Yangiliklar

Yangi Sharp Aquos R10 smartfoni taqdim etildi. Bu haqda Gizmochina texnologiyalar nashri xabar bermoqda.

Yangi smartfon yuqori yangilanish chastotasiga ega OLED displey, Leica hamkorligidagi kamera va SI funksiyalari bilan jihozlangan.

Sharp Aquos R10 6,5 dyuymli Full HD+ Pro IGZO OLED displeyga ega bo‘lib, u 1 dan 240 Gts gacha yangilanish tezligini qo‘llab-quvvatlaydi. Ekran maksimal 3000 nit yorqinlikka ega va HDRsiz videoni yaxshilovchi Virtual HDR texnologiyasini taklif etadi.

Smartfonga Snapdragon 7+ Gen 3 chipi, 12 GB LPDDR4X tezkor xotira va 512 GB gacha UFS 4.0 xotira o‘rnatilgan.

Sovitish uchun mis asosli issiqlik o‘tkazuvchi tizim ishlatilgan. Qurilma Android 15 platformasida ishlaydi...

2025-yilning may oyida O‘zbekistonda yillik inflyatsiya (iste’mol narxlari indeksi — INI) 8,7% ni tashkil etdi. Bu ko‘rsatkich aprel oyidagi 10,1% ga nisbatan 1,4 foiz bandga past. Oylik inflyatsiya esa 1,5% ni tashkil etdi, deb xabar bermoqda Milliy statistika qo‘mitasi.

Qo‘mita ma’lumotiga ko‘ra, narxlar o‘sishiga eng katta hissa kommunal xizmatlar, elektr energiyasi va gaz tariflarining oshirilishi sabab bo‘lgan. Masalan, elektr narxi o‘rtacha 18,8%, gaz esa 39,2% ga qimmatlashdi. Shuningdek, metan yoqilg‘isi narxi 27% ga oshdi.

«2025-yil may oyidan boshlab, aholi iste’moli uchun elektr energiyasi va tarmoq gazi uchun yangilangan tariflar joriy qilindi. Respublika bo‘yicha elektr energiyasi narxi o‘rtacha...

Qirg‘izistonning Jalolobod viloyati va O‘zbekistonning Namangan viloyati o‘rtasidagi tovar ayirboshlash hajmi 2024-yilda yillik o‘sish 197 foizni tashkil qilib, 150 million dollarga yetdi. Bu haqda Qirg‘iziston Respublikasi Savdo-sanoat palatasi xabar bermoqda.

Qirg‘iziston viloyati O‘zbekiston Respublikasiga asosan chorvachilik, yong‘oq, elektr energiyasi va ko‘mir yetkazib beradi. Bu haqda Namanganda bo‘lib o‘tgan biznes-forumda ma’lum qilindi.

Forumda «Baytala» savdo-logistika markazi va GESlar kaskadi qurilishi boshlangani qayd etilgan. Ikki davlat tadbirkorlari ham turli shartnomalar imzolagan.

Milliy statistika qo‘mitasi ma’lumotlariga ko‘ra, o‘tgan yili Qirg‘iziston Respublikasi bilan O‘zbekiston Respublikasi o‘rtasidagi tovar ayirboshlash hajmi $846 mlndan oshgan bo‘lsa , 2023-yilda bu ko‘rsatkich $968,3 mlnni tashkil qilgan.

Eng yaxshi Xitoy elektromobillari reytingi e’lon qilindi. Bu haqda «Kitayski avtomobili» portalida ma’lum qilindi.

Reytingda 20 mingdan ortiq yangi avlod elektromobil egalari 11 ta yo‘nalish bo‘yicha (interyer, eksteryer, qulaylik, xavfsizlik va h.k.) 45 mezonda baho berdi. Eng yuqori ball — Xiaomi va BYD, eng past ball — Chery va Toyota avtomobillariga to‘g‘ri keldi.

Quyidagi jadvalda reyting bilan qisqacha tanishishingiz mumkin:

Eslatib o‘tamiz, Kursiv Uzbekistan nashri Xitoyning eng kuchli avtomobillari reytingi e’lon qilingani haqida yozgan edi.

Bryansk va Kursk viloyatlaridagi ko‘priklarning qulashiga portlashlar sabab bo‘lgan. Bu haqda Rossiya Federatsiyasi tergov departamenti xabar berdi.

