Klublar o‘rtasidagi Jahon Chempionati G guruhidan o‘rin olgan 2-tur «Manchester Siti» — «Al-Ayn» jamoalari o‘rtasidagi bahsda nominal mezbonlar g‘alaba qozondi. Abduqodir Husanov ushbu bahsni asosiy tarkibda boshladi.
Birinchi taymning 8-daqiqasida Gundogan qanotdan darvozabonning ustidan to‘pni oshirib hisobni ochdi.
27-daqiqada esa jamoaning argentinalik yarimhimoyachisi Klaudio Echeverri jarima zarbasidan keyin farqni ikkitaga yetkazdi.
Birinchi taymnga qo‘shib berilgan 2-daqiqasida hakam «Al-Ayn» jarima maydonchasida Manuel Akanjiga nisbatan qo‘pollik qayd etdi va mehmonlar darvozasiga penalti belgiladi.
Nuqtaga yaqin kelgan Erling Holland mo‘ljalda adashmadi.
O‘yinning 58-daqiqasida raqibga qarshi qo‘pollik uchun Abduqodir Husanovga sariq kartochka ko‘rsatildi. 62-daqiqada esa uni Oskar Bobb bilan almashtirishdi.
Bahsning 73-daqiqasida Gundogan dubl qayd etdi va hisobni yirik ko‘rinishga olib keldi.
Oskar Bobb 84-daqiqada hisobni 5:0 ko‘rinishiga keltirdi va hisob yanada yiriklashdi.
O‘yinning 89-daqiqasida Rayan Cherki ajoyib zarba bilan hisobni yanada yiriklashtirdi.
Klublar o‘rtasidagi Jahon Chempionati G guruhida 3-turda «Manchester Siti» «Yuventus»ga qarshi maydonga tushadi.
Avvalroq Kursiv Uzbekistan Abduqodir Husanov o‘ynamagan bahsda «Manchester Siti» g‘alaba qozongani haqida yozgan edi.
