Yangiliklar

AQSh hukumati samaradorlik departamenti (DOGE) rahbari Ilon Mask Xalqaro taraqqiyot agentligi (USAID) faoliyatining tugatilishi boshlanganini e’lon qildi, deb xabar bermoqda Reuters.

«Biz USAIDʼni tugatish jarayonidamiz», – dedi Mask X telekanalidagi jonli efirda.

Maskning ta’kidlashicha, agentlik qayta tiklanmaydi. USAID 1961-yilda turli davlatlarga insonparvarlik yordami koʻrsatish maqsadida tashkil etilgan. AQSh prezidenti Donald Trampning inauguratsiyasi kuni agentlikning barcha tashabbuslari audit oʻtkazish maqsadida 90 kungacha toʻxtatilgan edi.

Politico nashri USAID vakolatlarini Davlat departamentiga oʻtkazish varianti koʻrib chiqilayotganini yozgan edi.

Reuters, shuningdek, soʻnggi bir hafta ichida agentlikning 100 ga yaqin xodimlari haq toʻlanmaydigan ta’tilga yuborilganini ma’lum qildi...

O‘zbekistonda ba’zan fuqarolar tomonidan tez yordamning kechikib kelayotgani haqidagi shikoyatlar kuzatiladi. Bu holatlarga ko‘pincha yolg‘on chaqiriqlar sabab bo‘ladi. Bu haqda Sog’liqni saqlash vazirligi ma’lum qildi.

Raqamlarga ko‘ra, 2024-yil davomida «103» xizmatiga jami 2713 ta yolg‘on chaqiriq kelib tushdi. Ushbu ko‘rsatkich 2023-yilga nisbatan 792 taga kamaygan.

2024-yilda eng ko‘p yolg‘on chaqiriqlar Samarqand viloyatida qayd etilib, jami 645 ta holat aniqlangan. Bu ko‘rsatkich bo‘yicha ikkinchi o‘rinda Qashqadaryo viloyati joy olib, 436 ta yolg‘on chaqiriq qayd etilgan. Uchinchilik esa 259 ta yolg‘on murojaat bilan Farg‘ona viloyatiga tegishli.

Eng kam yolg‘on chaqiriq esa Sirdaryo viloyatida kuzatilib, bor-yo‘g‘i 17 ta holat ro‘yxatga olingan. Bu...

BYD kompaniyasining Denza brendi yangi Denza N9 modelini mart oyida rasmiy ravishda sotuvga chiqarishini tasdiqladi. Bu haqda Denza brendi bosh menejeri Chjao Changjiang 2-fevral kuni ijtimoiy tarmoqdagi videomurojaatida ma’lum qildi, deya xabar berdi CarNewsChina nashri.

Avtomobil allaqachon Xitoydagi dilerlik do‘konlarida namoyish etila boshlangan bo‘lib, fevral oyida oldindan buyurtmalar qabul qilinadi.

BYD vakillarining ta’kidlashicha, Denza N9 o‘zining gibrid versiyasida 200 km.dan ortiq sof elektr yurish masofasiga ega bo‘ladi, bu ilgari e’lon qilingan 165 km ko‘rsatkichidan yuqoriroq. Denza N9 dastlab gibrid versiyada taqdim etiladi, keyinchalik esa to‘liq elektr versiyasi chiqarilishi rejalashtirilgan.

Yangi model quyidagi texnik xususiyatlarga ega:

Rossiyada yangi Toyota Land Cruiser 250 2025 modeli sotuvga chiqdi. Rossiyalik dilerlar buyurtmalarni qabul qilishni boshladi va eng maqbul variantning boshlangʻich narxi 7,5 million rubl ($76 ming) deb belgilandi.

Yangi Land Cruiser 250 2,7 VX 4WD komplektatsiyasida taklif etilmoqda. Ushbu modelda 163 ot kuchiga ega 2,7 litrli benzin dvigatel, avtomatik transmissiya va toʻliq gʻildirakli haydov tizimi mavjud. Avtomobil zamonaviy qulayliklarga ega: elektr yuk eshigi, uch zonali iqlim nazorati, adaptiv kruiz-kontrol, har tomonlama koʻrish tizimi, koʻrish nuqtalarni monitoring qilish tizimi, lyuk, charm salon va elektr sozlanadigan old oʻrindiqlar.

