Yangiliklar

BYD Yangi Nafas marafoni kelasi hafta, 29-iyun kuni bo‘lib o‘tadi va O‘zbekistonning 16 shahrida o‘tkaziladi. Bu haqda «Kursiv»ga tadbir tashkilotchilari ma’lum qildi.

Tadbir Xalqaro Olimpiya kuni, Bolalarni himoya qilish va Yoshlar kunini nishonlashga bag‘ishlangan.

29-iyun kuni poytaxtimizda Vatan qalqoni harbiy-vatanparvarlik marafoni ham bo‘lib o‘tadi. Uning ishtirokchilari oliy harbiy oliy o‘quv yurtlari bitiruvchilari va huquqni muhofaza qiluvchi organlar xodimlari bo‘ladi.

3 km masofaga marafonda 60 mingga yaqin kishilar qatnashadi. Ular orasida talabalar, sayyohlar, tadbirkorlar va davlat idoralari vakillari bo‘ladi. Marafon marshruti soat 7:00 da shaharlarning markaziy ko‘chalaridan o‘tadi.

Tadbir O‘zbekiston Mudofaa, Sport, Favqulodda vaziyatlar, Ichki ishlar vazirliklari hamda boshqa tashkilot...

Ulug‘bek Habiljonov Toshkent shahar Chilonzor tumani prokurori etib tayinlandi, deb xabar qildi Angren hokimligi.

Xabiljonov bunga qadar Toshkent viloyati Angren shahar prokuraturasi boshlig‘i lavozimida ishlab kelgan.

OAV Chilonzor tumanining sobiq prokurori Jahongir Murodov O‘zbekiston prezidenti Administratsiyasiga ishga o‘tgani munosabati bilan egallab turgan lavozimidan ozod etilgani haqida yozmoqda.

Avvalroq «Kursiv» Buxoro viloyatining sobiq prokurori O‘zbekiston Oliy Majlisi Qonunchilik palatasi apparati rahbari etib tayinlangani haqida xabar bergan edi.

Oʻzbekiston Speedtest Global Index mobil internet tezligi reytingida bir pogʻona pastlab, 89-oʻrindan joy oldi.

Mamlakatda mobil internet tezligi 29,50 Mbit/s deb baholanmoqda.

Oʻzbekiston MDH mamlakatlari orasida Qirgʻiziston (64-oʻrin) va Qozogʻistondan (74-oʻrin) ortda qolgan boʻlsa-da, Rossiya (105-oʻrin) va Tojikistonni (143-oʻrin) ortda qoldirdi.

Shuningdek, Oʻzbekistonda simli internet boʻyicha koʻrsatkich ham pasaydi. Mamlakat bir pogʻona pastlab, 90-oʻrindan joy oldi. Oʻrtacha tezlik: 64,52 Mbit/s tashkil qildi.

Avvalroq «Kursiv» oʻzbekistonliklar tashqi internetning monopoliyadan chiqarilishidan nimalarni kutishi mumkinligi haqida xabar bergan edi.

Uzcard toʻlov tizimi 2023-yilni XMHS boʻyicha $51,6 mln miqdordagi sof foyda bilan yakunlagani ma’lum bo‘ldi. Bu haqida «KAP DEPO» investitsiya kompaniyasi xabar bermoqda.

Bu 2022-yilgi olingan foyda ko‘rsatkichiga nisbatan 47,2% ga ortiq bo‘lib, shu davrdagi sof tushum 43,4% ga oshib, $77,8 mlnga yetgani qayd etilgan.

«2022-yil oktabr oyida beshta bankka tegishli bo‘lgan Uzcard’dagi davlat ulushining 75% qismi kompaniyaning to‘rtta hammuallifiga o‘tkazilgan, ular bitimga qadar jami 25% ulushga ega bo‘lgan edi. O‘shanda Uzcard’dagi davlat ulushi 210,1 mlrdga ($18,9 mln) narxda sotilgan», deyiladi xabarda.

Eslatib o‘tamiz, oldinroq Uzcard toʻlov tizimi aksiyalarning dastlabki emissiyasini roʻyxatdan oʻtkazgani haqida...

