Yangiliklar

Pokiston hukumati sobiq bosh vazir Imron Xon tarafdorlarining norozilik namoyishlariga tayyorgarlik ko‘rayotganliklari sababli ayrim hududlarda mobil aloqa va internet xizmatlariga cheklov kiritdi. Bu haqda Associated Press nashri xabar berdi.

Unga ko‘ra, mamlakat Ichki ishlar vazirligi va hukumati rasmiy e’lonni X ijtimoiy tarmog‘i orqali e’lon qilgan. Qayd etish joizki, ushbu tarmoqning o‘zi Pokistonda rasman taqiqlangan. Cheklovlar davomiyligi haqida ma’lumot berilmagan, lekin boshqa hududlarda aloqa xizmatlari odatdagi tartibda ishlashi aytilgan.

Aholiga qulaylik yaratish maqsadida Nayatel telekommunikatsiya kompaniyasi mijozlariga mobil tarmoq ishlamaydigan hududlarda statsionar aloqadan foydalanishni tavsiya qilgan.

Sobiq bosh vazir va PTI partiyasi yetakchisi Imron Xon bir yildan oshiq vaqtdan beri...

Janubiy Koreyaning Hyundai, Genesis va Kia avtomobil ishlab chiqaruvchilari xavfsizlikka tahdid solishi mumkin bo‘lgan muammolar tufayli 240 mingdan ortiq avtomobillarni qaytarib olishni e’lon qildi. Bu haqda The Washington Post xabar berdi.

Qayd etilishicha, avtomobillarda o‘tkazgich va quvvatlagich qurilmalari bilan bog‘liq muammolar aniqlangan. Brendlarga tegishli avtomobillar ikki bozorda – AQSh va Kanadadan qaytarilmoqda.

CBS News ma’lumotlariga ko‘ra, konsernlar IONIQ 5 va IONIQ 6, Genesis GV60, Genesis GV70, Genesis G80 va EV6 elektrokar modellarini qaytaradi.

Eslatib o‘tamiz, avvalroq Kursiv Uzbekistan UzAuto Motors kompaniyasi tomonidan Chevrolet Cobalt mexanik uzatmali modeli sotuvdan olinmagani haqida...

Misr zargarlik sanoati vakillari o‘zbekistonlik hamkasblarini zargarlik buyumlari dizayniga o‘rgatishga tayyor, dedi Misrning O‘zbekistondagi elchisi Tamer Hammad O‘zR investitsiyalar, sanoat va savdo vaziri Laziz Qudratov bilan uchrashuvda. Bu haqda Egypt Today portali xabar berdi.

Shuningdek, tomonlar farmatsevtika, to‘qimachilik va charm sanoati, meva-sabzavot savdosi bo‘yicha salohiyatli loyihalarni muhokama qildi. Ushbu masalalarning barchasi Misr va O‘zbekiston hukumatlari o‘rtasidagi qo‘mitaning yettinchi yig‘ilishida muhokama mavzusi bo‘lishi kutilmoqda.

Avvalroq Kursiv Uzbekistan Malayziyaning Public Gold kompaniyasi O‘zbekistonda zargarlik buyumlari ishlab chiqarishni rejalashtirayotgani haqida yozgan edi.

Rossiyaning Primorye oʻlkasi gubernatori Oleg Kojemyako Oʻzbekistonga tashrifi chogʻida samarqandlik fermerlar bilan uchrashib, tuxum eksportini koʻpaytirish boʻyicha kelishuvga erishdi. Bu haqda o‘z Telegram kanalida ma’lum qildi.

Shuningdek, Primorye oʻlkasi rahbari samarqandlik qishloq xoʻjaligi sohasi vakillari Rossiyaning Zavodskoy posyolkasida joylashgan «Agroptitsa» fabrikasida qoʻshimcha ishlab chiqarish quvvatlarini yaratishda oʻz hamkorlariga yordam berishi haqida ma’lumot berdi.

Oʻz navbatida, rossiyalik qishloq xoʻjaligi xodimlari parranda goʻshtini ishlab chiqarishni koʻpaytirish niyatida.

Kojemyako 21-noyabr kunidan boshlab Oʻzbekistonda. U Toshkentda boʻlib oʻtgan turizm koʻrgazmasida qatnashib, poytaxt rahbariyati va Migratsiya agentligi vakillari bilan uchrashdi.

