Toshkentning «Paxtakor» klubi «Bunyodkor»dan himoyachi Mahmud Mahamadjonovni sotib olganini rasman e’lon qildi. Futbolchi joriy mavsumning ikkinchi yarmida «Paxtakor» tarkibida ijara asosida o‘ynagan edi. Bu haqda «Paxtakor» klubi xabar berdi.
Kelishuv yakunlangach Mahamadjonov Turkiyaga uchib ketdi. U hozirda «Paxtakor»ning mavsumoldi yig‘inlarida qatnashmoqda.
Mazkur transfer jamoaning mudofaa chizig‘ini kuchaytirish maqsadida amalga oshirildi. Mahmud Mahamadjonovning yangi mavsumdagi o‘yini ko‘pchilikning e’tibor markazida bo‘ladi.
Avvalroq Kursiv Uzbekistan bahor faslida «Paxtakor» stadionida rekonstruksiya boshlanishi haqida xabar bergan edi.