Bugun, 20-iyun kuni savdo va umumiy ovqatlanish sohasida faoliyat yuritayotgan tadbirkorlar bilan uchrashuv bo‘lib o‘tdi. Tadbir YouTube kanalida translyatsiya qilindi.

Yig‘ilishdan ko‘zlangan maqsad davlatimiz rahbarining tadbirkorlar bilan ochiq muloqotiga tayyorgarlik ko‘rish doirasida savdo va umumiy ovqatlanish sohasidagi mavjud muammolar va ularning yechimlari yuzasidan takliflar shakllantirishdan iborat.

Tadbirda Savdo-sanoat palatasi raisi Davron Vahobov, biznes-ombudsman Dilmurod Kasimov, tadbirkorlikni qo‘llab-quvvatlash bo‘yicha jamoat kengashi a’zolari hamda boshqa tegishli vazirlik va idoralar rahbarlari ishtirok etdi.

Biznes vakillari bir qator dolzarb savollarni berishdi. Kafe va restoranlarga tutash hududni qonuniylashtirish, bojxona va soliq ma’lumotlarini integratsiyalash va boshqa masalalar yuzasidan savollar berildi.

Eslatib oʻtamiz, joriy yilda prezident...

«Head Hunter» platformasi ma’lumotlariga koʻra, maktab oʻquvchilari, talabalar va tajribaga ega boʻlmagan boshqa shaxslar yozda oyiga oʻrtacha 1,5-2 million soʻm ishlab olishlari mumkin.

Eng yuqori maoshni logistika sohasida olish mumkin – taxminan 3 million so‘m.

May va iyun oyining birinchi yarmida tajribaga ega bo‘lmagan shaxslar uchun 3,5 mingta bo‘sh ish o‘rinlari HHga joylashtirildi. Bu o‘tgan yilning shu davriga nisbatan ikki baravar ko‘pdir.

Yozda ishlash uchun eng mashhur sohalar qatoridan etkazib berish xizmatlari, dalalarda mavsumiy ishlar, lager maslahatchilariga yordam berish hamda repetitorlik joy oldi.

Avvalroq «Kursiv» 2024-yilda O‘zbekistonda o‘rtacha ish haqi 17,2 foizga oshib, 4,6 million so‘mni tashkil qilgani haqida...

«O‘zbekneftgaz» aksiyadorlik jamiyati tushumidagi pasayishga qaramasdan, sof foydada 262,6 mlrd so‘mlik ko‘rsatkich bilan 303,6% ko‘tarilishga erishdi.  Bu haqda «O‘zbekneftgaz»ning hisobotiga tayanib «KAP DEPO» investitsiya kompaniyasi xabar bermoqda.

Aksiyadorlik jamiyatining sof tushumdagi ko‘rsatkichlari o‘tgan va joriy yillardagi I chorak bilan solishtirilganda 7,4% ga ortta qolmoqda.

Shu bilan birga, «O‘zbekneftgaz»ning uzoq muddatli bank kreditlari 2,5% ga kamayib va 17,9 trln so‘mni tashkil etdi. Sotilgan mahsulot tannarxi esa 3,2 trlndan 2,4 trln so‘mga pastladi.

Eslatib o‘tamiz, avvalroq «O‘zbekneftgaz»ning yillik foydasi 50% ko‘proqqa qisqargani haqida xabar bergan edik.

Joriy yilning yanvar-aprel oylarida 31,4 ming nafar Turkiya fuqarolari turistik maqsadlarda Oʻzbekistonga tashrif buyurgan. Bu haqda Statistika agentligi axborot xizmati xabar berdi.

Qayd etilishicha, bu koʻrsatkich 2023-yilning mos davriga nisbatdan 1,7 ming nafarga koʻp. Mazkur davrda turistik maqsadlarda tashrif buyurgan Turkiya fuqarolarining safar maqsadlari quyidagilar:

qarindoshlarni yoʻqlash – 13 444 nafar;

sayyohlik – 12 661 nafar;

xizmat yuzasidan – 4 833 nafar;

tijorat – 410 nafar;

oʻqish – 42 nafar;

davolanish – 17 nafar.

