Uzoq vaqtdan beri til topisha olmagan odamlar nihoyat bir-birlarini tinglab, tushunishi mumkin. Bu kun nafaqat muhim suhbatlar uchun qulay, balki ilgari yo‘l qo‘yilgan xatolarni tuzatish uchun ham imkoniyat yaratadi. Agar siz kimnidir xafa qilgan bo‘lsangiz, keyin pushaymon bo‘lgan bo‘lsangiz, bugun sizda munosabatlarni yaxshilash imkoniyati bo‘ladi. Tashabbus ko‘rsatish uchun qulay sharoit tug‘iladi: kerakli so‘zlar tezda topiladi, eski kelishmovchiliklarni eslashni hech kim istamaydi. Quyida burjlar bo‘yicha 22-may uchun munajjimlar bashoratini taqdim etamiz.
Qo‘y (21.03 – 20.04)
Ilgari uddalay olmagan ishlarni yakunlash uchun yana bir bor urinib ko‘rish vaqti keldi. Bugun ijobiy tendensiyalarning ta’siri ancha kuchli bo‘ladi va hammasi muvaffaqiyatli bo‘lishi ehtimoli yuqori. Ehtimol, buning uchun qandaydir nostandart usullarga murojaat qilishingiz va hatto ozgina tavakkal qilishingizga to‘g‘ri kelar.
Juma kuni eski ishbilarmonlik aloqalarini tiklash, sobiq hamkasblar bilan suhbatlashish uchun ham qulay kun bo‘ladi. Ular sizga moliyaviy jihatdan qiziqarli narsa taklif qilishlari ehtimoldan xoli emas.
Buzoq (21.04 – 20.05)
Bu oson bo‘lmaydi, lekin ko‘plab qiziqarli imkoniyatlar ochiladi. Shunday ekan, o‘zingizni yo‘qotib qo‘ymang va qandaydir dadil g‘oyani amalga oshirish, ittifoqdoshingiz bo‘lishni istagan odam bilan suhbatlashish yoki sizga juda istiqbolli tuyulgan loyiha ustida ishlashga qo‘shilish imkoniyatini qo‘ldan boy bermaslikka harakat qiling.
Ko‘pgina ishlardagi muvaffaqiyatingiz mehnat qilishga tayyorligingizga bog‘liq bo‘ladi, buning uchun qandaydir alohida qulay payt kelishini kutmaysiz. Muvaffaqiyatga erishish uchun kuch sarflab, yaqindagina mutlaqo umidsiz bo‘lib ko‘ringan ishni ham uddalay olasiz. To‘g‘ri, bu yerda ko‘p narsa ertalabdan boshlab ustuvorliklarni to‘g‘ri belgilay olishingizga ham bog‘liq bo‘ladi.
Egizaklar (21.05 – 21.06)
Kunning boshlanishi mazmunli bo‘ladi va ish uchun juda mos keladi. Ko‘pchilik yaqinda juda murakkab tuyulgan vazifalarni hal qilishga tayyor ekanliklarini tushunadi. Bu yerda burj vakillariga kimningdir yordami kerak bo‘lmasa kerak, ular o‘zlari ham buni a’lo darajada uddalaydi.
Pul tushumlari bo‘lishi mumkin. Daromadlarning tez orada o‘sishini va’da qiluvchi takliflar ham istisno qilinmaydi. Ularga rozi bo‘lishga shoshilmang, avval hammasini tekshirib ko‘rish kerak. Ko‘plar, ayniqsa yoshlar, bugun odatdagidan biroz ishonuvchan bo‘ladi va bu xarajatlar bilan bog‘liq xatolarga olib kelishi mumkin. Ammo siz yolg‘on umidlar yoki to‘satdan paydo bo‘lgan his-tuyg‘ularga emas, balki faktlarga asoslansangiz, moliyaviy ahvolingizni yaxshilashingiz mumkin.
Qisqichbaqa (22.06 – 22.07)
Qandaydir murakkab, chalkash yoki shunchaki yoqimsiz ishni qanchalik uzoq vaqt kechiktirmang, bugun baribir uni boshlashga to‘g‘ri kelishi ehtimoli yuqori. Va siz buni yomon uddalay olmaysiz, garchi kerakli natijaga erishish uchun kuch sarflash kerak bo‘lsa-da. Ba’zilar boshqalarning xatolarini tuzatish yoki boshqalarning aybi bilan yuzaga kelgan muammolarni hal qilish uchun ancha vaqt sarflaydi. Buning uchun kimdir sizdan minnatdor bo‘lishini kutmang. Ehtimol, atrofdagilar siz hamma uchun qanchalik foydali ish qilganingizni keyinroq anglab yetar.
Arslon (23.07 – 22.08)
Ehtiyotkor va e’tiborli bo‘lsangiz, xatoga yo‘l qo‘ymaysiz, tuzoqqa tushib qolmaysiz, raqiblar sizni yengishiga yo‘l qo‘ymaysiz. Shuni yodda tutingki, sizning dushmanlaringiz bugun nafaqat juda faol, balki ayniqsa ayyor bo‘lishi mumkin. Shuning uchun biror qaror qabul qilishdan oldin, faktlarga tayanayotganingizga, sizni chalg‘itishmaganiga, siz ish olib borayotgan odamlarga haqiqatan ham ishonish mumkinligiga ishonch hosil qiling.
Parizod (23.08 – 23.09)
Qiziq bo‘ladi. Kun sizga yangi taassurotlar, g‘ayrioddiy odamlar bilan uchrashuvlar va ko‘plab odatiy narsalarga boshqacha qarashga yordam beradigan voqealarni olib keladi. Tushlikkacha sizda bir-ikkita qiziqarli g‘oyalar paydo bo‘lishi, keyin esa ularga yana bir nechtasi qo‘shilishi ajablanarli emas.
