Yangiliklar

Shavkat Mirziyoyev O‘zbekistondagi Islom sivilizatsiyasi markazi qurilishi bilan tanishdi. Bu haqda davlat matbuot xizmati ma’lum qildi.

Ushbu noyob majmua tariximiz va madaniyatimizni aks ettiruvchi yirik loyiha bo‘lib, qurilish yakuniy bosqichga yetib kelgan.

«Islom sivilizatsiyasining, islom ta’limotining zamini – aslida ilm-fan, madaniyat, ta’lim va tarbiyadir. Biz barpo etayotgan markazning bosh g‘oyasi, asosi ham shu. Eng muhim tomoni – yurtimizdagi islom madaniyati bilan bog‘liq bir necha ming yillik qadimiy o‘tmish bir joyda – mana shu majmuada mujassam bo‘ladi. Markaz bilan tanishgan odam ana shu tarixni yaqqol ko‘rib, islom dini, bu avvalo, tinchlik, taraqqiyot va bag‘rikenglik dini ekanini...

Saudiya Arabistoni o‘zining ilk besh yulduzli lyuks poyezdi «Sahro Orzusi»ni yo‘lga qo‘yadi. Bu haqda CNN axborot agentligi ma’lum qildi.

Unga ko‘ra, Saudiya Arabistoni temir yo‘llari va Italiyaning Arsenale S.p.A. brendi hamkorligida ishlab chiqilgan loyiha Yaqin Sharqdagi eng hashamatli temir yo‘l safari bo‘lishi kutilmoqda.

Poyezdning dizayni Saudiya madaniyati va merosidan ilhomlangan bo‘lib, AlUla, Madain Solih va Hail uslublari bilan bezatilgan. Ichki qismda an’anaviy majlis zallari, Art Deco uslubidagi yotoqxonalar va nafis yog‘och o‘ymakorligi mavjud.

14 ta vagon va 34 ta lyuks xona joylashgan ushbu poyezd Riyoddan Qurayyatgacha 1 300 km masofani bosib o‘tadi. Yo‘nalish davomida Hail shahrida to‘xtash rejalashtirilgan.

Sayohatchilar...

Yangi qabul qilingan qonun bilan tergov jarayonida shaxsning huquq va erkinliklarini yanada ishonchli himoya qilishga oid o‘zgartirishlar kiritildi. Bu haqda Adliya vazirligi ma’lum qildi.

Unga ko‘ra, endilikda tergov sudyasi sudga qadar ish yuritish bosqichida protsessual qarorlarni ko‘rib chiqish va ma’muriy huquqbuzarliklar bo‘yicha ishlarni nazorat qilish vakolatiga ega bo‘ladi.

Tergov jarayonida shaxs huquqlariga rioya etilishi tergov sudyasi tomonidan nazorat qilinadi. Shu bilan birga, tintuv o‘tkazish, telefon so‘zlashuvlarini eshitish, mol-mulkni xatlash bo‘yicha iltimosnomalarni ko‘rib chiqish tartibi aniq belgilandi.

Eslatib o‘tamiz, avvalroq Oʻzbekistonda insofsiz ijrochilar reyestri shakllantirilishi haqida yozgan edik.

Oʻzbekistonda fuqarolarning shaxsiy ma’lumotlari asosida turli tijorat banklaridan kredit ajratish holatlari sezilarli darajada koʻpaygan. Bu haqda Ombudsman matbuot xizmati xabar berdi.

Unga ko‘ra, 2024-yilda ombudsmanga kelib tushgan iqtisodiy huquqqa oid 6 mingdan ortiq murojaatlarning 9 foizi firibgarlik bilan bogʻliq. 2023-yilda bunday murojaatlar soni 110 tani tashkil qilgan boʻlsa, 2024-yilda 42 foizga oshgan.

Firibgarlar oʻzlarini Click yoki Markaziy bank xodimi sifatida tanishtirib, fuqarolarning shaxsiy ma’lumotlaridan foydalanib onlayn kredit rasmiylashtirishgan. Ba’zi holatlarda bir shaxs nomiga bir nechta bankdan kreditlar olingan.