Dilerlarning ta’kidlashicha, ushbu narxga barcha bojxona rasmiylashtiruvi va transport xarajatlari kiritilgan, biroq Rossiyaning...

Endilikda navoiyliklar Yandex Go ilovasi orqali 20 kg.gacha boʻlgan tovar va hujjatlarni joʻnatishlari mumkin. Bu haqda kompaniya matbuot xizmati Kursiv Uzbekistan’ga ma’lum qildi.

Xizmatdan foydalanish uchun ilovada «Yetkazib berish» boʻlimini tanlab, joʻnatuvchi va qabul qiluvchining manzillarini hamda kontakt maʼlumotlarini kiritish kifoya. Xizmat shaharning barcha hududlarida amal qiladi.

Bundan tashqari, «eshikdan eshikkacha» yetkazib berish xizmati ham mavjud boʻlib, unda kuryer pochtani kvartira yoki ofisdan olib, bevosita oluvchiga yetkazib beradi. Toʻlovni karta yoki naqd pul orqali amalga oshirish mumkin.

Yetkazib berish narxi avtomatik ravishda masofa va yoʻl harakati holatiga qarab hisoblanadi.

Yandex Go hozirda Oʻzbekistonning yana 14 ta shahrida, jumladan, Toshkent, Samarqand...

3-fevral kuni AQSh dollarining rasmiy kursi 9,96 soʻmga koʻtarilib, 12 985,01 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarni 12 900 – 12 940 soʻmdan sotib olayotgan boʻlsa, 12 975 – 13 040 soʻm oraligʻida sotmoqda.

Shu bilan birga, yevro 188,33 soʻmga tushib, 13 284,96 soʻmga yetdi. Rossiya rubli esa 5,54 soʻmga tushib, 129,84 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.  

O‘zbekistonning investitsion muhitini yanada yaxshilash va xorijiy kapitalni jalb qilish maqsadida Franklin Templeton xalqaro investitsiya kompaniyasi O‘zbekiston Milliy Investitsiya fondini (UzNIF) boshqarish vakolatiga ega bo‘ldi. Bu haqda Franklin Templeton Kursiv Uzbekistan’ga ma’lum qildi.

Franklin Templeton xalqaro moliya bozorlari va sarmoyalarni boshqarish sohasida 75 yildan ortiq tajribaga ega kompaniya hisoblanadi. U dunyoning ko‘plab mamlakatlarida investitsiya loyihalarini yuritib, uzoq muddatli moliyaviy barqarorlikni ta’minlashga ko‘maklashib kelmoqda.

UzNIF esa O‘zbekiston hukumati tomonidan tashkil etilgan maxsus investitsiya fondi bo‘lib, uning asosiy maqsadi mamlakat iqtisodiyotini mustahkamlash, yirik investitsiya loyihalarini qo‘llab-quvvatlash va xususiy sektorning rivojlanishini ta’minlashdan iborat. Franklin Templeton ushbu fondni boshqarish orqali xorijiy investorlar uchun ishonchli...

Oʻzbekistonda 2024-yil yakuni boʻyicha kambagʻallik darajasi 11 foizdan 8,9 foizga tushdi. Bu haqda Kambagʻallikni qisqartirish va bandlik vazirligi xabar berdi.

Jahon banki bilan olib borilgan tadqiqotlar natijasida kambagʻallik darajasi 719 ming kishiga kamayib, jami 3,3 million kishini tashkil etgani aniqlandi.

Kambagʻallik darajasi eng koʻp kamaygan hududlar:

Kambagʻallik darajasining pasayishiga bandlikni oshirish, tadbirkorlikni qoʻllab-quvvatlash va yer resurslaridan samarali foydalanish boʻyicha koʻrilgan choralar muhim hissa qoʻshdi.

2024-yilda aholining...

Samsung Galaxy S25 Ultra imkoniyatlarini boshqa flagman smartfonlar, jumladan, Galaxy S24 Ultra, Vivo X100 Ultra va Oppo Find X8 Pro bilan taqqoslash maqsadida yangi qiyosiy fotosuratlar e’lon qilindi. Ushbu fotosuratlarni taniqli insayder Ice Universe taqdim etdi.

