Xitoyning Xpeng kompaniyasi Xpeng Land Aircraft Carrier nomli olti g‘ildirakli elektr minivenini ishlab chiqarishga tayyorlanmoqda. U shahar tirbandliklariga yechim sifatida mo‘ljallangan, deya yozmoqda Car & Driver.
Miniven sinov ishlab chiqarish bosqichida bo‘lib, bir zaryad bilan 600 milya (965 km) masofani bosib o‘tish imkoniyatiga ega. Orqa eshiklari avtobus uslubida va to‘rtta o‘rindiq mavjud. Eng qiziqarli jihati shundaki, miniven ichida olti rotorli dron mavjud bo‘lib, u insonni ko‘tarib, havoga uchira oladi. Dron avtomatik yoki haydovchi boshqaruvi bilan ishlaydi va minivenning yopiq yuk bo‘limida saqlanganda zaryadlanadi.
Xpeng Land Aircraft Carrier’ni ishlab chiqarish 2026-yil oxirida rejalashtirilgan. Kompaniya Yevropadagi zavod tayyorligini bildirgan, sinov ishlab chiqarish modellari allaqachon tayyorlanmoqda. Shuningdek, kompaniya boshqaruv jamoasini dronni uchirishni o‘rganishga topshiriq bergan.
Minivenning dron qismini Xpeng’ning Aridge sho‘ba kompaniyasi ishlab chiqadi. Rotorlar bukiladigan va bir tugma bilan chiqariladigan funksiyaga ega. Uzoq masofaga uchish uchun tilt-rotorli uchuvchi qurilma ustida ham ishlanmoqda.
Ushbu loyiha mobility texnologiyasidagi ilg‘or yechim sifatida baholanmoqda. Garchi ishlab chiqarish va litsenziya masalalari murakkab bo‘lsa-da, Xpengning Land Aircraft Carrier modeli shahar tirbandliklariga qarshi zamonaviy va noyob yechim sifatida ko‘rilmoqda.
Eslatib o‘tamiz, avvalroq Xpeng G6 avtomobili qanday imkoniyatlar bilan taqdim etilishi haqida yozgan edik.