Ichki ishlar organlari tergovchilari tijorat banklariga firibgarlik qurbonlari boʻlgan fuqarolarning kredit qarzdorligini toʻxtatish haqida koʻrsatmalar yuborgan. Ammo ayrim banklar hanuz ushbu...

Rossiya Oʻzbekistonda ishlab chiqarilgan Chevrolet Cobalt sedanini parallel import orqali yetkazib berishni davom ettirmoqda. Uning boshlang‘ich narxi 1,57 million rublni ($15,9 ming) tashkil etadi. Bu haqda «Avtonovosti dnya» xabar berdi.

Nashrning ta’kidlashicha, bu Rossiyaning eng oddiy jihozlangan Lada Vestaʼsining narxidan 5 ming rubl arzonroq.

Eng arzon mexanik uzatmali Cobalt LT komplektatsiyasi Orenburgdagi xususiy avtosalonda sotilmoqda. Xabarovskda esa aynan shu model, biroq avtomatik uzatmalar qutisi bilan 30 ming rubl qimmatroq narxda taklif etilmoqda.

Voronej, Tyumen va Lipetskda oʻzbek avtosanoati «moʻjizasi» uchun 1,78 milliondan 1,85 million rublgacha ($18 – 18,8 ming atrofida) narx soʻralmoqda.

Dekabr oyi boshida Kursiv Uzbekistan RBC Autonews...

29-yanvar kuni AQSh dollarining rasmiy kursi 6,64 soʻmga tushib, 12 968,34 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarni 12 900 – 12 960 soʻmdan sotib olayotgan boʻlsa, 12 975 – 13 030 soʻm oraligʻida sotmoqda.

Shu bilan birga, yevro 48,43 soʻmga tushib, 13 492,26 soʻmga yetdi. Rossiya rubli esa 0,74 soʻmga oshib, 132,32 soʻmga teng boʻldi.

Kursiv Uzbekistanʼga sharh bergan tahlilchilarning fikricha, yil oxirigacha AQSh dollari 13 700 – 13 800 soʻmga yetishi mumkin.

Qirgʻiziston milliy xavfsizlik davlat qoʻmitasi (MXX) Oʻzbekistonga kuchli ta’sir etuvchi dori vositalarini olib oʻtish kanalini toʻsib qoʻydi, deb xabar qildi departament matbuot xizmati.

Qirg‘iziston Respublikasining Botken viloyatida giyohvand moddalarning mast qiluvchi va ta’sirini kuchaytiruvchi 396 o‘ram dori vositalari bilan yigit qo‘lga olindi. Kontrabandachi yukni O‘zbekiston fuqarosiga o‘tkazishni rejalashtirgan.

Huquq-tartibot idoralari xodimlari qo‘lga olingan shaxsning uyida tintuv o‘tkazish chog‘ida boshqa kuchli ta’sir etuvchi dori vositalari ham topildi.

Ko‘p o‘tmay, Milliy xavfsizlik davlat qo‘mitasi xodimlari yetkazib berish tashkilotchisi bo‘lgan Botken viloyatida yashovchi shaxsni topdi. Ko‘zdan kechirish chog‘ida uning yonidan umumiy qiymati qariyb 4 mln som (deyarli 600 mln so‘m) bo‘lgan...

Turizm qoʻmitasi 2025-yilda Oʻzbekistonga 12 million xorijiy sayyoh kelishini taxmin qilmoqda. Bu haqda sayyohlik agentliklari bilan o‘tkazilgan ochiq muloqot chog‘ida ma’lum qilindi.

Qoʻmita boshlig‘i Umid Shodiev joriy yilda respublikaga Rossiyadan 1 million nafargacha sayyohni jalb etish rejalashtirilganini ta’kidladi. 2024-yilda bu ko‘rsatkich 870 mingni tashkil qilgan.

Shuningdek, u mamlakatdagi mahalliy sayyohlar soni 23 million kishiga yetishini qo‘shimcha qildi.

Turizm qoʻmitasi turistik xizmatlar eksportini $3,5 mlrdga yetkazishni rejalashtirmoqda, bu 2024-yildagi koʻrsatkichdan 9 foizga koʻpdir.

Eslatib o‘tamiz, o‘tgan yili O‘zbekistonga 10,2 million xorijlik tashrif buyurgan, bu 2023-yilga nisbatan 1,5 barobar ko‘pdir. Xitoydan kelgan mehmonlar soni 1,8 barobar, Italiyadan 1,5 barobar, Hindistondan kelganlar...

