Yangiliklar

Chery «pasaytirilgan» narxlar bilan chalg‘itmoqdami? Chery Uzbekistan kompaniyasi Arrizo 6 Pro avtomobili uchun navbatdagi «aksiyani» e’lon qildi. Reklama kampaniyasida narxlar «sezilarli tushirilgani» ta’kidlanmoqda. Ammo tafsilotlarga e’tibor qaratilsa, aks holda ekani ma’lum bo‘ladi. Dekabrdagi narxlar bilan solishtirganda, avtomobilning ba’zi versiyalari aynan qimmatlashgan. Bu haqda Avtosrada nashri ma’lum qildi.

2024-yil dekabrda kompaniya Yangi yil aksiyasi doirasida narxlarni 40 mln so‘mgacha tushirgan edi. Masalan, Comfort versiyasi 254,9 mlndan 214,9 mln so‘mgacha arzonlashgandi. Intelligence to‘plami esa 279,9 mln o‘rniga 239,9 mln so‘mga taklif etilgan.

2025-yil fevral oyida esa yangi Life versiyasi reklama qilinmoqda. Bu to‘plam 1,5 litrli, 113 ot kuchiga ega soddalashtirilgan dvigatelga...

8-apreldan AQSh dollarining rasmiy kursi 19,18 so‘mga oshib, 12 966,38 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 875 – 12 940 so‘mdan sotib olayotgan bo‘lsa, 12 960 – 13 030 so‘m oralig‘ida sotmoqda.

Shu bilan birga, yevro 8,75 so‘mga tushib, 14 213,75 so‘mga yetdi. Rossiya rubli esa 3,15 so‘mga tushib, 150,23 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.    

AQSh prezidenti Donald Tramp oʻzi kiritgan tariflarni davo deb atadi. Uning soʻzlaridan Associated Press iqtibos keltirmoqda.

Oq uy rahbari boshqa davlatlar Amerika bilan savdoni tenglashtirmaguncha oʻz qaroridan qaytish niyatida emasligini qoʻshimcha qildi.

«Ba’zan biror narsani tuzatish uchun dori ichishga toʻgʻri keladi», – deya vaziyatga izoh bergan Tramp.

Joriy qilingan tariflar tufayli jahon bozorlari keskin pasayishda davom etmoqda. 7-aprel kuni Nikkei 225 indeksi 6 foizga, avstraliyalik ASX 200 4 foizga, Koreya Kospisi esa 4,7 foizga pasaydi.

Avvalroq Kursiv Uzbekistan nashri amerikalik milliarder Bill Ekman tariflarning halokatli ta’sirini yadro urushi oqibatlari bilan taqqoslagani haqida...

Bo‘stonliq tumanida yangi «Chorvoq darvozasi» dam olish va turarjoy majmuasi ochildi. Bu haqda Toshkent viloyati hokimligi matbuot xizmati xabar berdi.

Majmua Xo‘jakent hududidagi Chirchiq daryosi bo‘yida, 24,5 gektar maydonda barpo etilgan bo‘lib, qurilishning birinchi bosqichi yakuniga yetkazildi. Loyiha uchun Milliy bank tomonidan mablag‘ ajratilib, 100 ta yangi ish o‘rni yaratildi.

Loyiha doirasida akvapark, to‘rt qavatli mehmonxona, turarjoy binolari, sayilgoh, umumiy ovqatlanish shoxobchasi hamda avtoturargohlar qurilishi ko‘zda tutilgan.

Loyiha to‘liq ishga tushirilishi joriy yil yoz fasliga mo‘ljallangan.

Avvalroq Kursiv Uzbekistan Toshkent viloyatida biznes vakillarining murojaatlari uchun quticha oʻrnatilishi haqida yozgandi.

Audi kompaniyasi A6 sedanining suratini taqdim etdi. Bu haqda 32cars nashri xabar bermoqda.

Suratda OLED faralar va orqada joylashgan uzluksiz LED tasmasi koʻrsatilgan. Yangi A6 dvigatellarning turbo quvvatli 2,0 va 3,0 litrli agregatlar, TDI dizel varianti bilan jihozlanishi kutilmoqda. Quvvat diapazoni 201 dan 362 ot kuchigacha boʻladi.