Ba’zilar ish joyini o‘zgartirish, yangi loyiha yoki istiqbolli yo‘nalishga o‘tish bilan bog‘liq takliflar oladi. Burj vakillari bunday imkoniyatlarga ehtiyotkorlik bilan yondashadi, chunki ular dastlabki rejadan juda katta farq qiladi. Ammo rad etishga shoshilmaslik muhim. O‘zingizga hamma narsani o‘ylab ko‘rish, bir nechta variantlarni taqqoslash uchun vaqt bering va ehtimol, yangicha harakat qilish vaqti kelganini tushunib yetarsiz.
Tarozi (24.09 – 23.10)
Alohida taassurot qoldiradigan g‘alabalarni qo‘lga kirita olmasligingiz mumkin, ammo kuningiz juda yoqimli va tinch o‘tadi. Uni qandaydir eski ishlarni tugatishdan boshlash mumkin. Buni juda tez uddalash mumkin. Yangi tanishlar yordam berishi va ular bilan muloqot qilish ancha yoqimli bo‘lishi ehtimoldan xoli emas. Ba’zilar buning natijasida nafaqat ishonchli ittifoqchilarga, balki haqiqiy do‘stlarga ham ega bo‘ladi.
Rahbariyat ko‘plab tashabbuslaringizni qo‘llab-quvvatlaydi, o‘z vaqtida ko‘rsatilgan tashabbusni munosib baholaydi. Siz nafaqat mustaqil harakat qila olishingizni, balki boshqalar uchun ham javob bera olishingizni ko‘rsatish imkoniyatiga ega bo‘lasiz. Ko‘plar uchun bu martaba o‘sishining birinchi qadami bo‘ladi.
Chayon (24.10 – 22.11)
Ig‘volarga berilmang. Bugun atrofingizdagilar odatdagidan ko‘proq sizni muvozanatdan chiqaradi. Kimdir ortiqcha gapiradi, kimdir arzimagan narsa haqida bahslashadi, kimdir esa sizning sabr-toqatingizni sinab ko‘radi. Achchig‘lanishga erk bermaslik, har bir kesatiqqa keskin va haqoratli gap bilan javob qaytarmaslik muhim. Agar siz xotirjamlikni saqlasangiz va benuqson xushmuomala bo‘lsangiz, bu atrofdagilarda ancha katta taassurot qoldiradi. Yumor ham yordam beradi, agar u zaharli bo‘lmasa va siz hali muloqot qilishingiz kerak bo‘lgan odamlarga tegmasa.
O‘qotar (23.11 – 21.12)
Avval tuzilgan rejalarga amal qilishga harakat qiling. Aynan shunday strategiya sizga ko‘p kuchni behuda sarflamasdan muvaffaqiyatga erishish imkonini beradi. Agar yangi ishga qo‘l urmoqchi bo‘lsangiz, omad yoki kimningdir yordamiga emas, ko‘proq o‘z kuchingizga tayaning. To‘g‘ri, mehnat qilishga to‘g‘ri keladi va hamma narsa birdaniga mukammal chiqmaydi, ammo kerakli natijaga erishasiz.
Tog‘ echkisi (22.12 – 20.01)
Muhim ishlar, murakkab va mas’uliyatli ishlar uchun qulay kun. Siz hech narsani e’tibordan chetda qoldirmaysiz, ustuvorliklarni to‘g‘ri belgilay olasiz va ortiqcha hayajonlar hamda kuchli kechinmalardan qochgan holda ko‘plab vazifalarni uddalay olasiz. Ayniqsa, yig‘ilganlik, saranjom-sarishtalik va mayda-chuydalarga chalg‘imaslik qobiliyati kerak bo‘lgan ishlarni yaxshi uddalaysiz. Agar atrofda shovqin-suron bo‘lsa, aynan siz tezda tartib o‘rnatishingiz, asosiy narsalarni aniqlashingiz, ortiqcha narsalarni olib tashlashingiz, yuklamani taqsimlashingiz va kelishuvlarni bajarishga erishishingiz mumkin.
Qovg‘a (21.01 – 18.02)
Ehtiyotkorlik bilan harakat qilsangiz, ko‘ngilsizliklar va kechikishlarning oldini olasiz, ishlarni o‘z vaqtida yakunlaysiz va kelishmovchiliklarni tezda hal qilasiz. Munosabatlarda, ayniqsa, ishbilarmonlik munosabatlarida sinchkovlik ham zarar qilmaydi. Shuni yodda tutingki, hammaga ham ishonib bo‘lmaydi. Agar siz notanish odamlar bilan ochiqchasiga gaplashsangiz, tez orada ular sizning so‘zlaringizdan qanday foydalanishlari sizni hayratda qoldiradi. Muhim ishlarni faqat sinalgan va ishonchli hamkorlar bilan muhokama qilish lozim.
Baliq (19.02 – 20.03)
Sizni istiqbolli kun kutmoqda. Ancha kuch sarflagan ishingizni muvaffaqiyatli yakunlash imkoniyati tug‘iladi va avvalgi harakatlaringiz behuda ketmaganini his qilasiz.
Ba’zilar yaxshigina pul topishi mumkin, ammo bu oson bo‘lmaydi. Kuch sarflashga, qat’iyat ko‘rsatishga, qo‘shimcha ishlarni bajarishga to‘g‘ri keladi. Muvaffaqiyatingizni atrofdagilar sezadi va hamma ham bundan xursand bo‘lmaydi. Kimdir havas qilishi ham mumkin. Yaxshisi, ochiqchasiga qarama-qarshilikka kirishmasdan, xotirjamlik bilan o‘z ishingizni qilishda davom eting va barcha rejalarni oshkor qilmang.
