O‘zbekistonlik grossmeyster Javohir Sindarov prezident Shavkat Mirziyoyev tomonidan sovg‘a qilingan Volkswagen Teramont Pro avtomobilini ko‘rsatdi.
Sindarov: Juda yoqdi
Videoda Sindarovdan avtomobil unga yoqqan-yoqmagani so‘raladi.
«Juda yoqdi, juda zo‘r. Katta rahmat», – dedi grossmeyster.
Shuningdek, u prezidentdan olgan sovg‘alari orasida uy, avtomobil va $200 ming pul mukofoti borligini aytdi.
«Uy, mashina va $200 ming. Katta rahmat», – deya ta’kidladi Sindarov.
O‘zbekiston Olimpiadada oltin medal oldi
O‘zbekiston erkaklar terma jamoasi Samarqandda o‘tkazilgan 46-Butunjahon shaxmat olimpiadasida g‘olib bo‘ldi.
Terma jamoa tarkibida Nodirbek Abdusattorov, Javohir Sindarov, Nodirbek Yoqubboyev, Shamsiddin Vohidov va Muhiddin Madaminov ishtirok etdi.
O‘zbekistonlik shaxmatchilar 11 turdan 10 tasida g‘alaba qozonib, mumkin bo‘lgan 22 ochkodan 20 tasini jamg‘ardi.
Avvalroq Kursiv Uzbekistan nashri Javohir Sindarov Bibisara Assaubaevani tabriklagani haqida yozgan edi.