Audi A7 Sportback modeli toʻxtatilganini va A6 nomini A7 ga oʻzgartirish gʻoyasidan voz kechganini tasdiqladi. Sedan hajmi biroz kattalashib, uzunligi 58 mm ga ortadi.

Sedan rasmiy ravishda 15-aprelda taqdim etiladi. Modelning Yevropadagi sotuvi 2025-yil oxirida boshlanishi rejalashtirilgan.

Eslatib oʻtamiz, Kursiv Uzbekistan nashri Audi 7,5 mingta ish oʻrnini qisqartirishni rejalashtirgani haqida yozgan...

Euronews Toshkentda yangi ofis ochishini ma’lum qildi. Kompaniya LinkedIn’dagi rasmiy sahifasida bu haqda ma’lumot berdi.

Euronews saytida kompaniyaning Toshkentdagi jamoasi prodyuser qidirayotgani haqida xabar berilgan. Ish boshlanishining taxminiy sanasi – 2025-yil 1-may.

Euronews 1993-yilda Fransiyada tashkil topgan xalqaro yangiliklar tarmog‘idir. U 160 dan ortiq mamlakatlarda efirga uzatiladi. Kompaniya dunyo bo‘ylab siyosiy va iqtisodiy yangiliklarni yoritadi.

Avvalroq Shavkat Mirziyoyev Euronews telekanaliga bergan intervyusida telekanal bilan aloqalar yo‘lga qo‘yilishi aytib o‘tilgan edi.

O‘zbekiston Intervision musiqa tanlovida ishtirok etadi. Bu haqda «RIA Novosti” Rossiya prezidentining xalqaro madaniy hamkorlik bo‘yicha maxsus vakili Mixail Shvidkoyga tayanib xabar bermoqda.

Musobaqada O‘zbekistondan tashqari Xitoy, Saudiya Arabistoni va Qozog‘iston ham ishtirok etishini tasdiqladi. Intervision’da Ozarbayjon, Braziliya, Tailand va Janubiy Afrikadan kelgan musiqachilar ham ishtirok etadi.

Shu bilan birga, Rossiya ushbu madaniy tadbirda ishtirok etish borasida Serbiya va Vengriya vakillari bilan muzokaralar olib bormoqda.

Intervision xalqaro musiqa tanlovi Rossiyada markaziy kanallar orqali namoyish etiladi. Tanlov ishtirokchilari professional hakamlar hay’ati tomonidan baholanadi, ammo gʻolib aniq qanday tanlanishi hozircha noma’lum.

Eslatib o‘tamiz, Kursiv Uzbekistan nashri O‘zbekiston...

Shavkat Mirziyoyev 7-aprel kuni Parlamentlararo Ittifoqning 150-yubiley assambleyasida Rossiya delegatsiyasiga rahbarlik qilayotgan Rossiya Federal majlisi federatsiya kengashi raisi Valentina Matviyenkoni qabul qildi. Bu haqda prezident matbuot xizmati xabar bermoqda.

Shavkat Mirziyoyev uchrashuv avvalida Valentina Matviyenkoni tavallud kuni bilan samimiy tabriklagan.

Oʻzbekiston bilan Rossiya oʻrtasidagi keng qamrovli strategik sheriklik va ittifoqchilik munosabatlarini yanada mustahkamlash masalalari koʻrib chiqilgan. Shuningdek, parlamentlararo aloqalar samarali boʻlayotgani yuksak baholangan.

Ikki tomonlama parlament nazorati boʻyicha faol hamkorlikni davom ettirish va savdo-iqtisodiy sheriklik sur’atini ta’minlash, sanoat kooperatsiyasi loyihalarini qoʻllab-quvvatlashga alohida e’tibor qaratilgan.

Eslatib oʻtamiz, Kursiv Uzbekistan Parlamentlararo Ittifoqning 150-yubiley assambleyasining birinchi yalpi majlisi boʻlib oʻtgani haqida...

BYD kompaniyasi Han L va Tang L yangi flagman elektromobillari chiqarilishini e’lon qildi. Ularning rasmiy premyerasi 9-aprelda boʻlib oʻtadi.

Ikkala model ham eng soʻnggi elektron avlod arxitekturasida yaratilgan boʻlib, 1000V zaryadlashni qoʻllab-quvvatlaydi. Bu atigi 5 daqiqada 400 km gacha quvvat zaxirasini toʻldirish imkonini beradi.

