Sergeli tumanida joylashgan avtoservisda yongʻin sodir boʻldi. Holat yuzasidan Toshkent shahar FVB rasmiy ma’lumot berdi.
Bugun, 11-iyun kuni soat 13:24 da Toshkent shahri, Sergeli tumani, 6a-dahasidagi avtosalon oldida joylashgan avtoservisda yongʻin sodir boʻlayotgani toʻgʻrisida FVBga xabar tushgan.
Shunga koʻra, 4 ta yongʻin-qutqaruv ekipaji soat 13:33 da voqea joyiga yetib borib, yongʻin soat 13:44 da qurshab olingan va soat 13:51 da oʻchirilgan.
Yongʻin natijasida avtoservisning ichki qismi va ichki qismida boʻlgan 3 ta avtomobil yonib zararlangan.
Hodisa oqibatida tan jarohati olgan va halok boʻlganlar toʻgʻrisida ma’lumot kelib tushmagan.
Avvalroq «Kursiv» Jizzaxda Cobalt va Equinox ortilgan avtotreyler YTHga uchragani haqida xabar bergan edi.
