Yangiliklar

Moliya bozorini chuqurroq tahlil qilish va investitsiya qarorlarini qabul qilish uchun Markaziy bank yangi vosita – davlat qimmatli qogʻozlarining daromadlilik egri chizigʻini ishga tushiradi. Bu haqda Markaziy bank axborot xizmati xabar berildi.

Qayd etilishicha, 2024-yil 1-sentabrdan egri chiziqni kuzatish mumkin boʻladi. Jadval har hafta regulyator saytida e’lon qilinadi.

Daromadlilik egri chizigʻi Iqtisodiyot va moliya vazirligi tomonidan chiqarilgan davlat obligatsiyalari va Markaziy bankning likvidlikni boshqarishda qoʻllaniladigan obligatsiyalari daromadliligi boʻyicha ma’lumotlar asosida hisoblanadi.

«Ushbu daromadlilik egri chizigʻidan davlat qimmatli qogʻozlari va kapital bozorining boshqa instrumentlarining bozor qiymatini baholash hamda ushbu instrumentlar bilan operatsiyalarni amalga oshirishda risk parametrlarini...

Oʻzbekistonda soatlik va kunlik elektr energiyasi iste’moli rekordi yangilandi. Bu haqda Energetika vazirligi axborot xizmati xabar berdi.

Ma’lum qilinishicha, respublikada kuzatilayotgan anomal issiq ob-havo sharoitida elektr energiyasiga boʻlgan talab hafta davomida 16,5 mln kVt/soat yoki oʻrtacha 7,1 foiz oshdi.

25-iyul kuni soat 15:47 da havo harorati +39,7 darajada (Toshkent shahrida) Oʻzbekiston energotizimida iste’mol quvvati 11 822 MVtni tashkil qildi. Mazkur koʻrsatkich yoz davri uchun tarixdagi absolyut rekord boʻlib, 2023 yil 28 iyulda (+40 daraja) qayd etilgan eng yuqori iste’molga nisbatan 343 MVt koʻp boʻldi.

Shuningdek, 26-iyul kuni yozgi maksimal sutkalik elektr energiyasi iste’moli 253,3 mln kVt/soatni tashkil etib, 2023-yil...

Hafta davomida AQSH dollarining soʻmiga nisbatan kursi biroz oʻzgardi. Buni Oʻzbekiston Respublika valyuta birjasi (OʻzRVB) taqdim qilgan ma’lumotdan ham ko‘rish mumkin.

Oʻtgan hafta juma kuni Amerika valyutasining oʻrtacha kursi 12 610,04 soʻmni tashkil qilgan edi. Joriy hafta oxiriga kelib dollar kursi esa 12 599,83 soʻmga pasaydi.

Dollar kursining ushbu davrdagi maksimal qiymati 25 iyulda (12 634), minimal qiymati esa 23 iyulda (12 584,28) qayd etilgan. Umuman olganda, hafta davomida valyuta kursi 1 foizdan kamroqqa pasaydi

O‘zRVBda dollar kursining o‘zgarishi

Avvalroq Oʻzbekiston Markaziy banki joriy yilning ikkinchi choragida iqtisodiyotga turli kanallar orqali valyuta oqimi sezilarli...

Oliy va professional ta’lim muassasalariga kirish test sinovlarida ishtirok etgan abituriyentlar 27-iyuldan 10-avgustga qadar 15-kun davomida oliy ta’lim muassasalari va ta’lim yoʻnalishlarini tanlashlari kerak. Bu haqda Bilim va malakalarni baholash agentligi xabar berdi.

Buning uchun my.uzbmb.uz platformasining «Oliy va professional ta’lim muassasalariga qabul» boʻlimiga kirib, «Xizmatdan foydalanish» tugmasi bosiladi va «OTM tanlash» boʻlimiga oʻtiladi. Dastlab abituriyent «Tanlov ustuvorligi» va «Maqsadli qabul» boʻyicha oʻz tanlovini amalga oshiradi.

Shundan soʻng abituriyent test topshirgan fanlar majmuasi va ta’lim tiliga mos boʻlgan beshtagacha oliy ta’lim muassasasi va ta’lim yoʻnalishini ta’lim shakli bilan birga tanlaydi.

