Yangiliklar

Joriy yilning yanvar-aprel oylarida Oʻzbekistonda 11,5 mingta Onix avtomobili ishlab chiqarildi. Bu oʻtgan yilning mos davriga qaraganda 3,7 martaga koʻpdir. Bu haqda Statistika agentligi hisobotida ma’lum qilindi.

Oʻzbekistonda mazkur avtomobilni ishlab chiqarish 2023-yildan yoʻlga qoʻyilgan boʻlib, dastlabki yilda umumiy hisobda 30,5 mingdan ortiq avtomobillar ishlab chiqarildi.

Umumiy Oʻzbekiston avtomobil bozorida esa joriy yilning dastlabki 4 oyida eng koʻp Cobalt (qariyb 42 mingta) ishlab chiqarildi. Cobalt 2023-yil yakunlariga koʻra ham mamlakatda eng koʻp ishlab chaqilgan avtomashina boʻlgan edi.

Avvalroq «Kursiv» respublika bozorida yangi BYD avtomobillari paydo bo‘lganini yozgan edi. Yangi modellarning paydo bo‘lishi respublika bozorida raqobatni kuchaytiradi...

O‘zbekistonda yer qa’ridan foydalanish qoidalari buzilganligi haqida xabar bergan shaxslarga pul mukofotlari beriladi. Bu haqdagi qarorni respublika prezidenti Shavkat Mirziyoyev imzoladi.

Endilikda, yer qa’ridan foydalanish qoidalari buzilganligini aniqlagan va huquqbuzarliklarni foto yoki videoga olgan shaxslar Tog‘-kon va geologiya vazirligining maxsus axborot tizimiga yuborishlari mumkin. Bunday xabarlar bilan belgilangan tartibda ish olib borilib, bu materiallarni yuborgan shaxslar pul mukofoti bilan taqdirlanadi.

Avvalroq «Kursiv» Oʻzbekistonda tog‘-kon sanoatiga yoʻnaltirilgan investitsiyalar 36,3 trillion soʻmga yetganini e’lon qilgan edi.

O‘zbekiston 2024-yilning yanvar-mart oylarida 19,9 million dona tamaki mahsulotlarini import qildi, bu 2023-yilning shu davriga nisbatan sakkiz baravar ko‘pdir, deya xabar beradi «Asl Belgisi» milliy raqamli markalash tizimi operatori – CRPT Turon.

Kompaniya ma’lumotlariga ko‘ra, importning 48 foizi «stik»ga, 38 foizi esa filtrli sigaretalarga to‘g‘ri keladi.

Bu davrda respublikada 132 million o‘ram tamaki mahsulotlari ishlab chiqarildi, bu o‘tgan yilning birinchi choragiga nisbatan 43 foizga ko‘pdir.

«Bu markirovkalash joriy etilganidan keyin sanoatning shaffoflanishi bilan bog‘liq. Qonuniy biznes noqonuniy ishlab chiqaruvchilar tomonidan bo‘shatilgan sektorlarni egallaydi, bu esa ishlab chiqarish hajmini oshirish imkonini beradi», deya ta’kidladi Soliq qo‘mitasining Mahsulotlar markalanishini nazorat qilish bo‘limi...

Oʻzbekiston kompaniyalari oʻz mahsulotlarini Rossiyaning Ozon internet doʻkonida sotishlari mumkin boʻladi. Bu haqda «TASS» nashri Rossiya prezidenti Vladimir Putinning soʻzlariga tayanib xabar bermoqda.

Savdo platformasi Oʻzbekiston bozoriga 2023-yilning noyabr oyi oʻrtalarida kirib keldi. Marketpleys butun respublika boʻylab franchayzing asosida buyurtmalarni qabul qilish punktlari tarmogʻini rivojlantirishni rejalashtirmoqda. Ushbu yondashuv tovarlarni yetkazib berish vaqtini qisqartiradi.

2024-yil aprel oyida marketpleys oʻzbek va boshqa Markaziy Osiyo davlatlari tillarini biladigan tarjimonlar qidirilayotganini ma’lum qilgan edi.

«Bu yuqori darajadagi xizmat koʻrsatishni ta’minlash uchun koʻrayotgan qadamlarimizdan biridir», degan edi «Kursiv»ga kompaniya matbuot xizmati.

Oʻzbekiston Respublikasi Statistika agentligining 2024-yil may oyi boshidagi ma’lumotlariga koʻra, Rossiya Oʻzbekistonning...