Avvalroq «Kursiv» oʻqish maqsadida Oʻzbekistonga kelayotgan chet fuqarolarining soni haqida xabar bergan edi

Oltin va kumushning jahondagi narxlari AQShda iste’molchilar kayfiyatining yomonlashuvi haqidagi ma’lumotlar e’lon qilinishi fonida barqarorlashdi. Bu haqda «Trading economics» portali xabar berdi.

20-iyun, payshanba kuni ertalab bir unsiya oltin taxminan $2,3 ming, kumush esa $30 ga baholanmoqda.

Seshanba kuni AQShda chakana savdoda oʻsish kuzatilmagani haqida ma’lumotlar e’lon qilindi. Bozor ishtirokchilari AQSh Federal zaxira tizimi foiz stavkalarini pasaytirishdan oldin inflyatsiya sekinlashuvining qoʻshimcha dalillarini izlashi haqidagi fikrlarini kuchaytirdi.

Qimmatli qogʻozlar bozorida Nvidia (+3,99 foiz), Goldman Sachs (+1,69 foiz) va JPMorgan (+1,27 foiz) aksiyalari oʻsishi kuzatildi. Meta qimmatli qogʻozlar esa arzonlashmoqda (-1,36 foiz).

Avvalroq «Kursiv» 19-iyun kungi bozorlardagi vaziyat haqida xabar...

Samarqandda noqonuniy qurilgan besh qavatli bino buzib tashlandi, deb xabar berdi shahar hokimi o‘rinbosari Firuz Najmiddinov.

Mahalliy hokimiyat vakili tadbirkorlarga inshootlarni noqonuniy qurish uchun javobgarlik borligini eslatdi.

Najmiddinov, shuningdek, aholini mulkni sotib olishdan oldin uning tarixini o‘rganishga chaqirdi.

Avvalroq «Kursiv» Toshkentning Mirobod tumanidagi noqonuniy binolar buzilgani haqida yozgan edi.

O‘zbekistonda 20 – 24-iyun kunlari yomg‘ir yog‘ishi kutilmoqda. Togʻli hududlarda sel yuzaga kelishi xavfi bor, deb xabar qildi «Oʻzgidromet».

Qoraqalpog‘istondan hamda Sirdaryo, Buxoro, Xorazmdan tashqari respublikaning barcha viloyatlarida favqulodda vaziyatlar yuzaga kelishi mumkin.

Hududlarni suv bosishi ham mumkin.

«O‘zgidromet» tog‘li hududlar aholisi va mehmonlarini ehtiyot choralarini ko‘rishga chaqirdi.

Avvalroq «Kursiv» O‘zbekistonda iyun oyida ob-havo qanday bo‘lishi haqida yozgan edi.

21-iyun kuni, soat 10:00 da 25 ming dona Chevrolet Cobalt avtomobili uchun onlayn kontraktatsiya ochiladi. Bu haqda UzAuto Motors axborot xizmati xabar berdi.

Ma’lum qilinishicha, mazkur modeldagi avtomobillar 2024-yil davomida ishlab chiqariladi.

Avtomobillarni xarid qilish uchun shartnoma tuzish faqat savdo.uzavtosanoat.uz sayti orqali amalga oshirilishi mumkin.

Ma’lumot uchun, avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozim. Aks holda mazkur shartnomalar avtomatik ravishda bekor qilinib, kontraktatsiyaga qayta qoʻyiladi.

Oʻzbekiston avtomobil ishlab chiqarish sanoatida joriy yilning yanvar-aprel oylarida eng koʻp Cobalt avtomobil ishlab chiqarildi (qariyb 42 ming dona). Bu oʻtgan yilning mos davriga nisbatan...

Rossiyaga kelayotgan Oʻzbekiston fuqarolari «qoʻshimcha va haddan tashqari uzoq muddatli tekshiruvlarga» duch kela boshladi, deb xabar qildi mamlakatimizning Rossiya Federatsiyasidagi elchixonasi.

Bu muammolar Moskva Sheremetyevo aeroportida yuzaga keladi. Bunday muammolarga nafaqat Rossiyaga kirayotgan O‘zbekiston fuqarolari, balki tranzitda bo‘lganlar ham duch kelishmoqda.

