Kunning boshlanishi juda ziddiyatli va notinch bo‘ladi. Katta rejalar tuzgan odamlarga bu vaqt o‘ylagan narsalari tez orada amalga oshadi, degan soxta umidlar berishi mumkin. Afsuski, bunday bo‘lmasligi ehtimoli katta, chunki yo‘lda qiyinchiliklar paydo bo‘ladi va ularni yengish uchun ancha vaqt sarflashga to‘g‘ri keladi. Quyida burjlar bo‘yicha 12-sentabr uchun munajjimlar bashoratini taqdim etamiz.
Qo‘y (21.03 – 20.04)
Muhim qarorlar qabul qilish uchun yaxshi kun. Ba’zilar uzoq muddatli rejalar tuzishlari mumkin. Bugun hech kim burj vakillariga o‘z nuqtayi nazarini o‘tkazishi yoki ularni muhim maqsad va g‘oyalardan voz kechishga majbur qilishi dargumon.
Aksincha, ko‘plar kerakli natijalarga erishish uchun havas qilsa arziydigan ixtirochilikni namoyish etadi. Ularning ko‘pchiligi do‘stlari yordamida o‘zlarining ayniqsa dadil niyatlarini amalga oshirishga muvaffaq bo‘ladi va bu e’tibordan chetda qolmaydi.
Buzoq (21.04 – 20.05)
Siz kunning birinchi yarmida barcha muhim ishlarni hal qilishga harakat qilishingiz kerak, chunki bu vaqt ayniqsa qulay bo‘ladi. Yaxshi g‘oyalar paydo bo‘lishi mumkin, ba’zilarga esa intuitsiya qanday harakat qilish kerakligini aytadi.
Taxminan kunduzgi soat uchgacha moliyaviy masalalarni hal qilish yoki xarid qilish kerak. Shuningdek, bu vaqt muhim hujjatlarni tuzish, o‘qish, shuningdek, tajribasi va bilimi sizga kerak bo‘lishi mumkin bo‘lgan odamlar bilan muloqot qilish uchun mos keladi.
Egizaklar (21.05 – 21.06)
Kun boshida nizolardan qochishga harakat qiling. Bu muloqot nuqtai nazaridan ancha qiyin vaqt, ayniqsa, o‘z fikrini sir saqlashga odatlanmaganlar uchun. Burj vakillari ancha keskin gapirishga moyil bo‘ladi va bu hatto eng yaqin insonlar bilan muloqotda ham qiyinchiliklarga sabab bo‘lishi mumkin.
Bundan tashqari, kun boshida kutilmagan moliyaviy muammolar yoki amaliy xarakterdagi qiyinchiliklar yuzaga kelishi mumkin. Har qanday holatda ham shuni yodda tutingki, hozir vaziyatni birdaniga tubdan o‘zgartirishga urinmasdan, ehtiyotkorlik bilan harakat qilish muhim.
Qisqichbaqa (22.06 – 22.07)
Kunning boshlanishi muloqot nuqtayi nazaridan ancha murakkab bo‘ladi. Ko‘plar odatdagidan ko‘ra tez xafa bo‘ladigan va ko‘ngli nozik bo‘ladi, shu sababli yaqinlari bilan til topishish ancha qiyin bo‘ladi.
Bundan tashqari, ilgari sizga yordam berishni va’da qilgan odamlar o‘z so‘zlarida tura olmaydi. Shu sababli ko‘p ishlarni mustaqil bajarishga to‘g‘ri keladi. Albatta, bundan kayfiyatingiz yaxshilanmaydi, chunki siz ba’zi muammolarni hal qilish uchun kutganingizdan ko‘ra ko‘proq vaqt sarflaysiz. Ba’zilar buning uchun hatto rejalashtirilgan ba’zi ishlardan voz kechishga majbur bo‘ladi va bu ularni xursand qilmasligi aniq.
Arslon (23.07 – 23.08)
Ertalabdan jiddiy qarorlar qabul qilmagan ma’qul. Ko‘plar uchun bu paytda diqqatni jamlash va vaziyatni to‘g‘ri baholash qiyin bo‘ladi. Burj vakillari ba’zi hissiy noqulayliklarni, noaniq xavotirni his qilishlari mumkin va bu ularga vaziyatda mo‘ljal olishga va to‘g‘ri strategiyani tanlashga xalaqit beradi.
Bundan tashqari, yaqin odamlar bilan munosabatlarda qiyinchiliklar yuzaga kelishi ehtimoldan xoli emas. Qandaydir eski muammolar esga tushishi mumkin va ularni hal qilish uchun boshqa barcha ishlarni keyinga qoldirishga to‘g‘ri keladi.
Parizod (24.08 – 22.09)
Kunning boshlanishi oson bo‘lmaydi. Bu vaqtga qandaydir muhim ishlarni rejalashtirganlar uchun vaziyat unchalik yaxshi bo‘lmasligi mumkin. Burj vakillariga natijaga erishish uchun ko‘p kuch sarflashga to‘g‘ri keladi, buning ustiga ular bundan unchalik qoniqmaydi.
