Yangiliklar

Joriy yilning oktabr oyida 0,8 foizlik oylik inflyatsiya qayd etilib, yillik inflyatsiya darajasi esa 10,2 foizni tashkil etdi. Bu haqda Statistika agentligi axborot xizmati ma’lum qildi.

Qayd etilishicha, oktabrda benzin narxi 1,5 foizga, propan narxi esa 1,2 foizga ko‘tarilgan xolos.

«Agentlik benzin va propan narxlarini qaysi hududlarda va qaysi shoxobchalarda kuzatayotgani e’lon qilib qo‘ysa bo‘lardi (o‘zbekistonliklar ham o‘sha arzon shoxobchalardan yoqilg‘i olish imkoniyatlariga ega bo‘lishlari uchun)», – deya izoh qoldirgan iqtisodchi Otabek Bakirov.

Oktabr oyida oziq-ovqatlar 1,1 foizga, nooziq-ovqatlar 0,7 foizga, xizmatlar esa 0,8 foizga qimmatlagani ko‘rsatilgan. Shuningdek, oy davomida...

Toshkent shahrida mahallalar chegaralari oʻzgardi va yangi, aniq koordinatlarga ega boʻlgan xarita onlayn rejimida taqdim etildi. Bu haqda poytaxt hokimligi axborot xizmati xabar berdi.

Raqamli rivojlanish departamenti ikki yillik loyihani yakunlab, ma’lumotlarni ochiq bazaga joylashtirdi. Mahalla fuqarolar kengashi xodimlari va aholi yangilangan xaritani koʻrib chiqishi va yuklab olishi mumkin.

Videoda o‘zgarishlar nima uchun kerakligi va ular qanday qiyinchiliklarni hal qilishga yordam bergani tushuntiriladi.

Avvalroq Kursiv Uzbekistan har bir tumanda «yashil» mahalla barpo etilishi haqida yozgan edi.

Chernogoriyada bo‘lib o‘tayotgan yoshlar o‘rtasidagi jahon chempionatida o‘zbekistonlik 10 nafar bokschi finalga chiqdi, deb xabar qildi Milliy olimpiya qo‘mitasi.

Final janglari 2–3-noyabr kunlari bo‘lib o‘tadi va unda o‘zbekistonlik bokschilar Sayfiddin Sobirov, Samandar Olimov, Abdulaziz Jo‘raqulov, Jafarbek Shahbozov, Akmaljon Isroilov, Halimjon Mamasoliyev, Shahzod Polvonov, Jasmin Tohirova, Ruxshona Parpiyeva va Sobiraxon Shahobiddinova ishtirok etadi.

Musobaqaning yarim final bosqichi yakunlariga ko‘ra, o‘zbekistonlik Sobirjon Tastanov, Muhammad Azizbek Ismoilov va Oysha Toirova bronza medaliga sazovor bo‘ldi.

Avvalroq Kursiv Uzbekistan o‘zbekistonlik Murodjon Axmadaliyev WBA yo‘nalishi bo‘yicha vaqtinchalik jahon chempioni unvoni uchun jang o‘tkazishi haqida yozgan edi.

Uzbekistan Airports Yevropa aeroportlari xalqaro kengashi (ACI Europe) aʼzosi boʻldi. Bu haqda kompaniya matbuot xizmati xabar berdi.

Mazkur kengash dunyo boʻylab taxminan ikki ming aeroport operatorlarinini birlashtiruvchi xalqaro tashkilot hisoblanadi.

ACI Europe oʻz a’zolarining manfaatlarini himoya qilish, aviakompaniyalar va nazorat qiluvchi organlar bilan hamkorlik qilish hamda aviatsiyaning barqaror rivojlanishi va aeroportlarda xizmat koʻrsatish standartlarini oshirishga koʻmaklashadi. A’zolik Uzbekistan Airports kompaniyasiga resurslar, tajriba va professional tarmoqdan foydalangan holda Oʻzbekiston aeroportlarida xizmat sifati va xavfsizlikni yaxshilash imkonini beradi.

«ACI Europeʼga a’zo boʻlish xalqaro sheriklar bilan hamkorlik qilish uchun yangi imkoniyatlar ochadi va Oʻzbekiston aeroportlarining jahon aviatsiya sohasidagi...