O‘zbekistonning Rossiyadagi elchixonasi bu boradagi shikoyatlarni to‘pladi va aniqlik kiritish uchun RF Tashqi ishlar vazirligi bilan bog‘landi.

Avvalroq «Kursiv» may oyi boshida O‘zbekiston fuqarolarining Rossiya Federatsiyasiga kirishi taqiqlangani haqida xabarlar paydo bo‘lganini yozgan edi. Keyinchalik bu ma’lumot rad etildi.

Joriy yilda Oʻzbekistondan Makkayu Madinada ziyoratchilar soni 15 ming kishidan oshdi. Bu haqda prezidenti Shavkat Mirziyoyev bilan bo‘lgan uchrashuvda ma’lum qilindi.

«Mustaqillikning dastlabki yillarida Makkayu Madinada muqaddas Haj amalini ado etishga muyassar boʻlgan vatandoshlarimiz soni barmoq bilan sanoqli boʻlgan boʻlsa, bugungi kunda 15 mingdan ziyod oʻzbekistonlik muqaddas ziyoratga bordi», deyiladi xabarda.

Oʻzbekiston hukumati ziyoratchilarni yoshlar bilan ishlashga jalb etish niyatida. Bunday tadbirlar mahallalarda ham amalga oshiriladi.

Avvalroq «Kursiv» Makkada Haj vaqtida yuzlab ziyoratchilar jazirama issiqdan vafot etgani haqida xabar bergan edi.

Saudiya Arabistonida Makkaga yillik Haj ziyorati chogʻida yuzlab odamlar jazirama issiqdan halok boʻldi. Bu haqda France-Presse agentligi (AFP) arab diplomatlariga tayanib xabar bermoqda.

Qayd etilishicha, qurbonlarning aniq soni noma’lum, lekin AFP ma’lumotlariga koʻra, birgina Haj vaqtida kamida 550 kishi halok boʻlgan.

Halok boʻlganlarning kamida 323 nafari misrlik, 60 nafari Iordaniyalik boʻlgan. Ularning aksariyati jazirama issiqning qurboni boʻlgan.

Diplomatlardan biri AFPʼga qurbonlar soni haddan ziyodligiga Haj ziyoratiga noqonuniy kelganlar soni juda koʻpligi ham sabab boʻlganini ta’kidladi.

Avvalroq «Kursiv» bu yil Oʻzbekiston fuqarolari uchun Haj ziyorati kvotalari 15 mingni tashkil etgani haqida xabar bergan edi.

O‘zbekiston prezidenti Shavkat Mirziyoyevga zargarlik sanoatini rivojlantirish chora-tadbirlari taqdim etildi. Yig‘ilishda O‘zbekistondan AQShga zargarlik buyumlarini eksport qilishda bojxona to‘lovlarini bekor qilish taklif etildi.

GSP tizimidan foydalangan holda AQShga mahsulot yetkazib berish rejalashtirilgan. Eslatib o‘tamiz, rasmiylar GSP faoliyatini qayta tiklashni va Vashington bilan savdo va investitsiya sohasida hamkorlikni kuchaytirishni rejalashtirmoqda.

Mamlakatimizda ishlab chiqarilmaydigan asbob-uskunalar va qadoqlash materiallari uchun bojxona stavkalari va QQSni nolga tenglashtirish ko‘zda tutilgan. Imtiyozlar 2026-yil oktabr oyining boshigacha amal qilishi kutilmoqda.

Shuningdek, «O‘zbekzargarsanoati» uyushmasi vakolatlarini kengaytirish va boshqaruv tizimini qayta tashkil etish ko‘zda tutilgan.

«O‘zbekzargarsanoati» uyushmasiga a’zo bo‘lgan yakka tartibdagi tadbirkorlarni davlat tomonidan imtiyozlar bilan qo‘llab-quvvatlash...

«Uzbekistan Airways» HY721 reysini poytaxt aeroportiga qaytarish sababini tushuntirdi. Samolyot Toshkent – Ostona yoʻnalishi boʻyicha parvoz qilgan.

Aviakompaniya ma’lumotlariga koʻra, parvoz bagaj boʻlimi eshigidagi notoʻgʻri signalizatsiya tufayli toʻxtatilgan.