O‘zbekiston hukumati Farg‘ona viloyatining Rishton shahrida kulolchilik tarixi muzeyini tashkil etish to‘g‘risida qaror qabul qildi, deb xabar qildi Adliya vazirligi.

Muzey eksponatlarni yig‘ish va saqlash bilan birga, «Ustoz – shogird» an’anasi asosida yoshlarga kulolchilik san’atini o‘rgatish bilan shug‘ullanadi.

Madaniyat muassasasi ko‘rgazmalar tashkil etishda axborot texnologiyalaridan keng foydalanishni rejalashtirgan. Muzey faoliyati va uning konsepsiyasini ishlab chiqish uchun maxsus guruh mas’ul bo‘ladi.

Ko‘rgazmalar tashkil etishda xorijiy muzeylar bilan hamkorlikni yo‘lga qo‘yish rejalashtirilgan.

Avvalroq Kursiv Uzbekistan Buyuk Britaniyaning Tabiat tarixi muzeyi O‘zbekiston bilan hamkorlik qilishi haqida xabar bergan edi.

Prezidentning «Farmatsevtika tarmog‘ini jadal rivojlantirishga oid qo‘shimcha chora-tadbirlar to‘g‘risida»gi Farmoni qabul qilindi. Ushbu hujjat bilan farmatsevtika tarmog‘ini rivojlantirish yo‘nalishida yangi vazifalar belgilandi.

Farmatsevtika tarmog‘ini rivojlantirish agentligiga quyidagi qo‘shimcha vazifalar yuklatildi:

2025-yil yakuniga qadar «Farmatsevtika mahsulotlari xavfsizligi markazi» Jahon sog‘liqni saqlash tashkilotining dastlabki kvalifikatsiyasidan o‘tkazilishi belgilangan.

Shuningdek, 2025-yil 1-apreldan quyidagi qoidalar kuchga kiradi:

Xitoy avtomobil ishlab chiqaruvchisi Zeekr dunyo bozorlariga tez sur’atlar bilan kirib bormoqda. Hozirda kompaniya Shvetsiya, Daniya, Fransiya, Norvegiya, Isroil, Saudiya Arabistoni, Avstraliya, Tailand, Gonkong va boshqa 40 dan ortiq mamlakatlar va hududlarda oʻz faoliyatini olib bormoqda. Zeekr, shuningdek, Shvetsiyaning Gothenburg shahrida joylashgan xorijiy ilmiy-tadqiqot markazi va global dizayn markazini boshqaradi. Bu haqda CarNewsChina nashri ma’lum qildi.

Kompaniya 2025-yilga kelib xorijda 100 ta savdo doʻkoni va 70 ta xizmat koʻrsatish markazini ochishni rejalashtirmoqda. Sidney, Gonkong, Bangkok va Dubay kabi yirik shaharlarda Zeekr 15 ta flagman doʻkon qurishni maqsad qilgan. Hozirgi vaqtda kompaniyaning dunyo boʻylab 538 ta doʻkoni mavjud boʻlib, u...

Tesla o‘zining Texas shtatidagi Gigafactory zavodida «Kibertunnel» (Cybertunnel) deb nomlangan yangi tunnelni ochdi. Tunnelni qurish ishlariga The Boring Company kompaniyasi hissa qo‘shdi, ular qurilishni o‘tgan yilning mart oyida boshlagan edi. Bu haqda The Boring Company ma’lum qildi.

Tunnelning tashqi ko‘rinishi Cybertruck’ning zanglamaydigan po‘latdan yasalgan noyob dizayniga moslashtirilgan. Buning uchun Tesla tunnel chiqish joyiga metall panellarni o‘rnatdi.

Tunnel taxminan 30 metr chuqurlikda joylashgan bo’lib, u Cybertruck va boshqa transport vositalarini zavoddan tez va xavfsiz tarzda tashish uchun mo‘ljallangan.

Avvalroq Kursiv Uzbekistan Tesla Model Y Juniper Xitoyda sotuvga chiqarilgani haqida xabar bergan edi.