Bunda ta’lim yoʻnalishlarini bir oliy ta’lim muassasasi yoki...

Oʻzbekiston OTMlariga 2024-yilgi kirish imtihonlarida jami 737 351 nafar abituriyent test sinovlarida qatnashdi. Bu oʻtgan yilgiga nisbatan 17 foizga kam, deya Bilimni baholash agentligi axborot xizmati xabar bermoqda.

Ma’lumotlarga koʻra, abituriyentning 345,9 ming nafari (46,9 foiz) oʻtish ballining eng quyi chegarasi boʻlgan 56,7 ballni toʻplay olmagan.

Eng yuqori oʻrtacha ballar Buxoro (75,9 ball), Toshkent (74,6) va Fargʻona (69,9) viloyatidan qatnashgan abituriyentlar hissasiga toʻgʻri keladi. Eng past ballni esa Sirdaryo viloyati (62,8 ball) va Qoraqalpogʻistondan (63,3 ball) qatnashgan abituriyentlar qayd etdi.

Avvalroq «Kursiv» xorijga oʻqish uchun ketayotgan oʻzbekistonliklar soni kamaygani haqida xabar bergan edi.

Oʻzbekiston Markaziy banki mikromoliya tashkilotlari (MMT) uchun islomiy moliyalashtirish toʻgʻrisidagi nizomni tasdiqladi. Hujjat Islom moliyaviy institutlari uchun buxgalteriya va audit tashkiloti (AAOIFI) standartlarini hisobga olgan holda ishlab chiqilgan va mahalliy xususiyatlarni hisobga olgan, deya ma’lum qilmoqda Markaziy bank.

Xizmatlar koʻrsatishga qoʻyiladigan asosiy talablar sanab oʻtildi. Masalan, MMTga islomiy moliya masalalarini muvofiqlashtiruvchi maxsus kengash tuzishi kerak (bu funksiyani autsorsing qilish mumkin).

Islomiy operatsiyalarning buxgalteriya hisobi alohida boʻlishi kerak (an’anaviy moliyaviy xizmatlar koʻrsatadigan MMTlarda ham).

Markaziy bank nizomida islomiy ijara (ijara), foydani taqsimlash (muzoraba), nasiya savdo (murabaha), sherikchilik (mushoraka) va oldindan toʻlov (salom) kabi islomiy moliyaviy vositalarni taqdim etish tartibi...

Joriy yilning yanvar – iyun oylarida Oʻzbekistondan xorijiy davlatlarga koʻchib ketganlar soni 5066 ming kishini tashkil etdi. Bu haqda Statistika agentligining hisobotida ma’lum qilindi.

Ma’lum qilinishicha, xorijiy mamlakatlarga koʻchib ketganlarning asosiy qismi Qozogʻistonga (4128 nafar) koʻchib ketgan. Shuningdek, Rossiya Federatsiyasiga 760 nafar, Janubiy Koreyaga 37 nafar, Qirgʻiz Respublikasiga 34 nafar, Turkmaniston Respublikasiga 14 nafar va boshqa mamlakatlarga 93 nafar fuqarolar doimiy yashash uchun koʻchib ketgan.

Shu bilan birga, mazkur davrda Oʻzbekistonga xorijiy mamlakatlardan 1 080 kishi doimiy yashash maqsadida koʻchib kelgan. Ularning asosiy qismi Rossiya (390 nafar) va Qozogʻiston (260 nafar) fuqarolari hissasiga toʻgʻri keladi.

Avvalroq «Kursiv» 2023-yilda Oʻzbekistoning...

26-iyul kuni Asakadagi «UzAuto Motors» zavodida soʻnggi Lacetti (Gentra) sedani ishlab chiqarildi. Bu haqda kompaniya matbuot xizmati xabar berdi.

Ma’lum qilinishicha, bu Asaka zavodida ishlab chiqarilgan 487 104-Lacetti boʻldi. U tarixda soʻnggi Lacetti boʻlib muhrlandi.

2013-yildan ishlab chiqarilishi boshlangan Chevrolet Lacetti ilk yillarda 11 222 dona ishlab chiqarilgan boʻlsa, 2023-yilda bu koʻrsatkich 89 565 donaga yetdi.

