Smartfon xarid qilishda nimalarga ahamiyat berish kerak? Kamera, batareya yoki xotira tanlovda eng muhim omil bo‘lishi mumkin. Kursiv Uzbekistan nashri eng yaxshi batareyaga ega smartfonlar haqida ma’lumotlarni bitta maqolaga jamladi.
Ushbu maqolada quyidagilarni bilib olasiz:
Batareya nima uchun muhim?
Smartfon tanlashda batareya juda muhim, chunki u telefonning qanchalik uzoq ishlashini belgilaydi. Kuchli batareyaga ega qurilma bir necha soat emas, balki bir kun yoki undan ko‘proq zaryadsiz ishlashi mumkin. Bu ayniqsa ko‘p yuradigan, telefonni ishda, safarda yoki ochiq havoda doimiy ishlatadiganlar uchun juda katta afzallik hisoblanadi. Tez-tez zaryadlashga ehtiyoj bo‘lmasa, foydalanuvchi uchun qulaylik oshadi.
Zamonaviy telefonlarda ko‘plab funksiyalar – kamera, video, o‘yinlar, internet, GPS – quvvat talab qiladi. Shuning uchun batareya yaxshi bo‘lishi bu funksiyalardan to‘liq va uzluksiz foydalanish imkonini beradi. Bundan tashqari, tez zaryadlash texnologiyasi ham katta ahamiyatga ega, chunki qisqa vaqt ichida qurilmani ishga tayyor qilish mumkin. Uzoq muddat ishlovchi va ishonchli batareyaga ega telefon favqulodda holatlarda, elektr yo‘qligida yoki safarda yanada foydali bo‘ladi. Shu sababli smartfon tanlashda batareya quvvati va samaradorligiga albatta e’tibor berish kerak.
Samsung Galaxy M51
Samsung Galaxy M51 — bu Samsung kompaniyasining eng katta batareyaga ega bo‘lgan smartfonlaridan biri. U, asosan, uzoq davom etadigan batareya va kuchli ishlash bilan ajralib turadi. Telefonning 7000 mAh batareyasi uzoq vaqt davomida ishlash imkonini beradi, bu esa uni ayniqsa sayohat qilayotganlar va ko‘p vaqt davomida mobil qurilmadan foydalanadigan foydalanuvchilar uchun juda qulay qiladi. Shuningdek, telefonning kameralari yuqori sifatli fotosuratlar olishga imkon beradi, va ekranda yuqori aniqlikdagi tasvirlarni ko‘rsatadi. Modelning narxi 5,25 mln so‘m atrofida. (Ozon onlayn do‘konida, boshqa savdo platformalarida farq qilishi mumkin)
| Xususiyat | Ma’lumot |
|---|---|
| Model | Samsung Galaxy M51 8/128GB |
| Ekran | 6.7 dyuymli Super AMOLED, 1080 x 2340 piksel |
| Batareya | 7000 mAh |
| Protsessor | Qualcomm Snapdragon 730 |
| RAM | 8 GB |
| Xotira | 128 GB |
| Kamera (Orqa) | 64 MP (asosiy) + 12 MP (ultra keng) + 5 MP (makro) + 5 MP (deph) |
| Kamera (Old) | 32 MP |
| Operatsion tizim | Android 10, One UI 2.1 |
| Tarmoqlar | 4G LTE, Wi-Fi 802.11 a/b/g/n/ac, Bluetooth 5.0, USB Type-C |
| Karta sloti | microSD (256 GB gacha) |
| O’lchamlar | 163.9 x 76.3 x 9.5 mm |
| Vazn | 213 g |
Vivo V50 Lite
Vivo V50 Lite — o‘rta narx segmentidagi smartfon. Uning asosiy afzalliklari yuqori sifatli AMOLED ekran, kuchli protsessor va yaxshi kameralaridir. 48 MP asosiy kamerasi bilan ajoyib fotosuratlar olish imkonini beradi. 6500 mAh batareyasi esa telefonni uzoq vaqt davomida ishlatishga imkon beradi. Yaxshi ishlash va o‘ziga xos dizaynni birlashtirgan model. Smartfonning narxi Joybox savdo platformasida 3,82 mln so‘mdan boshlanadi. Bu narx boshqa do‘konlarda farq qilishi mumkin.
