Yangiliklar

Jizzax viloyatining Sharof Rashidov tumanida yangi Rancho Tour turistik kompleksi foydalanishga topshirildi. Turizm qo‘mitasiga ko‘ra, hududda yil davomida katta qurilish va obodonlashtirish ishlari amalga oshirildi.

Xususan, turistik maskanga olib boruvchi yo‘llar asfaltlandi, 131 gektar bo‘sh yotgan lalmi va tog‘ adirlik yerlari ko‘kalamzorlashtirildi. Shuningdek, 50 gektar maydonda 30 dan ortiq turdagi mevali va manzarali bog‘lar barpo etildi.

Shuningdek, majmuadagi bir gektar hudud baliq ovlash uchun ajratilgan. Hayvonot bog‘i, to‘rt bosqichli ziplayn, umumiy ovqatlanish shoxobchalari, ekstremal sport uchun qoyatosh yo‘laklari va Jizzax manzarasini yuqoridan tomosha qilish imkonini beruvchi havo shari ham mavjud. Mehmonlar uchun 2,5 km masofada kvadrosiklda sayohat xizmatlari...

Amerikalik mashhur aktyor Tom Kruz kinematografga qo‘shgan ulkan hissasi uchun faxriy Oskar bilan taqdirlandi. Bu haqda Variety nashri xabar berdi.

Mukofot aktyorga kinoijodkorlar hamjamiyatiga, kino tomosha madaniyatiga hamda kaskadyorlik sohasiga ko‘rsatgan sadoqati uchun topshirildi. Statuetkani Kruzga ayni paytda u bilan yangi film ustida ishlayotgan rejissor Aleksandro Gonsales Inyarritu taqdim etdi.

Mukofotni qabul qilib olar ekan, Tom Kruz uchun kino – dunyoni kezish va insonlarni chuqurroq tushunishning eng kuchli vositasi ekanini aytdi. Uning so‘zlariga ko‘ra, kino turli madaniyatlar orasidagi farqlarni qadrlashni o‘rgatadi, lekin odamlarni birlashtiradigan umumiy his-tuyg‘ular ham mavjud.

«Biz qayerdan bo‘lishimizdan qat’i nazar, kinoteatrda birga...

18-noyabr uchun valyuta kurslari e’lon qilindi. Shu kun uchun AQSh valyutasi 12 009,92 so‘m (-29,69 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

11-noyabr kuni dollar 12 014,94 so‘mga (-45,33 so‘m), 12-noyabr kuni 11 990,00 so‘mga (-24,94 so‘m), 13-noyabr kuni esa 11 972,35 so‘mga (-17,65 so‘m) tenglashdi. 14-noyabr kuni 11 985,10 so‘m (+12,75 so‘m), 17-noyabr uchun esa 12 039,61 so‘m (+54,51 so‘m) etib belgilandi.

Markaziy bank ma’lumotlariga ko‘ra, yevro 58,52 so‘mga tushib, 13 933,91 so‘mni, rubl esa 1,37 so‘mga tushib, 147,80 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

Hukumat tomonidan tasdiqlangan yangi tartibga ko‘ra, oziq-ovqat va qishloq xo‘jaligi mahsulotlariga beriladigan sanitariya-epidemiologik xulosa 3 yil muddat bilan rasmiylashtiriladi. Bu haqda Adliya vazirligi ma’lum qildi.

Reglamentga ko‘ra, chetdan olib kirilayotgan mahsulotlar uchun xulosa ularning yaroqlilik muddatiga qarab beriladi. Agar mahsulotning amal qilish muddati ko‘rsatilmagan bo‘lsa, xulosa muddat belgilanmasdan rasmiylashtiriladi.

Sanitariya-epidemiologik xulosa olish bir qator holatlarda majburiy hisoblanadi. Yangi mahsulot ishlab chiqarilishi yo‘lga qo‘yilganda, mavjud mahsulot tarkibi o‘zgartirilganda, texnologik jarayon yoki ishlab chiqarish konstruksiyalarida o‘zgarishlar bo‘lganda, tajriba tariqasida ishlab chiqarilgan mahsulotlarga, shuningdek, respublika hududiga olib kiriladigan barcha oziq-ovqat va qishloq xo‘jaligi mahsulotlariga.