Rossiyaning ikki viloyatida ko‘prik qulashi 31-may va 1-iyun kunlari sodir bo‘lgan. Departament hodisani terakt deb atadi.

31-may kuni Bryansk viloyatida, Pilshino-Vigonichi temir yo‘l uchastkasida avtomobil ko‘prigi qulab tushgan edi. Buning natijasida Bryanskda yetti kishi halok bo‘lgan, 70 dan ortiq kishilar jarohatlangan. Rasmiylarga ko‘ra, uning ostidan poyezd o‘tayotgan bo‘lgan.

1-iyun kuni 1-iyunga o‘tar kechasi Jeleznogorsk viloyatida, Ostapovo-Mixaylovskiy kon uchastkasida temir yo‘l ko‘prigi portlatib yuborilgani natijasida teplovoz ekipaji jarohat olgan.

Eslatib o‘tamiz, Kursiv Uzbekistan nashri Rossiyada kvota asosida ishlayotgan migrantlar imtihondan...

Samsung kompaniyasi Galaxy S22, Galaxy S22+ va Galaxy S22 Ultra smartfonlari uchun One UI 8.0 beta versiyasini tez orada taqdim etishga tayyorlanmoqda. Bu haqda ITHome nashri xabar bermoqda.

Avvalroq Geekbench’da oldindan o‘rnatilgan Android 16’ga ega Galaxy S22 Ultra paydo bo‘lgan edi. Biroq bu liniya beta-sinovda ishtirok etadimi yoki Samsung ushbu modellar uchun yangilanishning so‘nggi versiyasini darhol chiqaradimi yoki beta-bosqichni chetlab o‘tadimi, aniq emas edi.

Samsung Galaxy Jump 3 (M44) smartfoni foydalanuvchilari uchun One UI 7 interfeysi va Android 15 operatsion tizimining rasmiy yangilanishi taqdim etilgan edi.

Eslatib o‘tamiz, Kursiv Uzbekistan nashri Samsung Galaxy S25 Edge egiluvchanlik testidan...

Rossiya hukumati kvota asosida ishlayotgan mehnat muhojirlarini rus tili va tarixidan imtihonlardan ozod qilishni rejalashtirmoqda. Qonun loyihasi ko‘rib chiqish uchun Davlat Dumasiga yuborgan.

Muayyan toifadagi xorijliklarning ozod etilishi Rossiya Federatsiyasining ijtimoiy va moliyaviy ahvoliga salbiy ta’sir ko‘rsatmasligi kutilmoqda. Qonun loyihasi mualliflarining fikricha, xorij fuqarolari asosan sanoat va qurilish sohasida ishlaydi.

Kvota muhojirlarga Rossiyada bir yilgacha qolish imkonini beradi va ularning o‘z vaqtida chiqib ketishi uchun ish beruvchi javobgar bo‘ladi. 2024-yilda 156 mingga yaqin ishlash uchun ruxsatnomalar berildi.

Qonun loyihasi mualliflari kvota bo‘yicha mehnat muhojirlari asosan Xitoy, Hindiston, Turkmaniston va Turkiyadan kelishini ta’kidlamoqda.

Eslatib o‘tamiz, Kursiv Uzbekistan nashri Migrantlar uchun...

O‘zbekiston Toshkentdagi mudofaa texnologiyalari festivalida sovet T-64 tankini modernizatsiya qilish loyihasini taqdim etdi. Bu haqda «Miltarnyi»portali xabar bermoqda.

Tank qo‘shimcha zirh va yangi dvigatel bilan jihozlangan. Shu bilan birga, minoraga uskunalar, konditsioner tizimlari yoki qo‘shimcha elektronika o‘rnatish uchun maxsus bo‘lim qo‘shilgan bo‘lishi mumkin.

Portal tankda tutun pardasi yotqizish uchun minomyotlar va NSVT (Nikitin-Sokolov-Volkov tanki) pulemyoti yo‘qligini ta’kidlagan.

2022-yilda O‘zbekiston armiyasida yuzdan ortiq T-64 tanklari, shuningdek, turli modifikatsiyadagi 100 dan ortiq T-72 tanklari xizmat ko‘rsatgan.