| Xususiyat | Ma’lumot |
|---|---|
| Model | vivo V50 Lite |
| Ekran | 6.44 dyuymli AMOLED, 1080 x 2400 piksel |
| Batareya | 6500 mAh |
| Protsessor | MediaTek Dimensity 800U |
| RAM | 6 GB |
| Xotira | 128 GB |
| Kamera (Orqa) | 48 MP (asosiy) + 8 MP (ultra keng) + 2 MP (makro) |
| Kamera (Old) | 16 MP |
| Operatsion tizim | Android 11, Funtouch OS 11 |
| Tarmoqlar | 4G LTE, Wi-Fi 802.11 a/b/g/n/ac, Bluetooth 5.1, USB Type-C |
| Karta sloti | microSD (256 GB gacha) |
| O’lchamlar | 160.1 x 73.8 x 8.5 mm |
| Vazn | 172 g |
Realme Narzo 30A
Budjet klassidagi smartfon. U katta batareya (6000 mAh) va yaxshi ishlash bilan ajralib turadi. MediaTek Helio G85 protsessori bilan ko‘plab kundalik vazifalarni oson bajarish imkoniyatini beradi. 4 GB RAM va 64 GB xotira, shuningdek, 12 MP asosiy kamera bilan ta’minlangan. Bu telefon uzoq vaqt davomida ishlatishga imkon beradigan qulay variantdir. Modelning narxi Zon.uz onlayn savdo do‘konida 1,4 mln so‘m. Boshqa platformalarda farq qilishi mumkin.
| Xususiyat | Ma’lumot |
|---|---|
| Model | Realme Narzo 30A 4/64GB |
| Ekran | 6.5 dyuymli IPS LCD, 720 x 1600 piksel |
| Batareya | 6000 mAh |
| Protsessor | MediaTek Helio G85 |
| RAM | 4 GB |
| Xotira | 64 GB |
| Kamera (Orqa) | 12 MP (asosiy) + 2 MP (deph) |
| Kamera (Old) | 8 MP |
| Operatsion tizim | Android 10, Realme UI 1.0 |
| Tarmoqlar | 4G LTE, Wi-Fi 802.11 a/b/g/n/ac, Bluetooth 5.0, USB Type-C |
| Karta sloti | microSD (256 GB gacha) |
| O’lchamlar | 164.4 x 75.9 x 9.8 mm |
| Vazn | 205 g |
Umidigi A9 Pro
Bu smartfon o‘zbek bozorida unchalik ommalashmagan bo‘lsa ham, batareya bilan bog‘liq muammolarni chetlab o‘ta oladi.
MediaTek Helio P60 protsessori va 6 GB RAM bilan kuchli ishlashni ta’minlaydi. 5150 mAh batareya bilan uzoq vaqt davomida ishlash imkoniyatini beradi. 48 MP asosiy kamera va 16 MP old kamera bilan suratga olishda yuqori sifatni taklif qiladi. Bu telefon yuqori samaradorlik va qulay narxni birlashtiradi. Uning narxi Olcha.uz platformasida 2,1 mln so‘m. Boshqa savdo do‘konlarida farq qilishi mumkin.