Avvalroq Kursiv Uzbekistan Mirziyoyev Rossiya bosh prokurori bilan noqonuniy migratsiya masalasini muhokama qilgani...

Bugun, 25-noyabr kuni O‘zbekiston bo‘ylab quruq va iliq ob-havo bo‘ladi. Ba’zi hududlarda tuman tushadi. O‘rtacha harorat 19 darajagacha ko‘tariladi. Bu haqda Gidrometeorologiya xizmati agentligi xabar berdi.

Poytaxtda yog‘ingarchilik kuzatilmaydi. Kunduzi havo 14-19 daraja iliq, kechasi esa 3-5 daraja iliq bo‘ladi.

Tog‘li hududlarda ham yomg‘ir yog‘maydi. Kunduzi harorat 12 darajagacha ko‘tariladi, kechga kelib havo 1 darajagacha pasayadi.

Toshkent shahar IIBB Tezkor qidiruv xizmati Jinoyat qidiruv boshqarmasi Uyushgan jinoyatchilikka qarshi kurashish bo‘limi boshlig‘i, podpolkovnik Timur Sobirov lavozimidan ozod etildi. Bu haqda IIV matbuot xizmati xabar berdi.

Ichki ishlar vazirining tegishli buyrugʻi bilan IIV Tezkor qidiruv departamenti Jinoyat qidiruv xizmati boshligʻi polkovnik Axrorjon Atxamov ham ishdan bo‘shatildi.

Toshkent shahar IIBB boshligʻining birinchi oʻrinbosari polkovnik Doniyor Tashxodjayev lavozimidan ozod etildi.

Avvalroq Kursiv Uzbekistan Shuhrat Xolmuhamedov Mudofaa vaziri bo‘lgani haqida yozgan edi.

Investitsiyalar, sanoat va savdo vazirligi rahbari Laziz Qudratov Toshkentda o‘tkazilgan Shveytsariya kunlarining ochilish marosimida ishtirok etdi. Bu haqda vazirlik matbuot xizmati xabar berdi.

Tadbir uchinchi bor o‘tkazilib, ikki davlat o‘rtasidagi ishbilarmonlik aloqalarini rivojlantirish va madaniyatni qo‘llab-quvvatlashga qaratilgan.

Vazirlik ma’lumotlariga ko‘ra, besh yil ichida O‘zbekiston – Shveytsariya savdosi hajmi $341 millionga yetdi. Mamlakatda Shveysariyaning yuzdan ortiq kompaniyalari faoliyat yuritmoqda.

Shveytsariya investorlari Oʻzbekiston iqtisodiyotiga $1,4 mlrd miqdorida investitsiya kiritdi. Bu investitsiyalar energetika, farmatsevtika va qishloq xoʻjaligi sohalariga yoʻnaltirilgan.

Avvalroq Kursiv Uzbekistan Dilshod Axatov O‘zbekistonning Shveysariyadagi elchisi bo‘lib tayinlangani haqida yozgan edi.

O‘zbekiston banklari Rossiyaning «Gazprombank»i tomonidan chiqarilgan UnionPay kartalariga xizmat ko‘rsatishni to‘xtatdi. Bu haqda TASS nashri xabar berdi.

Bankomatdan naqd pul olishga uringanda, texnik xatolik haqida xabar paydo boʻlmoqda. O‘zbekiston Markaziy banki UnionPay kartalariga xizmat ko‘rsatishni to‘xtatish mamlakat tashabbusi emasligini ma’lum qildi.

Qozogʻiston, Vengriya, Vyetnam va boshqa mamlakatlardan ham shunday xizmat koʻrsatishda muammolar yuzaga kelgani haqida xabarlar kelmoqda.

Eslatib o‘tamiz, 21-noyabr kuni AQSH Moliya vazirligi Gazprombankni sanksiyalar ro‘yxatiga kiritgan edi. Bir kun o‘tgach Rossiya banki UnionPay kartalarini chiqarishi haqidagi ma’lumotni veb-saytidan olib tashladi.

Avvalroq Kursiv Uzbekistan O‘zbekiston banklarida $4,6 mln muzlatilganini yozgan edi.