2024/2025-oʻquv yilidan oliy va professional ta’lim tashkilotlarida tahsil olish uchun ta’lim krediti faqat kunduzgi ta’lim shaklida oʻqiyotgan talaba va oʻquvchilarga ajratiladi. Bu haqda prezidentning tegishli farmoni qabul qilindi.

Farmonga koʻra, 2024/2025-oʻquv yilidan oliy ta‘lim tashkilotlarining birinchi bosqich talabalari hamda professional ta’lim tashkilotlari oʻquvchilari uchun toʻlov-kontrakt summasi miqdorida ajratiladi.

Shuningdek, oliy ta’lim tashkilotlarining ikkinchi va undan yuqori kurs talabalari uchun fanlarni oʻzlashtirishning oʻrtacha koʻrsatkichi «3» dan past boʻlgan taqdirda toʻlov-kontrakt summasining koʻpi bilan 80 foizi miqdorida beriladi.

Bundan «Ijtimoiy himoya yagona reyestri»ga kiritilgan oilalar farzandlari mustasno.

Ma’lumot uchun, 2024/2025-oʻquv yili boshlangungacha ta’lim krediti olish uchun arizalarni «Ta’lim krediti» axborot tizimi...

O‘zbekistonda ayrim shaxslarga benzin sotib olishlari uchun to‘lanadigan kompensatsiya miqdori yana oshirildi. Bu haqda «O‘zbekneftgaz» xabar berdi.

Hukumat huzuridagi Idoralararo tarif komissiyaning 2024-yil 15-maydagi qarori bilan ushbu turdagi kompensatsiyaning yangi miqdori belgilandi.

Unga ko‘ra, benzin uchun kompensatsiya miqdori 2024-yil II-chorakdan boshlab 128 700 so‘mni tashkil qiladi.

Benzin uchun kompensatsiya miqdori 2023-yil II-choragida 55 foizga oshirilib 116 180 so‘mni tashkil qilgan edi, III-choragida esa ushbu miqdor 119 640 so‘mga, IV-chorakdan boshlab 120 660 so‘mga, 2024-yil I-choragida 124 780 so‘mga oshirilgan.

Benzin uchun kompensatsiya to‘lovlari «O‘zbekneftgaz» AJ tomonidan moliyalashtiriladi.

Eslatib o‘tamiz, kompensatsiya olish huquqiga ega bo‘lgan shaxslar yashash...

Rossiyaning «Metrovagonmash» kompaniyasi yaqin ikki yil ichida O‘zbekistonga 60 ta metro vagonlarini yetkazib berish bo‘yicha shartnoma imzolashni rejalashtirmoqda, deb xabar berdi Moskva viloyati gubernatori Andrey Vorobyev o‘zining Telegram-kanalida.

Avval tuzilgan shartnomalarga ko‘ra, 2023-yilda kompaniya Toshkent metropoliteniga 44 ta vagon yetkazib bergan. Yana 12 tasi iyun oyi oxirigacha yetkazib berilishi rejalashtirilgan.

«Biz 2024 – 2025-yillarda yana 60 ta vagon yetkazib berish bo‘yicha shartnoma tayyorlayapmiz», deya qo‘shimcha qildi Vorobyev.

«Metrovagonmash» korxonasi tarixi 1897-yilga borib taqaladi. Uning asoschilari orasida rossiyalik tadbirkor va filantrop Savva Mamontov ham bor. Bugungi kunda kompaniya metro vagonlari va temir yo‘l avtobuslarini ishlab chiqarish bilan shug‘ullanadi.

Rossiya korxonasi...

27-may kuni O‘zbekiston prezidenti Shavkat Mirziyoyev Rossiya prezidenti Vladimir Putinga Yangi Toshkent ko‘chalaridan biri «Sankt-Peterburg» deb nomlanishi haqida ma’lum qildi, deb xabar bermoqda Sankt-Peterburg gubernatori matbuot xizmati.

«Ushbu qaror shahrimiz uchun katta sharaf hamda O‘zbekiston Respublikasi va Toshkent shahri bilan yaqin, do‘stona munosabatlarimiz ramzidir» deb ta’kidladi Sankt- Peterburg gubernatori Aleksandr Beglov.

Eslatib o‘tamiz, Rossiya prezidenti 26-may kuni O‘zbekistonga keldi. Tashrif chog‘ida ikki davlat rahbarlari 17 yo‘nalish bo‘yicha shartnomalar imzoladi.

