Yangiliklar

Istanbul shahridagi Bosh konsulxona Turkiyadagi o‘zbekistonliklarni ogohlantirdi. Bu haqda konsulxona rasmiy sahifasida ma’lum qilindi.

Unga ko‘ra, Turkiya va O‘zbekiston o‘rtasidagi aviaqatnovlar davomida ayrim shaxslar yo‘lovchilardan o‘z yuklarini O‘zbekistonga yetkazib berishni iltimos qilishi mumkin. Ular turli bahonalar bilan, masalan, kasal qarindoshi borligi yoki yukni jo‘natish imkoniyati yo‘qligi kabi sabablarni keltirib, ishonch qozonishga harakat qilishadi. Biroq bunday va’dalarga ishonish xavfli bo‘lib, begona yukni qabul qilish og‘ir jinoiy oqibatlarga olib kelishi mumkin.

Ma’lumot uchun, o‘tgan yillarda bir necha O‘zbekiston fuqarolari shunday vaziyatlarga tushib qolgan va noqonuniy yuklarni, jumladan, narkotik moddalar va soxta hujjatlarni bilmasdan olib o‘tganlari uchun hibsga olingan.

2023-yilda Istanbul aeroportida...

Parij moda haftaligida Valentino modalar uyi kuz-qish 2025 kolleksiyasini noodatiy tarzda taqdim etdi. Bu haqda CNN axborot agentligi ma’lum qildi.

Unga ko‘ra, dizayner Alessandro Michele shou maydonini ommaviy hojatxona ko‘rinishida bezatdi – mehmonlar hojatxona kabinalariga qaragan holda joylashtirildi. Modellar esa ularning ichidan chiqib keldi.

Michele bu g‘oyani «ichki va tashqi chegaralarni yo‘q qiluvchi makon» deb atadi. Bu Valentino’ning an’anaviy nafislikdan yiroq uslub bo‘ldi.

Eslatib o‘tamiz, avvalroq Prada Versace’ni sotib olishi mumkinligi haqida yozgan edik.

O‘zbekiston Bosh konsulxonasi vakillari Rostov-Don shahar Transport departamenti va yirik transport kompaniyalari rahbarlari bilan mehnat migratsiyasi borasida muzokaralar olib bordi. Bu haqda «Dunyo» AA ma’lum qildi.

Unga ko‘ra, Rossiya tomoni shahar transport tizimi va ish sharoitlari haqida ma’lumot berib, avtobus haydovchilarining yetishmovchiligi 40 foizga yetganini ta’kidladi.

Hozirda 100 nafar «D» toifali haydovchini ishga olish rejalashtirilmoqda. Rossiya vakillari o‘zbekistonlik haydovchilarga ijobiy baho berib, ularni bo‘sh ish o‘rinlariga jalb qilishga tayyor ekanini bildirdi. Tomonlar mehnat migratsiyasi sohasida hamkorlikni davom ettirishga kelishib oldilar.

Eslatib o‘tamiz, avvalroq Koreyaning Samsung kemasozlik zavodi oʻzbekistonliklarni ishga taklif qilgan edi.

Eron, Xitoy va Rossiya harbiy kemalari Ummon ko‘rfazida yillik qo‘shma harbiy-dengiz mashg‘ulotlarini boshladi. Bu haqda CNN axborot agnetligi ma’lum qildi.

Unga ko‘ra, «Xavfsizlik kamari – 2025» deb nomlangan mazkur mashg‘ulotlar Chobahor porti yaqinida o‘tmoqda va AQSh ta’siriga qarshi strategik hamkorlik belgisi sifatida ko‘rilmoqda.

Rossiya 15 ta jangovar va yordamchi kema, Xitoy Type 052D raketa esminetsi, Eron esa stealth-raketa korveti va patrul kemasini jalb qilgan. Mashg‘ulotlar harbiy ishonchni mustahkamlash va amaliy hamkorlikni rivojlantirishga qaratilgan bo‘lib, dengiz nishonlariga hujum simulyatsiyalari va qidiruv-qutqaruv operatsiyalarini o‘z ichiga oladi.

Eslatib o‘tamiz, avvalroq O‘zbekistonda harbiy xizmatchilar uchun toʻlanadigan kompensatsiyalar miqdori oshirilgan edi.