Eski tanishlaringizdan birining ishlaringizga aralashuvi kutilmagan va noo‘rin bo‘lishi mumkin. Ehtimol, bu odamlar yordam berishga harakat qilishadi, lekin oxir-oqibat sizga qo‘shimcha qiyinchiliklar tug‘dirishadi. Siz umid bog‘lashga o‘rganib qolgan ittifoqchilar esa o‘z vaqtida qo‘llab-quvvatlay olmaydi.
Tarozi (23.09 – 23.10)
Yaxshi g‘oyalar kun boshida paydo bo‘ladi. Burjning ko‘plab vakillari aynan shu paytda rejalarini belgilab oladi va yaqin kelajakda ularni amalga oshirishga e’tibor qaratadi.
Bu davrda siz o‘z fikr-mulohazalaringizda ayniqsa erkin bo‘lasiz, boshqalarning fikriga suyanmaysiz va shuning uchun ham qandaydir jiddiy xatolarga yo‘l qo‘ymaysiz. Moliya yoki karyerangiz rivojiga oid muhim savollarga javob topishingiz ehtimoldan xoli emas. Ba’zilar darhol yangi yo‘nalishda harakat qilishni xohlashadi. Ammo buning uchun sharoit unchalik qulay emas, shuning uchun sabr qilish kerak.
Chayon (24.10 – 22.11)
Ilgari nafaqat sizni, balki atrofdagilarni ham boshi berk ko‘chaga kiritib qo‘ygan ko‘plab murakkab masalalarni kun boshida hal qilish mumkin bo‘ladi. Birinchidan, bu vaqtda sizning intuitsiyangiz ayniqsa o‘tkir bo‘ladi. Aynan u qaysi yo‘nalishda harakat qilish kerakligini aytib berishi ehtimoldan xoli emas. Ikkinchidan, noodatiy g‘oyalar paydo bo‘ladi. Ehtimol, ular kimgadir haddan tashqari jasur bo‘lib tuyulishi mumkin. Ammo ularni amalga oshirishga yaqin vaqt ichida kirishish mumkin va tez orada siz to‘g‘ri yo‘nalishda harakatlanayotganingiz ma’lum bo‘ladi.
O‘qotar (23.11 – 21.12)
Muloqot nuqtayi nazaridan ajoyib kun. Turli odamlar bilan osongina til topishib ketasiz, hatto ilgari har qanday masalada bahslashganlaringiz bilan ham tezda kelishib olasiz. Yangi tanishlar qandaydir ishlarda yordam taklif qilishlari ehtimoldan xoli emas va bu uzoq muddatli va juda samarali hamkorlikning boshlanishi bo‘lishi mumkin.
Sayohat uchun ajoyib kun bo‘ladi. Ko‘plar uchun muhitni o‘zgartirish foydali bo‘ladi: burj vakillari ko‘plab yorqin taassurotlarga ega bo‘ladi va shu bilan birga ko‘plab yangi narsalarni bilib oladi.
Tog‘ echkisi (22.12 – 20.01)
Bu kunni foydali ishlarga bag‘ishlashga harakat qiling. Bu uni nafaqat samarali, balki yoqimli o‘tkazishning eng yaxshi usuli bo‘lsa kerak. Agar o‘zingiz uchun biror qiziqarli ish topmasangiz, kunning birinchi yarmini shubha va xavotirlar bilan o‘tkazishingiz mumkin. Ba’zilar umuman yoqimsiz xotiralarga berilib ketishga, o‘tmishdagi xafagarchiliklar va muammolarga xayolan qayta-qayta qaytishga moyil bo‘ladi. Ammo bularning barchasi kayfiyatga ijobiy ta’sir ko‘rsatmaydi.
Qovg‘a (21.01 – 19.02)
Kun boshida siz odatdagidan ko‘ra ko‘proq e’tibor markazida bo‘lasiz va bundan biroz zavq olishingiz aniq. Bu qandaydir jamoat tadbirlariga va gavjum yig‘inlarga borish uchun qulay vaqt.
Agar siz o‘z tajribangiz bilan o‘rtoqlashishga, yutuqlaringiz haqida gapirib berishga qaror qilsangiz, bu ko‘pchilikni qiziqtiradi. Ehtimol, siz ittifoqchilar va hamfikrlarni topasiz va tez orada bu odamlar bilan do‘stlashishingiz mumkin, chunki ular muloqotda yoqimli, yetarlicha ishonchli va sizning qarashlaringiz va qiziqishlaringizni baham ko‘radi.
Baliq (20.02 – 20.03)
Kunning ko‘p qismi yoqimli o‘tadi. Bu oson va omadli davr bo‘lib, ko‘p narsalar o‘z-o‘zidan yaxshi shakllanadi va siz oldingizga qo‘ygan maqsadlarga erishish uchun deyarli kuch sarflashingiz shart emas.
Shu bilan birga, ko‘plar bulutlarda uchib yurmaydi, balki narsalarga hayratlanarli darajada real qarashadi. Shuning uchun ham burj vakillari o‘zlari uddalay olmaydigan ishlarga qo‘l urmaydi yoki va’da bermagan odamlarning yordamiga tayanmaydi.