Madaniyat vazirligi huzuridagi Iqtidorli yoshlarni qo‘llab-quvvatlash markazi «Marhabo talantlar» respublika ko‘rik-tanlovini e’lon qildi.

Tanlov uch yosh toifasida — 7 – 15 yosh, 16 – 30 yosh va 31 yoshdan yuqorilar uchun o‘tkaziladi.

Ishtirokchilar quyidagi yo‘nalishlarda mahoratlarini namoyish etishlari mumkin:

Tanlov 30-noyabr va 1-dekabr kunlari Toshkentdagi Zarafshon konsert zalida bo‘lib o‘tadi. Hujjatlarni topshirish muddati 27-noyabrga qadar davom etadi.

Qo‘shimcha ma’lumot uchun: +998 71 232 16 52, +998 90 113 44 00.

Avvalroq Kursiv Uzbekistan «Huquq bilimdonlari» umummilliy konstitutsiyaviy imtihoni bo‘lib o‘tishi haqida yozgan edi.

Prezident farmoniga ko‘ra, general-mayor Shuhrat Xolmuhamedov O‘zbekiston mudofaa vaziri lavozimiga tayinlandi. Bu haqda Mudofaa vazirligi matbuot xizmati xabar berdi.

U bungacha mudofaa vazirining birinchi o‘rinbosari va Qurolli Kuchlar Bosh shtabi boshlig‘i lavozimida faoliyat yuritgan.

Avval bu lavozimda ishlagan Bahodir Qurbonov Davlat xavfsizlik xizmatiga (DXX) rahbar bo‘lib tayinlandi.

Avvalroq Kursiv Uzbekistan Abdulla Aripov bosh vazir lavozimiga qayta tasdiqlangani haqida yozgan edi.

«Parkent-farm» erkin iqtisodiy zonasida (EIZ) «YUMA BIO» MCHJ dorivor o‘tlar yetishtirish va uzum danaklaridan dori vositalari ishlab chiqarish bo‘yicha qo‘shma loyihasi ish boshladi. Bu haqda Toshkent viloyati hokimligi matbuot xizmati xabar berdi.

Janubiy Koreya kompaniyasi bilan hamkorlikda yaratilgan loyihaning qiymati $4,6 mln boʻlib, yiliga 250 tonna mahsulot ishlab chiqarishga moʻljallangan. Joriy yilda eksport hajmi $200 mingni tashkil etadi.

Korxonada 46 ta yangi ish oʻrni yaratildi. Kelajakda xomashyoni tayyorlash punktlari va chuqur qayta ishlash sexi qurilishi rejalashtirilmoqda, bu esa yiliga 2,5 milliard soʻmgacha ishlab chiqarish hajmini oshirish imkonini beradi.

Avvalroq Kursiv Uzbekistan Nurafshonda malaka oshirish instituti qurilishi boshlangani haqida...

Andijon viloyatida «Ipak yo‘li» erkin iqtisodiy zonasi hududida elektr skuterlar ishlab chiqarish zavodi qurilishi boshlandi. Bu haqda viloyat hokimi Shuhrat Abdurahmonov Telegram kanali xabar berdi.

Loyiha qiymati $10 millionni tashkil etib, yiliga 2 mln dona skuter ishlab chiqarish ko‘zda tutilgan. Mahsulotning $5 millionlik qismi eksport qilinadi. Zavodda 300 ish o‘rni yaratiladi, loyiha 2025-yilga qadar yakunlanishi rejalashtirilgan.

Shuningdek, hududda rangli metall konstruksiyalar ishlab chiqarish zavodi qurilishi ham boshlandi. Ushbu loyiha $200 mln qiymatga ega bo‘lib, yiliga 45 ming tonna mahsulot ishlab chiqariladi va $18 millionlik eksport amalga oshiriladi. Zavodda 400 ish o‘rni yaratiladi, loyiha 2026-yilda ishga tushirilishi rejalashtirilgan.

Avvalroq Kursiv...

Toshkentda mamlakatning eng yaxshi bloggerlarini taqdirlash marosimi – «Tehnikum Bloggers Awards – 2024» bo‘lib o‘tdi. «Kursiv Uzbekistan» muxbiri ushbu tadbirda ishtirok etdi.

