Huawei 2027-yilda qurilmalarda qo‘llanilishi rejalashtirilgan yangi avlod Kirin mobil protsessorlarini ishlab chiqishni yakunladi. Bu haqda kompaniyaning yarimo‘tkazgichlar yo‘nalishidagi simsiz chiplar mahsulotlarini boshqarish bo‘yicha rahbari Syu Sun’yuy Kirin Media Communication Event 2026 tadbirida ma’lum qildi.
Uning so‘zlariga ko‘ra, yangi chiplar bir qator dastlabki sinovlardan o‘tgan va unumdorlik bo‘yicha kompaniyaning yuqori kutgan natijalariga mos kelgan.
Huawei Kirin arxitekturasini rivojlantirishda davom etadi
Kompaniya vakili Huawei Kirin chiplarining ko‘p bosqichli arxitekturasini yanada takomillashtirishni rejalashtirayotganini aytdi.
Huawei o‘z apparat platformasini rivojlantirishni uzoq muddatli strategik yo‘nalish sifatida ko‘rmoqda. Kompaniya bu orqali o‘z qurilmalariga bo‘lgan talabni qo‘llab-quvvatlash va mobil biznesini mustahkamlashni maqsad qilgan.
Kirin 9050 Pro avvalroq taqdim etilgan
Huawei sentabr oyida 2026-yil uchun mo‘ljallangan Kirin protsessorlarini Mate XT 2 bukiluvchi smartfoni bilan birga taqdim etgan edi.
Kompaniya ma’lumotiga ko‘ra, Kirin 9 050 Pro chipi bilan jihozlangan qurilmalarning savdosi muvaffaqiyatli kechgan.
Narx va texnik xususiyatlar hozircha noma’lum
2027-yilgi Kirin protsessorlarining yakuniy narxi hali belgilanmagan. Syu Sun’yuyning aytishicha, bu bozor talabi va kelgusidagi ishlab chiqish yo‘nalishlariga bog‘liq bo‘ladi.
Huawei yangi chiplarning aniq texnik xususiyatlari, ishlab chiqarish texnologiyasi va benchmark natijalarini hozircha oshkor qilmagan.
Avvalroq Kursiv Uzbekistan Huawei Maextro V800 avtomilida qanday muammo borligi haqida yozgan edi.
