Yangiliklar

17-dekabr kuni erta tongda Ulyanovsk (Rossiya) shahrining Zasviyajskiy tumanida O‘zbekiston fuqarolari bo‘lgan avtomobil halokatga uchradi, deb xabar berdi mahalliy prokuratura.

Rossiya ijtimoiy tarmoqlarida yozilishicha, Chevrolet Cobalt haydovchisi boshqaruvni yo‘qotib, qarama-qarshi bo‘lakka chiqib ketgan va «MAZ» mashinasiga borib urilgan.

O‘zbekistonning Qozondagi Bosh konsulligi ma’lumotlariga ko‘ra, YTH oqibatida mamlakatimizning besh nafar fuqarosi halok bo‘lgan. Diplomatik missiya qurbonlarning jasadlarini vataniga qaytarish bo‘yicha ishlar olib borilayotganini ta’kidladi.

Avvalroq Kursiv Uzbekistan Qozog‘istonda sodir bo‘lgan yo‘l-transport hodisasi O‘zbekistonning besh nafar fuqarosining hayotiga zomin bo‘lgani haqida yozgan edi.

Bundestag deputatlari Germaniya kansleri Olaf Shols hukumatiga ishonchsizlik bildirdi. Bu haqda «Interfaks» xabar berdi.

Ta’kidlanishicha, 394 deputat ishonchsizlikka ovoz bergan, 207 nafari hukumatni qoʻllab-quvvatlagan, 116 nafari esa betaraf qolgan.

Olaf Sholsning oʻzi ovoz berishni taklif qilgan, chunki bu unga muddatidan oldin saylov oʻtkazish imkonini beradi. Endi Shols Germaniya prezidenti Frank-Valter Shtaynmayerdan Bundestagni tarqatib yuborishni soʻraydi. Agar parlament tarqatib yuborilsa, Germaniyada saylovlar 60 kun ichida oʻtkazilishi shart.

Avvalroq hukmron koalitsiya iqtisodiy siyosat boʻyicha kelishmovchiliklar tufayli tarqalib ketgandi. Germaniya sotsial-demokratik partiyasi Sholsni yana kanslerlikka nomzod qilib koʻrsatishga qaror qildi. Saylovda asosiy raqiblar Fridrix Mers (xristian-demokratik ittifoqi), Robert Xabek («Yashillar») va Alisa...

Jomboy tumani huquq-tartibot idoralari xodimlari Zarafshon milliy tabiat bog‘ida ekolog va tadqiqotchi Aleksandra Zaslavskayani qo‘lga oldi. Bu haqida «Samarkandskiy Vestnik» gazetasi bosh muharriri Anastasiya Pavlenko xabar berdi.

Pavlenkoning so‘zlariga ko‘ra, eko-faolga nisbatan firibgarlik moddasi bo‘yicha ish qo‘zg‘atilishi mumkin.

Ayblovga Zaslavskayaning Zarafshon bog‘idagi reabilitatsiya markazi uchun xayriya mablag‘larini yig‘gani sabab bo‘lgan. Shu bilan birga, pul mahalliy ekologiya boshqarmasi tomonidan o’tkazilgan. Keyinchalik ma’lum bo’lishicha, Zaslavskaya vaqtincha ozod qilindi.

Kursiv Uzbekistan muxbiri Jomboy tumani IIB bilan bog‘landi, huquq-tartibot idorasi xodimi viloyat IIB matbuot xizmatiga qo‘ng‘iroq qilishni maslahat berdi. Biroq Samarqand viloyati IIB matbuot xizmati qo‘ng‘iroqqa javob bermadi. Kursiv Uzbekistan hodisa rivojini kuzatmoqda.

Noyabr oyi yakunlariga koʻra, Oʻzbekiston banklarida aholi uchun kreditlarning oʻrtacha stavkalari yillik 24,3 foizgacha koʻtarildi, deb xabar berdi Markaziy bank.

Unga koʻra, stavkalar sentabr oyidagi qiymatlardan 0,5 foizga yuqori boʻldi, bu koʻrsatkich yillik minimumga yetdi. Biznes uchun kreditlarning oʻrtacha stavkasi yillik 22,7 foiz darajasida saqlanib qoldi. Bu koʻrsatkich avgust oyidan beri oʻzgarmagan.

Jismoniy shaxslarning milliy valyutadagi omonatlari boʻyicha koʻrsatkichlar ham oʻzgarmadi. Noyabr oyida bank depozitining oʻrtacha daromadliligi 22,1 foizni tashkil etdi. Yuridik shaxslarning depozitlari boʻyicha stavkalar oktabr oyida qisqa muddatli oʻsishdan soʻng 16,3 foizgacha pasaydi.