Joriy yilning 1-may holatiga koʻra, Oʻzbekistonda muammoli kreditlarning (NPL) ulushi 4,8 foizga yetdi. Markaziy bank statistikasiga koʻra, oʻtgan oyda bu koʻrsatkich 4,5 foizni tashkil qilgan edi.

Regulyator ma’lumotlariga koʻra, bir oy davomida bu koʻrsatkich pul koʻrinishida 21,6 trillion soʻmdan 23,3 trillion soʻmgacha oshgan.

Shundan 17,8 trln soʻmi davlat ulushi boʻlgan banklar hissasiga toʻgʻri keldi. Portfeldagi muammoli kreditlarning eng katta miqdori NBU (4,2 trillion so‘m), shuningdek, «Biznesni rivojlantirish banki» (3,1 trillion) va «O‘zsanoatqurilishbank»ga (deyarli 3 trillion) tegishli. Biroq, bu uchtasining eng katta muammosi «Biznesni rivojlantirish banki» bilan bog’liq bo’lib, uning portfelidagi umidsiz kreditlar ulushi 15% ni tashkil qiladi. Ushbu...

Hukumatning boylar uchun soliqni oshirgani adolatli qaror, dedi asli o‘zbekistonlik bo‘lgan rossiyalik milliarder Alisher Usmonov.

 «Yuqori daromadga ega boʻlgan fuqarolar uchun soliq stavkalarini oshirish anchadan beri kechiktirilgan qaror», dedi Usmonov RBKga.

Milliarder biznesni tashlab, oddiy fuqaro sifatida gapirayotganini ta’kidladi. Uning fikricha, agar yuqori daromadli odamlar ijtimoiy vazifalarni bajarishda davlat yukining bir qismini o‘z zimmalariga olsalar, «bu adolatdan bo‘ladi».

Usmonov bu haqda Rossiyada soliq tizimini modernizatsiya qilish muhokamasi munosabati bilan izoh berdi. Fevral oyida ushbu davlat rahbari Vladimir Putin badavlat odamlar uchun soliqlarni oshirish bo‘yicha yondashuvlarni ishlab chiqishni taklif qildi.

Eslatib o‘tamiz, Usmonov 2024-yil aprel holatiga ko‘ra Rossiya Federatsiyasi milliarderlari reytingida...

O‘zbekiston prezidenti Shavkat Mirziyoyev tadbirkorlarga subsidiyalar, preferensiyalar, bojxona va soliq imtiyozlari berish tartibini tasdiqladi. Imtiyozlar miqdori biznesning maxsus reytingdagi o‘rniga bog‘liq bo‘ladi.

Davlat yordami miqdori reyting pozitsiyasiga qarab o‘zgaradi. AAA toifasidagi tadbirkorlar joriy imtiyozlar miqdoridan 100%, B pozitsiyasini egallaganlar esa atigi 50% olishlari mumkin.

Shu bilan birga, biznesni olti oydan kamroq vaqt oldin ro‘yxatdan o‘tkazgan tadbirkorlarga yordam ko‘rsatishda reyting hisobga olinmaydi. Shuningdek, tartib ayrim hududlarda (to‘rtinchi va beshinchi toifalar) faoliyat yurituvchi tadbirkorlik subyektlariga nisbatan qo‘llanilmaydi.

Mamlakatda tadbirkorlik subyektlariga berilayotgan subsidiyalar, imtiyozlar va preferensiyalarni optimallashtirish va samaradorligini ta’minlash bo‘yicha Respublika komissiyasi tuziladi.

Avvalroq «Kursiv» O‘zbekistonning qaysi banki biznes barqarorligi reytingida...

Bugun, 28-may kuni respublikada yog‘ingarchilik kutilmaydi.  Qoraqalpog‘iston Respublikasi, Xorazm, Buxoro, Navoiy, Qashqadaryo, Surxondaryo viloyatlarida kuchli shamol tufayli chang-to‘zonlar ko‘tarilishi mumkin. Havo harorati 27-32 daraja iliq bo‘ladi, deb xabar bermoqda  «Oʻzgidromet».

Poytaxtda havo biroz bulutli bo‘ladi. Yog‘ingarchilik kutilmaydi. Kunduzi havo harorati 26-28 daraja iliq va kechasi 12-14 daraja iliq bo‘ladi.

