General Motors kompaniyasi Ekvador bozorida Chevrolet Captiva EV’ning 2026-yilgi elektr versiyasini rasman namoyish qildi. Bu haqda Tarantas News nashri xabar berdi.
Ushbu model mamlakatda sotuvga chiqarilgan Chevrolet’ning to‘rtinchi to‘liq elektr avtomobili bo‘lib, u Blazer EV, Equinox EV va Spark EUV’dan keyin qatorga qo‘shildi.
Chevrolet Captiva EV 2026 Ekvadorda faqat Premier komplektatsiyasida taklif etiladi. Ushbu versiya ikki rangli tashqi dizayni — qora tom, qoraytirilgan bezaklar, shuningdek, o‘z sinfidagi eng to‘liq texnologik va xavfsizlik yechimlari bilan ajralib turadi.
Elektr krossover old o‘qqa o‘rnatilgan 201 ot kuchiga ega elektromotor bilan jihozlangan. U 60 kVt·soat sig‘imli litiy-temir-fosfat (LFP) batareya bilan ishlaydi. Batareya tezkor doimiy tok orqali quvvatlashni qo‘llab-quvvatlaydi va CLTC sikliga ko‘ra 510 km (317 mil) masofani bir zaryad bilan bosib o‘tishni ta’minlaydi.
Chevrolet Captiva EV uchun Ekvadorda 8 yil yoki 160 ming km masofaga mo‘ljallangan uzatma kafolati taqdim etiladi. Modelning rasmiy narxi $30 990 etib belgilangan.
Avvalroq Kursiv Uzbekistan Chevrolet’ning 90-yillar afsonasi rekord narxda sotilgani haqida yozgandi.
