Kredit karta nima va undan qanday foydalanish mumkin?

Kredit karta – bu bugun xarid qilib, keyinroq hisob-kitob qilish imkoniyati. Qo‘lingizda bunday karta bo‘lsa, muhim qarorlarni darhol qabul qilishingiz mumkin: masalan, maishiy texnikani yangilashni kechiktirmaslik, foydali takliflarni o‘tkazib yubormaslik va avans yoki maoshni kutmaslik.

Undan qanday foydalanish mumkin

Kredit kartasini rasmiylashtirganingizda bank arizangizni ko‘rib chiqadi va ma’qullangan taqdirda siz uchun kredit limitini belgilaydi. Bu o‘z xohishingizga ko‘ra foydalanishingiz mumkin bo‘lgan summa hisoblanadi. Limit daromadingiz, kredit tarixingiz va boshqa omillar asosida shakllanadi. Ariza tasdiqlangach, siz kredit kartasini olasiz. Karta faollashtirilganidan so‘ng mablag‘lardan foydalanish imkoniyati ochiladi. Ulardan oflayn va onlayn xaridlar, shuningdek, naqd pul yechib olish hamda pul o‘tkazmalari uchun foydalanish mumkin. Kredit kartalarining yana bir xususiyati — imtiyozli davr. Odatda bu 55 kungacha davom etadi va faqat tovar hamda xizmatlar uchun to‘lovlarga, shu jumladan, onlayn to‘lovlarga tatbiq etiladi. Naqd pul yechib olish va pul o‘tkazmalari imtiyozli davrga kirmaydi. Ularga tranzaksiya amalga oshirilgan kundan boshlab foizlar hisoblanadi va qo‘shimcha komissiya olinishi mumkin. Ko‘pincha bu komissiya 3 foizgacha yetadi. Barchasi bank shartlariga bog‘liq. Imtiyozli davr ikki bosqichga bo‘linadi.

• Hisobot davri — bank tomonidan belgilangan muayyan sanada, masalan, har oyning 1-kunida boshlanadi va 28 kundan 31 kungacha davom etadi. Bu vaqt oralig‘ida amalga oshirilgan barcha xaridlar bitta hisobot davriga kiritiladi.
• To‘lov davri — hisobot davri tugagandan so‘ng boshlanadi va 25 kungacha davom etadi. Bu muddat ichida butun summani foizsiz so‘ndirish yoki minimal to‘lovni amalga oshirish mumkin.

Umuman olganda, sizda 55 kungacha foizsiz muddat bo‘lishi mumkin. Ammo shuni tushunish muhimki, bu muddat bank tomonidan belgilangan sanadan, masalan, 1-maydan boshlab hisoblanadi. Agar kartadan keyinroq, aytaylik, 10-may kuni foydalansangiz, ushbu summa bo‘yicha imtiyozli davr 55 kun emas, 45 kun bo‘ladi. Chunki hisobot davri baribir 31-may kuni yakunlanadi.

Yodda tutish muhim

• Agar imtiyozli davr tugagunga qadar barcha summani qaytarishga ulgursangiz, xaridlar uchun foiz hisoblanmaydi.
• Agar qarzning faqat bir qismi, ya’ni minimal to‘lovni qaytarsangiz, bank to‘lanmay qolgan summaga foiz hisoblaydi.
• Naqd pul yechib olish va kartadan kartaga pul o‘tkazish uchun imtiyozli davr amal qilmaydi.

Oddiy hisob-kitob

Tasavvur qiling: sizga 10 million so‘m limitga ega kredit karta ma’qullandi. Oy boshida siz 7 million so‘mga muzlatkich sotib olishga qaror qildingiz va to‘lovni shu karta orqali amalga oshirdingiz. Xariddan so‘ng kartangizda darhol 3 million so‘m mavjud limit qoladi. Zarurat tug‘ilganda undan ham foydalanish mumkin. Keyin imtiyozli davr boshlanadi. Aytaylik, u keyingi oyning 25-sanasigacha davom etadi. Bu sizda kredit karta orqali birinchi xaridni amalga oshirgan kundan boshlab 55 kungacha vaqt borligini anglatadi. Shu muddat ichida sarflangan 7 million so‘mni bankka foizsiz qaytarishingiz mumkin. Agar belgilangan muddatga ulgurib, summani to‘liq so‘ndirsangiz, hech qanday ortiqcha to‘lov bo‘lmaydi. Masalan, keyingi oyda maosh olasiz, qarzdorlikni so‘ndirasiz va kartadagi butun limit yana foydalanish uchun ochiladi. Hammasi oddiy: kerakli narsani kerakli paytda sotib oldingiz, to‘lovni esa biroz keyinroq va ortiqcha xarajatlarsiz amalga oshirdingiz. Eng muhimi – muddatlarni yodda tutish va imtiyozli davr tugagunga qadar hisobot bo‘yicha qarzdorlikning to‘liq summasini to‘lash.

Agar siz shartlari tushunarli bo‘lgan kartani qidirayotgan bo‘lsangiz

O‘zbekistonda kredit kartalari bozor uchun yangi mahsulot hisoblanadi. TBC Bankning TBC Osmon kartasi esa bunday kartalarning dastlabkilaridan biridir. Uni ko‘pincha shaffof qoidalari uchun tanlashadi: xaridlar uchun 55 kungacha foizsiz davr, ilova orqali komissiyasiz to‘ldirish, bepul chiqarish va yetkazib berish. Bularning barchasi uni kredit karta imkoniyatlaridan qulay va ishonch bilan foydalanishni istaganlar uchun yaxshi tanlovga aylantiradi. Shuni yodda tutish kerakki, foiz stavkasi individual tarzda hisoblanadi. U kredit tarixingiz va bank tomonidan o‘rganiladigan boshqa ma’lumotlarga bog‘liq. Shu sababli kartani rasmiylashtirishdan oldin TBC Osmon kredit kartasining barcha shartlari bilan quyidagi havola orqali tanishib chiqish muhim: https://tbcbank.uz/ru/cards/credit-card/.