Respublikaning togʻli hududlarida yomgʻir yogʻadi, momaqaldiroq boʻladi. Kunduzi havo harorati 14-19 iliq va kechasi 6-11 daraja iliq boʻladi.  

Telegramʼda foydalanuvchilarga haqiqiy yangiliklarni soxtalaridan ajratishga yordam beruvchi Fact Check funksiyasi ishga tushiriladi.

U xabarlarni kontentning toʻgʻriligiga oid tushuntirishlar bilan boyitadi. Yangilik ixtisoslashtirilgan axborotni tekshirish agentliklari bilan birgalikda ishga tushiriladi.

Oddiy foydalanuvchilar Fact Check ishiga ta’sir oʻtkaza olmaydi. Faktlarni tekshirish ixtisoslashgan idoralar tomonidan amalga oshiriladi. Hukumatlarning oʻzlari ularni oʻz mamlakatlarida moslashtiradi.

Avvalroq «Kursiv» Telegramʼda faol xeshteglar paydo boʻlishi haqida xabar bergan edi.

Muzokaralar yakunlari boʻyicha Oʻzbekiston prezidenti Shavkat Mirziyoyev va Rossiya Federatsiyasi rahbari Vladimir Putin Qoʻshma bayonotni imzoladilar.

Shuningdek, davlat rahbarlari ishtirokida muhim ikki tomonlama bitimlar almashish marosimi boʻlib oʻtdi. Shartnomalarga 17 ta hujjat kiritilgan.

Jumladan, hamkorlikning ustuvor yo‘nalishlari bo‘yicha o‘zaro hamkorlikni kengaytirish bo‘yicha chora-tadbirlar rejasi, O‘zbekistonda kam quvvatli atom elektr stansiyalarini qurish bo‘yicha kelishuv, shuningdek, 2024 – 2026-yillarga mo‘ljallangan madaniyat sohasida hamkorlik dasturi.

Bitim va dasturlar metrologiya, kino ishlab chiqarish, ta’lim, savdo, fitosanitariya, turizm va tibbiyot kabi sohalarni ham qamrab oldi.

Avvalroq «Kursiv» mamlakatlar Rossiya neft va gazi yetkazib berish hajmini oshirishga kelishib olgani xabar qilingan edi.

O‘zbekistonda 2024-yilning to‘rt oyida aroq 2023-yilning shu davriga nisbatan 3,9 foizga kam ishlab chiqarilgan. Bu haqda Statistika agentligi ma`’lumot berdi.

Aytish joizki, joriy yilda ishlab chiqarishdagi pasayish sekinlashgan. O‘tgan yili pasayish yanada kuchliroq edi – 16,1% ga.

Respublikada aroqdan tashqari uzum vinosi ishlab chiqarish ham kamaymoqda. 2024-yilning yanvaridan apreliga qadar pasayish 11,6 foizni tashkil etdi.

Pivo bilan boshqa tendentsiya kuzatiladi. To‘rt oy ichida o‘sish 5,5% ni tashkil etdi. Statistika agentligi tamaki mahsulotlari ishlab chiqarish 29,2 foizga oshganini ham qayd etdi.

Avvalroq «Kursiv» O‘zbekistonda o‘tgan yili alkogolli ichimliklar ishlab chiqarish qanday pasaygani haqida yozgan edi.

O‘zbekiston prezidenti Shavkat Mirziyoyev Rossiya prezidenti Vladimir Putin bilan mehnat migratsiyasi sohasidagi muammolarni muhokama qilishdi.

Davlat rahbarlari davlatlar o‘rtasida doimiy hamkorlikni yoʻlga qoʻyish, shuningdek, samarali chora-tadbirlarni joriy etish zarur, deb hisoblashadi.

«Vladimir Vladimirovichning ushbu nozik masala bo‘yicha takliflarimni qo‘llab-quvvatlaganidan juda mamnunman. O‘ylaymanki, biz hali ham bu masalaga har ikki tomondan kerakli tartibni kiritamiz», dedi Mirziyoyev.

Putin, shuningdek, Rossiya Federatsiyasi oʻzbekistonlik muhojirlar uchun «munosib mehnat sharoitlarini ta’minlash uchun hamma narsani qilishini» ta’kidladi.

Avvalroq Putin Rossiya Federatsiyasidan O‘zbekiston iqtisodiyotiga kiritilayotgan to‘g‘ridan-to‘g‘ri sarmoya deyarli $10 milliardga oshganini ma’lum qilgandi.