«Oʻtgan 10 yil davomida u koʻplab avtomobil ixlosmandlari uchun ishonchli va qulay avtomobil boʻlib xalq avtomobiliga aylanib ulgurdi», deyiladi xabarda.

Eslatib oʻtamiz, Oʻzbekistonda joriy yilning yanvar – iyun oylarida 12 635 dona Lacetti avtomobili ishlab chiqarildi.

Avvalroq...

26-iyul kuni Parijda XXXIII yozgi Olimpiya oʻyinlarining tantanali ochilish marosimi boʻlib oʻtdi. Bu haqda Xalqaro olimpiya qoʻmitasi (XOQ) matbuot xizmati xabar berdi.

Bu yil Olimpiada oʻyinlarining ochilish marosimi birinchi marta stadionda emas, balki suvda – Sena daryosida oʻtkazildi. An’anaviy paradda 206 davlatdan 10 mingdan ortiq sportchilar ishtirok etdi.

Oʻzbekiston delegatsiyasi toʻrt yillikning eng yirik musobaqasida ilk bor 19 sport turida, 90 nafar sportchi bilan ishtirok etadi.

Avvalroq «Kursiv» Oʻzbekistonda sportchilarni Olimpiadaga tayyorlash uchun 73 milliard soʻmdan ortiq mablagʻ yoʻnaltirilgani haqida xabar bergan edi.

Bugun, 27-iyul kuni Qoraqalpog‘iston Respublikasida yomg‘ir yog‘ishi ehtimoli bor, boshqa viloyatlarda quruq ob-havo bo‘ladi. Janubiy hududlarda chang-to‘zonlar ko‘tarilishi mumkin. Havo harorati 45 darajagacha issiq bo‘ladi. Bu haqda «Gidrometeorologiya» xizmati agentligi xabar beradi.

Poytaxtda havo bulutli bo‘lishi mumkin. Yog‘ingarchilik kutilmaydi. Kunduzi havo harorati 40-42 daraja issiq va kechasi 25-27 daraja issiq bo‘ladi.

Tog‘li hududlarda havo o‘zgaruvchan bo‘lishi mumkin, biroq yog‘ingarchilik kuzatilmaydi. Havo harorati kunduzi 32-35 daraja issiq bo‘ladi, kechasi esa 25-30 daraja issiq bo‘ladi.

O‘zbekistonlik kuryer Muhammadjon Obidov Moskvada noma’lum shaxs o‘g‘irlamoqchi bo‘lgan bolani qutqarib qoldi. Bu haqda 360 TV xabar berdi.

Unga ko‘ra, Muhammadjonning kuryer bo‘lib ishlayotganiga bir yildan oshdi. O‘sha kuni, 24-iyulda yigit odatdagidek buyurtmalarni yetkazib berayotgan bo‘lgan. Bolalar maydonchalaridan birining yonidan o‘tib ketayotib, qo‘lida bolasini ushlab olgan ayolga yugurib tashlangan erkakka ko‘zi tushadi.

Bola o‘g‘risi bolani ushlab yugurgan, buni ko‘rgan kuryer uning orqasidan quvlagan. Shaxsi noma’lum o‘g‘ri bolani yerga uloqtirgan. Kuryer unga tashlangan va do‘pposlagan.

Uning ta’kidlashicha, u yaxshi jismoniy tayyorgarlikka ega, ilgari bir nechta sport turi bilan shug‘ullangani ushbu vaziyatda qo‘l kelgan.

“Men qandaydir yordam...

O‘zbekiston IIV Yo‘l harakati xavfsizligi xizmati (YHXX) tender savdolarini o‘tkazishda qonunbuzarlikka yo‘l qo‘ygan. Bu haqda Raqobatni rivojlantirish va iste’molchilar huquqlarini himoya qilish qo‘mitasi matbuot xizmati xabar berdi.

Ma’lum bo‘lishicha, 10-iyun kuni YHXX tomonidan «Raqobat to‘g‘risida»gi Qonunning 29-moddasini buzgan holda yo‘l belgilari uchun bo‘yoq va shisha buyumlar xarid qilish bo‘yicha 26,5 mlrd so‘mlik tender o‘tkazilgan.