Eslatib o‘tamiz, Kursiv Uzbekistan nashri Dunyoda harbiy xarajatlar rekord darajada oshgani haqida yozgan edi.

Mazda kompaniyasi Mazda EZ-6 Sports Edition avtomobilining sotuvi 7-iyundan boshlanishi ma’lum bo‘ldi. Bu haqda Carnewschina xabar bermoqda.

Ushbu model dastlab 2024-yil oktabr oyida sotuvga chiqarilgan standart EZ-6 modeliga asoslanadi va mavjud quvvat uzatuvchi variantlarini saqlab qolgan holda bir nechta sport yangilanishlarini taqdim etadi.

Sports Edition yon yubkalar, oyna qopqoqlari va 19 dyuymli qotishma g‘ildiraklar kabi qoraygan elementlari mavjud. U qizil tormoz kaliperlari bilan to‘ldirilgan. Ichki qism qizil kontrastli tikuv va uglerod tolasi aksentlari bilan yuqori sifatli qora zamsh qoplamasiga ega bo‘ladi.

Shuningdek, 190 kVt quvvatga ega va 0 dan 100 km/soat tezlikka 6,9 soniyada tezlashuvchi elektr versiyasi ham mavjud.

O‘zbekistonda xizmat ko‘rsatgan madaniyat xodimi, rassom, taniqli bastakor, ustoz va professor Dilorom Omonullaeva 66 yoshida olamdan o‘tdi. Bu haqda O‘zbekiston kompozitorlari va bastakorlari uyushmasi xabar bermoqda.

U O‘zbekiston Respublikasi san’at arbobi, milliy estrada musiqasi rivojiga katta hissa qo‘shgan atoqli kompozitor edi.

Dilorom Omonullaeva «Do‘stlik» ordeni, madaniyat va san’at sohasida «Fidokorona xizmatlari uchun» ko‘krak nishonlari bilan taqdirlangan.

Eslatib o‘tamiz, Kursiv Uzbekistan nashri sobiq Madaniyat vaziri Zafar Hakimov vafot etgani haqida yozgan edi.

Xitoyning yetakchi elektromobil ishlab chiqaruvchisi BYD Great Wall Motor rahbari tomonidan ilgari surilgan moliyaviy barqarorlikka oid tanqidlarga javoban, Evergrande bilan solishtirishni asossiz deb atadi. Bu haqda Carnewschina xabar bermoqda.

Great Wall Motor rahbari avtomobil sanoatidagi moliyaviy xavflarni Evergrande inqirozi bilan taqqoslab, bu sohada ham shunga o‘xshash inqiroz yuzaga kelishi mumkinligini ta’kidlagan edi. BYD esa bu da’volarni rad etib, kompaniyaning moliyaviy ko‘rsatkichlari boshqa yirik avtomobil ishlab chiqaruvchilarnikidan yaxshiroq ekanini ta’kidladi.

BYDning aktivlar va majburiyatlar nisbati 70% ni tashkil etadi, bu esa Ford (84%), General Motors (76%) va Boeing (102%) kabi kompaniyalarnikidan pastroqdir. Kompaniyaning umumiy qarzi $80 mlrdni tashkil etadi. Bu...

Haj ziyoratini ado etish uchun 15 ming nafar O‘zbekiston fuqarosi Saudiya Arabistoniga yetib bordi. Ziyoratchilarga malakali mutaxassislar va shifokorlar hamrohlik qilmoqda. Bu haqda O‘zbekiston musulmonlari idorasi rahbari, muftiy Shayx Nuriddin Xoliqnazar Prezident Shavkat Mirziyoyevga telefon orqali muloqotda ma’lum qildi.

Nuriddin Xoliqnazarning qo‘shimcha qilishicha, joriy yilda Toshkent shahrining iltimosiga ko‘ra mamlakatimizdan ziyoratchilar uchun Arafot vodiysida sovitish tizimi o‘rnatilgan yopiq chodirlar o‘rnatilgan.

«Bir so‘z bilan aytganda, bu yilgi haj mavsumiga yanada yuqori darajada tayyorgarlik ko‘rilib, barcha zarur sharoitlar hozirlandi», – deyiladi prezident matbuot xizmati xabarida.

O‘zbekiston musulmonlari idorasi rahbari ham Mirziyoyevga hojilarning salomini yetkazdi.