Shavkat Mirziyoyev Navoiy viloyatiga tashrifi davomida yangi loyihalar qurilishini jamoatchilik vakillari ishtirokida boshlab berdi. Bu haqda davlat rahbari matbuot xizmati ma’lum qildi.

Unga ko‘ra, marosimda 15 ta yangi loyiha e’lon qilindi. Ularning umumiy qiymati $3,6 mlrd.ni tashkil etadi. Bu loyihalar viloyatning iqtisodiy rivojlanishiga, yangi ish o‘rinlari yaratishga va investorlar qiziqishini yanada oshirishga xizmat qiladi.

Shuningdek, Navoiy viloyatida tadbirkorlikning jadal rivojlanishi va xorijiy investitsiyalarning oshishi kuzatilmoqda. 2023-yilda viloyatda 101 trln so‘mdan ortiq sanoat mahsulotlari ishlab chiqarilgan va $648 mln eksport amalga oshirilgan. $478 mln xorijiy investitsiya jalb qilingani bu jarayonning muvaffaqiyatini ko‘rsatadi.

Yana shuni ta’kidlash joizki, yangi loyihalar energetika, qayta...

Qozogʻiston prezidenti Qosim-Jomart Toqayev Xorijiy investorlar kengashining 36-yalpi majlisida mamlakat neft qazib olishni yiliga 100 million tonnaga oshirishni rejalashtirilayotganini ma’lum qildi.

Toqayev mamlakatga sarmoya kiritgan xalqaro neft kompaniyalarining oʻrni muhim ekani va bu soʻnggi 30 yilda neft qazib olish hajmini 3 baravarga oshirishga imkon berganini ta’kidladi.

Shuningdek, Qozogʻistonda neft-kimyo sanoatini rivojlantirishga ham e’tibor qaratilmoqda. 2022-yilda polipropilen ishlab chiqarish korxonasi ishga tushirilib, hozirda ichki talabning 60 foizini qondirib, Yevropa, Turkiya va Xitoyga mahsulot eksport qilinayotgani aytildi.

Uning qoʻshimcha qilishicha, Qozogʻiston soʻnggi olti yil ichida geologiya-qidiruv ishlariga $1 milliarddan ortiq xususiy investitsiyalar jalb qilingan.

Avvalroq «Kursiv» Oʻzbekiston – Qozogʻiston biznes forumida...

Ijtimoiy tarmoqlarda biznes vakillari tomonidan markirovkalangan tovarlar agregatsiyasi bosqichini kechiktirib turishni so‘rab qilingan murojaat yuzasidan Soliq qo‘mitasi rasmiy munosabat bildirdi.  

Qayd etilishicha, 30-oktabrda kuni ijtimoiy tarmoqlarda suv va salqin ichimliklar ishlab chiqaruvchilari uyushmasi Soliq qo‘mitasiga murojaat yo‘llagan.

Soliq qo‘mitasi biznes vakillari so‘ragan uchrashuv noyabr oyining ikkinchi dekadasida o‘tkazilishi rejalashtirilayotganini ma’lum qilmoqda.

«Ko‘tarilgan masalalarga aniq va asoslangan javob va tushuntirishlar berish maqsadida tayyorgarlik ko‘rish lozim va mazkur uchrashuv noyabr oyining ikkinchi dekadasida o‘tkazilishi rejalashtiriladi», – deyiladi xabarda.

Uchrashuv o‘tkazilguniga qadar, shuningdek, qo‘mita ma’lumotlar bazasi ko‘chirilayotgani inobatga olgan holda suv va salqin...

Adliya vazirligi sifatsiz yonilgʻi-moylash materiallarini realizatsiya qilish javobgarlikka sabab boʻlishi mumkinligi haqida ogohlantirdi.

Qonunchilikka koʻra, texnik reglamentlarga javob bermaydigan va koʻplab zaharli moddalar chiqishiga olib keladigan yonilgʻi-moylash materiallarini realizatsiya qilish mansabdor shaxslarga BHMning 5 baravaridan 7 baravarigacha (1 mln 875 ming soʻmdan 2 mln 625 ming soʻmgacha) miqdorda jarima solishga sabab boʻladi.