Fotosuratlar zoom linzalari yordamida olingan va natijalar smartfonlarning optik imkoniyatlarini yoritadi. Ice Universe’ning ta’kidlashicha, Galaxy S25 Ultra raqobatchilariga nisbatan katta ustunlikka ega. Taqqoslashda Vivo X100 Ultra va Oppo Find X8 Pro smartfonlari dasturiy ta’minot algoritmlari yordamida tasvirlarni yaxshilasa, Samsung Galaxy S25 Ultra tabiiy va real tasvirlarni yaratishga qodir.

Xususan, Galaxy S25 Ultra yaqinlashtirish rejimida oldingi model, Galaxy S24 Ultra bilan solishtirganda sezilarli yutuqlarga...

Oʻzbekiston 2024-yil 20-martdan 20-dekabrgacha Erondan $292 millionlik neft sotib oldi. Bu haqda Trend nashri Eron bojxona ma’muriyati ma’lumotlariga tayanib, xabar berdi.

Ta’kidlanishicha, neft yetkazib berish hajmi oʻtgan yilga nisbatan 18 foizga oshgan. Miqdor jihatidan mamlakatga neft importi 14 foizga koʻpayib, 364 ming tonnadan 414 ming tonnaga yetdi.

Eron Oʻzbekistonga neftdan tashqari neft-kimyo mahsulotlari, oziq-ovqat mahsulotlari, quvurlar, qishloq xoʻjaligi texnikasi va boshqa tovarlarni eksport qilgan. Ushbu davr mobaynida ikki davlat oʻrtasidagi tovar aylanmasining umumiy hajmi $358 millionni tashkil etdi.

Oʻzbekiston Statistika agentligi ma’lumotlariga koʻra, 2024-yilda Eron bilan tovar aylanmasi hajmi $497 millionga yetgan.

Avvalroq «Kursiv» Oʻzbekiston 2024-yil yakunlariga koʻra...

Germaniyada oligarx Alisher Usmonovning uzoq vaqt yashagan villasi sotuvga chiqarildi. Bu uy Germaniyaning zamonaviy tarixidagi eng qimmat koʻchmas mulkka aylanishi bilan ajralib turadi.

Ma’lum qilinishicha, villaning dastlabki narxi 25 million yevro qilib belgilangan boʻlib, bu Germaniyadagi koʻchmas mulk boʻyicha savdolar tarixida rekord oʻrnatgan narxdir. Ushbu ma’lumotni Germaniyada koʻchmas mulk savdolarini kuzatib boradigan Immowelt agregatori taqdim etdi.

Villani sotish qarori sud tomonidan qabul qilindi. Bavariyaning Volfratsxauzen shahridagi tuman sudi, Tegernsee (IOM) Limited offshor kompaniyasining qarzlarini qoplash maqsadida mulkni sotish vazifasini arbitraj boshqaruvchisi Ulrix Kramerga topshirdi.

Kramerning soʻzlariga koʻra, kompaniya qarzlarini toʻlashda qiyinchilikka duch kelgan. Kompaniyaning aktivlari asosan koʻchmas mulkdan...

Oʻzbekiston Markaziy bankining oltin quymalari narxi haftani navbatdagi rekord bilan boshladi. 3-fevral holatiga koʻra, qimmatbaho metallning besh grammlik quymasi deyarli 5,99 million soʻmga teng boʻldi.

Shuningdek, oʻn grammlik oltin quymalar uchun 11,98 mln soʻm, yigirma grammlik quymalar uchun 23,96 mln soʻm, ellik grammlik quymalar uchun 59,89 mln soʻm etib belgiladi. 100 grammlik quymalarning narxi qariyb 119,78 million soʻmga yetdi.

Meksika, Kanada va Xitoy tovarlarining AQShga importiga bojlar joriy etilishi tufayli jahon oltin kotirovkalari yana koʻtarildi. Bojlar toʻgʻrisidagi farmonni AQSh prezidenti Donald Tramp imzoladi.

Sarmoyadorlar yuqori bojlar inflyatsiyaning tezlashishiga va iqtisodiy oʻsishning sekinlashishiga olib kelishidan xavotirda. Shu bilan birga...

Oʻzbekistonda mahsulot va xizmatlarni «Halol» talablariga muvofiq sertifikatlashtirish tartibi joriy etilmoqda. Hukumat tegishli qarorni qabul qilib, mazkur yoʻnalishda tartib va talablarni belgilab berdi.