Shu bilan birga, firmalarning valyuta depozitlari daromadliligi 1,5 foizga oshdi va oy yakuniga koʻra...

London shahrining City of London hududi 73 qavatli yangi osmono‘par minoraning qurilishi uchun ruxsat berdi. Bu haqda CNN axborot agentligi ma’lum qildi.

Unga ko‘ra, ushbu minoraning balandligi Londondagi Shard minorasi bilan teng bo‘lib, u G‘arbiy Yevropaning eng baland binosi bo‘ladi. Loyiha pandemiya davridan keyingi ofis ehtiyojlariga moslashtirilgan. Qurilishdan oldin mavjud kichikroq bino buzilishiga to‘g‘ri keldi.

Loyiha 1 Undershaft nomi bilan tanilgan va 309.6 metr balandlikda qurilishi rejalashtirilgan. Bino 154,156 kvadrat metr ofis maydoni va jamoatchilikka ochiq bog‘ni o‘z ichiga oladi. Shuningdek, 72 va 73-qavatlarda bolalar ta’limi uchun moslashgan bo‘ladi.

Londonning ofis bozori pandemiya tufayli qiyin davrni boshdan kechirishiga qaramay...

Jizzax viloyatida kichik AES qurilishiga turli mamlakatlardan kompaniyalar jalb etiladi, dedi O‘zbekiston atom energetikasini rivojlantirish agentligi direktori Azim Axmedxadjayev «Report»ga bergan intervyusida.

Bosh pudratchi Rossiyaning «Rosatom» davlat korporatsiyasi bo‘ladi. Ishlarning bir qismi O‘zbekiston kompaniyalari tomonidan bajariladi. Biroq AES qurilishi faqat Rossiya-O‘zbekiston loyihasi emas.

Boshqa mamlakatlarning kompaniyalari infratuzilma, mashina stansiyalari va xizmat ko‘rsatish obyektlari qurilishi bilan shug‘ullanishi mumkin, dedi Axmedxadjayev.

Uning so‘zlariga ko‘ra, bosh pudratchini tanlashda ekspertlar siyosiy mulohazalarga emas, balki sifat va xavfsizlik mezoniga amal qilgan. «Rosatom» kichik AESlar uchun eng yaxshi yechimlarni taklif qildi va yetarli tajribani namoyish etdi.

O‘zbekiston va Rossiya davlat korporatsiyasi Rossiya Federatsiyasi va uning...

Xitoy chet ellik sayohatchilarni yanada ko‘proq jalb qilish maqsadida vizasiz tranzit muddatini 240 soatga, ya’ni 10 kunga uzaytirishga qaror qildi. Bu haqda CNN axborot agentligi ma’lum qildi.

Unga ko‘ra, endilikda sayohatchilar Xitoyga kirib, uchinchi mamlakatga yoki hududga o‘tishdan oldin 10 kungacha vizasiz qolishlari mumkin.

Yangi siyosat 50 dan ortiq mamlakat fuqarolariga, jumladan AQSh fuqarolariga, tranzit imkoni yaratadi. Ushbu dastur, sayohatchilar Xitoyga kirishda vizasiz, shuningdek, faqat o‘zlari kiritilgan shaharlarda va uning atrofida sayohat qilish imkonini beradi. Bu yangilik Xitoyga kirgan chet elliklar soni 2024-yilning uchinchi choragida rekord darajaga yetgani ortidan amalga oshirildi.

Bundan tashqari, Xitoyning yirik to‘lov tizimlari WeChat va...

Oliy Majlis Qonunchilik palatasining navbatdagi majlisida yoʻllarga noqonuniy toʻsiqlar oʻrnatish holatlariga chek qoʻyish boʻyicha qonun loyihasining muhokamasi ikkinchi o‘qishda qabul qilindi.

Qonun loyihasiga koʻra, trotuarlar, piyodalar va velosiped yoʻlaklari hamda ularga tutash yashil maydonlarda maxsus avtotransport vositalaridan tashqari har qanday transport vositasining harakatlanishi yoki toʻxtashiga chek qoʻyuvchi qoidalar belgilanmoqda.

Shuningdek, yoʻl harakati ishtirokchilarining harakatiga toʻsiq boʻladigan noqonuniy toʻsiqlar va boshqa qurilmalarni oʻrnatganlik uchun javobgarlik choralari kuchaytirilishi koʻzda tutilgan.