Raqobat qo‘mitasi tender natijalarini haqiqiy emas deb topish to‘g‘risida buyruq chiqardi. Mazkur huquqbuzarlikka yo‘l qo‘ygan mansabdor shaxsga nisbatan ma’muriy javobgarlik belgilash masalasi ham ko‘rib chiqilmoqda.

Avvalroq Raqobat qo‘mitasi AVO bankni noto‘g‘ri reklama uchun jarimaga tortgan edi.

BYD’ning mashhur modelida yangilanishlar bo‘ldi. Bu haqda Avtostrada ma’lum qildi.

Unga ko‘ra, BYD’ning Song Plus DM-I mashinasining yangi rangi, Head Up displey, DiPilot avtopilot tizimi va yangi multimedia tizimi taqdim qilindi. Tashqi tomondan esa chiroqlar va yukxonadagi BYD logotipi yoritgichlisiga o‘zgartirildi.

Bundan tashqari, avtomobilning g‘ildirak diskalari yangilandi, orqadagi osma tirgaklar ham to‘rt richaglisiga yangilandi.

O‘lchamlar o‘zgarishsiz qolmoqda. Jumladan, uzunligi 4775 mm, kengligi 1890 mm va balandligi 1670 mm, g‘ildirak asosi 2765 mmni tashkil qiladi.

Song Plus DM-I salon interyeri o‘zgarmagan, ammo an’anaviy uslubda ishlangan yangi ranglar gammasiga ega bo‘ldi. Oq va fil suyagi ranglari uyg‘unligi mashina saloni ko‘rinishiga yengil...

26-iyul, juma kuni E-saylov tizimining taqdimoti bo‘lib o‘tdi. Bu haqda Markaziy saylov komissiyasining brifingida ma’lum qilindi.

Unda saylov jarayonining 400 ming ishtirokchisi haqidagi ma’lumotlarni o‘z ichiga olgan ma’lumotlar bazasi yaratiladi.

Tizim, shuningdek, saylovchilar, saylov uchastkalari va nomzodlar haqidagi ma’lumotlardan foydalanish imkonini beradi.

Eslatib o‘tamiz, 27-oktabr kuni O‘zbekistonda Oliy Majlis, shuningdek, viloyat, shahar, tuman va poytaxt Kengashlari saylovi bo‘lib o‘tadi.

Saylovoldi tashviqoti 26-iyuldan boshlanadi.

Avvalroq «Kursiv» Oliy Majlis Qonunchilik palatasi deputatlarini tanlashda aralash saylov tizimi qo‘llanilishini e’lon qilgan edi.

26-iyul kuni O‘zbekiston Respublika valyuta birjasida dollarning o‘rtacha tortilgan qiymati 34,17 so‘mga pasaydi va 12 599,83 so‘mni tashkil qildi.

Banklarda AQSh valyutasi bugun 12 575 – 12 630 so‘mdan xarid qilinmoqda va 12 645 – 12 695 so‘mdan sotilmoqda.

Eslatib o‘tamiz, 25-iyul kuni O‘zbekistonda dollarning o‘rtacha narxi deyarli 9 so‘mga o‘sgan edi.

Oxirgi 20-yil ichida 65 va undan katta yoshdagi odamlar o‘rtasida anomal issiqlik tufayli vafot etganlar soni 85 foizga oshdi, dedi BMT Bosh kotibi Antoniu Guterrish.

«Jazirama issiqlik dunyoning har bir burchagiga ta’sir qilmoqda, ammo hammaga bir xil emas. Eng ko‘p jabr ko‘rganlar shahardagi kambag‘allar, homilador ayollar, nogironlar va qariyalar», dedi Guterrish.

Haddan tashqari issiq o‘lkalarda yashovchi kambag‘al aholi soni 100 yilga kelib 700 foizga oshishi mumkin, dedi u.

«Haddan tashqari issiqlik tengsizlikni kuchaytiradi, oziq-ovqat taqchilligini kuchaytiradi va odamlarni qashshoqlikka olib keladi», dedi BMT rahbari.

Eslatib o‘tamiz, o‘tgan yakshanba, 21-iyul tarixidagi eng issiq kun bo‘ldi. Yer yuzasida havoning o’rtacha harorati...

