O‘zbekiston milliy terma jamoasi futbolchisi Abbosbek Fayzullayevning kuyov navkari premium avtomobillardan tuzilgan kortej bilan kelin tomonning uyiga yo‘l oldi.
Ijtimoiy tarmoqlarda tarqalgan videolarda kortej safida Rolls-Royce, Porsche, Mercedes-Benz va BMW kabi qimmatbaho avtomobillarni ko‘rish mumkin.
Rolls-Royce Cullinan kortejda asosiy avtomobillardan biri
Kortejda Rolls-Royce Cullinan eng e’tiborni tortgan avtomobillardan biri bo‘ldi. Yirik va hashamatli SUV o‘zining ulkan radiator panjarasi, ikki rangli kuzovi hamda salobatli ko‘rinishi bilan ajralib turdi. Ushbu model odatda yuqori darajadagi qulaylik, kuchli V12 dvigatel va premium salon bilan tanilgan.
Porsche Taycan esa kortejga sport ruhini qo‘shdi. To‘liq elektr sport sedan past kuzovi, agressiv dizayni va yuqori tezlanish ko‘rsatkichlari bilan mashhur. Cullinan hashamat va salobatni ifodalagan bo‘lsa, Taycan zamonaviy texnologiya hamda sport uslubini namoyon etdi.
Mercedes-Benz G-Class ham safda
Kortejda qora rangdagi Mercedes-Benz G-Class ham bor.
Avtomobilning tashqi ko‘rinishiga qo‘shimcha bezak va tyuning elementlari o‘rnatilgani ko‘rinadi.
BMW i4 ham kuzatildi
Kuyov navkarida BMW i4 elektr avtomobili ham ishtirok etgan.
Model sport uslubidagi kuzovi, katta radiator panjarasi va zamonaviy dizayni bilan ajralib turadi. Bundan tashqari, videolarda saf oxirida Chevrolet modellari ham ko‘zga tashlanadi.
Kortej kelin tomonning uyiga yo‘l oldi
Mazkur avtomobillar Abbosbek Fayzullayevning kuyov navkari uchun tayyorlangan.
Premium avtomobillardan tuzilgan kortej kelin tomonning uyiga qarab yo‘l olgan.
Ma’lumot uchun, futbolchiga yaqin manbalarning Kursiv’ga ma’lum qilishicha, tanlagan qaylig‘i 21 yoshli Nisobonu Namangan viloyatining Chust tumanidagi Varzik qishlog‘ida tug‘ilgan.
Avvalroq Kursiv Uzbekistan Abbosbek Fayzullayevning nikoh to‘yidan videolar tarqa boshlagani haqida yozgandi.