Shuningdek, ilgari berilgan xulosaning amal qilish muddati tugaganida...

Geely 2026-yilgi Galaxy Starship 7 EM-i modelini 19-noyabr kuni Xitoyda taqdim etadi. Bu haqda CarNewsChina xabar bermoqda. Model Starry EM-i nomi bilan xalqaro bozorda ham sotiladi.

Model kompakt PHEV SUV bo‘lib, asosiy yangilik — barcha rusumlarda elektrda yurish masofasining oshirilganidir. Narxlar hozircha 97 800 – 130 800 yuan, ya’ni $13,4 – 17,9 ming atrofida.

2026-yilda bazaviy rusumning elektr yurish masofasi 55 km dan 130 km ga oshirilgan. Keyingi variant 135 km yuradi. Eng yuqori rusum esa 200 km masofani bosadi. Gibrid tizimda 1,5 litrli atmosferali dvigatel saqlangan. Uning quvvati 82 kVt. Elektr motor esa 160 kVt dan 175 kVt...

O‘zbekiston va Turkmaniston davlat rahbarlari ishtirokidagi kengaytirilgan muzokaralar yakunida Qo‘shma bayonot imzolandi. Bu haqda prezident matbuot xizmati xabar berdi.

Bundan tashqari, davlat rahbarlari huzurida quyidagi ikki tomonlama hujjatlarni almashish marosimi bo‘lib o‘tdi:

GWM 2026-yilda yangilangan Cannon pikaplar qatorini 21-noyabr kuni Guangzhou avtosalonida taqdim etadi. Bu haqda CarNewsChina xabar bermoqda.

Model qatori uch turdan iborat bo‘ladi. Ular yo‘lovchi uchun mo‘ljallangan Cannon, off-road Cannon va tijoriy Cannon. Har biri tashqi ko‘rinish, salon va texnik qism bo‘yicha alohida yangilanishlarga ega bo‘ladi.

Yo‘lovchi Cannon modeli Coffee OS 3 tizimi bilan ta’minlanadi. Bu tizim salon ichidagi texnologiya va ulanish imkoniyatlarini kuchaytiradi. Off-road Cannon modeli esa BorgWarner 4A+ MLock tizimiga ega bo‘ladi. Unda uchta differensial blokirovka mavjud bo‘lib, og‘ir yo‘llarda o‘tish qobiliyatini sezilarli oshiradi.

Tijoriy Cannon old qismida o‘zgarishga ega. Model ikki linzali LED faralar va qo‘shimcha...

Qozog‘iston prezidenti Qasım-Jomart Toqayevning Toshkentga tashrifi davomida ikki tomonlama hamkorlikning eng muhim yo‘nalishlari: gaz tranzitini oshirish, sanoat kooperatsiyasini kengaytirish, yuk tashish hajmlarini ko‘paytirish sohalari haqida muhokama qilindi.

Toqayev Rossiya, Qozog‘iston va O‘zbekiston gaz loyihasi muvaffaqiyatli davom etayotganini aytdi. Tomonlar yaqin kelajakda gaz tranziti hajmini oshirishni rejalashtirmoqda. Bundan tashqari, neft sanoati va atom energetikasi bo‘yicha hamkorlik imkoniyatlari ham kengaymoqda.

Bundan tashqari, O‘zbekiston va Qozog‘iston chegarasida tashkil etilayotgan Xalqaro sanoat kooperatsiyasi markazi savdo aloqalarini sezilarli kengaytirishi kutilmoqda. Mazkur loyiha ikki davlat o‘rtasida qo‘shma ishlab chiqarish va logistika imkoniyatlarini oshiradi.

Toqayev ta’kidlashicha, qurilish sohasi hamkorlikning eng jadal rivojlanayotgan segmentiga aylanmoqda. Qozog‘iston shirkatlari...

O‘zbekistonlik bloger Saidaazim Rizaev mashhur aktyor Uill Smitga milliy chopon va do‘ppi sovg‘a qildi. Bu haqda bloger Instagram sahifasida post joyladi.

Uchrashuv chog‘ida Saidaazim nafaqat milliy kiyimlarni sovg‘a qildi, balki Gollivud yulduzini O‘zbekiston hamda Markaziy Osiyoning boshqa go‘shalariga tashrif buyurishga taklif etdi.

