Chevrolet’ning 2026-yilgi Chevrolet Blazer elektromobili bir qator yangilanishlar bilan chiqadi. Bu haqda GMAutority ma’lum qildi.
Nashrning ta’kidlanishicha, modelda kuzov ranglaridan biri buyurtma uchun yopilgan. Galaxy Gray Metallic (GJY kodi) rangi muddatidan oldin ishlab chiqarishdan chiqarildi. Bunday holatda rang odatda keyingi model yilida qaytmaydi. Uning o‘rniga yangi rang qo‘shilishi mumkin.
Galaxy Gray Metallic krossover 2024-yilda sotuvga chiqqanidan beri taklif qilinayotgan edi. Rang LT va RS komplektatsiyalarida mavjud bo‘lgan. Sport versiyasi bo‘lgan SS’da esa u taklif qilinmagan.
Dilerlar 2026-yilgi Blazer EV’ni Galaxy Gray rangida buyurtma qabul qila olmaydi. Ushbu rang bekor qilinishidan oldin model jami sakkiz xil kuzov rangida taklif etilayotgandi. Ularning aksariyati kontrast tom varianti bilan birga mavjud edi.
2026-yilgi Blazer EV’da yana bir muhim o‘zgarish bor. RS versiyasining orqa g‘ildirakdan tortuvchi varianti bekor qilingan.
Model General Motors ishlab chiqqan BEV3 platformasiga asoslanadi. Ishlab chiqarish esa Meksikadagi GM Ramos Arizpe zavodida amalga oshiriladi.
Qanday ranglarda chiqadi:
| O‘zbekcha rang nomi | LT | RS | SS |
|---|---|---|---|
| Oq | ✅ | ✅ | ✅ |
| Qora | ✅ | ✅ | ✅ |
| Kulrang | ✅ | ✅ | ✅ |
| Nilobi | ✅ | ✅ | ✅ |
| Qirmizi | ✅ | ✅ | ✅ |
| To‘lqin ko‘k | ✅ | ✅ | ✅ |
| Lojuvard | ✅ | ✅ | ❌ |
Eslatib o‘tamiz, Kursiv Uzbekistan nashri Yangi Chevrolet Onix 2026 qanday xususiyatlarga ega ekani haqida yozgan edi.
