Oppo budjet toifasidagi Oppo K13x 5G smartfoni uchun ikki yangi rang variantini e’lon qildi. Bu haqda Gizmochina xabar bermoqda.
Kompaniya ma’lumotiga ko‘ra, Mist White rangi cheklangan seriyada ishlab chiqariladi. Ushbu rang nafis ko‘rinish beradi. Breeze Blue rangli versiyasi esa avvalgi K12x 5G modelida 1,7 mln foydalanuvchi orasida mashhurlikka erishgan. Ushbu rang endi K13x 5G‘da ham taqdim etilmoqda.
Oppo K13x 5G 6,67 dyuymli HD+ LCD displeyga ega. Model 120 Hz yangilanish tezligi va 1000 nit yorqinlikni qo‘llab-quvvatlaydi. Qurilma MediaTek Dimensity 6300 protsessorida ishlaydi va 4 GB, 6 GB yoki 8 GB tezkor xotira hamda 128 GB doimiy xotira bilan taqdim etiladi. Batareya sig‘imi 6000 mA/soat bo‘lib, 45 Vt tezkor quvvatlashni qo‘llaydi.
Kamera tizimi 50 MP asosiy va 2 MP qo‘shimcha sensorlardan, old kamera esa 8 MP datchikdan iborat. Smartfon yon tomonga joylashtirilgan barmoq izi skaneri, 5G tarmog‘i, Wi-Fi 5, Bluetooth 5.4 va USB-C port bilan jihozlangan.
Narxlar:
| Mahsulot | Narx (USD) |
|---|---|
| Oppo K13x 5G (4GB+128GB) | $0,73 |
| Oppo K13x 5G (6GB+128GB) | $0,79 |
| Oppo K13x 5G (8GB+128GB) | $0,91 |
Eslatib o‘tamiz, Kursiv Uzbekistan 7000 mA/soat batareyaga ega Oppo A6 Pro taqdim etilgani haqida yozgan edi.
Qurilma OLED ekran bilan jihozlangan. 6,57 dyuym, Full HD+ aniqlik va 120 Hz yangilanish chastotasiga ega. Ekran 100% DCI-P3 rang makonini qamrab oladi, PWM chastotasi esa 2160 Hz.
