Chevrolet 2027-yilgi Chevrolet Equinox EV modeli uchun ichki salonda yangi yangilanish tayyorlamoqda. Ma’lumotlarga ko‘ra, asosiy o‘zgarish ambient (rangli) yoritish tizimiga tegishli bo‘ladi.
Yangi model katta o‘zgarishlarni emas, balki carryover, ya’ni avvalgi dizaynni saqlagan holda kichik takomillashtirishlarni o‘z ichiga oladi. Shunga qaramay, ambient yoritish tizimidagi yangilanish salonni yanada zamonaviy ko‘rinishga olib kelishi kutilmoqda.
Hozircha aniq texnik tafsilotlar to‘liq ochiqlanmagan, biroq kompaniya tizimni qayta ko‘rib chiqayotgani tasdiqlangan.
Ranglar va yoritish zonalari kengayishi mumkin
Hozirgi Chevrolet Equinox EV modelida C70 kodi ostidagi multi-rang ambient yoritish mavjud bo‘lib, u LT2 va RS trimlarida standart, LT1 versiyada esa mavjud emas.
Yangi yangilanish quyidagilarni o‘z ichiga olishi mumkin:
- qo‘shimcha rang variantlari;
- footwell (oyoqlar joyi) yoritilishi;
- salon ichida kengaytirilgan yoritish zonalari.
Ayni paytda footwell yoritish faqat diler orqali qo‘shimcha aksessuar sifatida o‘rnatiladi.
Agar bu yangilik ishlab chiqarish bosqichiga to‘liq kiritilsa, xaridorlar zavoddan chiqayotgan avtomobilda yanada premium ichki muhitga ega bo‘lishadi.
GM EV strategiyasining bir qismi
Ushbu yangilanish General Motors’ning BEV3 platformasidagi elektr avtomobillar liniyasini yangilab borish strategiyasiga mos keladi.
Chevrolet Equinox EV kompaniya uchun muhim model hisoblanadi, chunki u arzonroq elektromobil segmentida kuchli raqobatchi sifatida pozitsiyalangan.
Avvalroq Kursiv Uzbekistan Chevrolet Equinox avtomobilining tormoz tizimi yangilanishi haqida yozgandi.