Shuningdek, yonilgʻi-moylash materiallari bilan qoʻlda savdo qilish yoxud shaharlarda belgilanmagan joylarda qoʻlda savdo qilish uchun ham javobgarlik belgilangan.

Avvalroq Kursiv Uzbekistan Gazprom Oʻzbekistonda yonilgʻi quyish shoxobchalarini ochishi haqida xabar bergan edi.

2024-yil oktabr oyida Toshkent shahrida palovning o‘rtacha narxi 34,5 ming so‘mni tashkil etdi. Bu joriy yilning yanvar oyiga nisbatan 16,9 foizga qimmatroqdir, deya xabar berdi Statistika agentligi.

Unga ko‘ra, O‘zbekiston hududlari orasida eng arzon narxdagi palov Namangan viloyatida – 22,2 ming so‘m.

Palov narxi past boʻlgan viloyatlardan yana biri Fargʻona viloyatidir, u yerdagi narx 25,3 ming soʻmni tashkil qilmoqda.

Sirdaryo viloyati va Qoraqalpog‘iston Respublikasida 25,7 ming so‘m bilan uchinchi o‘rinni band etgan.

Avvalroq Kursiv Uzbekistan nashri londonliklar o‘zbek oshxonasi festivalida palovni tatib ko‘rgani haqida yozgan edi.

Prezident qarori bilan Navoiy davlat universiteti tashkil etiladi. Bu haqda O‘zA ma’lum qildi.

Unga ko‘ra, universitet Navoiy davlat pedagogika instituti negizida tashkil qilinadi. Institutda tahsil olayotgan barcha talabalar oʻqishlarini universitetda davom ettiradi hamda 2024/2025-oʻquv yilidan boshlab bitiruvchi kurs talabalariga universitet diplomi taqdim etiladi.

Shuningdek, universitetda keyingi oʻquv yilidan boshlab hududiy rivojlanish dasturlariga muvofiq talab yuqori boʻlgan aniq va tabiiy fanlar, axborot texnologiyalari, sun’iy intellekt, iqtisodiyot, biznes va turizm, investitsiyalarni boshqarish, qishloq xoʻjaligi, ekologiya va atrof-muhit muhofazasi, logistika kabi yoʻnalishlar boʻyicha kadrlar tayyorlash yoʻlga qoʻyiladi.

Eslatib o‘tamiz, avvalroq prezident Navbahor tumanidagi politexnikum faoliyati bilan tanishgan edi.

Ispaniya bu hafta mamlakatning janubiy va sharqiy hududlarida bir necha soat ichida bir yillik yog‘ingarchilik tufayli yuzaga kelgan toshqinlar 155 nafar kishining umriga zomin bo‘ldi. Bu haqda CNN axborot agentligi ma’lum qildi.

Unga ko‘ra, daryolar qirg‘oqlaridan toshib, shahar va yo‘llarni bosdi. Minglab odamlar elektr va toza suvsiz qolgan.

«Oʻnlab bedarak yoʻqolganlar bor. Biz aniq raqam keltira olmaymiz. Ammo kunlar o‘tib, ular topilmasa, biz ularni tirik topishdan umid qilmaymiz», – deydi Ispaniyaning hududiy siyosat vaziri Anxel Viktor Torres.

Valensiya 28-yil ichidagi eng kuchli yog‘ingarchilikni ko‘rdi. Odamlar ehtiyotsizlikdan, binolarning podvallari va pastki qavatlarida qolib ketdi.

Favqulodda...

Janubiy Koreya poytaxti Seul shahrida IT Park Uzbekistan oʻz vakolatxonasini ochdi. Bu haqda kompaniya axborot xizmati xabar berdi.

Ma’lum qilinishicha, ochilish marosimi 30-oktabr kuni boʻlib oʻtdi. Vakolatxona Oʻzbekiston – Koreya IT-biznes alyansi doirasida faoliyat yuritadi va ikki mamlakat texnologiya kompaniyalari oʻrtasidagi hamkorlikni rivojlantirishga koʻmaklashishni maqsad qilgan.

IT Park direktori Jahongir Rajabovning ta’kidlashicha, vakolatxona Oʻzbekiston va Koreya oʻrtasidagi uzoq muddatli hamkorlik uchun mustahkam poydevor boʻladigan urugʻ sifatida barpo etildi.