Eslatib...

Mashhur texno-bloger JerryRigEverything yaqinda Samsung‘ning eng yupqa smartfoni – Samsung Galaxy S25 Edge modelini o‘zining mashhur chidamlilik testlariga solib ko‘rdi.

Test davomida telefon sezilarli darajada egilgan va orqa qopqoq ramkadan ajralib chiqqan. Bu esa qurilmaning germetikligini buzadi. Ushbu holat kundalik foydalanishda kam uchrashi mumkin bo‘lsa-da, telefonni orqa cho‘ntakda olib yuradigan foydalanuvchilar uchun muhim ogohlantirish hisoblanadi.

Eslatib o‘tamiz, Kursiv Uzbekistan nashri Galaxy S25 Edge modeli batareya ishlash muddati bo‘yicha Galaxy S25 Plus’dan ancha ortda qolgani haqida yozgan edi.

Oliy Majlis deputati Akmal Saidov va onkolog Jamila Po‘latova Rossiya Fanlar akademiyasining (RFA) xorijiy a’zosi etib saylandi. Yangi a’zolar ro‘yxati ilmiy muassasa saytida e’lon qilindi.

Akmal Saidov sovet va o‘zbek huquqshunosi, huquq fanlari doktori. U qiyosiy huquq va xalqaro huquq haqidagi asarlari bilan mashhur.

Saidov Inson huquqlari bo‘yicha milliy markazga rahbarlik qiladi. 2017-yilda O‘zbekiston Fanlar akademiyasining faol a’zosi etib saylangan va ikki marta mamlakat prezidentligiga nomzodini qo‘ygan (2015-yilda 3 foiz ovoz olib, ikkinchi o‘rinni egallagan). 2022-yilda Akmal Saidov Konstitutsiyaviy islohotlar bo‘yicha milliy komissiya raisi bo‘lgan.

Jamila Po‘latova – o‘zbekistonlik ortoped-jarroh va onkolog, Toshkent davlat stomatologiya instituti professori. Respublika ixtisoslashtirilgan...

«PSJ» klubi o‘z tarixida ilk bor UEFA Chempionlar ligasi g‘olibiga aylandi. Mavsumning hal qiluvchi uchrashuvi 31-may kuni Myunxenda bo‘lib o‘tdi va unda parijliklar Italiyaning «Inter» jamoasini yirik – 5:0 hisobida mag‘lubiyatga uchratdi.

Bahsning 12-daqiqasidayoq marokashlik himoyachi Ashraf Hakimi hisobni ochdi. Oradan ko‘p o‘tmay, Due 20-daqiqada ikkinchi golni urdi va 63-daqiqada uning o‘zi yana bir bor raqib darvozasini ishg‘ol qilib, dubl muallifiga aylandi.

O‘yinning 73-daqiqasida jamoaning navbatdagi goli Xvicha Kvaratsxeliya tomonidan kiritildi. Yakuniy hisobni 86-daqiqada Mayulu o‘rnatdi.

Shu tariqa «PSJ» birinchi marta Yevropa Chempionlar ligasi sovrinini qo‘lga kiritdi. «Inter» esa so‘nggi uch yilda ikkinchi bor finalda imkoniyatni boy berdi.

Avvalroq...

O‘zbekistondagi Pepsi ishlab chiqaruvchisining hamkori bo‘lgan Holten Group kompaniyasi Gruziyada zavod qurishni rejalashtirmoqda. Bu haqda Forbes Kazakhstan nashri xabar berdi.

Loyiha doirasida 2025-yil oxirigacha yangi ishlab chiqarish korxonasi ishga tushirilishi kutilmoqda. Korxonaga Holten Group aksiyadorlaridan biri, qozog‘istonlik tadbirkor Almas Sultangazin ham sarmoya kiritadi.

Ma’lumot uchun, Almas Sultangazin bundan avval Burger King Kazakhstan tarmog‘ini sotib olgan. 2025-yil aprel oyida mazkur brendning ilk restoranlari O‘zbekistonda ochilishi rejalashtirilayotgani ma’lum bo‘ldi. Bundan tashqari, ushbu tarmoqni Qirg‘iziston bozoriga olib chiqish rejalari ham bor.