Mukofotlar oʻnta nominatsiya boʻyicha topshirildi. Gʻoliblar orasida xonanda va bloger Yunetta Akopyan «Eng yaxshi layfstayl bloger» nominatsiyasida gʻolib boʻldi, shuningdek, Maryam Tillyayeva «Eng yaxshi fashion-beauty bloger» deb topildi.

Kechaning eng yaqqol lahzalaridan biri ukrainalik xonanda Ivan Dornning chiqishi boʻlib, u mehmonlarga unutilmas taassurotlar ulashdi.

Tadbirda, shuningdek, lotereya oʻtkazilib, turli fotozonalar orqali kontent yaratish imkoniyati berildi va didjeylarning musiqiy setlari taqdim etildi.

Avvalroq Kursiv Uzbekistan Toshkentda «Sublimation» musiqa festivali bo‘lib o‘tgani haqida yozgan edi.

O‘zbekistonlik boʻlgan Rossiya milliarderi Alisher Usmonov Bloomberg agentligining eng boy 500 kishi roʻyxatida 174-oʻrinni egalladi.

24 noyabr holatiga ko‘ra, tadbirkorning boyligi $13,8 mlrd.ga baholangan. Joriy yilning 11 oyida u $7,29 milliardga qisqardi.

Amerikaning Forbes nashri hisob-kitoblariga ko‘ra, 24-noyabr holatiga Usmonovning kapitali $14,2 milliardni tashkil etgan. Nashrning qayd etishicha, rossiyalik milliarder 2022-yildan buyon O‘zbekistonda istiqomat qiladi.

Eslatib o‘tamiz, Bloomberg reytingida $348 milliardlik boyligi bilan Tesla bosh direktori Ilon Mask yetakchilik qilmoqda.

Avvalroq Kursiv Uzbekistan Germaniya prokuraturasi Usmonovga nisbatan tergovni to‘xtatgani haqida yozgan edi.

Toshkent shahrida Xitoy Eksport-import (Eksim) banki vakolatxonasining ochilish marosimi bo‘lib o‘tdi. Bu haqda Investitsiyalar, sanoat va savdo vazirligi xabar berdi.

Tadbirda Xitoy Eksimbanki vitse-prezidenti Yang Donning, Xitoyning O‘zbekistondagi elchisi Yu Jun, O‘zbekiston investitsiyalar, sanoat va savdo vaziri o‘rinbosari Ilzat Qosimov va ikki mamlakatning biznes hamda moliya vakillari ishtirok etdi.

Ma’lumotga ko‘ra, moliya tashkiloti O‘zbekistonda kimyo sanoati, energetika, transport va qishloq xo‘jaligi sohalarida umumiy qiymati $3 milliarddan ortiq bo‘lgan 50 dan ortiq loyihani moliyalashtirgan.

Eksimbank 1994-yilda tashkil etilgan bo‘lib, tashqi savdo va xalqaro iqtisodiy hamkorlikni qo‘llab-quvvatlovchi muhim moliyaviy tashkilotdir.

Toshkentdagi yangi ofis bankning Markaziy Osiyo va Kavkazdagi sakkizta davlat, jumladan...

Amerikalik milliarder Ilon Mask dunyoning eng boy odami deb topildi. Uning boyligi hozirda $348 milliardni tashkil etadi. Bu haqda Bloomberg agentligi xabar berdi.

2021-yilda oʻz rekordini oʻrnatgan Mask bu safar ham eng boy odam boʻlib qoldi. Oʻsha paytda Bloomberg agentligi uning boyligini $340,4 mlrd deb baholagan edi.

Maskning ortidan Bloomberg reytingida Amazon asoschisi Jeff Bezos va Oracle’ning sobiq rahbari Larri Ellison joy oldi. Ularning boyligi mos ravishda $219 mlrd va $206 mlrdga baholangan.

Ta’kidlash joizki, Mask o‘tgan prezidentlik saylovlarida Donald Tramp nomzodini qo‘llab-quvvatlagan AQShdagi bir nechta yirik milliarderlardan biridir.

Avvalroq Kursiv Uzbekistan Mask Davlat boshqaruvi samaradorligi departamenti rahbarlaridan...