Oʻzbekiston va Rossiya Federatsiyasi Rossiyaning neft va gaz yetkazib berish hajmini oshirishga kelishib oldi. Bu haqda «TASS» Oʻzbekiston Respublikasi prezidenti Shavkat Mirziyoyevning soʻzlariga tayanib xabar bermoqda.

Davlat rahbarining ta’kidlashicha, tomonlar gaz tashish tizimini modernizatsiya qilish boʻyicha ham kelishuvga erishgan.

Rossiya prezidenti Vladimir Putin 2025-yilda Oʻzbekiston Respublikasiga gaz yetkazib berish hajmini 11 milliard kub metrgacha oshirish rejalashtirayotganini ta’kidladi.

Bundan tashqari, yaqin oylarda Oʻzbekistonning Rossiya Federatsiyasida savdo vakolatxonasi ochiladi. Mirziyoyevning soʻzlariga koʻra, savdo missiyasi savdo bitimlari va loyihalarni amalga oshirishda yordam beradi.

Shuningdek, ikki davlat oʻzaro tovar ayirboshlash hajmini $30 milliardga yetkazishni rejalashtirmoqda.

Avvalroq «Kursiv» Rossiyaning Oʻzbekiston iqtisodiyotiga kiritgan...

Rossiyaning Oʻzbekiston iqtisodiyotiga kiritgan toʻgʻridan-toʻgʻri sarmoyalari qariyb $10 milliardga yetdi, deb xabar qildi «Sputnik» Oʻzbekiston Rossiya prezidenti Vladimir Putinning soʻzlaridan.

Respublikada Rossiya sarmoyasi hisobidan ochilgan 3 mingdan ortiq korxonalar faoliyat yuritmoqda. Rossiya Federatsiyasida O‘zbekiston sarmoyasi ishtirokidagi 700 ta korxona faoliyat yuritmoqda.

Rossiya Federatsiyasi rahbari Moskva Toshkentning yetakchi hamkorlaridan biri ekanini qo‘shimcha qildi. Ayni paytda ikki davlat o‘rtasidagi munosabatlar teng huquqlilik asosida rivojlanib bormoqda.

Bundan tashqari, Rossiya Federatsiyasi mamlakatimizga gaz yetkazib berish hajmini oshirishga tayyor. Putin Rossiyaning koʻk yoqilgʻisini OʻzRga eksport qilish muddatidan oldin amalga oshirilayotganini ta’kidladi.

Avvalroq «Kursiv» Rossiya O‘zbekistonda kam quvvatli atom elektr stansiyasini qurishi mumkinligini e’lon

Joriy yilning 1-yanvarida 10-mayigacha Qozogʻistonga qariyb 1,6 million nafar Oʻzbekiston fuqarosi kelgan va tashrif buyuruvchilar bo‘yicha yetakchilik qilmoqda. Bu haqda Tengrinews.kz nashri mamlakat Milliy xavfsizlik qoʻmitasiga tayanib xabar bermoqda.

Mazkur davrda Qozogʻiston hududiga quyidagi davlat fuqarolari kelgan:

Oʻzbekiston – 1 598 656 kishi;

Qirgʻiziston – 1 015 553 kishi;

Rossiya – 854 937 kishi;

Tojikiston – 332 177 kishi;

Belarus – 47 342 kishi;

Ozarbayjon – 30 550 kishi;

Turkmaniston – 9671 kishi;

Ukraina – 9018 kishi;

Armaniston – 5194 kishi;

Moldova – 3059 kishi.

2023-yilning shu davriga nisbatan kelishlar soni oʻrtacha 6,5 ​​foizga oshgan.

Avvalroq «Kursiv» Qozogʻiston Oʻzbekiston...

Rossiya O‘zbekiston hududida kam quvvatli AES qurishi mumkin. Elektr stansiyasi Rossiya hukumati buyrug‘iga ko‘ra, oltitagacha energoblokni o‘z ichiga oladi.

Har bir energiya blokining quvvati 55 MVtni tashkil qiladi, deyiladi hujjatda.

Eslatib o‘tamiz, 2024-yil aprel oyida Rossiya mamlakatimizga kichik atom elektr stansiyalarini taklif qilishga tayyorligi ma’lum bo‘ldi. Bunday elektr stansiyalari rivojlanmagan tarmoq infratuzilmasi bo‘lgan hududlar uchun mo‘ljallangan va shunday joylarga kuchli elektr stantsiyalarini qurish kerak emas.