Shimoliy Koreya davlat rahbari Kim Chen In yadroviy material ishlab chiqaruvchi zavodga tashrif buyurib, mamlakat yadroviy salohiyatini mustahkamlash zarurligini ta’kidladi. Bu haqda CNN axborot agentligi ma’lum qildi.

Unga ko‘ra, Kim olimlar va mutaxassislarni yadroviy qurol ishlab chiqarish borasidagi sa’y-harakatlari uchun maqtadi. Pxenyan AQSh va Janubiy Koreyaning harbiy mashg‘ulotlariga javoban «keskin choralar» ko‘rishini e’lon qildi.

Ekspertlarning fikricha, Kim yadroviy qurollari va Rossiya bilan harbiy hamkorligi tufayli AQSh bilan muzokaralarda kuchliroq pozitsiyaga ega bo‘lishni maqsad qilgan.

Eslatib o‘tamiz, avvalroq Shimoliy Koreya harbiy dronlarni seriyali ishlab chiqarishni yo‘lga qo‘yishi haqida yozgan edik.

2024-yilda O‘zbekistonda elektron xizmatlar ko‘rsatuvchi 63 ta xorijiy kompaniya jami 115,8 milliard so‘m soliq to‘ladi. Bu ko‘rsatkich 2023-yildagiga nisbatan 1,5 barobar ko‘p. Soliq to‘lovlari bo‘yicha eng yuqori ko‘rsatkichlarga ega bo‘lgan kompaniyalar qatorida TikTok ham bor.

Soliqlarning 99,9 foizi elektron xizmatlar ko‘rsatuvchi eng yirik 10 ta xorijiy kompaniyaning hissasiga to‘g‘ri keladi. Mamlakatda bloklangan bo‘lsa-da, TikTok 903 million so‘m soliq to‘ladi. Bu kompaniya O‘zbekistonda foydalanuvchilarga xizmat ko‘rsatmasa ham, mahalliy qonunchilikka muvofiq soliq to‘lashni davom ettirmoqda.

2021-yil iyul oyidan boshlab TikTok ijtimoiy tarmog‘i «Shaxsiy ma’lumotlar to‘g‘risida»gi qonunni buzgani uchun Shaxsga doir ma’lumotlar bazalarining davlat reyestriga kiritilgan edi. Shunga qaramay o‘tgan yilning...

Fransiya prezidenti Emmanuel Makron Luvr muzeyini rekonstruksiya qilish va kengaytirish loyihasi doirasida Mona Liza uchun alohida xona ajratilishini e’lon qildi. Bu haqda CNN axborot agentligi ma’lum qildi.

Unga ko‘ra, 2031-yilgacha Sena daryosi yaqinida yangi kirish yo‘lagi ochiladi va yer ostida qo‘shimcha zallar barpo etiladi. Loyiha narxi 800 mln yevroga yetishi mumkin.

Mona Liza alohida xonada maxsus chipta orqali tomosha qilinadi. Bu muzeydagi tirbandlikni kamaytirib, boshqa san’at asarlarini ham e’tibordan chetda qolmasligini ta’minlaydi.

Luvr hozirda ancha eskirgan va ta’mirtalab bo‘lib, suv sizishi, issiqlik izolyatsiyasi va hojatxonalar yetishmovchiligi kabi muammolar mavjud. Yangi loyiha muzeyni yanada qulay va zamonaviy qilishiga umid qilinmoqda.

2024-yilda 2,2 ming nafar xorij fuqarosi Oʻzbekistonga doimiy yashash uchun koʻchib oʻtdi, deya xabar berdi Statistika agentligi.

Ma’lum qilinishicha, koʻchib kelganlarning asosiy qismini Rossiya 813 kishi (36,5 foiz) va Qozogʻiston 539 kishi (24,2 foiz) fuqarolari tashkil etdi.

Shuningdek, mamlakatga Tojikistondan 241 kishi (10,8 foiz), Qirgʻizistondan 153 kishi (6,9 foiz) va Turkmanistondan 55 kishi (2,5 foiz) fuqarolar koʻchib kelgan. Boshqa davlatlardan esa 428 kishi (19,1 foiz) kelgan.

Avvalroq Kursiv Uzbekistan 2023-yilda oʻzbekistonliklar qaysi davlatlarga koʻchib oʻtgani haqida xabar bergan edi.