ADM Jizzakh avtomobil zavodi bosh direktori Doniyor Davletyarov elektromobillar uchun bojxona toʻlovlarini qaytarish va avtomobillarni olib kirishda sertifikatlashtirishni joriy etishni taklif qildi.

Bu haqda u 26-iyul kuni avtomobilsozlik va elektrotexnika sanoati tadbirkorlari bilan ochiq muloqotda shu taklifni berdi.

«Bozor haddan tashqari toʻyingan va qizib ketgan, hozirgi vaqtda jismoniy shaxslar uchun amalga oshirilayotgan va sertifikatlangan tayyor avtomobillarni olib kirishni tartibga solish zarur. Talablar butunlay boshqacha», deydi u.

Davletyarovning ta’kidlashicha, Oʻzbekistonda avtomobil ishlab chiqaruvchi korxona Yevropa standartining 60 dan ortiq talablariga javob berishi kerak. Shunda import qilingan avtomobillar sertifikatlashdan oʻtmaydi.

«Bugungi kunda...

Mashhur yapon Asada teleshousida! «Namadesu tabi sarada» O‘zbekistonga bag‘ishlangan maxsus sonlarini ko‘rsatdi, deb xabar berdi «Dunyo» axborot agentligi.

Ularni yaratishda O‘zbekistonning Tokiodagi elchixonasi yordam berdi. Maxsus sonlar Samarqand va Buxoro meʼmoriy yodgorliklari va Toshkentning turizm salohiyatiga bagʻishlangan.

Avgust oyida dasturning Xorazm va Farg‘ona viloyatlariga bag‘ishlangan ikkita maxsus ko‘rsatuvi namoyish etilishi rejalashtirilgan.

«Dunyo» nashrining yozishicha, O‘zbekiston haqidagi epizodlar efirga uzatilgach, Yaponiyaning X segmentida xabarlar soni sezilarli darajada ko‘paygan.

Asada! Namadesu tabi sarada 1993-yildan beri Asahi telekanalida efirga uzatiladi. Teleko‘rsatuvda ichki va tashqi turizm haqida so‘z boradi.

O‘zbekiston prezidenti Shavkat Mirziyoyev 26-iyuldan qisqa muddatli ta’tilga chiqdi. Bu haqda davlat rahbari matbuot xizmati xabar berdi.

Prezidentning ta’til vaqti qancha davom etishi ma’lum emas.

Eslatib o‘tamiz, Mirziyoyev oxirgi marta 22-aprel kuni ta’tilga chiqqan edi.

Oʻzbekiston AQSh davlat qimmatli qogʻozlariga $35 million sarmoya kiritdi. Bu haqda 25-iyul kuni boʻlib oʻtgan matbuot anjumanida Markaziy banki raisi Mamarizo Nurmuratov maʼlum qildi.

Mamlakat 2024-yil may oyidan buyon oʻzining oltin-valyuta zaxiralarida ushbu miqdorni koʻrsatgan.

Eslatib oʻtamiz, may oyida Jahon bankining texnik koʻmak missiyasi doirasida Markaziy bankda xalqaro zaxiralarni diversifikatsiya qilish masalalari boʻyicha treninglar oʻtkazgan edi. Tashrif davomida davlat qimmatli qogʻozlariga investitsiya kiritish masalalari muhokama qilindi. Shu bilan birga, xorijiy davlat qimmatli qogʻozlarini sotib olish boʻyicha birinchi operatsiyalar amalga oshirildi.

«Kursiv»ning mamlakat davlat qimmatli qogʻozlariga investitsiyalarni diversifikatsiya qiladimi, degan savoliga boshqaruv raisi shunday...

2023-yilda Toshkent shahrining Sergeli tumanidagi omborlarda sodir bo‘lgan yong‘in natijasida shikastlangan BYD rusumli avtomashinalar ta’mirlanib, chegirma bilan sotuvga chiqarildi. Bu haqda BYD Uzbekistan matbuot xizmati xabar berdi.

«BYD Uzbekistan Factory» qo‘shma korxonasi huquq-tartibot idoralari tomonidan o‘tkazilgan ichki tekshirish ishlari yakunlangach og‘ir shikastlangan ikkita avtomashinani utilizatsiya qilish uchun omborga jo‘natdi. Yengil shikastlangan avtomashinalar esa ta’mirlanib sotiladi.