Qonun loyihasi doirasida Maʼmuriy javobgarlik toʻgʻrisidagi kodeksning 128 va 147-moddalariga oʻzgartirish kiritilishi rejalashtirilgan. Bu oʻzgartirishlar haydovchilarning trotuar, piyodalar va velosiped yoʻlaklarida yoki yashil maydonlarda harakatlanishi hamda noqonuniy toʻsiqlarni oʻrnatishi uchun maʼmuriy...

Toshkent metropoliteni ilk bor bir kunda million aholiga xizmat ko‘rsatdi. Bu haqda metropoliten matbuot xizmati xabar berdi.

Unga ko‘ra, yubiley sonli yo‘lovchisi Kozim Sohibov bir yil muddatga poytaxt metrosida bepul harakatlanish imkoniyatiga ega bo‘ldi.

Ma’muriyat tomonidan unga esdalik sovg‘alari ham topshirildi.

Avvalroq Kursiv Uzbekistan 2025-yil oxirigacha Toshkent metrosida 26 ta yangi poyezd qatnovi yo‘lga qo‘yilishi haqida yozgan edi.

Farg‘ona viloyatidagi yonilg‘i quyish shoxobchasida viloyat aholisi uchun mo‘ljallangan 3,7 ming tonna AI-80 benzini ulgurji sotilgani ma’lum bo‘ldi. Bu haqda «O‘zA» xabar berdi.

Shuningdek, Andijon viloyatidagi beshta, Buxoro viloyatidagi bitta «zapravkada» shu kabi qoidabuzarliklar aniqlandi.

Ma’lumot uchun, yonilg‘i quyish shoxobchalarida benzinni ulgurji sotish taqiqlangan bo‘lib, endi ushbu shoxobchalar vaqtincha savdo birjasidan yonilg‘i xarid qila olmaydi.

Eslatib o‘tamiz, auksionga qo‘yilgan benzinning kunlik hajmi ikki barobarga oshiriladi.

Avvalroq Kursiv Uzbekistan nashri O‘zbekistonda propan arzonlashayotgani haqida yozgan edi.

Internet tarmoqlarida yangi Nintendo Switch 2 konsoli qizg‘in muhokama qilinmoqda. So‘nggi kunlarda uning dizayni haqida bir nechta taxminiy ma’lumotlar paydo bo‘ldi. The Verge nashri Xitoyning aksessuarlar ishlab chiqaruvchisiga asoslanib bu xabarni tarqatdi.

Dbrand e’lon qilgan renderga ko‘ra, yangi konsol avvalgi modellardan biroz kattaroq bo‘ladi. U sakkiz dyuymli ekran bilan jihozlanadi va Joy-Con kontrollerlari magnit yordamida korpusga ulanadi.

Shuningdek, o‘ng kontrollerda Home tugmasi ostida qo‘shimcha noma’lum tugma ham paydo bo‘ladi.

Konsolning o‘lchamlari: eni — 270 mm, uzunligi — 116 mm, qalinligi esa 14 mm atrofida bo‘ladi. Konsol ekrani LCD yoki OLED texnologiyasiga asoslangan bo‘lishi hozircha aniq emas. Biroq...

BYD kompaniyasi gumanoid robototexnika bozoriga kirishini rasman e’lon qildi va Embodied Intelligence tadqiqot guruhiga mutaxassislarni jalb qilish boʻyicha global kampaniyani boshladi.

Ta’kidlanishicha, kampaniya 2025-yilda dunyoning yetakchi universitetlaridan magistratura va doktorantura bitiruvchilariga moʻljallangan. BYD inson va ikki oyoqli robototexnika sohasidagi ishlanmalarga e’tibor qaratgan holda algoritmlar boʻyicha katta muhandislar, konstruktorlar va modellashtirish boʻyicha mutaxassislarni izlamoqda.

BYD tadqiqot guruhi allaqachon sanoat, mobil va gumanoid robotlarni oʻz ichiga olgan bir qator innovatsion robotlarni yaratdi. Kompaniya sanoat ishlab chiqarishiga sun’iy intellektni joriy etishni tezlashtirishga intiladi.

Kompaniyaning 30 yillik yubileyida BYD raisi sun’iy intellekt va innovatsiyalarga $13,73 milliard sarmoya kiritish rejalarini e’lon qildi. Sun’iy intellektning...

