Sedan avtomobillari reytingida birinchi o‘rinni 28,1 ming dona sotilgan Geely Geome Xingyuan egalladi. Ushbu model BYD Dolphin klassidagi BYD Seagull narxidagi avtomobil sifatida e’tirof etilmoqda va bu uni xaridorlar orasida ommalashtirgan muhim omillardan biri bo‘ldi. Bu haqda CarNewsChina nashri ma’lum qildi.
Yanvar oyida Xitoyda jami 1,8 million dona yengil avtomobil sotilgan bo‘lib, mazkur ko‘rsatkich o‘tgan yilga nisbatan 12,1 foizga, dekabr oyiga nisbatan esa 31,9 foizga kam. Reytingning keyingi pog‘onalaridan Volkswagen Sagitar (25,7 ming dona), Volkswagen Passat (25,4 ming dona) va Wuling Hongguang Mini EV (24,9 ming dona) joy oldi. Nissan Sylphy va Volkswagen Lavida kuchli beshlikni yakunladi, yettinchi o‘rin esa Geely Preface (23,2 ming dona) avtomobiliga nasib etdi. Shuningdek, Xiaomi kompaniyasining yangi SU7 modeli 22,8 ming dona sotilib, sakkizinchi o‘rinni egallashga muvaffaq bo‘ldi.
BYD kompaniyasi ushbu ro‘yxatda faqat Seagull modeli bilan 18 171 dona sotish natijasini qayd etib, reytingning quyi qismidan joy oldi. Bu Xitoy avtomobil bozorida Geely brendining o‘sib borayotgan ta’sirini va xaridorlarning afzalliklari o‘zgarayotganini ko‘rsatmoqda.
Avvalroq Kursiv Uzbekistan BYD Qin L EV yangi avlod batareyasi bilan sinovdan o‘tkazilayotgani haqida xabar bergan edi.
