Rossiyalik supermodel Irina Sheyk Italiyaning d’la Repubblica moda jurnali uchun yangi fotosessiyada ishtirok etdi. Bu haqda model Instagramdagi rasmiy sahifasida e’lon qildi.
40 yoshli model nashr muqovasida Dolce & Gabbana obrazida namoyon bo‘ldi.
Mashhur brendlar liboslari tanlandi
Fotosessiya uchun uslublarni taniqli stilist Heyli Vollens tayyorlagan. Suratga olish jarayonida Chanel, Jean Paul Gaultier, Lanvin, Maison Alaïa, Stella McCartney, Sportmax va boshqa mashhur brendlar kolleksiyalaridan foydalanilgan.
Foto: Irina Sheyk Instagram sahifasi
Fotosessiya ortida taniqli ijodkorlar
Suratlar amerikalik fotograf Itan Jeyms Grin tomonidan olingan. Modelning grimi vizajist Kabuki, soch turmagi esa stilist Sonni Molina tomonidan tayyorlangan.
Avvalroq Kursiv Uzbekistan Moskva moda haftaligida Maryam Tillayeva podiumga chiqqani haqida yozgandi.