Qarorga koʻra, mahsulot va xizmatlarning «Halol» talablarga muvofiq sertifikatlashtirish tartibi hamda ularni davriy baholash tizimi ishlab chiqildi. Sertifikatlash jarayoni maxsus tashkil etiladigan organ tomonidan amalga oshiriladi.

Ushbu jarayonda Islom mamlakatlari standartlari va metrologiya instituti (SMIIC) tomonidan qabul qilingan va xalqaro miqyosda e’tirof etilgan standartlarga ustuvorlik beriladi. 2025-yil 1-maydan boshlab «Halol» standartlariga muvofiq sertifikatlangan mahsulot va xizmatlar maxsus belgi bilan tamgʻalanishiga ruxsat etiladi.

Oʻzbekiston texnik jihatdan tartibga solish agentligi hamda Din ishlari boʻyicha qoʻmita olti oy ichida:

Prezident Donald Tramp tomonidan AQShning Xitoy, Kanada va Meksikaga import tariflari joriy qilinishi haqidagi bayonotidan so‘ng kripto bozorida katta pasayish kuzatildi. 2025-yilning 1-fevralida bo‘lib o‘tgan e’lon tufayli Bitcoin narxi 5% ga tushib ketdi va bu altkoinlarga ham salbiy ta’sir ko‘rsatdi. Bu haqda Crypto.news nashri ma’lum qildi.

AQSh hukumati tomonidan 1-fevraldan boshlab Kanada va Meksikadan keltiriladigan mahsulotlarga 25% hamda Xitoy tovarlariga 10% tarif kiritilishi belgilangan. Ushbu siyosiy qaror joriy savdo urushini murakkablashtirgan holda, kripto bozoridagi investorlar orasida qo‘rquvni kuchaytirdi.

Natijada, so‘nggi 24 soat ichida Bitcoin 6% dan ortiq pasayib, taxminan $91,2 minggacha tushdi. Keyinchalik u biroz tiklanib, $94 mingga yetdi. Shunga...

«Toshkent» respublika fond birjasida (RFB) joy olgan yuqori likvidli aksiyalar 24-yanvardan 31-yanvargacha boʻlgan haftada turlicha dinamikani qayd etdi. UCI fond indeksi bu davrda 1,59 foizga oshdi.

Mazkur haftada aksiyalari eng katta oʻsishga erishgan kompaniyalar qatoridan «Universal Bank» (+9,96%), «Ipak Yoʻli» (+9,64%) va «Hamkorbank» (+7,92%) joy oldi. Aksiyalari haftani salbiy natija bilan yakunlagan kompaniyalar orasida «Aloqabank» (-7,17%), «Oʻzbekneftgaz» (-7,94%) va «Oʻzbekinvest» (-7,33%) yetakchilik qildi.

Faollik boʻyicha oldingi oʻrinlarni «Ipoteka-bank» (10,5 mingta bitim), «Aloqabank» (356 ta bitim) va «OʻzRTXB» (336 ta bitim) egalladi. «Ipoteka-bank» aksiyalari boʻyicha bitimlar soni keskin koʻpaygan boʻlib, bu investorlar orasida ushbu qimmatli qogʻozlarga boʻlgan yuqori qiziqishni koʻrsatadi.

O‘zbekiston 2024-yilda 6,4 ming tonna qalampir eksport qildi. Uning umumiy qiymati $8,9 mlnni tashkil etdi. Bu haqda Statistika agentligi xabar berdi.

Statistik ma’lumotlarga ko‘ra, qalampir eksportida eng yirik xaridor davlat Qozog‘iston bo‘ldi. Ushbu davlatga 2,3 ming tonna mahsulot yetkazib berilgan. Ikkinchi o‘rinni Qirg‘iz Respublikasi egallab, 1,5 ming tonna qalampir xarid qilgan. Keyingi o‘rinlarda Rossiya (835 tonna), Turkiya (681 tonna) va AQSH (324 tonna) joylashdi. Shuningdek, boshqa davlatlarga jami 798,3 tonna qalampir eksport qilingan.

Avvalroq Kursiv Uzbekistan Qozogʻiston kartoshka eksportini vaqtincha toʻxtatgani haqida xabar bergan edi.