O‘zbekistonda chiqindi xizmatlari uchun qarzdorlik mavjud bo‘lsa, elektr energiyasi uchun to‘lovlar vaqtincha cheklanadi. Bu haqda Chiqindilarni boshqarish agentligi ma’lum qildi.

Unga ko‘ra, bu yangi tartib 2025-yil 7-martdagi 1044-sonli qonun asosida joriy etildi. Qonunga muvofiq, chiqindi xizmatlari uchun qarzdor iste’molchilar SMS orqali ogohlantiriladi. Agar qarzdorlik besh kun ichida bartaraf etilmasa, ular elektr energiyasi uchun to‘lovlarni amalga oshira olmaydi. Qarzdorlik to‘langanidan so‘ng cheklov avtomatik ravishda bekor qilinadi.

Ushbu chora-tadbirlar chiqindi xizmatlari uchun to‘lov intizomini mustahkamlash va qarzdorlikni kamaytirishga qaratilgan. Qonun rasmiy e’lon qilingan kundan boshlab uch oy o‘tib kuchga kiradi.

Eslatib o‘tamiz, avvalroq Toshkent va Surxondaryo viloyatlarida chiqindi yigʻimi narxlari...

Microsoft MAI nomli yangi sun’iy intellekt modellarini ishlab chiqmoqda. Bu haqda TechCrunch nashri ma’lum qildi.

Unga ko‘ra, ushbu modellar joriy yilda API orqali ommaga taqdim etilishi mumkin. Shuningdek, Microsoft OpenAI’ning o1 va o3-mini modellariga muqobil bo‘ladigan o‘z tizimlarini yaratdi. OpenAI Microsoft’ga o‘z modellarining ishlash tamoyillari haqida texnik hujjatlarni taqdim etishdan bosh tortgani sababli kompaniyalar o‘rtasidagi kelishmovchiliklar kuchaygan.

Microsoft OpenAI texnologiyalariga muqobil sifatida xAI, Meta, Anthropic va DeepSeek kabi boshqa ishlab chiquvchilarning sun’iy intellekt modellarini ham sinovdan o‘tkazmoqda. Shu bilan birga, kompaniya DeepMind va Inflection hammuassisi Mustafo Sulaymonni sun’iy intellekt bo‘limiga rahbar qilib tayinladi.

Eslatib o‘tamiz, avvalroq Alibaba ham QwQ-32B...

Kaliforniyaning JetZero innovatsion «aralash qanot» dizayniga ega samolyot yaratmoqda. Bu haqda aviakompaniya rasmiy sahifasida ma’lum qilindi.

Unga ko‘ra, ushbu noodatiy dizayn samolyot aerodinamikasini sezilarli darajada yaxshilab, yoqilg‘i sarfini 50% gacha kamaytirishga imkon beradi.

An’anaviy fuzelyaj va qanotlarga ega bo‘lgan samolyotlardan farqli o‘laroq, JetZero’ning yangi modeli yaxlit konstruksiyaga ega bo‘lib, bu unga yanada samarali ishlash imkonini beradi.

Ushbu samolyot 250 dan ortiq yo‘lovchilarni sig‘dira oladi va mahalliy hamda xalqaro reyslar uchun mos keladi. Yoqilg‘i tejamkorligi va ekologik tozaligi uni kelajak aviatsiyasining muhim qismiga aylantirishi mumkin. JetZero loyihasining birinchi namoyish parvozi 2027-yilda amalga oshirilishi rejalashtirilgan bo‘lsa, tijorat reyslariga qo‘shilishi 2030-yilgacha...

Italiya A seriyasining 28-turidan o‘rin olgan «Empoli» va «Roma» uchrashuvi 0:1 hisobida yakunlandi.

Uchrashuvning 1-daqiqasida Matias Sule mehmonlarni hisobda oldinga olib chiqdi va o‘yin yakunigacha hisob boshqa o‘zgarmadi.

Rimliklarning oʻzbekistonlik hujumchisi Eldor Shomurodov oʻyinni asosiy tarkibda boshladi va 72-daqiqada zaxiraga olindi.

Avvalroq Kursiv Uzbekistan Husanov va Shomurodov klublari libos hamda atributlar savdosidan qancha daromad koʻrgani haqida xabar bergan edi.