Han L va Tang L ning yuqori versiyalari maksimal quvvati 580 kVtgacha va aylanish tezligi 30 511 rpm gacha boʻlgan elektr motorlar bilan jihozlangan. 100 km/soat tezlashishi taxminan 2 soniya davom etadi. Ularning maksimal tezligi 300 km/soatdan oshadi.

Han L oʻlchamlari: 5050 × 1960 × 1505 mmni tashkil etadi. Gʻildirak bazasi 2970 mm. Tang L...

Qaysi mashinalar besh yil ichida o‘z qiymatini yo‘qotishi mumkin? Amerikaning iSeeCars analitik xizmati besh yillik ekspluatatsiya davrida minimal qiymat ulushini yo‘qotadigan eng likvidli avtomobillarni nomladi. Peshqadamlar Porsche, Toyota, Chevrolet va Honda bo‘ldi.

Mutaxassislar «besh yillik rejalar» ni sotish bo‘yicha 800 ming e’lonni olib, kimning narxi asta-sekin tushib ketayotganini aniqladi.

Qiymatning o‘rtacha yo‘qolishi 45,6% ni tashkil etadi, bu pandemiyadan oldingi darajadan biroz past (2019-yilda 49,6%). Ammo bozor past bo‘lgan 2023-yildagidan ham yomonroq.

Yuqori antireytingga o‘z qiymatining deyarli 59 foizini yo‘qotadigan elektromobillar kiradi. Gibridlar, aksincha, barqaror – 40,7%. Ammo likvidlikning haqiqiy qirollari sport avtomobillari va yapon brendlari bo‘ldi.

Eng arzonlari:

AQShda General Motors Chevrolet brendlarini ishlab chiqarishni 2025-yilni 2018-yildan beri eng yaxshi natija bilan boshladi. Equinox va Traverse ishlab chiqarishda mos ravishda 31 foiz va 62 foizga yuqorilagan.

General Motors’ning AQShda sotuvlari 17 foizga oshib, 693 mingtaga yetdi. Kompaniya savdo boʻyicha yetakchilikni qoʻliga oldi. Toyota 570 mingta avtomobil bilan ikkinchi oʻrinni egalladi. Ford 501 ming mashina bilan uchinchi oʻrinni qayd etgan.

Kia va Mazda ushbu chorakda kuchli natijaga erishgan. Hyundai va Honda savdosida oʻsishlar qayd etilgan. Biroq AQShda import qilinadigan avtomobillar va butlovchi qismlarga 25 foizlik bojlarning joriy etilishi, hatto, mahalliy ishlab chiqarilgan modellar uchun ham logistikani...

Tesla arzon akkumulyatorlarini ishlab chiqarishni boshladi. Bu haqda Teslatarati nashri ma’lum qildi.

Tesla Texasdagi Gigafactory’da 4680 akkumulyator ishlab chiqarishni kengaytirdi. Ularning bir kilovatt-soati bo‘yicha narxi raqobatchilardan past. Kompaniya ishlab chiqarish xarajatlarini qisqartirishga katta e’tibor qaratmoqda. Bu esa uchinchi tomon etkazib beruvchilarga bog‘liqlikni kamaytirmoqda. Natijada elektromobil narxlari kelajakda yanada arzonlashadi.

Tesla bu turdagi batareyani ilk bor 2020-yilda e’lon qilgan edi. Uning o‘lchami 46 x 80 millimetr silindrsimon shaklda bo‘ladi. Avvalgi 2170 formatga nisbatan energiya sig‘imi besh baravar katta. Quvvati ham olti barobar oshgan bo‘lib, samaradorlikni ta’minlaydi. Tesla uni Gigafactory’da katta hajmda ishlab chiqarmoqda.

Tesla menejeri Maykl Guilfoy LinkedIn sahifasida...

Bugun, 7-aprel kuni Toshkentda bo‘lib o‘tayotgan Parlamentlararo Ittifoqning 150-yubiley assambleyasi doirasida Shavkat Mirziyoyev nutq so‘zladi. Davlat rahbari 2025-yilda aholini qashshoqlikdan chiqarish ko‘rsatkichini 6 foizgacha kamaytirish maqsad qilinganini ma’lum qildi.

Ushbu tadbirda 140 ga yaqin mamlakatdan 2 mingdan ortiq vakillar ishtirok etmoqda.