21-noyabr kuni Toshkentda Oʻzbekiston-Kuvayt hukumatlararo komissiyasining navbatdagi majlisi boʻlib oʻtdi. Bu uchrashuvda savdo tartib-qoidalarini osonlashtirish va boshqa muhim masalalar boʻyicha kelishuvga erishildi. Bu haqda O‘zR Investitsiyalar, sanoat va savdo vazirligi xabar berdi.

Investitsiyalar, sanoat va savdo vaziri Laziz Qudratov va Kuvayt moliya vaziri Nura Sulaymon Al-Fassam rahbarligida boʻlib oʻtgan mazkur tadbirda imzolangan memorandum va protokol ikki mamlakat oʻrtasidagi hamkorlikning yangi bosqichini boshlab berdi.

Uchrashuvda ikki mamlakat oʻrtasidagi hamkorlikning hozirgi kundagi holati va istiqbollari muhokama qilindi. Soʻnggi besh yilda oʻzaro oziq-ovqat mahsulotlari, kimyo sanoati mahsulotlari va xizmatlar almashinuvi hisobiga tovar aylanmasi besh barobar oshdi. Oʻzbekistonda hozirda kuvaytli investorlar ishtirokidagi yettita...

Poytaxtning Yangihayot tumanida 764 gektar maydonda «Yangi avlod» sanoat zonasi tashkil etilib, unda jami qiymati $1,37 mlrd boʻlgan 47 ta loyiha amalga oshiriladi. Bu haqda prezident matbuot xizmati xabar berdi.

Shavkat Mirziyoyev aytishicha, ushbu loyihalarni amalga oshirishda DP World, JAC Motors, Acec Japan kabi yetakchi xalqaro kompaniyalar ishtirok etmoqda. Ishlab chiqarish yuqori qoʻshilgan qiymatli va eksportga moʻljallangan mahsulotlarni ishlab chiqarishga yoʻnaltiriladi.

Masalan, Xitoyning CAMC Engineering kompaniyasi zonani boshqarish va infratuzilmani rivojlantirish bilan shugʻullanadi. JAC Motors tijoriy transport vositalarini ishlab chiqarishni yoʻlga qoʻyib, 2 mingga yaqin ish oʻrnini yaratadi. Yaponiyaning Acec Japan kompaniyasi ofis jihozlari ishlab chiqarishni tashkil etib, 100 ta...

Kelgusi haftaning boshida O‘zbekistonda quruq va iliq ob-havo kuzatiladi. Janubiy hududlarda harorat 20 darajagacha ko‘tarilishi mumkin. Haftaning oxirida respublika bo‘ylab yog‘ingarchilik kuzatiladi va havo harorati 10 darajagacha pasayadi. Bu haqda ob-havo.com xabar berdi.

Poytaxtda ham haftaning ilk kunlarida havo ochiq bo‘ladi va harorat 15 darajagacha salqin bo‘ladi. Juma kuni yomg‘ir yog‘ishi ehtimoli bor. Dam olish kunlari harorat 10-8 daraja bo‘ladi.

Tog‘li hududlarda ham yog‘ingarchilik kuzatilmaydi. Haftaning oxirida yomg‘ir va qor yog‘ishi ehtimoli bor. Ba’zi joylarda tuman tushishi mumkin. Havo harorati 5-12 daraja bo‘lib, hafta oxirida 3-5 daraja salqin bo‘ladi.

Davlat xavfsizlik xizmati raisi Abdusalom Azizov lavozimidan ozod etildi. Bu haqda «Gazeta.uz» manbalarga tayanib, xabar bermoqda.

Azizov 2019-yildan buyon mazkur lavozimda ishlab kelayotgan edi. Bungacha esa u Mudofaa vaziri lavozimida ishlagan.

Nashr manbasiga ko‘ra, Bahodir Qurbonov O‘zbekiston DXXning yangi raisi etib tayinlandi. Tayinlovga qadar u 2019-yil 11-fevraldan beri O‘zbekiston mudofaa vaziri lavozimida faoliyat yuritib kelayotgan edi.

Avvalroq Kursiv Uzbekistan Abdulla Aripov bosh vazir lavozimiga qayta tasdiqlangani haqida xabar bergan edi.