O‘zbekiston va Belarus o‘rtasida ilmiy faoliyatga oid davlat dasturlari doirasida amalga oshiriladigan amaliy tadqiqotlar va innovatsion loyihalar bo‘yicha «O‘zbekiston – Belarus» xalqaro qo‘shma tanlovi e’lon qilindi. Bu haqda Innovatsion rivojlanish agentligi ma’lum qildi.

Tanlov 2025-yil 15-fevralga qadar davom etadi va tadqiqotlar turli fan yo‘nalishlarida amalga oshiriladi. Farmakologiya, tibbiyot, iqtisodiyot, kimyo, qishloq xo‘jaligi va boshqa yana o‘nlab yo‘nalishlar shular jumlasidandir.

Tanlovda ishtirok etish uchun ilmiy jamoalar O‘zbekiston va Belarus tomonlaridan mos hamkorlarni topishlari va loyihalarni birgalikda taqdim etishlari lozim. Tanlovda qatnashayotgan loyihalar ikki yil ichida amalga oshirilishi kerak va ular faqat elektron shaklda, «loyiha.ilmiy.uz» platformasi orqali qabul qilinadi.

Loyihalar quyidagi...

Olster universiteti: O‘zbekistonda qurilish kompaniyalari yer egalaridan yerni noqonuniy ravishda tortib olishmoqda. O‘zbekistonda yer muntazam ravishda qurilish kompaniyalari foydasiga, jamoat manfaatlariga zid ravishda qayta taqsimlanmoqda. Bu xulosa Olster universiteti Davlat boshqaruvi markazi tadqiqotchilarining «Qonuniylikning soxta hissi» nomli ma’ruzasida keltirilgan.

Ma’ruzada 2017 – 2024-yillar oralig‘ida mulkni majburiy olib qo‘yish holatlari o‘rganilgan. Tadqiqotchilar amaldorlar va ularning yaqinlari bunday amaliyotlarning asosiy manfaatdorlari bo‘lib qolayotganini ta’kidlamoqda.

«Xususiy tijorat qurilishlariga yer ajratish ko‘pincha davlat hokimiyatining suiiste’mol qilinishiga olib kelmoqda. Bu holat O‘zbekiston Jinoyat kodeksi va Konstitutsiyasini buzishi mumkin», – deyiladi hisobotda.

Fuqarolar bunday holatlarda amalda hech qanday choralar ko‘ra...

Iqtisodiyot va moliya vazirligi huzuridagi Gʻaznachilik xizmati qoʻmitasiga avval vazir oʻrinbosari lavozimida ishlab kelgan Abdulaziz Haydarov tayinlandi.

Gʻaznachilik xizmatining sobiq rahbari Murodbek Otajonov esa vazirlik huzuridagi Pensiya jamgʻarmasi direktori boʻldi.

Shuningdek, Umid Abidxadjayev iqtisodiyot va moliya vazirining oʻrinbosari etib tayinlandi. U bunga qadar 2021-yil may oyidan beri Makroiqtisodiy va hududiy tadqiqotlar instituti direktori lavozimida ishlab kelayotgan edi.

Bundan tashqari, Ilhom Umrzakov ham iqtisodiyot va moliya vaziri oʻrinbosari boʻldi. U Davlat-xususiy sheriklik loyihalarini amalga oshirish departamentini boshqargan.

Avvalroq Kursiv Uzbekistan iqtisodiy kompleksdagi 297 nafar rahbar ishdan boʻshatilgani haqida xabar bergan edi.

T-Mobile va Starlink yangi to‘g‘ridan-to‘g‘ri fazo aloqa tizimi bo‘yicha betaprogrammasini boshladi. Bu haqda Ilon Mask o‘z X sahifasida e’lon qildi.

Unga ko‘ra, ushbu tizim AQSh hududidagi 1,3 mln kvadrat kilometr maydonni qamrab olib, an’anaviy uyali aloqa tarmoqlari yetarli bo‘lmagan «o‘lik zonalar»ni aloqa bilan ta’minlashni maqsad qilgan.

T-Mobile mijozlari, shu jumladan, korxonalar va tezkor xizmatlar tizimni sinovdan o‘tkazishda ishtirok etishlari mumkin. Dastlab tizim faqat matnli xabarlar uchun ishlaydi, ammo kelajakda ovozli va ma’lumotlar xizmatlari ham qo‘shiladi.

Starlink va T-Mobile’ning birgalikdagi loyihasi orqali foydalanuvchilar telefonlarini maxsus sozlashlarsiz, oddiy tarzda xabar yuborib, qabul qilishlari mumkin. Bu yangi tizim fazo aloqa xizmatlarini an’anaviy...