Sovg‘ani topshirishdan avval u aktyorga o‘zining bolalikdan uning filmlaridan ilhom olganini aytib, bu milliy kiyimlarni hurmat va do‘stlik ramzi sifatida qabul qilishini umid qilganini bildirdi.

«Janob Smit, men sizning barcha filmlaringizni tomosha qilib ulg‘ayganman. Bu men uchun katta sharaf! Iltimos, bu sovg‘ani minnatdorchilik ramzi sifatida qabul qiling. Siz Beverli-Xillz shahzodasi bo‘lgansiz (aktyor rol...

Ko‘ksaroy qarorgohida Turkmaniston prezidenti Serdar Berdimuhamedovga O‘zbekistonning oliy davlat mukofoti – «Oliy Darajali Do‘stlik» ordeni topshirildi. Bu haqda davlat rahbari matbuot xizmati xabar berdi.

Marosimda Shavkat Mirziyoyev bu mukofot Turkmaniston rahbarining ikki davlat o‘rtasidagi do‘stlik va strategik hamkorlikni mustahkamlashga qo‘shgan katta hissasiga bo‘lgan yuksak hurmat ekanini aytdi.

«Siz otangiz, Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedovning ishini munosib davom ettirmoqdasiz. Mamlakatingizda xalq farovonligini ta’minlash uchun ishonchli poydevor yaratayotgan keng ko‘lamli loyihalar amalga oshirilmoqda», – dedi davlatimiz rahbari.

O‘z navbatida, Turkmaniston rahbari mukofot uchun minnatdorlik bildirib, ikki mamlakat o‘rtasidagi strategik sheriklikni yanada...

Huawei kompaniyasi rasmiy ravishda Mate 80 flagmanlar seriyasi va yangilangan buklanadigan Mate X7 smartfonining taqdimoti 25-noyabrga belgilanganini ma’lum qildi. Bu haqda Gizmochina nashri xabar berdi.

Taqdimot oldidan e’lon qilingan ilk tizer minimalistik uslubda bo‘lib, undagi ikki katta doira Mate 80’ning kamerasi va orqa paneldagi magnit elementga ishora qiladi. Shu bilan birga, Digital Chat Station qurilmaning haqiqiy ko‘rinishini ham e’lon qilgan.

Mate 80 seriyasidan nimani kutish mumkin

Yangi liniya quyidagi modellardan iborat bo‘lishi kutilmoqda: Mate 80, Mate 80 Pro, Mate 80 Pro Max va Mate 80 RS Master Edition.

Dastlabki ma’lumotlarga ko‘ra, barcha versiyalar yangi Kirin 9030 chipsetiga o‘tadi...

Apple o‘zining navbatdagi ultrayupqa smartfoni iPhone Air 2’ni 2027-yil bahorida chiqarishni rejalashtirmoqda. Bu haqda Gizmochina nashri xabar berdi.

Kompaniyaning keyingi avlod qurilmasi Apple’ning birinchi 2-nanometrli protsessori bilan jihozlanadi. Bu texnologiya smartfonning energiya samaradorligini oshirishi, quvvat zaryadi uzoqroq yetishini ta’minlashi va umumiy ishlashini yaxshilashi kutilmoqda.

Avvalroq iPhone Air birinchi avlodining sust savdo ko‘rsatkichlari tufayli yangi model noma’lum muddatga kechiktirilgani aytilgan edi. Keyinchalik bu ma’lumot aniqlashtirilib, kechikish atigi olti oy bo‘lgani, reliz sanasi kuzgi taqdimotdan 2027-yil bahoriga surilgani bildirilgan.

Dizayn jihatidan iPhone Air 2’da keskin o‘zgarish bo‘lishi kutilmaydi. Apple kichik funksional yangilanishlarni kiritadi va asosiy e’tiborni batareya ishlash muddatini uzaytirishga qaratadi...

Shavkat Mirziyoyev va Serdar Berdimuhamedov «Shovot-Toshhovuz» qo‘shma chegaraoldi savdo zonasining ochish marosimida ishtirok etdi. Bu haqda davlat rahbari matbuot xizmati xabar berdi.