10-mart, dushanba kuni muborak Ramazon oyining o‘ninchi kuni bo‘lib, Toshkent shahrida saharlikning tugashi soat 5:25 ni tashkil qiladi. Iftorlik esa 18:27 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan kimlar ro‘za tutmasligi mumkinligi haqida maqola tayyorlagan bergan edi.  

UEFAning soʻnggi ma’lumotlariga koʻra, «Manchester Siti» 2023/2024-yilgi mavsumda oʻz liboslari va atributlarini sotish orqali 76 million yevro daromad ishlab topdi va bu borada klublar orasida 11-oʻrinni egalladi.

2019-yildan buyon klubning ushbu yoʻnalishdagi tushumlari 3,5 baravarga oshdi. «Manchester Siti»ning rasmiy sport formasini Puma brendi ishlab chiqaradi.

Ushbu koʻrsatkich boʻyicha «Roma» 24 million yevro bilan 20-oʻrinni egalladi. «Real Madrid» esa 196 million yevro daromad bilan yetakchilik qilmoqda. Undan keyingi oʻrinlarda «Bavariya» va «Barselona» (171 million yevrodan ortiq daromad) joy olgan.

UEFA hisobotida ta’kidlanishicha, eng yaxshi 20 ta klubning savdo tushumi 26 foizga oʻsib, umumiy daromad 1,8 milliard yevroga yetgan. Sport kiyimlari...

Xitoy kompaniyasi Oʻzbekistonda ta’lim va kasbga tayyorlash markazini ochishni rejalashtirmoqda. Bu haqda «Dunyo» axborot agentligi xabar berdi.

Ma’lum qilinishicha, bu tashabbus Xitoyning JC Finance Interconnect Holdings kompaniyasi tomonidan ilgari surilgan. Oʻzbekiston Bosh konsulxonasi koʻmagida Oliy ta’lim, fan va innovatsiyalar vazirligi, Migratsiya agentligi va kompaniya rahbari U Tinyi ishtirokida onlayn muzokaralar boʻlib oʻtdi.

Tomonlar «yashil» energetika, qishloq xoʻjaligi, axborot-kommunikatsiya texnologiyalari (AKT) va turizm sohalari boʻyicha xalqaro standartlarga mos malaka oshirish dasturlarini ishlab chiqish masalasini muhokama qilishdi.

Shuningdek, Oʻzbekiston talabalariga Xitoyning yetakchi oliy oʻquv yurtlarida grant ajratish va nomzodlarni tanlash mexanizmlari ham koʻrib chiqildi. Muzokaralar yakunida kompaniya vakillarining Oʻzbekistonga tashrifini tashkil...

OpenAI sobiq eksperti Maylz Brendej kompaniyani GPT-2 modeli ishlab chiqarilishi tarixi boʻyicha haqiqatni buzib koʻrsatishda va sun’iy intellekt xavfsizligiga yetarli e’tibor bermaslikda aybladi.

Brendej OpenAIʼning umumiy sun’iy intellekti (AGI) bosqichma-bosqich rivojlantirish strategiyasi e’lon qilinishidan norozi boʻlib, unda GPT-2 dastlab xavfsizlik nuqtai nazaridan yashirilgani aytilganini rad etdi. Uning soʻzlariga koʻra, model aslida xavfsizlik tamoyillariga amal qilgan holda bosqichma-bosqich tarqatilgan.

Shuningdek, u kompaniyaning xavfni baholash strategiyasini tanqid qilib, OpenAI faqat aniq va rad etib boʻlmaydigan tahdidlar paydo boʻlgandagina chora koʻrishini qayd etdi.

Ushbu tanqidlar OpenAIʼga nisbatan tobora kuchayib borayotgan e’tirozlar – shaffoflik yetishmovchiligi, tijoriy manfaatlarning ustuvorligi va sun’iy intellekt vositalari orqali...

Avstriyaning Lins shahrida boʻlib oʻtayotgan dzyudo boʻyicha Gran-pri turnirining ikkinchi kunida Oʻzbekiston terma jamoasi vakillari bitta kumush va bitta bronza medaliga sazovor boʻldi. Bu haqda Oʻzbekiston Milliy olimpiya qoʻmitasi xabar berdi.