«Koreyada ofisning ochilishi IT Park uchun muhim bosqich boʻldi. Bu Oʻzbekiston Respublikasi Prezidenti tomonidan IT sohasini rivojlantirishga qaratilgan farmon imzolangunga qadar yetti yil oldin tasavvur qilish qiyin...

Pavel Durovning ta’kidlashicha, Telegram messenjerini video platformaga aylantirish uchun ilk qadamlar qo‘yilgan. Shuningdek, endilikda messenjerda video ko‘rish avvalgiga nisbatan ancha qulay bo‘lishini ma’lum qildi.

Qayd etilishicha, avvallari Telegram’ga yuklangan turli video lavhalar qaysi formatda bo‘lsa shu formatda namoyish etilgan. Buning natijasida foydalanuvchilar ko‘plab noqulayliklarga duch kelgan. Masalan, gigabaytlar ma’lumotlarni yuklab olishga va videolavhaning to‘liq yuklanishini kutishga majbur bo‘lar edi.

«Endi siz video ko‘rayotganingizda, Telegram avtomatik ravishda internet tezligingizga mos eng yaxshi sifatni tanlaydi», – dedi Durov.

Qayd etilishicha, yangilanishdan so‘ng, messenjer internet tezligiga qarab avtomatik ravishda videoni yuklashga mos keladigan...

28-sentabr kuni yakunlangan moliyaviy yilning to‘rtinchi choragida Amerikaning texnologik giganti Apple’ning daromadi $94,9 milliardni tashkil etdi. Bu o‘tgan yil mos davriga nisbatan 6 foizga ko‘p, deya ma’lum qildi kompaniya.

«Ushbu chorakda biz oʻzimizning eng yaxshi mahsulotlarimizni, jumladan, iPhone 16 seriyasi, Apple Watch Series 10, AirPods 4 (…) kabi mahsulotlarni taqdim etishdan mamnun boʻldik. Bu hafta biz sun’iy intellekt sohasida maxfiylikning yangi standartini oʻrnatadigan Apple Intelligence platformasining birinchi versiyasini chiqardik», – deya kompaniya bosh direktori Tim Kukning soʻzlari keltirilgan xabarda.

Apple kompaniyasining soʻnggi moliyaviy chorakdagi asosiy faoliyatdan tushgan pul oqimi deyarli $27 milliardni tashkil etdi.

Kompaniya direktorlar kengashi 14-noyabr...

Bugun, 1-noyabr kuni respublika bo‘ylab yog‘ingarchilik kuzatilmaydi. Qashqadaryo va Surxondaryo viloyatlarida harorat 25-darajagacha ko‘tariladi. O‘rtacha havo 15-20 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo bulutli bo‘lishi mumkin, biroq yomg‘ir yog‘maydi. Kunduzi havo 20-darajagacha isiydi, kechga kelib 5-7 iliq bo‘ladi.

Tog‘li hududlarda ham yog‘ingarchilik kuzatilmaydi. Kunduzi 9-14 daraja iliq, kechasi esa 0-5 daraja iliq bo‘ladi.

Germaniya Eronning Gamburg va Myunxenda joylashgan ikki Bosh konsulliklarini yopadi. Bu haqda Report xalqaro nashri ma’lum qildi.

Unga ko‘ra, Eronning Berlindagi elchixonasi ishlashni davom ettiradi.

Bunga sabab ikki mamlakat fuqaroligiga ega bo‘lgan Jamshid Sharmahdning Eronda qatl etilishi bilan bog‘liq. U Eron xavfsizlik kuchlari tomonidan terrorchi sifatida o‘lim jazosiga hukm qilinishi Eron va Germaniya munosabatlarini keskinlashtirdi.

Eslatib o‘tamiz, avvalroq Eron Saudiya Arabistoniga neft inshootlariga zarba berish bilan tahdid qilgan edi.

Shavkat Mirziyoyev Navoiy viloyati Navbahor tumanidagi politexnikumda bo‘lib, hududdagi bandlik masalalariga e’tibor qaratdi. Bu haqda davlat rahbari matbuot xizmati ma’lum qildi.