2024-yilning yanvar – dekabr oylarida temir yo‘l transportida jami 9,8 million yo‘lovchi tashildi. Bu esa o‘tgan yilning mos davriga nisbatan 177,1 ming yo‘lovchiga ko‘pdir. Bu ko‘rsatkich 1,8 foizlik o‘sishni ko‘rsatdi. Bu haqda Statistika agentligi ma’lum qildi.

Statistika qo‘mitasiga ko‘ra, so‘nggi yillarda temir yo‘l transportidan foydalanish ko‘rsatkichlari doimiy ravishda o‘sib bormoqda. Misol uchun, 2020-yilda mazkur ko‘rsatkich 6,15 million nafarni tashkil qilgan bo‘lsa, 2023-yilda 9,6 million yo‘lovchiga yetgan.

Avvalroq Kursiv Uzbekistan 1-fevraldan temir yoʻl chiptalari narxi oshirilishi haqida xabar bergan edi.

Hindistonning Prayagraj shahrida dunyoning eng yirik diniy festivali – Maha Kumbh Mela paytida olomon orasida tiqilinch yuzaga kelib, bir necha kishi halok bo‘ldi. Bu haqda CNN axborot agentligi ma’lum qildi.

Unga ko‘ra, baryer qulab tushishi natijasida bir nechta odamlar jarohat olib, kasalxonaga yetkazilgan.

Chorshanba kuni Mauni Amavasya munosabati bilan millionlab ziyoratchilar muqaddas Triveni Sangam daryosida cho‘milish uchun yig‘ilgan edi. Guvohlarning aytishicha, hodisa kechasi sodir bo‘lib, odamlar sarosimaga tushgan.

Hindiston hukumati maxsus xavfsizlik choralarini ko‘rgan bo‘lsa-da, bunday tiqilinchlar mamlakatdagi yirik diniy tadbirlarda tez-tez yuz beradi.

Eslatib o‘tamiz, avvalroq Hindistondagi mahalliy festival vaqtida 46 nafar odam cho‘kib ketgan edi.

Xitoy va Hindiston AQSh sanksiyalari ta’sirida yuk tashish narxining oshishi sababli mart oyidagi yetkazib berishlardan boshlab Rossiya nefti xaridini toʻxtatadi. Bu haqda Reuters treyderlarga tayanib, xabar bermoqda.

Rossiyaning Tinch okeanidagi Kozmino portidan eksport qilinadigan ESPO nefti narxi ICE Brent bilan solishtirganda barreliga $3-5 ga qimmatlashdi. Bunga Aframax tipidagi tankerlar uchun yuk tashish stavkalarining keskin oshishi sabab boʻldi.

10-yanvar kuni AQSh Rossiyaning neft va gaz eksportiga zarba beruvchi keng qamrovli sanksiyalar paketini joriy qildi. Bu cheklovlar Gazprom Neft va Surgutneftegaz hamda Rossiya neftini tashiyotgan 180 dan ortiq tankerlarga taalluqli edi. Natijada yuk tashish narxlari oshdi, Xitoy va Hindiston esa sanksiyalangan...

Janubiy Koreyaning Pusan shahri aeroportida Air Busan aviakompaniyasiga tegishli samolyot bortida yong‘in sodir bo‘ldi. Bu haqda Yonhap axborot agentligi ma’lum qildi.

Unga ko‘ra, hech kim jiddiy jarohat olmadi.

Samolyot Gonkongga parvoz qilishi kerak edi. Yong‘in sodir bo‘lgan paytda bort jo‘nashga tayyorgarlik ko‘rayotgan edi.

Shunga qaramay olov deyarli butun samolyotni qamrab olgan bo‘lsa ham, ekipaj va yo‘lovchilar evakuatsiya qilindi. Uch kishi yengil jarohat oldi.

Eslatib o‘tamiz, avvalroq Janubiy Koreyadagi 179 kishi halok bo‘lgan aviahalokat yuzasidan Jeju Air tergovga tortilgan edi.

29-yanvardan boshlab O‘zbekiston hududida qishning sovuq nafasi sezila boshlaydi. Respublika bo‘ylab havo biroz bulutli bo‘lib, ayrim hududlarda qor yog‘ishi va tuman tushishi kutilmoqda, deya xabar bermoqda «O‘zgidromet» agentligi.