Unga koʻra, 81 kg vazn toifasida ishtirok etgan Murodjon Yoʻldoshev kumush medalni qoʻlga kiritgan boʻlsa, 73 kg vazn toifasida tatamiga chiqqan Mardon Ravshanov bronza medaliga sazovor boʻldi.

Avvalroq «Kursiv» Chusovitina 49 yoshida sport gimnastikasi boʻyicha Jahon kubogi bosqichida gʻolib boʻlgani haqida xabar bergan edi.

O‘zbekistonda ayrim tashkilotlar 2025-yil 1-iyuldan boshlab elektron to‘lov tizimlariga majburiy tartibda ulanadi. Bu haqda Strategik islohotlar agentligi ma’lum qildi.

Vazirlar Mahkamasi tomonidan qabul qilingan qarorga ko‘ra, aholiga xizmat ko‘rsatuvchi budjet tashkilotlari, gaz va neft mahsulotlari sotuvchilari hamda ijaraga mulk beruvchi kompaniyalar elektron to‘lov tizimlari orqali hisob-kitob qilish imkoniyatini yaratishi shart bo‘ladi.

Agar ushbu tizimdan foydalanish rad etilsa, soliq qonunchiligiga muvofiq javobgarlik belgilanishi ko‘zda tutilgan.

Shuningdek, 2025 – 2030-yillarga mo‘ljallangan elektron to‘lovlar ulushini oshirish bo‘yicha rejalar ishlab chiqilishi rejalashtirilgan. Maqsad – onlayn to‘lovlar ulushini 60 foizga yetkazish.

Mazkur qaror mamlakat to‘lov infratuzilmasini modernizatsiya qilish, moliyaviy operatsiyalar shaffofligini oshirish va aholiga...

Amerikalik tadbirkor Ilon Mask ukrainalik milliarderlarga qarshi sanksiyalar joriy etishni taklif qildi. Bu haqda u X ijtimoiy tarmogʻidagi sahifasida yozdi.

«Ukrainaning 10 nafar eng yirik oligarxlariga, ayniqsa, Monakoda qasrlari boʻlganlarga qarshi sanksiyalar qoʻllang va bu darhol toʻxtatiladi. Mana jumboqning kaliti», – deb yozdi u.

Bir hafta oldin Mask Ukraina prezidenti Vladimir Zelenskiy oʻz lavozimidan voz kechishi kerakligini, shundan soʻng u mamlakatni tark etishi kerakligini aytgan edi. Oʻsha kuni Zelenskiy oʻzining X sahifasida muzokaralar va tinchlikka tayyorligini bildirib, rasmiy murojaat bilan chiqqan edi.

Avvalroq Kursiv Uzbekistan Mask Trampning harakatlari tufayli bir kunda 114 trillion soʻm...

20-martdan boshlab Xitoy Kanadaning bir qator tovarlariga qoʻshimcha bojlar joriy qilmoqda. Bu haqda City News xabar berdi.

Ma’lum qilinishicha, yangi tariflar raps yogʻi, kunjara va noʻxatga 100 foiz, choʻchqa goʻshti va suv mahsulotlariga 25 foizni tashkil etadi. Bu choralar 2024-yil oktabr oyida kiritilgan Kanada cheklovlariga javob boʻldi. Oʻshanda Ottava Xitoyning elektromobillariga 100 foizlik soliq soldi hamda poʻlat va alyuminiy importiga 25 foizlik boj joriy qildi.

Xitoy rasmiylarining rasmiy bayonotida qayd etilishicha, Kanada Pekinning bir necha bor noroziliklariga qaramay dastlabki tergovsiz bir tomonlama cheklov choralarini koʻrgan.

Kanada bojlari Gʻarbning kengroq siyosatining bir qismiga aylandi. Avvalroq AQSh va Yevropa Ittifoqi ham...

Oʻzbekiston va Belarus xalqaro yuk tashuvchilari uchun ruxsatnomalarni bekor qilish masalasi muhokama qilinmoqda, deb xabar berdi «Dunyo» axborot agentligi.