2030-yil 1-yanvargacha nodavlat maktabgacha ta’lim va umumiy oʻrta ta’lim tashkilotlari barcha turdagi soliq va yigʻimlardan (ijtimoiy soliqdan tashqari) ozod qilinadi. Bu haqda prezidentning tegishli qarori qabul qilindi.

Shuningdek, qonunga koʻra, ushbu tashkilotlarda faoliyat yuritayotgan chet ellik oʻqituvchilar va mutaxassislar jismoniy shaxslar uchun olingan daromad soligʻi va ijtimoiy soliq toʻlamaydi.

Shu bilan birga, 2030-yil 1-yanvargacha nodavlat ta’lim tashkilotlariga quyidagi Oʻzbekistonda ishlab chiqarilmaydigan tovar jihozlariga bojxona toʻlovlari toʻlanmaydi (bojxona rasmiylashtiruvi uchun yigʻimlar bundan mustasno):

Bundan tashqari, kelasi yildan boshlab nodavlat ta’lim tashkilotlariga doimiy ishga...

Qirgʻizistonlik tadbirkorlar Oʻzbekistonga koʻmir eksport qilish uchun yuk vagonlari yoʻqligidan shikoyat qilmoqda. Bu haqda 24KG nashri deputat Yrisbek Atajanovga tayanib, xabar berdi.

«Qirgʻiziston temir yoʻllari» direktori oʻrinbosari Dastan Usubaqunov «Oʻzbekiston temir yoʻllari» AJ koʻmir olib kirish uchun vagonlar sonini qisqartirganini ma’lum qildi. Ayni damda Oʻzbekiston tomoni kuniga 120 dan 200 vagongacha yetkazib berayotgan boʻlsa, Qirgʻizistonda qoʻshni davlatga koʻmir tashish uchun bor-yoʻgʻi 150 vagon bor.

Kompaniya Yevropa tiklanish va taraqqiyot banki (YTTB) bilan 80 ta yuk vagonlarini xarid qilish boʻyicha muzokaralar olib bormoqda.

Avvalroq Kursiv Uzbekistan Qirgʻiziston Vazirlar Mahkamasi tomonidan avtomobil transportida koʻmir eksportiga olti oylik taqiq kiritilgani haqida...

Qirgʻiziston prezident Sadir Japarov 2025-yil 1-iyuldan boshlab, mamlakatga elektron sigaretalar importi, aylanmasi va foydalanishni taqiqlovchi qonunni imzoladi. Bu haqda mamlakat prezidentining matbuot xizmat xabar berdi.

Qonunda ta’kidlanishicha, mazkur hujjat fuqarolarning salomatligini himoya qilish va yosh avlodni tamaki mahsulotlarining salbiy oqibatlaridan saqlashga qaratilgan.

Elektron sigaretalarni chekkanlik uchun jismoniy shaxslar 10 ming som ($115), yuridik shaxslar esa 60 ming som ($693) miqdorida jarimaga tortiladi. Sotganlik uchun jarima 20 ming som ($231), yuridik shaxslar uchun esa 65 ming som ($751) miqdorida belgilandi.

Shuningdek, elektron sigaretalarni noqonuniy import qilish jinoiy javobgarlikka sabab boʻlishi belgilab berildi. Bunda jazo sifatida ikki oydan bir yilgacha majburiy...

Prezident Shavkat Mirziyoyev 23-noyabr kuni «Yashil makon» umummilliy loyihasi doirasida Bektemir tumanida yangi bogʻ barpo etilishida qatnashib, koʻchat ekdi. Bu haqda prezident matbuot xizmati xabar berdi. Bu haqda prezident matbuot xizmati xabar berdi.

«Yashil makon» loyihasi uch yil avval davlat rahbari tashabbusi bilan boshlangach har yili daraxt koʻchatlari ekish an’anaga aylandi. Bu yilgi loyihada 100 gektar yer ajratilib, ikki yil davomida 100 ming tup daraxt va buta koʻchatlari ekilishi rejalashtirilgan. Shu bilan birga, koʻchatlarni parvarishlash uchun 3 ta sun’iy suv havzasi va 12 ta quduq qurilgan.

Ushbu tadbirni videoaloqa orqali viloyatlar jamoatchiligi ham kuzatdi va aynan shu mavsumda «Yashil...