Mazkur hududda direksiya, bojxona, karantin, fitosanitariya va veterinariya xizmatlari uchun zarur barcha ma’muriy binolar, savdo pavilyoni va omborlar joylashtirilgan. Bu yerda davlat xizmatlari «yagona darcha» tamoyili asosida ko‘rsatiladi. Shuningdek, interfaol tizimlar, bank va tibbiyot xizmatlari, mehmonxona uchun infratuzilma hamda katta avtoturargoh tashkil etilgan.

Umuman olganda, zona umumiy aholisi 3,5 milliondan ziyod bo‘lgan ikkita muhim hudud — Xorazm va Toshhovuz viloyatlari o‘rtasidagi savdo aloqalarini kengaytirishga xizmat qiladi.

Davlatlar o‘rtasidagi savdo hajmi $2 milliardga yetkaziladi

Davlat rahbarlari...

Ilon Mask Tesla’ning odamsimon roboti Optimus uchun keyingi avlod qo‘li haqida batafsil ma’lumot berdi. Bu haqda Humanoids Daily nashri xabar berdi.

Uning aytishicha, yangi qo‘l versiyasi mexanik murakkablik bo‘yicha hozirgi modeldan keskin farq qiladi — konstruksiyada qariyb 50 ta aktuator (harakatlantiruvchi mexanizm) bo‘ladi. Maskning ta’kidlashicha, robotga nozik va yuqori aniqlik talab qilinadigan vazifalarni bajarish imkonini beradi.

O‘zgarish miqyosi katta, ya’ni, 2025-yilda namoyish etilgan «V2.5» prototipi atigi 17 ta aktuatorga ega edi, ular hammasi bilak qismiga joylashtirilgan edi. Ba’zi ekspertlar Tesla avvalgi taqdimotlarda aynan eskirgan modelni ko‘rsatganini, zamonaviy yechimlarni esa raqobatchilardan yashirgan bo‘lishi mumkinligini aytmoqda. Yangi Optimus V3 prototipi 2026-yilning...

Zeekr kompaniyasi 2025-yilning uchinchi choragida $4,4 mlrd daromad ko‘rdi. Chorak davomida o‘sish 15,1 foizni tashkil qildi.

Hisobotga ko‘ra, tayyor avtomobillar savdosidan tushgan daromad $3,73 mlrdga tenglashgan. Bu ko‘rsatkich yil davomida 7,3 foizga, chorak davomida esa 15,8 foizga ko‘tarildi.

Shu bilan birga, kompaniya uchinchi chorakda $43 mln miqdorida sof zarar qayd etdi. Bu o‘tgan yilga nisbatan 84,9 foizga kam, lekin oldingi chorakka nisbatan 7 foizga ko‘p.

Uchinchi chorakda jami 140 195 ta avtomobil yetkazib berildi. Bu yil davomida 12,5 foizga, chorak bo‘yicha esa 7,1 foizga o‘sish demakdir.

Zeekr 52 860 ta avtomobil yetkazdi. Lynk & Co esa 87 335 ta...

O‘zbekiston prezidenti Shavkat Mirziyoyev va Turkmaniston prezidenti Serdar Berdimuhamedov Xiva shahrida uchinchi Hududlar forumini o‘tkazishga kelishib oldi. Bu haqda davlat rahbarlarining 17-noyabr kuni Ko‘ksaroyda o‘tkazilgan tor doiradagi muzokaralarida ma’lum qilindi.

Shuningdek, uchrashuvda tomonlar savdo, energetika, transport, mashinasozlik, qishloq xo‘jaligi va suv xo‘jaligi sohalarida samarali kooperatsiyani rivojlantirishga alohida e’tibor qaratdi.

O‘tgan yili davlatlar o‘rtasidagi tovar ayirboshlash hajmi $1 milliarddan oshgan. Shu bilan birga, yuk tashish hajmi ham ortib bormoqda, xususan, Turkmanboshi porti orqali tashishlar faollashgan.

Muzokaralar yakunida hududlararo aloqalarni kuchaytirish muhimligi ta’kidlanib, Xiva shahrida uchinchi Hududlar forumini o‘tkazishga qaror qilindi.

Eslatib o‘tamiz, joriy yilning to‘qqiz oyida O‘zbekiston...

Kaliforniya federal sudi Apple Masimo kompaniyasiga $634 mln kompensatsiya to‘lashini belgiladi. Bu haqda Reuters xabar bermoqda.