Avvalroq «Kursiv» «O‘zatom» agentligi O‘zbekiston hukumati yurisdiksiyasiga o‘tgani haqida e’lon qilgan edi. Bungacha boshqarma Energetika vazirligiga bo‘ysungan.

O‘zbekistonda 14 032 nafar o‘qituvchi mutaxassis toifasini olish uchun kerakli ball to‘play olmagan. Bu haqda Milliy malaka imtihonlari natijalari ma’lum qilindi, deb xabar beradi Maktabgacha va maktab ta’limi vazirligi.

Imtihonlar 15-apreldan 20-mayga qadar o‘tkazildi. Test sinovlarida jami 189 929 nafar o‘qituvchilar ishtirok etib, 41 ta fan va yo‘nalishlar bo‘yicha test sinovlaridan o‘tishdi.

Eng yuqori ball Buxoro (o‘rtacha 62,53 ball), Xorazm (60,5 ball) viloyatlari va Toshkent (60,15 ball) o‘qituvchilari orasida.

Attestatsiya natijalariga ko‘ra 8913 nafar professor-o‘qituvchilar (4,7foiz) oliy toifa, 25261 nafar (13,3 foiz) birinchi toifani 46662 nafar (24,6 foiz) ikkinchi va 11036 nafar (5,8 foiz) mutaxassis toifasiga ega bo‘ldi. Qolgan...

27-may kuni O‘zbekiston Respublika valyuta birjasida dollarning o‘rtacha tortilgan qiymati 24,69 so‘mga pasaydi va 12 679,99 so‘mni tashkil qildi.

Davlatning tijorat banklari dollarni 12 640 – 12 700 so‘mdan xarid qilishmoqda va 12 710 – 12 765 so‘mdan sotishmoqda.

Eslatib o‘tamiz, 24-may kuni O‘zbekistonda AQSh valyutasining o‘rtacha narxi 8,20 so‘mga pasaygan edi.

O‘zbekiston prezidenti Shavkat Mirziyoyev rossiyalik hamkasbi Vladimir Putin bilan muzokara o‘tkazdi, deb xabar qildi O‘zR rahbari matbuot xizmati.

Ikki davlat rahbarlari Qo‘shma investitsiya platformasini yaratish, mamlakatimizda Bauman nomidagi Moskva texnika universiteti va Butunrossiya tashqi savdo akademiyasining filiallarini ochishga kelishib oldilar.

Bundan tashqari, ikki davlat rahbarlari Oʻzbekiston – Rossiya loyihalari portfeli $45 milliardga yetganini ta’kidladilar.

Muzokaralar chog‘ida Putin O‘zbekistonga Rossiyaning vakillik delegatsiyasi kelganini ta’kidladi.

 «Bu bizning alohida xarakterimizni, strategik sherikligimiz va ittifoqchilik munosabatlarimizni ta’kidlaydi», dedi Rossiya Federatsiyasi rahbari.

Uning qoʻshimcha qilishicha, Oʻzbekiston umumiy savdo aylanmasining 15 foizi Rossiya hissasiga toʻgʻri keladi. Putin ikki davlat oʻrtasidagi savdo oshishiga umid bildirdi.

Pensiya tayinlashda ish staji bilan bogʻliq muammolar ishlaganlik toʻgʻrisidagi ma’lumotlar Yagona milliy mehnat tizimiga (my.mehnat.uz) kiritilmaganligidan kelib chiqadi. Bu haqda Pensiya jamgʻarmasi axborot xizmati xabar berdi.

Qayd etilishicha, bunday hollarda tashkilotdan ishga qabul qilish va ishdan boʻshatish haqidagi buyruqlardan koʻchirmalar olgan holda va ushbu joyda mazkur davr mobaynida mehnat faoliyati yuritganlik faktini tasdiqlatish kerak boʻladi.

Shu sababdan biror tashkilotga ishga joylashayotganda yoki u yerdan boʻshashda doimo tashkilotning kadrlar boʻyicha xodimidan ma’lumotlarni my.mehnat.uz bazasida toʻliq raqamlashtirilganini soʻrash tavsiya etiladi.

Avvalroq «Kursiv» vafot etgan fuqaroning jamgʻarilgan pensiya mablag‘lari meros sifatida to‘lanadimi yoki yo‘qmi, deb yozgan edi.