So‘nggi 30 yilda jahon yalpi ichki mahsuloti hajmi 4,5 barobarga oshgan bo‘lsa-da, kambag‘al aholi qatlamining daromadlari deyarli o‘zgarmaganligi ta’kidlandi. Agar bu tendensiya davom etsa, 2030-yilgacha 575 mln inson qashshoqlikda, 84 mln bola esa ta’limsiz hayot kechiradi.

O‘zbekistonda keyingi yillarda parlament faoliyatini takomillashtirish maqsadida 20 dan ortiq qonun qabul qilingan. 2023-yildagi umumxalq referendumi orqali parlament vakolatlari jiddiy ravishda kengaytirildi...

«Toshkent» respublika fond birjasida (RFB) joy olgan yuqori likvidli aksiyalarning aksariyati 28-martdan 4-aprelgacha boʻlgan davrda turli dinamikani koʻrsatib, UCI fond indeksi 0,11 foizga oshdi.

Eng katta oʻsishga erishgan kompaniyalar qatoridan «Aloqabank»ning imtiyozli aksiyalari (+14,09%), «Kvarts» (+22,94%) va «Oʻzbektelekom” (+17,79%) joy oldi.

Aksiyalari haftani salbiy natija bilan yakunlagan kompaniyalar orasida esa «Ipak yoʻli banki» (-14,48%), «Oʻzbekgeofizika» (-5,21%) va «Oʻzbekiston pochtasi» (-5,04%) yetakchilik qildi.

Aprel oyiga doir yuqori likvidli aksiyalar ro‘yxatida qator o‘zgarishlar yuz berdi. Xususan, ushbu oyda «Ipoteka-bank»ning oddiy va imtiyozli aksiyalari, «Turon bank», «Universal bank», «O‘zbekneftgaz» hamda «UzAuto Motors» aksiyalari yuqori likvidli aksiyalar ro‘yxatidan chiqarildi.

Ularning o‘rnini esa «O‘zbekgeofizika...

Exeed TXL Night Edition nomi bilan xalqaro bozorda tanilgan yangi model taqdim etildi. Bu haqda ITHome nashri ma’lum qildi. Xitoyda $23 minglik boshlang‘ich narxda sotuvga chiqdi.

Model katta radiator panjarasi va LED chiroqlari bilan ajralib turadi. Ular chiroyli tarzda bitta chiziqqa birlashtirilgan yoritish tizimidir. Bagaj, emblema va eshik romlari qora aksanlar bilan bezatilgan. Qoraytirilgan orqa oynalar unga sportona tus bag‘ishlagan. Xaridorlar 19 yoki 20 dyuymli g‘ildiraklarni tanlashi mumkin. G‘ildiraklar qizil tormoz kaliperlari bilan jihozlangan. Krossoverning eshik tutqichlari klassik ko‘rinishda qoldirilgan.

Salon ikki dona 12,3 dyuymli ekran bilan boyitilgan. Asboblar paneli ham, markaziy displey ham bir xil o‘lchamda. Multimedia...

Vashington universiteti tibbiyot fakulteti olimlari oziq-ovqat allergiyasining rivojlanishiga toʻsqinlik qiluvchi maxsus turdagi immun hujayrani aniqlashdi. Tadqiqot natijalari Cell nashrida chop etildi.

Maxsus immun – «RORgt+» hujayralari ichaklarda topiladi va oziq-ovqat allergenlariga tolerantlikni rivojlantirishda asosiy rol oʻynaydi. Ularsiz hayvonlarda yalligʻlanish va zararsiz tuxum oqiga allergik reaksiya paydo boʻlgan.

Tadqiqot mualliflari «RORgt+» hujayralari immunitet tizimining boshqa a’zolariga oziq-ovqat xavfli emasligini «tushunishlariga» yordam beradi. Tajriba sifatida sichqonlarning ichaklaridan bu hujayralarni olib tashlashgan. Buning natijasida hayvonlarda oziq-ovqatga nisbatan tolerantlik yoʻqolib, allergiya belgilari paydo boʻla boshlagan.

Olimlarning ta’kidlashicha, odamlarda ham xuddi shunday hujayralar mavjud. Ular allergik reaksiyaning boshlanishiga toʻsqinlik qiladigan terapiyani yaratish imkonini beradi.