Oʻzbekiston elchisi Rahmatulla Nazarov Belarus transport va kommunikatsiyalar vaziri Aleksey Lyaxnovich bilan uchrashuv oʻtkazdi. Unda ikki mamlakat oʻrtasidagi transport hamkorligini kengaytirish va yuk tashish jarayonlarini soddalashtirish masalalari koʻrib chiqildi.

Lyaxnovichning ta’kidlashicha, ruxsatnomalar bekor qilinishi ikki davlat oʻrtasidagi savdo hajmini oshirishga xizmat qiladi. Belarus tomoni, shuningdek, mart-aprel oylarida Minskda xalqaro avtomobil transporti boʻyicha qoʻshma komissiya yigʻilishini oʻtkazishga tayyorligini bildirdi.

Uchrashuvda xalqaro transport yoʻlaklari tashkil etish, Termiz shahridagi transport-logistika xabidan foydalanish hamda Belarusning jamoat transporti va infratuzilma tajribasini Oʻzbekistonda tatbiq etish masalalari...

Oʻzbekiston diplomatlari Sloveniyaning «SID Bank» taraqqiyot va eksport banki boshqaruv raisi hamda bosh direktori Borut Yamnik bilan muzokara oʻtkazdi. Bu haqda «Dunyo» axborot agentligi xabar berdi.

Muloqot chogʻida Oʻzbekiston – Sloveniya savdo-iqtisodiy, investitsiyaviy aloqalarini kengaytirish, mamlakatimiz banklari va moliya tashkilotlari bilan toʻgʻridan toʻgʻri sheriklikni chuqurlashtirishning muhimligi qayd etildi.

Borut Yamnikning ta’kidlashicha, «SID Bank» Sloveniyadagi hamkorlari orqali Oʻzbekistonda farmatsevtika, aloqa va axborot kommunikatsiyalar sohalarida loyihalarni amalga oshirmoqda.

Uchrashuv natijasida «SID Bank» taraqqiyot va eksport banki tomonidan Oʻzbekiston banklari uchun maxsus kredit liniyalarini ochish boʻyicha kelishuvga erishildi.

Avvalroq «Kursiv» Oʻzbekiston banklarida NLP hajmi bir oyda 2,6 trln soʻmga oshgani haqida xabar...

Shanxay hamkorlik tashkilotining (ShHT) navbatdagi sammiti kuzda Xitoyning Tyanszin shahrida oʻtkaziladi. Bu haqda Xitoy tashqi ishlar vaziri Van I matbuot anjumanida ma’lum qildi.

Uning soʻzlariga koʻra, sammitda tashkilotga a’zo davlatlar rahbarlari oʻzaro hamkorlikni mustahkamlash, tajriba almashish va kelajak rejalarini belgilash masalalarini muhokama qiladi.

«Bu yil Xitoy ShHT sammitiga raislik qilmoqda. ShHT Xitoyda tashkil topgan va Xitoyning Shanxay shahri nomi bilan atalgan. Shuning uchun u biz uchun alohida ramziy ma’noga ega. Shanxay hamkorlik tashkilotining oʻz vataniga qaytganidan juda mamnunmiz», – dedi vazir.

Avvalroq «Kursiv» Oʻzbekiston vakili ShHT bosh kotibining oʻrinbosari etib tayinlangani haqida xabar...

Buyuk Britaniya apellyatsiya sudi Appleʼning Batterygate mojarosi boʻyicha $1,1 milliardlik da’voni rad etish talabini qondirmadi. Bu haqda Appleinsider nashri xabar berdi.

Batterygate – bu 2016-yilda Apple eski yoki eskirgan batareyaga ega iPhone qurilmalarining tezligini sun’iy pasaytirgani bilan bogʻliq mojarodir. Kompaniya keyinchalik buni tan olib, ayrim foydalanuvchilarga kompensatsiya toʻlagan.

Jastin Gutmann ismli iste’molchilar huquqlarini himoya qiluvchi faol 2022-yilda Appleʼni 24 million britaniyalik foydalanuvchini oldindan ogohlantirmasdan ularning qurilmalarini sekinlashtirganlikda ayblab sudga murojaat qilgan. Endi kompaniya katta miqdorda jarima toʻlashi mumkin.

Bundan tashqari, mart oyida Braziliya hukumat organlari Appleʼdan App Store cheklovlarini bekor qilishni talab etib, bunga 90 kun muddat belgiladi.