Franshiza egalari allaqachon O‘zbekistonda Pepsi ishlab chiqaruvchi International Beverages Tashkent kompaniyasi bilan hamkorlikda restoranlar ochish yuzasidan shartnoma imzolagan.

Ayni...

O‘zbekiston Respublikasi valyuta birjasi ma’lumotlariga ko‘ra, may oyining boshida (2-may kuni) dollar kursi 12 915 so‘m atrofida belgilangan bo‘lib, bu ko‘rsatkich 30-aprelga nisbatan deyarli o‘zgarmagan (12 920,16 so‘m). Ammo 30-mayga kelib dollar kursi 12 790,43 so‘mga pasaydi.

May oyi davomida dollar kursi bir necha bor ko‘tarilib-pasaydi. 14-may kuni u oy davomida eng yuqori darajaga – 12 980,16 so‘mga yetdi.

Shundan so‘ng, 19-may kuni kurs keskin tushib, 12 858,15 so‘mga pasaydi (bir kunda 58,95 so‘mga). Bu tendensiya davom etib, 29-mayga kelib dollar kursi oy davomida qayd etilgan eng past darajaga – 12 768,26

Janubiy Koreyaning yirik texnologiya kompaniyalari LG Energy Solution va Samsung SDI AQSh hududida litiy-temir-fosfat (LFP) batareyalari ishlab chiqarishni yoʻlga qoʻyishga tayyorgarlik koʻrmoqda. Bu haqda IT Home portali Korea Economic Dailyʼga tayanib, xabar berdi.

Mazkur tashabbus elektromobillar uchun arzonroq akkumulyatorlarga talab oshib borayotgan bir paytda amalga oshirilmoqda. Uzoq yillar mobaynida AQSh bozorida asosan nikel, kobalt va marganets (NMC) asosidagi batareyalar ishlab chiqarilgan boʻlsa-da, endilikda LFP texnologiyasi xarajatlarni qisqartirishga intilayotgan ishlab chiqaruvchilar, jumladan, General Motors uchun strategik ahamiyat kasb etmoqda.

Indiana shtatining Nyu-Karlayl shahrida joylashgan, qiymati $3,5 milliardga teng boʻlgan Samsung SDI va General Motors qoʻshma korxonasi 2027-yildan boshlab prizmatik LFP...

AQShga po‘lat va alyuminiy importi uchun 50 foizga oshirilgan bojxona to‘lovlari 4-iyundan boshlab kuchga kiradi. Bu haqda prezident Donald Tramp Truth Social platformasidagi sahifasida ma’lum qildi.

Avvalroq Tramp Pensilvaniya shtatidagi chiqishida bu chora haqida ochiq bayonot bergan edi. Uning soʻzlariga koʻra, bu qaror xorijdan kirib kelayotgan poʻlat va alyuminiy oqimini cheklash, shuningdek, AQSh sanoatini qoʻllab-quvvatlash maqsadida qabul qilingan.

«Biz 4-iyundan boshlab poʻlat va alyuminiy importiga nisbatan bojlarni 25 foizdan 50 foizga oshiramiz», – dedi Tramp oʻz nutqida.

Mazkur qaror ortidan huquqiy tortishuvlar ham yuzaga keldi. 28-may kuni AQSh Federal Savdo sudi Trampning prezidentlik vakolatlaridan...

Transfermarkt portali Angliya Premer-ligasi (APL) futbolchilarining bozor qiymatini yangiladi. Portal tomonidan «Manchester Siti» himoyachisi Abduqodir Husanovning transfer qiymati 35 million yevro deb belgilandi va oʻzgarishsiz qoldi.

Portal bu yil mavsum yaxshi oʻyin oʻtkazgan yosh futbolchilarning narxi sezilarli oshganini ta’kidlamoqda. Eng katta oʻsishni «Nyukasl» hujumchisi Aleksandr Isak qayd etdi. Uning qiymati 20 million yevroga ortib, 120 million yevroga yetdi.

Shuningdek, Bornmut himoyachisi Milosh Xeysen (+18 mln yevro) va «Arsenal»ning iqtidorli yarim himoyachisi Etan Lyuis-Skelli (+17 mln yevro) ham narxi yaxshigina koʻtarilgan futbolchilar safidan joy oldi.