Din ishlari bo‘yicha qo‘mita tomonidan Toshkent shahrida joylashgan «Airfazo» MChJ litsenziyasiz umra tadbirini tashkil etgani aniqlanib, unga nisbatan jarima qo‘llandi. Bu haqda qo‘mita matbuot xizmati ma’lum qildi.

Amaldagi qonunchilikka ko‘ra, umra tadbirlarini tashkil etish va o‘tkazish uchun maxsus litsenziya talab etiladi. Ushbu qoidani buzgan yuridik shaxslar BHMning 200 baravari (75 mln so‘m) miqdorida jarimaga tortiladi.

Eslatib o‘tamiz, avvalroq Qarshida litsenziyasiz umra tashkil etgan kompaniyaga 75 mln so‘m jarima solingan edi.

2025-yil yanvar oyida BYD 300,5 mingta elektr transport vositasini sotib, avvalgi yilning shu davriga nisbatan 47,5 foiz ko‘proq natijaga erishdi. Biroq dekabr oyiga nisbatan savdo hajmi 41,8 foizga kamaydi. Bu haqda CarNewsChina ma’lum qildi.

Yo‘lovchi transport vositalari segmentida BYD 125,3 ming dona akkumulyatorli elektr avtomobil (BEV) sotdi, bu o‘tgan yilga nisbatan 19,1 foiz ko‘pdir. BEV savdolari BYD umumiy sotuvlarining 42,3 foizini tashkil qildi. Shu bilan birga, gibrid avtomobillar (PHEV) savdosi 171 ming donaga yetib, o‘tgan yilning shu davriga nisbatan 78,7 foizga oshdi. PHEV savdolari kompaniya sotuvlarining 57,7 foizini egalladi.

Kompaniya tomonidan sotilgan jami 300,5 ming dona transport vositasidan...

OpenAI ChatGPT’da chuqur tadqiqot funksiyasini ishga tushirdi. Bu haqda kompaniya rasmiy sahifasida ma’lum qilindi.

Bu yangi qobiliyat internetda murakkab vazifalar uchun ko‘p bosqichli izlanish olib borib, inson soatlar talab qiladigan ishni bir necha daqiqada bajaradi.

Keng qamrovli tadqiqot mustaqil ravishda yuzlab onlayn manbalarni topadi, tahlil qiladi va tadqiqotchi darajasidagi hisobot yaratadi. U OpenAI’ning yangi o3 modeli asosida ishlaydi va katta hajmdagi matn, tasvir va PDF-fayllarni o‘qish, tahlil qilish qobiliyatiga ega.

Ushbu texnologiya moliya, fan, siyosat va muhandislik kabi sohalarda izlanish olib boradigan mutaxassislar, shuningdek, avtomobil yoki maishiy texnika kabi mahsulotlarni tanlashda sinchkovlik bilan qaror qabul qilmoqchi bo‘lgan xaridorlar uchun...

Kanada AQSh tomonidan tovarlariga qoʻyilgan 25 foizlik bojga javoban shunday cheklovlarni joriy qiladi. Bu haqda mamlakat bosh vazir Jastin Tryudo ma’lum qildi.

Kanada 4-fevraldan boshlab AQShdan import qilinayotgan 30 milliard Kanada dollari miqdoridagi mahsulotlarga 25 foizlik boj soladi. Uch haftadan soʻng ushbu boj 155 milliard Kanada dollariga yetadi. Xuddi shu kuni AQShning boj choralari ham kuchga kiradi.

Vashington Kanada tovarlari uchun 25 foizlik boj belgilagan boʻlsa-da, energiya resurslari uchun bu stavka 10 foizni tashkil etadi. Rasmiylarning ta’kidlashicha, bu benzin va kommunal xizmatlar narxining keskin oshishining oldini olish uchun qilingan.

Tryudo Kanada strategik materiallari boʻyicha qoʻshimcha choralar koʻrishi mumkinligini bildirar...

Arab davlatlari AQSh prezidenti Donald Trampning G‘azo sektorini «tozalash» va uning aholisini qo‘shni mamlakatlarga ko‘chirish haqidagi taklifini qat’iy rad etdi. Bu haqda CNN axborot agentligi ma’lum qildi.