Avvalroq...

6-mart kuni Oq uyda AQSh hukumat samaradorlik departamenti (DOGE) rahbari Ilon Mask va mamlakat davlat kotibi Marko Rubio oʻrtasida mojaro kelib chiqdi.

The New York Timesʼning xabar berishicha, Mask Rubioning hukumat xodimlarini qisqartirishga qodir emasligini aytgan. Bunga javoban davlat kotibi Mask yolgʻon gapirayotganini aytgan. Uning ta’kidlashicha, davlat departamentining 1500 nafar xodimi tovon puli evaziga ishdan ketgan.

Rubio oxirgi haftalarda Maskning hukumatni qisqartirish siyosatiga qarshi chiqqan va uchrashuvda ochiq tanqid qilgan. Bahs choʻzilgandan soʻng AQSh prezidenti Donald Tramp aralashib, Rubioni qoʻllab-quvvatlagan.

Politicoʻning yozishicha, Tramp DOGE vakolatlarini cheklashga qaratilgan ilk muhim qadamni qoʻygan. Prezident Maskga kadrlar siyosati boʻyicha faqat tavsiya...

9-mart, yakshanba kuni muborak Ramazon oyining to‘qqizinchi kuni bo‘lib, Toshkent shahrida saharlikning tugashi soat 5:27 ni tashkil qiladi. Iftorlik esa 18:26 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan.

Ro‘za tutish (saharlik, og‘iz yopish) duosi

Navaytu an asuvma sovma shahro ramazona minal fajri ilal mag‘ribi, xolisan lillahi ta’aalaa, Allohu akbar.

Iftorlik (og‘iz ochish) duosi

Allohumma laka sumtu va bika amantu va a’alayka tavakkaltu va ‘ala rizqika aftartu, fag‘firli, ya G‘offaru, ma qoddamtu vama axxortu.

Avvalroq Kursiv Uzbekistan kimlar ro‘za tutmasligi mumkinligi haqida maqola tayyorlagan bergan edi. 

«Nottingem Forest» Angliya Premer-ligasining (APL) 28-tur doirasida «Manchester Siti»ni o‘z maydonida mag‘lub etdi.

Uchrashuvning yagona golini 83-daqiqada «Forest» hujumchisi Kallum Xadson-Odoi kiritdi.

«Man Siti» himoyachisi Abduqodir Husanov o‘yinni maydonda o‘tkazdi. U bir necha xavfli vaziyatni bartaraf etdi va bir epizodda Xadson-Odoini jarima maydoni yaqinida quvib yetib, tomoshabinlar va muxlislarni ajoyib tezligi bilan hayratga soldi.

Sofascore portali o‘zbekistonlik futbolchining ushbu o‘yindagi harakatlarini 7,3 ballga baholadi.

Uchrashuv natijasiga ko‘ra, «Forest» 51 ochko bilan turnir jadvalining uchinchi pog‘onasida mustahkam joylashdi. «Man Siti» esa undan to‘rt ochko ortda qolmoqda.

Avvalroq Kursiv Uzbekistan «Manchester Siti» fevral oyida Husonovni eng yaxshi futbolchi sifatida taqdirlagani haqida...

Fevral oyida qisqa muddatli mustahkamlanishdan so‘ng so‘m mart oyida dollarga nisbatan pasayishni boshladi.

O‘zbekiston valyuta birjasi ma’lumotlariga ko‘ra, 7-mart kuni dollar kursi 12 940,11 so‘mni tashkil etib, oldingi kun bilan solishtirganda 21,75 so‘mga oshdi. 6-mart kuni esa kurs 12 918,36 so‘m bo‘lib, 17,99 so‘mga oshgan edi.

Faqatgina 5-mart kuni so‘m biroz mustahkamlandi: kurs 12 900,37 so‘mga tushib, 2,96 so‘mga pasaydi. 4-mart kuni esa 12 903,33 so‘mni tashkil etib, 6,13 so‘mga oshgan. 3-martda esa kurs 12 897,20 so‘m bo‘lib, 7,13 so‘mga ko‘tarildi.

Fevral oyining oxirgi kunida, 28-fevralda dollar kursi 12 890,07 so‘mni tashkil etgan edi. Umuman...