Ozarbayjonlik tadbirkor va xonanda Emin Agalarov hamda xorijiy investorlar Chorvoq suv ombori qirgʻogʻida Sea Breeze Uzbekistan sayyohlik markazini qurishni rejalashtirmoqda, deb xabar berdi Oʻzbekiston prezidenti matbuot xizmati.

Ta’kidlanishicha, Agalarov 16-dekabr, dushanba kuni davlat rahbari Shavkat Mirziyoyevga loyihani taqdim etdi.

Turistik majmua tarkibiga turistik zonalar, plyajlar, savdo maydonchalari va boshqa dam olish maskanlari kiradi, ular yil davomida xizmat koʻrsatadi.

Mirziyoyev loyihani qoʻllab-quvvatlab, markazni jahon tajribasi asosida bosqichma-bosqich qurish muhimligini ta’kidladi. Prezident hukumatga majmua qurilishining huquqiy asoslarini ishlab chiqish topshirigʻini berdi.

Emin Agalarov 1979-yil 12-dekabrda tugʻilgan. U Emin taxallusi bilan ham tanilgan. 2023-yilda Agalarov Development koʻp tarmoqli kompaniyasiga asos solgan.

Avvalroq...

Apple kompaniyasi yangi buklanadigan va ingichka smartfonlarni ishlab chiqarishni rejalashtirmoqda. Bu haqda Wall Street Journal xalqaro nashri ma’lum qildi.

Unga ko‘ra, texnogigantning smartfon dizaynini o‘zgartirishga bo‘lgan bunday qadam, so‘nggi paytlarda o‘sishi sust bo‘lgan savdolarni oshirishga yordam beradi.

Kelgusi yilda Apple o‘lchami sakkiz millimetrgacha bo‘lgan iPhone’ni taqdim etishi kutilmoqda.

Shuningdek, buklanadigan qurilmalarni ishlab chiqarishni yo‘lga qo‘yish ham rejalashtirilgan. Bunday qurilmalardan biri foydalanuvchilarga smartfonni katta ekrani yordamida noutbuk sifatida ishlatish imkonini beradi.

Ikkinchi model kichikroq o‘lchamda bo‘ladi. WSJ ta’kidlashicha, Apple bir necha yil davomida buklanadigan bo‘g‘inni yaxshilash ustida ishlamoqda.

«Garchi bu yangilanishlar (ko‘plab raqobatchilar allaqachon buklanadigan qurilmalar ishlab chiqarayotgan bir paytda...

Bugun, 17-dekabr kuni O‘zbekistonda yog‘ingarchilik kuzatilmaydi. Havo harorati 5 daraja iliq, ba’zi joylarda 2 daraja sovuq bo‘ladi. Yo‘llarda yaxmalaklar bo‘ladi. Bu haqda Gidrometeorologiya xizmati xabar berdi.

Poytaxtda havo ochiq bo‘ladi. Kunduzi havo 1 daraja iliq, kechga kelib 10-12 daraja sovuq bo‘ladi.

Tog‘li hududlarda havo bulutli bo‘ladi, biroq yog‘ingarchilik kuzatilmaydi. Kunduzi harorat 7-12 daraja sovuq, kechasi esa 15-20 daraja sovuq bo‘ladi.

Shavkat Mirziyoyev raisligida o‘tkazilgan videoselektor yig‘ilishida banklar ishtirokida aholi bandligini ta’minlash va daromadli qilishga qaratilgan ustuvor vazifalar muhokama qilindi. Bu haqda prezident matbuot xizmati ma’lum qildi.

Unga ko‘ra, so‘nggi yillarda banklar mahallalarda faoliyat yuritib, aholi bandligini oshirish va kambag‘allikni kamaytirish bo‘yicha sezilarli natijalarga erishdi. Misol uchun, Namangan viloyatining Uychi tumanida banklar 3 mingdan ortiq faol mijozlar bilan ishlab, 9 ming odamni doimiy ish bilan ta’minlagan.

Shu bilan birga, Sirdaryo va Jizzax viloyatlarida ham aholi uchun daromadli loyihalar amalga oshirilgan, natijada minglab odamlar ish bilan ta’minlangan va kambag‘allik darajasi pasaygan.

O‘tgan yillarda banklar tomonidan taqdim etilgan moliyaviy yordamlar orqali...