Unga ko‘ra, hozirda Navoiy viloyatida 25 ta professional ta’lim muassasasida 12 ming fuqaro ta’lim olmoqda. Ularga 234 nafar ishlab chiqarish ustalari malaka oshirishda ko‘maklashmoqda.

2-son politexnikumda zamonaviy o‘quv va laboratoriya xonalari, sport zallari, yotoqxona va oshxona mavjud. Yirik sanoat korxonalari, jumladan, Navoiy kon-metallurgiya kombinati va «Navoiyazot», yoshlarni maqsadli tayyorlashda muhim rol o‘ynaydi. Texnikumda o‘quvchilar nafaqat kasb o‘rganadi, balki ish haqi ham oladilar.

Prezident, xotin-qizlar bilan suhbatda, ularga o‘z kasbini puxta egallash va hayotda o‘z o‘rnini topishlarini tavsiya qildi.

Markaziy bank raisi Mamarizo Nurmuratov O‘zbekiston kompaniyalari sanksiyalarga duch kelayotganiga aloqador xavotirlarini bildirar ekan, «Biz juda xavotirdamiz» dedi. Kursiv Uzbekistan nashri vakilining sanksiyalar haqidagi savoliga u shunday izoh berdi.

Uning so‘zlariga ko‘ra, ikki maxsus hukumat komissiyasi tashkil etilgan. Birinchi komissiya eksport-import operatsiyalarining sanksiyalarga tushib qolish ehtimolini monitoring qiladi. Ikkinchi komissiya esa pul o‘tkazmalari va to‘lovlar sanksiyaga tushib qolmasligi uchun nazoratni amalga oshiradi. Ushbu jarayonlar ustidan nazorat ancha kuchli, deb ta’kidladi u.

Yaqinda sanksiyalar ro‘yxatiga kiritilgan O‘zbekistonning ikki tashkiloti bo‘yicha to‘lovlar yozda to‘xtatilgan edi, endi esa bu tashkilotlarning sanksiyalarga tushib qolgani rasman e’lon qilindi.

«Bizning banklarimiz OFAC va Yevropa Ittifoqining...

2023/2024 oʻquv yili boshiga Oʻzbekistondagi OTMlarida tahsil olayotgan xorijlik talabalarning eng koʻpi Hindiston, Pokiston va Turkmaniston fuqarolaridir. Bu haqda Statistika qo‘mitasi ma‘lum qildi.

Unga ko‘ra, OTMlarda tahsil olayotgan xorijlik talabalardan 5733 nafari Hindistondan. Keyingi o‘rinlarda 1358 nafar bilan Pokiston hamda 904 nafar bilan Turkmaniston turibdi.

Shuningdek, Rossiya Federatsiyasi (750 nafar), Qozogʻiston (537 nafar), Tojikiston (285 nafar), Qirgʻiz Respublikasi (285 nafar), Afgʻoniston (196 nafar), Xitoy – 182 nafar, Koreya Respublikasi (176 nafar), Kanada (124 nafar) va boshqa davlatlar fuqarolari ( 315 nafar) O‘zbekistonda tahsil olmoqda.

Eslatib o‘tamiz, avvalroq O‘zbekistondagi xorijlik talabalar soni bir yilda ikki barobardan ko‘proqqa o‘sgani haqida...

Shavkat Mirziyoyev «Yangi Navoiy» shaharchasining qurilish jarayonini ko‘zdan kechirib, hududdagi nuroniy va ziyolilar bilan suhbatlashdi. Bu haqda davlat rahbari matbuot xizmati ma’lum qildi.

Unga ko‘ra, loyiha uchun 1,1 ming gektar yer Karmana tumanidan Navoiy shahriga o‘tkazildi. Ilk bosqichda 450 gektar maydonda qurilish ishlarini amalga oshirish ko‘zda tutilgan.

Yangi shaharchada 7 – 22 qavatli uy-joylar, 4,1 ming o‘rinli umumta’lim maktablari, 1,6 ming o‘rinli bog‘cha va poliklinikalar quriladi. Shuningdek, u yerdan «Yangi O‘zbekiston» bog‘i, Navoiy davlat pedagogika institutining yangi kampusi ham o‘rin oladi.