Shu sababli samolyot ekipaji poytaxt aeroportiga qaytishga qaror qildi.

«Aviakompaniya mutaxassislari havo kemasini parvozga tayyorgarlik ko‘rish bo‘yicha barcha zarur ishlarni amalga oshirdilar va havo kemasi yaqin fursatlarda o‘z yo‘nalishi bo‘yicha parvozni amalga oshiradi”, deyiladi aviakompaniya matbuot xizmati xabarida.

Avvalroq «Kursiv» joriy yilning may oyi o‘rtalarida Seuldan Dohaga uchayotgan samolyot Samarqandga favqulodda qo‘ngani haqida yozgan edi.

Qirg‘izistonda 19-iyun kuni Toshkent vaqti bilan soat 17:09 da yer silkinishi sodir bo‘ldi. Bu haqda FVV Seysmoprognostik monitoring respublika markazi xabar berdi.

Uning koordinatalari: 41,58 gradus shimoliy kenglik; 71,21 gradus sharqiy uzunlik. Magnituda – 4,2. Chuqurlik – 10 km. Epitsentr – Toshkentdan 170 km janubi-gʻarbda sodir bo‘lgan.

Zilzila Namangan viloyatining ayrim hududlarida ham sezildi. Jumladan, Yangiqo‘rg‘on tumanida 2-3 ball, 43 km, Kosonsoy tumanida 2 ball, 53 km, Chust tumanida 2 ball, 59 km miqyosida sezilgan.

Avvalroq «Kursiv» Afg‘onistonda 4,8 magnitudali zilzila sodir bo‘lgani haqida xabar bergan edi.

Qozogʻistonda oʻzbekistonlik ikki nafar voyaga yetmagan jiyaniga uyatsiz buzuq harakatlar qilgan erkak ushlandi. Bu haqda Oʻzbekiston bolalar ombudsmani xabar berdi.

Qayd etilishiga, ikki nafar voyaga yetmagan qiz ota-onasi vafotidan soʻng Qozogʻistonda yashovchi amakisi vasiyligiga berilgan.

Jabrlanganlarning opasi Ombudsmanga bolalarga nisbatan zoʻravonlik haqida ariza bilan murojaat qilgan. Iyun oyi boshida oʻzbekistonlik qizlar Qozogʻiston vasiylik organlari tomonidan olib ketilib, Olmaotadagi moslashtirish markaziga joylashtirildi.

Oʻzbekiston Ombudsmanining ma’lum qilishicha, hozirgi kunda Qozogʻiston tomoni bilan bolalarni Vataniga qaytarish boʻyicha muzokaralar olib borilmoqda.

Avvalroq «Kursiv» Qozogʻistonga ishlash uchun borayotgan va ushbu davlatda boʻlib turgan oʻzbekistonliklar ogohlikka chaqirilgani haqida xabar bergan edi.

O‘zbekistonda tijorat sirlarini tarqatish bilan bog‘liq qonunchilikni qat’iylashtirish rejalashtirilmoqda. Qonun loyihasi Markaziy bank tomonidan normativ-huquqiy hujjatlarni muhokama qilish portalida e’lon qilindi.

Mazkur qonun loyihasiga ko‘ra, Jinoyat kodeksining 191-moddasida bank, soliq, sug‘urta siri yoki boshqa shu kabi  axborotdan noqonuniy foydalanish uchun jazo choralari kuchaytiriladi. Jinoyat uchun bazaviy hisoblash miqdorining yuz baravaridan (34 mln so‘m) ikki yuz ellik baravarigacha (85 mln so‘m) miqdorda jarima yoki bir yilgacha ozodlikni cheklash yoki bir yilgacha ozodlikdan mahrum qilish bilan jazolanishi belgilandi. Jiddiyroq qoidabuzarlik sodir etilgan taqdirda, jazo yanada qattiqroq bo‘ladi.

Shu bilan birga, Ma’muriy javobgarlik to‘g‘risidagi kodeksning 46-moddasida sirlar, yozishma va fuqaroning manfaatlariga zarar yetkazadigan...