«Panorama Airways» va «Gulbakhor Airways» firmalari Umra safarlarini tashkil etishda fuqarolarga 25 mlrd so‘mlik zarar yetkazgan. Bu haqda Raqobat qo‘mitasi xabar berdi.

Qo‘mitaning ta’kidlashicha, internet va ijtimoiy tarmoqlarda arzon narxlardagi Umra safarlari reklama qilinayotgan bo‘lib, bunday xizmatlarni ko‘rsatayotgan ayrim firmalar hech qanday ruxsatnoma yoki litsenziyaga ega emas.

Jumladan, «Panorama Airways» va «Gulbakhor Airway» firmalari tomonidan 25 mlrd so‘mlik zarar yetkazilib, 2,5 mingdan ziyod fuqarolar jabrlangan.

Surxondaryodagi «Bilolbek Travel» xodimi ruxsatnomasiz Umraga borishni va’da qilib, fuqarodan 14,9 mln so‘mni aldov yo‘li bilan olgan. Shu firmaga qarashli filialdagi yana bir xodim fuqarodan $2,2 mingni qo‘lga kiritgan.

Bu kabi holatlar yuzasidan tegishli huquqni...

2025/2026 yilgi isitish mavsumida ehtiyojmand oilalarni qo‘llab-quvvatlash maqsadida noyabr oyida ayrim toifadagi oilalarga 1 mln so‘mdan bir martalik moddiy yordam beriladi. Bu haqda Adliya vazirligi ma’lum qildi.

Unga ko‘ra, yordam ijtimoiy yordam reyestriga kiritilgan hamda «mahalla yettiligi» xulosasi asosida yordamga muhtoj deb topilgan oilalarga ajratiladi. Boquvchisini yo‘qotganlar va nogiron a’zosi bor oilalar ustuvor hisoblanadi. Nogironligi bor farzandni parvarishlayotganlar hamda uzoq davolanishga muhtojlar ham ko‘zda tutilgan. Yolg‘iz keksalar va nogironlar ham moddiy yordam olishi mumkin. Gaz yoki isitish tizimi yo‘q uyda yashovchilar ham inobatga olinadi.

Qo‘shimcha tuziladigan ro‘yxatdagi oilalar soni reyestrga kiritilgan oilalar sonining 40 foizidan oshmasligi lozim.

Eslatib o‘tamiz...

Xitoyning Xpeng kompaniyasi sun’iy intellekt bilan jihozlangan yangi Xpeng X9 minivenini taqdim etdi. Ushbu model orqa g‘ildiraklar rul boshqaruvi va adaptiv osma tizimiga ega bo‘lgan dunyodagi yagona avtomobil hisoblanadi, deya xabar bermoqda Weibo.

Unga ko‘ra, Xpeng X9 7 o‘rinli, ultra qulay va zamonaviy dizaynga ega. Old o‘rindiqlarda massaj funksiyasi, 23 karnayli audio tizim, katta sensorli ekran va ovozli boshqaruv mavjud. Avtomobil 5,7 soniyada 100 km/soat tezlikka chiqadi, maksimal tezligi esa 200 km/soatni tashkil etadi.

Uch xil akkumulyator variantiga ega Xpeng X9 to‘liq zaryadda 702 km gacha yuradi. 10 daqiqalik tez zaryad esa 300 km masofani bosib o‘tish imkonini beradi.

Amerikalik milliarder Bill Ekman tariflarning halokatli ta’sirini yadro urushi oqibatlari bilan taqqosladi. Tadbirkorning X tarmogʻida AQSh prezidenti Donald Trampga murojaati paydo boʻldi.

Ekmanning ta’kidlashicha, tariflar yillar va hatto oʻnlab yillar davomida Qoʻshma Shtatlarga ishonchga putur etkazadi. Savdo cheklovlari sarmoyaga zarar yetkazadi, narxlarning oshishiga va iste’molning keskin pasayishiga olib keladi. Kichik biznes va kam daromadli iste’molchilar eng koʻp zarar koʻradi.

«Bu biz ovoz bergan narsa emas», – deya xulosa qildi Ekman.

Milliarder Donald Trampni tarif qarorini uch oyga kechiktirishga chaqirdi. Bu vaqt ichida prezident jamoasi savdo hamkorlari bilan muzokara olib borishi va Amerika tovarlariga nisbatan...