| Xususiyat | Ma’lumot |
|---|---|
| Model | Umidigi A9 Pro 6/128GB |
| Ekran | 6.3 dyuymli IPS LCD, 1080 x 2340 piksel |
| Batareya | 5150 mAh |
| Protsessor | MediaTek Helio P60 |
| RAM | 6 GB |
| Xotira | 128 GB |
| Kamera (Orqa) | 48 MP (asosiy) + 8 MP (ultra keng) + 2 MP (makro) |
| Kamera (Old) | 16 MP |
| Operatsion tizim | Android 10 |
| Tarmoqlar | 4G LTE, Wi-Fi 802.11 a/b/g/n/ac, Bluetooth 4.2, USB Type-C |
| Karta sloti | microSD (256 GB gacha) |
| O’lchamlar | 163.5 x 76.5 x 8.9 mm |
| Vazn | 210 g |
Xiaomi Redmi Note 10 Pro
Xiaomi Redmi Note 10 Pro — bu o‘rta darajadagi smartfon. U o‘zining 108 MP asosiy kamerasiga, kuchli Snapdragon 732G protsessoriga va 5020 mAh batareyasiga ega. 8 GB RAM va 128 GB xotira bilan ko‘plab vazifalarni oson bajaradi. 6.67 dyuymli AMOLED ekran bilan tasvirlar juda oydin va aniq ko‘rinadi. Bu model yaxshi narx va qulaylik nisbatini ta’minlaydi. Uning narxi xotira ko‘rsatkichiga qarab farqlanadi. 8/128 GB xotirali modelni Olcha.uz savdo platdormasida 2,8 mln so‘mga xarid qilish mumkin.
| Xususiyat | Ma’lumot |
|---|---|
| Model | Xiaomi Redmi Note 10 Pro 8/128GB |
| Ekran | 6.67 dyuymli AMOLED, 1080 x 2400 piksel |
| Batareya | 5020 mAh |
| Protsessor | Qualcomm Snapdragon 732G |
| RAM | 8 GB |
| Xotira | 128 GB |
| Kamera (Orqa) | 108 MP (asosiy) + 8 MP (ultra keng) + 5 MP (makro) + 2 MP (deph) |
| Kamera (Old) | 16 MP |
| Operatsion tizim | Android 11, MIUI 12.5 |
| Tarmoqlar | 4G LTE, Wi-Fi 802.11 a/b/g/n/ac, Bluetooth 5.1, USB Type-C |
| Karta sloti | microSD (512 GB gacha) |
| O’lchamlar | 164 x 76.8 x 8.1 mm |
| Vazn | 192 g |
Motorola Moto G Power 5G
Bu 5G tarmog‘iga mos keladigan smartfon bo‘lib, MediaTek Dimensity 700 protsessori bilan ta’minlangan. 8 GB RAM va 128 GB xotira ko‘plab ilovalar va fayllar uchun yetarli joy beradi. 5000 mAh batareya esa telefonni uzoq vaqt davomida ishlatishga imkon beradi. 16 MP old kamera va 50 MP asosiy kamerasi yaxshi fotosuratlar olishga yordam beradi. Uning narxi Ubay onlayn platformasida 1,5 mln so‘m. Ushbu qiymat boshqa do‘konlarda farq qilishi mumkin.
| Xususiyat | Ma’lumot |
|---|---|
| Model | Motorola Moto G Power 5G (2024) 8/128GB |
| Ekran | 6.6 dyuymli IPS LCD, 1080 x 2400 piksel |
| Batareya | 5000 mAh |
| Protsessor | MediaTek Dimensity 700 |
| RAM | 8 GB |
| Xotira | 128 GB |
| Kamera (Orqa) | 50 MP (asosiy) + 2 MP (makro) + 2 MP (deph) |
| Kamera (Old) | 16 MP |
| Operatsion tizim | Android 13 |
| Tarmoqlar | 5G, Wi-Fi 802.11 a/b/g/n/ac, Bluetooth 5.1, USB Type-C |
| Karta sloti | microSD (1 TB gacha) |
| O’lchamlar | 165.4 x 75.8 x 9.4 mm |
| Vazn | 204 g |
Biz ushbu maqolada o‘zbek bozoridagi hamyonbop modellarni taqdim etdik. Texnik ko‘rsatkichlar xarid qilayotgan mintaqa yoki xotira sig‘imiga qarab o‘zgarishi mumkin.
Eslatib o‘tamiz, Kursiv Uzbekistan nashri smartfon qizib ketmasligi uchun nimalarga ahamiyat berish lozimligi haqida maqola e’lon qilgan edi.