Qozogʻistonning Kaspi.kz texnologik kompaniyasi Oʻzbekiston bozoriga kirish imkoniyatlarini koʻrib chiqmoqda. Bu haqda kompaniya bosh direktori Mixail Lomtadze ma’lum qildi.

Uning soʻzlariga koʻra, Kaspi.kz Sharqiy Yevropa va Osiyoda ham ish boshlashni rejalashtirmoqda.

Eslatib oʻtamiz, Kaspi.kz oʻz ichiga internet doʻkon, toʻlov tizimi, bank va turlarni qidirish va bron qilish xizmatini oʻz ichiga oladi. Ularning barchasi Kaspi super App ilovasiga birlashtirilgan.

Kompaniya asoschilaridan biri qozogʻistonlik tadbirkor Vyacheslav Kim hisoblanadi. Forbes Kazakhstan ma’lumotlariga koʻra, u Qozogʻistonning eng boy odamlari reytingida birinchi oʻrinda turadi. Uning boyligi shu yilning may oyi holatiga koʻra, $5,8 milliardga baholangan.

Avvalroq «Kursiv» joriy yilning mart oyidan boshlab Kaspi.kz...

19-iyun kuni O‘zbekiston Respublika valyuta birjasida dollarning o‘rtacha tortilgan qiymati 16,89 so‘mga o‘sdi va 12 643,91 so‘mni tashkil qildi.

Bugun O‘zbekistonning tijorat banklari dollarni 12 565 – 12 625 so‘mdan xarid qilishmoqda va 12 640 – 12 700 so‘mdan sotishmoqda.

Eslatib o‘tamiz, 14-iyun kuni dollarning kursi 12,22 so‘mga ko‘tarilgan edi.

Shavkat Mirziyoyev 19-iyun kuni maktab ta’limi sifati va pedagoglar malakasini oshirish boʻyicha takliflar taqdimoti bilan tanishdi. Bu haqda prezident matbuot xizmati xabar berdi.

Qayd etilishicha, taqdimotda 2025-yil sentabrdan oliy va birinchi malaka toifasiga ega oʻqituvchilarning oylik maoshini oshirish taklifi bildirildi. Attestatsiyadan oʻtolmagan, tajribasi yetarli boʻlmagan oʻqituvchilar uchun alohida dastur ishlab chiqib, malakasini oshirish boʻyicha koʻrsatmalar berildi.

Shuningdek, kam quvvatda ishlayotgan pedagogika kollejlari negizida bogʻcha va maktablar, texnikumlar, «Barkamol avlod» maktabi tashkil qilinishi aytildi.

Taqdimotda Qori-Niyoziy nomidagi Oʻzbekiston pedagogika fanlari ilmiy-tadqiqot instituti negizida Tarbiya pedagogikasi milliy institutini tashkil etish taklifi ham muhokama qilindi. Yangilangan institutga «mahalla – ota-ona – maktab...

Obidjonov Jahongir «Oʻzenergosotish» AJ boshqaruvi raisi etib tayinlandi. Bu haqda Energetika vazirligi matbuot xizmati xabar bermoqda.

Jahongir Obidjonov 1976-yilda Toshkent shahrida tugʻilgan. 1998-yil Toshkent davlat iqtisodiyot universiteti hamda 2006-yil OʻzR prezidenti huzuridagi Davlat va jamiyat qurilishi akademiyasini tugatgan.

Jahongir Obidjonov mehnat faoliyatini Markaziy bankida boshlagan. 2017–2019-yillarda «O‘zenergo» AJ raisi o‘rinbosari, 2020–2022-yillar «Hududiy elektr tarmoqlari» AJ boshqaruvi raisining birinchi o‘rinbosari lavozimlarida ishlagan.

U 2024-yilda Angliyaning Anglia Rusking University (Britaniya)da magistratura bosqichini muvaffaqiyatli tamomlagan.

Karabayev Shohrux «Oʻzenergosotish» AJ boshqaruvi raisining birinchi oʻrinbosari vazifasini bajaruvchi etib tayinlandi.

U bunga qadar OʻzR Energetika vazirligi huzuridagi Elektr energetikasi tarmogʻini isloh qilish boʻyicha loyiha ofisi...