8-apreldan Rossiyaning Krasnodar shahriga muntazam avtobus qatnovlari yo‘lga qo‘yiladi. Bu haqda Transport vazirligi xabar berdi.

Qatnovlar «Uzautotrans service» korxonasi tomonidan haftaning seshanba va juma kunlari Yutong avtobuslarida amalga oshiriladi.

Joriy yilining 8-aprel kuni ilk reys «Toshkent» avtovokzalidan soat 20:00 da jo‘nab ketadi. Chipta narxi 900 ming so‘m. Chiptalarni avtoticket.uz sayti hamda «UzBus» mobil ilovasi orqali elektron shaklda hamda «Toshkent» avtovokzali kassalaridan sotib olish mumkin.

Avvalroq Kursiv Uzbekistan shahar va viloyatlararo yo‘lovchi tashish bo‘yicha tender e’lon qilingani haqida yozgandi.

Xitoy delegatsiyasi 5 – 8-aprel kunlari O‘zbekistonga tashrif buyurib, mamlakatimizning multimodal yuk tashish sohasidagi imkoniyatlari bilan tanishmoqda. Tashrif doirasida Uzbekistan Airports kompaniyasi rahbariyati bilan uchrashuv o‘tkazildi va delegatsiya Toshkent aeroportidagi yangi yuk terminali faoliyati bilan yaqindan tanishdi.

Xorijlik mehmonlar orasida Sinxua shahri Xitoy Kommunistik partiyasi qo‘mitasi kotibi, Iu shahri meri hamda Xitoyning eng yirik temir yo‘l yuk tashish kompaniyalaridan biri – YiWu Timex Industrial Investment Co., Ltd. prezidenti ham bor edi. Ular terminaldagi umumiy va maxsus omborxonalarni ko‘zdan kechirdi. Jumladan, o‘simliklar va tirik hayvonlar, qimmatbaho yuklar, oziq-ovqat mahsulotlari hamda dori-darmonlarni saqlash uchun mo‘ljallangan zamonaviy sharoitlar bilan tanishdilar.

Uzbekistan Airports...

Italiya A Seriyasining 31-turidan oʻrin olgan «Roma» va «Yuventus» qarama-qarshiligi 1:1 hisobidagi durang bilan yakunlandi.

Oʻyin boshida tashabbus mehmonlar tomonida boʻldi va 40-daqiqada Manuel Lokatelli «Yuventus»ni oldinga olib chiqdi. Ammo ikkinchi boʻlim boshida maydonga tushgan Eldor Shomurodov hisobni tenglashtirdi.

Oʻyinning qolgan daqiqalari ham qizgʻin kurashlar ostida oʻtdi, lekin darvozalarga boshqa gol kiritilmadi.

45 daqiqa ichida koʻp ishni bajargan Shomurodov 20 marta toʻpga tegib, 13 ta uzatma berdi, ulardan 11 tasi manziliga aniq yetib bordi (85%). Uchrashuv yakunida Shomurodov uchrashuvning yaxshi futbolchisi, deb topildi. Bundan tashqari, futbolchiga Sofascore platformasi 7,2 ball berib, uni eng yaxshi oʻyinchilar qatoriga kiritdi.

Shuningdek, «Roma» darvozaboni...

2025-yilning 7-aprelida savdo boshlanishida Bitcoin narxi qariyb $77 minggacha pastladi. Bu haqda Investing nashri xabar bermoqda.

Boshqa yirik kriptovalyutalarda ham sezilarli pasayish kuzatildi. Ethereum 12,15%, Ripple 10,54%, Cardano 11,20%, Solana 11,66% gacha pasaydi. Kriptovalyuta bozorining umumiy kapitallashuvi bir hafta ichida taxminan $500 mlrdga kamaygan.

Kriptoaktivlarda pastlash AQSh prezidenti Donald Tramp tomonidan joriy etilgan yuqori bojlar global savdo urushi qoʻrquvini kuchaytirgan bir paytda sodir boʻlmoqda. Bu ekspertlarning Tramp ma’muriyati davrida kriptovalyuta bozorining narxlarida keskin oʻsish qayd etilishi mumkin degan taxminini kuchsizlantirmoqda.

Eslatib oʻtamiz, Kursiv Uzbekistan nashri avvalroq Prezident Donald Tramp tomonidan AQShning Xitoy, Kanada va Meksikaga import tariflari joriy qilinishi...