Shu munosabat bilan, kompaniya transport vositalirini ta’mirlash uchun aprel oyida tender e’lon qilgan edi.

«Ta’kidlash joiz, barcha ta’mirlangan avtomobillar ishlab chiqaruvchi tomonidan texnik koʻrikdan oʻtkazildi. Ushbu avtomobillar tizim korxonalarining ichki ehtiyojlari uchun va shuningdek, shu korxonalarning xodimlari oʻrtasida ta’mirlash...

O‘zbekiston Markaziy banki mamlakat ichki bozoridagi bo‘sh ish o‘rinlari dinamikasini o‘rgandi. Bu haqda MB boshqaruvi raisi Mamarizo Nurmuratov 25-iyul kuni bo‘lib o‘tgan matbuot anjumanida ma’lum qildi.

Uning so‘zlariga ko‘ra, aprel oyida kuzatilgan yuqori koʻrsatkichlardan keyin may-iyun oylarida bo‘sh ish o‘rinlari bo‘yicha eʼlonlarda kamayish kuzatilgan. Bunga asosiy sabablardan biri mavsumiy o‘zgarishlardir. Ya’ni yoz mavsumida ba’zi sohalarda ishchilarga bo‘lgan ehtiyoj kamayadi. Boshqa bir sababi esa mehnat bozorida ishchilarga boʻlgan talabdagi muvozanatlashuv, deya izohlangan.

Raqamlarga murojaat qilsak, onlayn vakansiyalar soni joriy yilning aprel oyida 45 mingtani tashkil etgan. Iyun oyiga kelib ushbu ko‘rsatkich 20 mingtaga tushib ketgan.

Shuningdek, internet orqali ish...

2024-yilning 2 va 3-oktabr kunlari Alisher Navoiy nomidagi Davlat akademik Katta teatri sahnasida O‘zbekiston madaniyati va san’atini rivojlantirish jamg‘armasi tomonidan Stefano Poda rejissyorligidagi «Tamerlano» operasi namoyish etiladi.

Premyera Toshkent shahrida bo‘lib o‘tadigan IV Butunjahon kreativ iqtisodiyot konferensiyasi doirasida bo‘lib o‘tadi.

Georg Fridrih Gendel musiqasi Kirill Rixter tomonidan zamonaviy talqinda Alibek Kabdurahmanov boshchiligidagi milliy O‘zbekiston milliy simfonik orkestri ijrosida yangraydi.

Gendelning eng buyuk asarlaridan biri hisoblangan «Tamerlano» kompozitor tomonidan 1724-yilning iyulida 20 kun ichida yaratilgan. 2024-yilda ushbu opera o‘zining 300 yoshini nishonlaydi.

«Tamerlano» operasida milliy cholg‘u asboblar ham jaranglaydi.

Avvalroq «Kursiv» O‘zbekiston madaniy yodgorliklarni restavratsiya qilish bo‘yicha xalqaro tashkilotga a’zo bo‘lganini...

Oʻzbekistonda 27-oktabrda parlament saylovlari boʻlib oʻtadi. Bu haqda 26-iyul kuni Markaziy saylov komissiyasi majlisida eʼlon qilindi.

Markaziy saylov komissiya raisi Zayniddin Nizomxoʻjayev saylov kampaniyasi boshlanganini eʼlon qildi.

Oʻzbekistonda birinchi bor Oliy Majlis Qonunchilik palatasi saylovlari deputatlarini aralash saylov tizimi, yaʼni majoritar va proporsional tizim asosida oʻtkaziladi.

Yangi tizimda saylov okruglari bir mandatli va yagona saylov okruglariga boʻlinadi. Quyi palatasi deputatlarining 75 nafari bir mandatli saylov okruglari boʻyicha majoritar tizim, qolgan 75 nafari proporsional tizim boʻyicha, yaʼni siyosiy partiyalarga berilgan ovozlar asosida saylanadi.

Eslatib oʻtamiz, oxirgi parlament saylovlari 2019-yil dekabrida boʻlib oʻtgandi. Unda OʻzLiDep partiyasi eng koʻp ovoz bilan gʻalaba...