Shaharchada sayilgoh, ko‘ngilochar maskanlar, savdo do‘konlari hamda ovqatlanish shoxobchalari ham tashkil etiladi.

«Bugun bu...

Vazirlar Mahkamasi «Veolia Energy Tashkent» MChJ XK tomonidan ko‘rsatiladigan issiqlik ta’minoti xizmatlari uchun yangi tariflarni tasdiqladi. Hujjat Adliya vazirligi rasmiy sahifasida e’lon qilindi.

Unga ko‘ra, 2024-yil uchun belgilangan narxlar aholi uchun QQSsiz 121,617 so‘m/Gkal (avval 105 754 soʻm/Gkal edi) va boshqa ulgurji tashkilotlar uchun QQSsiz 244,497 so‘m/Gkal (avval 212 606 soʻm/Gkal edi)ni tashkil qiladi.

Yangi tariflar, «Toshkent shahrida issiqlik ta’minoti xizmatlari uchun tartibga solinadigan narxlar» haqidagi qarorlar asosida ishlab chiqilgan bo‘lib, aholi uchun tariflar pasaytirilgan. Ushbu pasaytirilgan tariflardan kelib chiqadigan zararlar va investitsion xarajatlarni qoplash uchun Toshkent shahar mahalliy budjetida subsidiya ajratilishi ko‘zda tutilmoqda.

Shuningdek, qarorda loyiha bo‘yicha ishlarni...

Xorijiy valyutada obligatsiya chiqarish, agar bu O‘zbekiston rezidentlari tomonidan amalga oshirilgan bo‘lsa, valyuta yo‘qotishlari «hedjlashtirish» (ingl. hedge – valyuta xavfini sug‘urtalash – tarh.) emitentning bo‘yniga tushadi. Bu haqda Markaziy bank raisi Mamarizo Nurmuratov 31-oktabr kuni bo‘lib o‘tgan matbuot anjumanida ma’lum qildi. 

Uning so‘zlariga ko‘ra, shu nuqtayi nazardan, respublika qonunchiligiga ko‘ra yuridik shaxslarning qimmatli qog‘ozlar orqali mablag‘ jalb qilishi xorijiy valyutada bank kreditini jalb qilish bilan teng.

«Xorijiy valyutada obligatsiyalar chiqarish, asosan, eksport faoliyati bilan shug‘ullanuvchi tadbirkorlik subyektlari uchun ancha qulay. Lekin ichki ehtiyojlar uchun ishlaydigan subyektlar valyutada obligatsiya chiqarib uni ichki bozorda milliy valyutada sotadigan bo‘lsa...

Surxondaryo viloyatidagi turarjoy binolari va ma’muriy binolarni isitish 1-noyabrdan boshlab yoʻlga qoʻyiladi. Bu haqda viloyat hokimi Ulugʻbek Qosimovning farmoyishi imzolandi.

Eslatib oʻtamiz, oʻtgan seshanba, 29-oktabr kuni Termiz shahrida ob-havoning yomonlashuvi qayd etilgan va shu sababli shahar aeroporti cheklovlar bilan ishlagan edi.

Avvalroq Kursiv Uzbekistan Toshkent viloyatida qor yoqqani haqida yozgan edi.

Bugun, 31-oktabr kuni Shavkat Mirziyoyev Karmana tumanida qurilayotgan Zarafshon industrial technology kimyo texnoparkiga tashrif buyurdi. Bu haqda prezident matbuot xizmati xabar berdi.

Xitoylik ishbilarmonlar tomonidan 130 gektar maydonda kimyo texnoparki tashkil etilmoqda. Bu yerda umumiy qiymati $1 milliarddan ortiq bo‘lgan 18 loyiha amalga oshirilishi rejalashtirilgan.

Hozirda 40 ming tonna oleum va 170 ming tonna sulfat kislotasi ishlab chiqarilmoqda. Shuningdek, texnoparkni elektr energiyasi bilan ta’minlaydigan 1,4 megavatt quvvatga ega energoblok qurildi.

Davlat rahbari $150 millionlik 1 mln tonna sulfat kislotasi, $120 millionlik 50 ming tonna kaustik soda va $135 millionlik 100 ming tonna ftalotsianin (to‘qimachilik bo‘yog‘i) ishlab chiqarish boʻyicha yangi...