O‘zbekistonlik futbolchi Abduqodir Husanovning 2026-yilgi klub va terma jamoadagi statistikasi e’lon qilindi. Himoyachi joriy yilda «Manchester Siti» safida Angliya Premer-ligasi va UEFA Chempionlar ligasida to‘rtta uchrashuvda qatnashgan.
APLda Husanov uchta o‘yinda asosiy tarkibda maydonga tushib, jami 269 daqiqa o‘ynagan. Chempionlar ligasida esa bitta uchrashuvda 42 daqiqa harakat qilgan.
APLda uch o‘yinda 269 daqiqa o‘ynadi
2026-yilgi APL bahslarida Husanov uchta uchrashuvning barchasini asosiy tarkibda boshlagan. Statistikaga ko‘ra, u 269 daqiqada sakkizta to‘p olib qo‘yish harakatini amalga oshirib, shundan beshtasida muvaffaqiyat qozongan.
Shuningdek, uning hisobida to‘rtta to‘pni raqibdan olib qo‘yish, to‘rtta to‘pni xavfli hududdan chiqarish va bitta zarbani bloklash bor. Husanov uch uchrashuvdan birida jamoasiga darvoza daxlsizligini saqlashga yordam bergan.
U 244 ta uzatma amalga oshirgan. Himoyachi 2026-yilgi APL o‘yinlarida bitta sariq kartochka olgan.
Chempionlar ligasida 42 daqiqa
Husanov 2026-yilgi UEFA Chempionlar ligasida «Manchester Siti» safida bitta uchrashuvda maydonga tushib, 42 daqiqa o‘ynagan.
Ushbu vaqt davomida 20 ta uzatma amalga oshirgan, bitta to‘pni xavfli hududdan chiqarishga muvaffaq bo‘lgan. Gol va golli uzatma qayd etmagan.
Jahon chempionatida uchta to‘liq o‘yin
O‘zbekiston terma jamoasi safida esa Husanov 2026-yilgi Jahon chempionatida uchta uchrashuvning barchasini asosiy tarkibda o‘tkazgan. U jami 270 daqiqa, ya’ni uchta to‘liq o‘yin maydonda bo‘lgan.
Ushbu bahslarda himoyachi beshta to‘p olib qo‘yish harakatini amalga oshirgan, 13 marta to‘pni xavfli hududdan chiqargan va bitta zarbani bloklagan. Shuningdek, uning hisobida 81 ta uzatma hamda ikkita sariq kartochka bor.
«Manchester Siti»dagi umumiy ko‘rsatkichlari
Keltirilgan jadvalga ko‘ra, Husanovning «Manchester Siti»dagi eng katta o‘yin amaliyoti 2025-yilgi APL mavsumiga to‘g‘ri kelgan. U 21 uchrashuvda qatnashib, shundan 15 tasini asosiy tarkibda boshlagan va jami 1 430 daqiqa o‘ynagan.
O‘sha davrda u 27 ta to‘p olib qo‘yish harakatidan 20 tasida muvaffaqiyat qozongan, 33 marta to‘pni raqibdan olib qo‘ygan va 56 marta xavfli hududdan chiqargan. Shuningdek, beshta uchrashuvda jamoasi gol o‘tkazmagan.
Avvalroq Kursiv Uzbekistan futbolchi so‘nggi o‘yinni zaxirada o‘tkazgani haqida yozgan edi.