Narxi eng koʻp oshgan oʻyinchilar:

Oʻzbekistonga 2021-yildan 2024-yilgacha olib kirilgan mevalar hajmi toʻrt baravardan ham koʻproqqa oshib, $60 milliondan $250 millionga yetdi, deya xabar bermoqda EastFruit.

Ma’lum qilinishicha, bu oʻsishga banan, sitrus mevalar – mandarin va apelsin hamda olmaga boʻlgan ichki talabning kuchaygani sabab boʻlgan. Importdagi eng katta sakrash aynan ekzotik mevalarda emas, balki olma kabi oddiy mahsulotda kuzatilgan: 2021 – 2024-yillar oraligʻida olma importi 17 baravar oshib, $85 milliondan oshdi.

Banan importi ham uch baravarga ortib, ilk bor $100 millionlik marrani zabt etdi. Mandarin importi esa undan ham tez oʻsib, uch yilda toʻrt baravar koʻpaydi va $95 millionga yetdi.

Shu bilan birga, mazkur...

Turkiya prezidenti Rajab Toyyib Erdoʻgʻon Istanbulda oʻtkazilgan Islom iqtisodiyoti boʻyicha ikkinchi Jahon sammitida islom davlatlarini iqtisodiy hamkorlikni kengaytirishga chaqirdi.

Erdoʻgʻon musulmon mamlakatlari dunyo aholisining 25 foizini tashkil qilsa-da, islomiy moliya sektori hali salohiyatining atigi bir qismini amalga oshirayotganini ta’kidladi.

Erdoʻgʻonning fikricha, islom mamlakatlari savdo, investitsiya va moliyaviy hamkorlikni kuchaytirishi kerak. Turkiya rahbari hozirgi global iqtisodiyotning tengsizlik va ishlab chiqarishsiz oʻsishga asoslangan tizimining uzoq muddatli yechim emasligini, islom iqtisodiyoti esa adolat va birdamlikka asoslangan muqobil yoʻl boʻla olishini aytdi.

Shuningdek, Turkiyada islom banklari ulushi 8,1 foizda qolayotganini tanqid qilgan Erdoʻgʻon, mamlakatning islom moliyasini rivojlantirishga katta e’tibor qaratayotganini qayd etdi.

Sammit...

Oʻzbekistonlik professional bokschi Bektemir Meliqoʻziyev Las-Vegasda boʻlib oʻtgan boks oqshomida muhim gʻalabaga erishdi.

U shu paytgacha magʻlubiyat nimaligini bilmagan amerikalik bokschi Darius Fulghumga qarshi 12 raundlik jangda ustunlikka erishib, hakamlar qarori bilan zafar quchdi.

Mazkur gʻalaba Meliqoʻziyev uchun alohida ahamiyatga ega boʻldi. U nafaqat raqibiga professional faoliyatidagi ilk magʻlubiyatni ravo koʻrdi, balki shu orqali WBA (Jahon boks assotsiatsiyasi) chempionlik kamari uchun rasmiy da’vogar maqomini ham qoʻlga kiritdi.

Avvalroq Kursiv Uzbekistan Murodjon Ahmadaliyev Meksikada navbatdagi g‘alabasini qo‘lga kiritgani haqida xabar bergan edi.

Meksikada bo‘lib o‘tgan professional boks kechasida o‘zbekistonlik bokschi Murodjon Ahmadaliyev navbatdagi g‘alabasini qo‘lga kiritdi. U mezbon sportchi Luis Kastilioga qarshi ringga chiqib, 8-raundda texnik nokaut evaziga zafar quchdi.

Jang 10 raundga mo‘ljallangan bo‘lsa-da, Kastilio Ahmadaliyevning kuchli bosimiga bardosh bera olmadi. Hakam bellashuvni to‘xtatdi va o‘zbekistonlik bokschining ustunligini rasman e’tirof etdi.

Eslatib o‘tamiz, bu g‘alaba Ahmadaliyev uchun professional faoliyatidagi 15-jang bo‘ldi. U shu kungacha 14 marotaba ringni g‘olib sifatida tark etgan.

Avvalroq Kursiv Uzbekistan Murodjon Ahmadaliyev meksikalik raqibini nokautga uchratib, WBA Interim kamari sohibiga aylangani haqida xabar bergan edi.