O‘zbekistonlik grossmeyster Javohir Sindorov shaxmat bo‘yicha Nomzodlar turnirida chempionlikni qo‘lga kiritib, taxminan $1,3 mlndan ko‘proq mablag‘ ishlab topdi. Ushbu daromad FIDE tomonidan beriladigan mukofotlar va kelgusida Jahon toji uchun bahsdagi kafolatlangan gonorarlarni o‘z ichiga oladi.
FIDE musobaqasining o‘zida Sindorov kamida 165 ming yevro mukofot pulini naqd qildi. Ushbu summa chempionlik uchun kafolatlangan 70 ming yevro hamda to‘plangan ochkolar uchun yoziladigan bonuslardan tashkil topgan.
Daromadning asosiy qismi Jahon toji uchun bahsdagi ishtirok bilan bog‘liq. Ushbu hal qiluvchi bosqichga yetib borgan shaxmatchilar natijasidan qat’i nazar, kafolatlangan yirik pul mukofotiga ega bo‘ladi.
Tarixiy kontekst sifatida shuni qayd etish kerakki, o‘tgan galgi Jahon toji musobaqasida g‘olib bo‘lgan Gukesh $1 mln 350 ming, mag‘lubiyatga uchragan Din Liren esa $1 mln 150 ming miqdorida mukofot olgan edi.
Avvalroq Kursiv Uzbekistan Javohir Sindorov va Bibisora Assubayeva munosabatlariga izoh berilgani haqida xabar bergan edi.