«S» gepatiti kasalligini 100 foiz davolash maqsadida Misr hukumati tomonidan ajratilgan «Sofosbuvir-400mg» dori vositalarining sakkizinchi partiyasi 14-dekabr kuni Toshkentga yetkazildi. Bu haqda «Dunyo» AA ma’lum qildi.

Unga ko‘ra, «Uzbekistan Airways» aviakompaniyasining Sharm ash-Shayxdan amalga oshirgan parvozi orqali 30 dona qutidagi 7200 dona dori vositasi mamlakatga olib kelindi.

Bu dori vositalari Sog‘liqni saqlash vazirligi huzuridagi Virusologiya ilmiy-tekshirish instituti tomonidan «S» gepatiti bilan og‘rigan bemorlarga taqsimlanadi.

Misr hukumati tomonidan O‘zbekistonga beg‘araz grant yordam sifatida umumiy qiymati $4,2 mln.ga teng 800 ming dona «Sofosbuvir» va «Daklatasvir» dori vositalari berilishi bo‘yicha kelishuvga erishilgan. Hozirga qadar 13,4 tonna dori vositasi, umumiy qiymati 1,46 mln...

Surxondaryo viloyatining togʻli-rekreatsion hududlarida turizmni rivojlantirishga qaratilgan yangi prezident qarori qabul qilindi. Bu haqda Adliya vazirligi ma’lum qildi.

Unga ko‘ra, qaror asosida viloyatda bir nechta zamonaviy turistik markazlar tashkil etiladi, ular turizm infratuzilmasini yaxshilash va yangi xizmatlar yaratishga qaratilgan.

Boysun tumanida 220,5 gektar maydonda «Omonxona» turistik markazi, Sariosiyo tumanida 615 gektar yerda «Sangardak» turistik markazi, Jarqoʻrgʻon tumanidagi «Oqtepa» suv ombori qirgʻogʻida 110 gektar maydonda «Obihayot» turistik markazi tashkil etiladi.

Bu markazlarni rivojlantirish uchun Surxondaryo viloyatida maxsus Direksiya tashkil etilib, turizm infratuzilmasi boshqariladi. Hududdagi tadbirkorlik va shaharsozlik faoliyatlari uchun bo‘sh yer uchastkalari onlayn auksion orqali realizatsiya qilinadi.

...

Joriy yil boshidan buyon Oʻzbekistonning 80 ga yaqin fuqarolari Janubiy Koreyadagi ish joylarini noqonuniy ravishda tark etdi. Oʻzbekistondagi ularning kafillari 2,35 milliard soʻm miqdorida jarimaga tortildi, deya xabar berdi Mehnat migratsiyasi agentligi.

Agentlikning ma’lum qilishicha, Janubiy Koreyaga ishga ketayotgan har bir o‘zbekistonlik uch tomonlama shartnoma imzolaydi. Unda ish joyini qonunga xilof ravishda tark etgan taqdirda kafil oyiga $2 ming miqdorida jarima toʻlashi belgilab qoʻyilgan.

Shuningdek, agentlik soʻnggi paytlarda Janubiy Koreyaga ishlash uchun ketgan Oʻzbekiston fuqarolarining mamlakatdan chiqib ketish holatlari koʻpayganini ma’lum qildi. Bu oʻzbekistonlik ishchilar imijiga salbiy ta’sir koʻrsatib, mamlakatda ishga joylashish kvotalariga ta’sir koʻrsatmoqda.

Avvalroq Kursiv Uzbekistan...

Prezident Shavkat Mirziyoyev raisligidagi videoselektor yig‘ilishida mahalla bankirlari tizimini joriy etish taklifi ma’qullandi.

Mahalla bankirlari mahalladagi biznes imkoniyatlarini o‘rganib, aholi bilan muloqot qiladi, ularning g‘oyalarini loyihalarga aylantiradi, aholiga kredit olish, biznesni boshqarish va mahsulotni sotishni o‘rgatadi. Shuningdek, loyihalarga amaliy yordam ko‘rsatadi.

«Umuman, jahon iqtisodiyotidagi murakkab vaziyat butun dunyoda milliy iqtisodiyotlarga ta’sirini oʻtkazayotgani qayd etildi. Bunday sharoitda mamlakatimiz moliya-bank tizimining barcha darajalarida moliyaviy intizom va shaxsiy mas’uliyatni kuchaytirish muhimligi ta’kidlandi», – deyiladi prezident matbuot xizmati xabarida.

Avvalroq Kursiv Uzbekistan nashri O‘zbekistonga mikromoliyaviy banklar nima uchun kerakligi haqida yozgan edi.