Unga ko‘ra, Iordaniya, BAA, Saudiya Arabistoni, Qatar va Misr tashqi ishlar vazirlari G‘azoni tiklash va falastinliklarning o‘z yurtida qolishini ta’minlash muhimligini ta’kidlab, har qanday majburiy ko‘chirish, yer anneksiyasi va uy buzishlarni qoraladi.

«Bilmayman, nimadir sodir bo‘lishi kerak, lekin hozir bu joy butunlay vayronaga aylangan. Hammasi deyarli yo‘q bo‘lib ketgan va odamlar o‘lib ketmoqda. Shu sababli men arab davlatlari bilan hamkorlik qilib, ularning boshqa joyda yashashiga imkon beruvchi uy-joy...

O‘zbekiston va Iordaniya hukumat vakillari hamkorlik bo‘yicha ikkita hujjat imzoladi. Ulardan biri diplomatik pasport egalari uchun vizasiz rejim joriy etilishini nazarda tutadi, deya ma’lum qildi O‘zbekiston tashqi ishlar vaziri Baxtiyor Saidov.

Unga ko‘ra, uchrashuv davomida Saidov Iordaniya bosh vaziri, tashqi ishlar va muhojirlar ishlari vaziri Ayman Safadi bilan muzokaralar o‘tkazdi. Shuningdek, tashqi ishlar vazirliklari o‘rtasida hamkorlik dasturi imzolandi.

Saidov ikki davlat o‘rtasidagi hamkorlikning «katta salohiyati» borligini ta’kidlab, turizm oqimini oshirish, iqtisodiy aloqalarni rivojlantirish va birodar shaharlar o‘rtasida munosabatlarni mustahkamlash yo‘nalishlarini muhim deb baholadi.

Eslatib o‘tamiz, avvalroq O‘zbekiston va Xitoy o‘rtasida vizasiz rejim joriy etilgan edi.

Buyuk Britaniya dunyoda birinchi bo‘lib sun’iy intellekt yordamida bolalar zo‘ravonligi tasvirlarini yaratish va tarqatishga qarshi qat’iy qonun qabul qiladi. Bu haqda The Guardian nashri ma’lum qildi.

Yangi qonunga ko‘ra, bunday tasvirlarni yaratish, saqlash yoki tarqatish uchun AI vositalaridan foydalanish jinoyat hisoblanadi va aybdorlar besh yilgacha qamoq jazosiga tortilishi mumkin.

Shuningdek, AI texnologiyalaridan buzg‘unchi maqsadlarda foydalanish bo‘yicha qo‘llanmalarni saqlash ham noqonuniy bo‘ladi. Huquq-tartibot idoralari jinoyatchilarni aniqlash va jazolash uchun qo‘shimcha vakolatlarga ega bo‘ladi.

Ma’lumot uchun, so‘nggi yilda sun’iy intellekt yordamida yaratilgan bolalar zo‘ravonligi tasvirlari keskin oshdi. Mutaxassislar bunday tasvirlar haqiqiy jinoyatlarga yetaklashidan xavotirda. Britaniya hukumati bu texnologiyalarni tartibga solib, bolalar...

3-fevral kuni mamlakat hududida barqaror ob-havo saqlanib qoladi. Havo biroz bulutli bo‘lib, yog‘ingarchilik kutilmaydi, deya ma’lum qilmoqda «O‘zgidromet» agentligi.

Unga ko‘ra, ayrim hududlarda kechasi va ertalab tuman tushishi mumkin, bu esa haydovchilar va piyodalardan hushyorlikni talab etadi. Shamol sharqiy yo‘nalishda esib, 3-12 m/s oralig‘ida bo‘ladi.

Harorat kechasi aksariyat viloyatlarda 0-5° sovuq bo‘lishi kutilmoqda. Ayrim joylarda havo biroz iliqroq bo‘lishi mumkin – 2° sovuqdan 3° iliqqacha. Kunduzgi harorat esa o‘zgaruvchan bo‘lib, shimoliy va tog‘ oldi hududlarida 2-8° iliq, markaziy va janubiy viloyatlarda 7-14° iliqqacha ko‘tariladi.

Toshkent shahrida ob-havo qulay: havo biroz bulutli, yog‘ingarchilik kuzatilmaydi. Kechasi 0-2° sovuq, kunduzi esa...