UzAuto Motors kompaniyasi Cobalt, Onix va Damas ishlab chiqarishni oshirdi. Bu haqda Statistika qo‘mitasi xabar bermoqda.
Kompaniyaning ishlab chiqarish hajmi deyarli o‘zgarmagan. 2025-yilning yanvar-mart oylarida 76,9 mingta avtomobil ishlab chiqarilgan bo‘lsa, 2024-yilning shu davrida 76,5 mingta avtomobil ishlab chiqarilgan. UzAuto Motors’ning ishlab chiqarish hajmi o‘tgan yilning mos davriga nisbatan 0,49 foizga o‘sdi.
Yuqoridagi modellarning ko‘proq ishlab chiqarilishi Lacetti modelining to‘xtatilgani va Tracker avtomobilining qisqargani bilan bog‘liq.
Quyidagi jadvalda 2025-yil yanvar-mart oylaridagi ishlab chiqarish statistikasi bilan tanishishingiz mumkin.
| Model | 2024 yil 1-chorak | 2025 yil 1-chorak | Dinamika |
|---|---|---|---|
| Cobalt | 28 356 | 32 208 | +13,58% |
| Damas | 18 996 | 22 409 | +17,97% |
| Tracker | 12 025 | 10 513 | -12,57% |
| Lacetti/Gentra | 8 811 | 0 | -100,00% |
| Oniks | 8 338 | 11 774 | +41,21% |
| Yengil avtomobillarning umumiy ishlab chiqarilishi / UzAuto Motors | 76 526 | 76 904 | +0,49% |
Eslatib o‘tamiz, Kursiv Uzbekistan nashri Chevrolet Onix qo‘shni respublikalarda qanday narxlarda sotilayotgani haqida yozgan edi.
