Futbol bo‘yicha Angliya Premyer ligasining 26-tur doirasidagi markaziy bahsda «Manchester Siti» o‘z uyida «Liverpul»ni qabul qildi va mag‘lubiyatga uchradi.
O‘yindagi gollari birinchi bo‘limda kiritildi. 14-daqiqada Soboslai aniq uzatma bilan Muhammad Salahni to‘p bilan ta’minladi va misrlik futbolchi hisobni ochdi. 37-daqiqada esa Salah uzatma berdi, Soboslai darvozasini ishg‘ol qildi.
Ikkinchi taymda «Manchester Siti» hujumlarni kuchaytirdi va bir nechta xavfli vaziyatlarni yaratdi. Biroq raqib darvozabonining ishonchli o‘yini va aniq zarba yetishmasligi sababli hisob o‘zgarmadi.
56-daqiqada «Liverpul» yana bir bor to‘pni darvozaga kiritdi, ammo bu gol o‘yindan tashqari holat tufayli bekor qilindi. Yakunda «Liverpul» 0:2 hisobida g‘alaba qozondi.
«Shaharliklar» safida oʻzbekistonlik himoyachi Abduqodir Husanov uchrashuvda toʻliq harakat qildi.
Sofascore portali Husanovning bugungi o‘yiniga 7,2 ball qo‘ydi. Bu «Shaharliklar» safidagi ikkinchi eng yaxshi ko‘rsatkichdir.
Avvalroq Kursiv Uzbekistan «Manchester Siti» yirik hisobda «Real Mardid»ga magʻlub boʻlgani haqida xabar bergan edi.