Unga ko‘ra, Toshkent shahrida kechasi va ertalab biroz qor yog‘ishi ehtimoli bor. Harorat kechasi 0-2° sovuq, kunduzi esa 0-2° iliq atrofida bo‘ladi.

Qoraqalpog‘iston va Xorazmda ayrim joylarda qor yog‘ib, tuman kuzatilishi mumkin. Harorat kechasi 5-10° sovuq bo‘lsa, kunduzi 3° sovuqdan 2° iliqqacha ko‘tariladi.

Buxoro va Navoiy viloyatlarida kechasi va tongda qor yog‘ishi kutilmoqda. Harorat 3-8° sovuq, kunduzi 2° sovuqdan 3° iliqqacha bo‘ladi.

Markaziy hududlar – Toshkent, Sirdaryo, Samarqand va Jizzax viloyatlarida...

Qozog‘iston prezidenti Qosim-Jomart Toqayev atom elektr stansiyasi (AES) qurilishini tezlashtirish va mamlakatda yadro klasterini tashkil etishni topshirdi. Bu haqda u hukumatning kengaytirilgan yig‘ilishida ma’lum qildi.

Toqayevning ta’kidlashicha, atom energetikasini rivojlantirish Qozog‘istonning iqtisodiy va texnologik taraqqiyoti uchun muhim shartdir. U hukumatga yadro sohasini rivojlantirish strategiyasini ishlab chiqish va yangi AES qurilishi uchun maydonlarni aniqlashni topshirdi.

Prezident energiya tanqisligi sharoitida Qozog‘istonning yadro texnologiyalariga bo‘lgan ehtiyoji dolzarb ekanini qayd etdi.

Hozirda Qozog‘iston uran qazib olish bo‘yicha dunyoda birinchi, uning tasdiqlangan zaxiralari bo‘yicha esa ikkinchi o‘rinni egallaydi. 2024-yilning oktabr oyida umumxalq referendumi orqali aksariyat fuqarolar AES qurilishini qo‘llab-quvvatlagan edi.

Eslatib o‘tamiz, avvalroq Tajen-Dovut...

Shavkat Mirziyoyev elektr energetikasini 2025 – 2035-yillarda rivojlantirish chora-tadbirlari bo‘yicha yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda sohani barqaror rivojlantirish va kelgusi talablarga moslashtirish masalalari muhokama qilindi.

Oxirgi sakkiz yilda elektr ishlab chiqarish 38 foizga oshib, xususiy sektor ulushi 24 foizga yetdi. 2030-yilga kelib aholi sonining 41 mlnga yetishi va iqtisodiyotning 1,5 barobar o‘sishi kutilmoqda. Bu esa 117 mlrd kilovatt soat elektr talab qiladi, bu hozirgidan 1,7 barobar ko‘pdir.

Yig‘ilishda yangi elektr stansiyalarini barpo etish, 7 ming km magistral tarmoqlar qurish va energiya ta’minotini raqamlashtirish rejalari muhokama qilindi. Shu bilan birga, «yashil» energiya...

Google AQSh prezidenti Donald Trampning farmoniga binoan Meksika ko‘rfazi nomini Amerika ko‘rfazi deb o‘zgartirish jarayonini boshladi. Bu haqda CNN axborot agentligi ma’lum qildi.

Unga ko‘ra, ushbu o‘zgarish tez orada Google xaritalarda aks etadi.

Google rasmiy hukumat manbalarida tasdiqlangan o‘zgarishlarni o‘z xizmatlariga joriy qilish amaliyotini davom ettirib, bu nomni hukumatning Geografik nomlar axborot tizimi yangilanishi bilan qo‘llaydi.

Farmon Tramp tomonidan «Amerikaning buyukligini sharaflash» maqsadida imzolangan bo‘lib, barcha federal xaritalar va hujjatlarda yangi nomni aks ettirishni talab qiladi.

Google’ning qayd etishicha, bu o‘zgarish faqat AQSh foydalanuvchilariga ko‘rinadi, boshqa mamlakatlar esa ikkala nomni ko‘rishda davom etadi.

Bu farmon bilan bir qatorda...