 3-sentabrgacha davom etadi. Shuning uchun ayrim banklar tomonidan pul o‘tkazmalari hamda valyuta ayirboshlash shoxobchalari faoliyati yo‘lga qo‘yilmoqda. Bu haqda Markaziy bank matbuot xizmati xabar berdi.
Markaziy bank tomonidan taqdim etilgan ma’lumotlarga ko‘ra, banklar bayram kunlari o‘z faoliyatini tashkil etish bo‘yicha jadvallar e’lon qilgan. Ushbu jadvallar bilan quyida havola orqali batafsil tanishib chiqishingiz mumkin:
Bugun, 30-avgust kuni O‘zbekiston davlat rahbari Belarus prezidenti Aleksandr Lukashenkoni 70 yoshlik yubileyi bilan telefon orqali tabrikladi. Bu haqda Shavkat Mirziyoyev matbuot xizmati xabar beradi.
Belarus prezidenti ham O‘zbekiston xalqini yaqinlashib kelayotgan Mustaqillik bayrami bilan qutladi va osoyishtalik tiladi.
Suhbat davomida joriy yilning fevral oyida Lukashenkoning O‘zbekistonga tashrifi chog‘ida erishilgan kelishuvlar «Yo‘l xaritasi»ga muvofiq amalga oshirilgan masalalar muhokama qilindi.
Shuningdek, Natalya Kochanova boshchiligidagi Belarus delegatsiyasining yaqinda amalga oshirgan tashrifining ahamiyatliligi ta’kidlanib, sanoat kooperatsiyasi va madaniy-gumanitar almashinuvni kengaytirish bo‘yicha qo‘shma loyihalar tayyorlashni jadallashtirish zarurligi qayd etildi.
Avvalroq Kursiv Uzbekistan O‘zbekiston va Belarus ishbilarmon ayollari $4,5 millionlik shartnomalar imzolaganini yozgan
Chevrolet Onix narxi Qozog‘istonda O‘zbekistonga nisbatan ancha arzonroq. Bu haqda Autostrada.uz xabar berdi.
Qayd etilishicha, Chevrolet Onix LTZ narxlari O‘zbekiston bilan Qozog‘iston solishtirilganda o‘rtadagi farq chegirmalarsiz +$1,330 ni tashkil qiladi, ya’ni 2023-yilda ishlab chiqarilgan Onix narxi Qozog‘istonda $14,535 ni tashkil qilsa, ushbu narx O‘zbekistonda $15,865 ni qayd etgan.
Shuningdek, Onix Premier 2 narxi Qozog‘istonda $16,201 ni tashkil qilsa ushbu model O‘zbekistonda $17,427 ni ko‘rsatmoqda. O‘zbekistonda Onix Qozog‘istonga nisbatan $1,226 ga qimmatroq.
Ma’lumot uchun, joriy yilning dastlabki 6 oyligida Chevrolet Onix O‘zbekistonda 18,2 ming dona ishlab chiqarilgan. Ushbu ko‘rsatkich 2023-yilning mos davrida 13,5 ming donani tashkil qilgan, ya’ni...
2024-yilning yanvar–iyul oylarida O‘zbekistonda 611,9 ming tonna olcha sharbati ishlab chiqarildi. Bu haqda respublika Statistika agentligi xabar berdi.
Unga ko‘ra, ushbu miqdor o‘tgan yilning mos davriga nisbatan 17,9 foizga ko‘p hisoblanadi. Shu davrda mamlakatimizda alkogolli va alkogolsiz ichimliklar ishlab chiqarish hajmi 11,7 trln (o‘tgan yili 9,7 trln) so‘mga yetdi. O‘sish qariyb 20 foizni tashkil qilmoqda.
Avvalroq Kursiv Uzbekistan nashri O‘zbekistonda olma sharbati ishlab chiqarilishi haqida yozgan edi.