Ma’lumotlarga ko‘ra, Apple Watch’dagi mashg‘ulot rejimi va yurak urishi bo‘yicha ogohlantirish funksiyalari Masimo patentini buzgan. Apple esa qarorga e’tiroz bildirib, apellyatsiya berishini ma’lum qildi.

«Innovatsiyalarimizni himoya qilishdagi muhim g‘alaba», – deya qayd etgan Masimo vakillari.

Patent mojarosi Apple va Masimo o‘rtasida 2023-yildan buyon davom etib keladi. Masimo Apple’ni o‘z xodimlarini yollaganlikda va texnologiyasini Apple Watch uchun o‘zlashtirganlikda ayblagan. Mojaro sabab AQSh Savdo tribunali Apple Watch Series 9 va Ultra 2 importini taqiqladi.

Shundan so‘ng Apple soatdagi qon...

Apple kelasi yilda o‘zining birinchi bukiladigan smartfonini taqdim etishi kutilmoqda. WSSF ma’lumotiga ko‘ra, iPhone Fold deb atalishi mumkin bo‘lgan model 5400 – 5800 mA/soat sig‘imli akkumulyator bilan sinovdan o‘tkazilmoqda.

Agar kompaniya yuqori variantni tanlasa, bu iPhone tarixidagi eng katta batareya bo‘ladi.

Fold o‘lcham jihatidan ham Apple smartfonlari orasida eng kattasi bo‘lishi aytilmoqda. Qurilmaning aniq vazni haqida ma’lumot yo‘q, ammo Apple odatda og‘irlikni kamaytirishga unchalik e’tibor bermaydi.

Manbaning aytishicha, yaqinda tarqalgan iPhone 18 Pro Max qalinlashishiga oid xabarlar noto‘g‘ri bo‘lishi mumkin. Gap aslida bukiladigan modelning qalinligi haqida ketmoqda. Agar Air 2 chiqarilsa, u ham hozirgi avloddan qalinroq bo‘lishi aytilgan.

Eslatib...

AQSh Davlat departamenti «Kartel de los Soles» guruhini xorijiy terroristik tashkilotlar ro‘yxatiga kiritishini ma’lum qildi. Bu haqda CNN nashri xabar bermoqda.

Ta’kidlanishicha, guruhga Venesuela prezidenti Nikolas Maduro va bir qator yuqori martabali amaldorlar rahbarlik qiladi. AQSh Davlat departamenti bayonotiga ko‘ra, «Kartel de los Soles», «Tren de Aragua» va «Sinaloa» kartellari butun qit’a bo‘ylab terroristik harakatlar hamda AQSh va Yevropaga noqonuniy narkotrafik uchun javobgar.

So‘nggi haftalarda AQSh Karib dengizi mintaqasida harbiy ishtirokini kengaytirgan. Kartelning terroristik tashkilot sifatida tan olinishi AQSh kuchlariga Venesueladagi Maduro aktivlariga zarba berish imkonini yaratadi.

Avvalroq Kursiv Uzbekistan Venesuelada harbiy safarbarlik e’lon qilingani haqida xabar bergan...

SpaceX kompaniyasi Oyga tarixiy parvoz bo‘yicha yangi muddatlarni belgiladi. Unga ko‘ra, Starship kosmik kemasining birinchi bepilot qo‘nishi 2027-yil iyun oyiga mo‘ljallanmoqda.

Kompaniya undan keyin odamlar ishtirokidagi missiyani 2028-yil sentabrida amalga oshirishni reja qilgan.

Ammo bu rejalar bitta muhim shartga bog‘liq: orbital yo‘lda kosmik yoqilg‘i quyish texnologiyasining muvaffaqiyati. SpaceX 2026-yil iyun oyida ikki Starship orasida orbital yoqilg‘i uzatishni sinovdan o‘tkazmoqchi.

Bu texnologiya uzoq masofali parvozlar uchun hal qiluvchi ahamiyatga ega – Oyga yo‘lga chiqadigan modifikatsiya kema to‘liq yoqilg‘i bilan jo‘nab, qaytishga ham zaxira ega bo‘lishi kerak.

Texasdagi Starbase yonida yaqinda SpaceX logosi tushirilgan yirik sinov qurilmasi paydo bo‘lgani ham...

Toyota yangi Land Cruiser’ni ishlab chiqmoqda. Bu zamonaviy pikap bo‘lib, orqa o‘rindiqlardagi yo‘lovchilar uchun qulaylik oshirilgan va shahar sharoitida foydalanishga mo‘ljallangan, deya xabar bermoqda BestCarWeb.

Land Cruiser oilasida dastlab uchta asosiy model: universal – Land Cruiser 300, og‘ir terenik – Land Cruiser 70 va yengil terenik – Land Cruiser 250 mavjud bo‘lgan. Barchasi ramkali konstruksiyaga ega edi. Yangi Pickup esa to‘rtinchi asosiy model bo‘lib, ramkaga ega bo‘lmagan tashuvchi korpusga ega. Bu kengroq korpus va katta yukxona yaratishga imkon beradi.

Prototip EPU 2023-yilda Japan Mobility Show’da namoyish etilgan. Avtomobil besh o‘rinli, ikkita o‘rindiq qatori bilan, o‘lchamlari...

Samarqandda Damas va Onix to‘qnashishi oqibatida bir kishi vafot etdi. Bu haqda viloyat YXHB xabar bermoqda.

2025-yil 15-noyabr kuni soat 14:05 larda Samarqand shahar Al-Xorazmiy nomidagi mahallada YTH sodir bo‘ldi. Hodisa Nodirabegim va Cho‘lpon ko‘chalari kesishmasida qayd etildi.

Damas haydovchisi chap tomonga ikkinchi darajali yo‘lga burilish vaqtida qarama-qarshi tomondan kelayotgan Onix avtomobilini o‘tkazib yubormagan. Haydovchi yo‘lga chiqib ketgach, ikki mashina to‘qnashgan.

To‘qnashuv oqibatida Damas avtomobilidagi ikki yo‘lovchi shifoxonaga yotqizilgan. Shunga qaramay, ulardan biri ko‘rsatilgan tibbiy yordamga qaramasdan vafot etgan.

Holat bo‘yicha Samarqand shahar IIO FMB tomonidan jinoyat ishi qo‘zg‘atildi. Dastlabki tergov davom etmoqda.

Eslatib o‘tamiz, Kursiv Uzbekistan nashri O‘zbekistonda...

Huawei kompaniyasi Aito M8 avtomobili 200 kun ichida 120 ming dona sotilganini ma’lum qildi. Model to‘liq elektr va gibrid ko‘rinishda taklif etilmoqda.

Aito M8 5 yoki 6 o‘rinli konfiguratsiyada chiqariladi. Salonida nappa charm, zamsha va yog‘och panellar qo‘llangan. Avtomobil «nol gravitatsiya» kreslolari bilan jihozlanadi, haydovchi o‘rindig‘i esa oyoq tayanchi bilan to‘ldirilgan.

Gibrid versiya 1.5 litrli turbomotor va umumiy quvvati 533 ot kuchiga teng elektr motorlariga ega. Batareya sig‘imi 37 yoki 53,4 kVt/soat bo‘lib, faqat elektrda 201 yoki 310 km (CLTC), umumiy yurish masofasi esa 1405 yoki 1526 km.ni tashkil qiladi.

To‘liq elektr versiya Huawei ishlab chiqqan 308 yoki...

Toshkent shahrida havo ifloslanish darajasi yana yuqori ko‘rsatkichni qayd etdi. Bu haqda Gidrometeorologiya xizmati agentligi xabar berdi.

Toshkent shahrida soat 09:00 dagi avtomatik monitoring stansiyalari ma’lumotiga ko‘ra, PM2.5 zarrachalar miqdori ruxsat etilgan me’yordan sezilarli darajada oshgan.

17-noyabr natijalariga ko‘ra:

Xabarga ko‘ra, havo sifatining bunday keskin yomonlashishiga haroratning o‘zgarishi sabab bo‘lgan. Bu kabi sharoit inversiya jarayonini keltirib chiqarib, mayda zarrachalarning havoda to‘planishiga olib keladi. Shu sababli agentlik aholiga ochiq havoda harakatni kamaytirish, iloji bo‘lsa uyda qolish va tashqariga chiqqanda niqob taqish tavsiya...