Krishtianu Ronaldu katta o‘g‘li Krishtianu Ronaldu kichik futbol kelajagi haqida gapirdi. Portugaliyalik futbolchi o‘g‘li undan ham kuchliroq bo‘lishi mumkinligini aytdi, biroq buning uchun eng muhim jihat futboldagi «ishtaha» va intilish ekanini ta’kidladi.
Krishtianu Ronaldu Junior hozirda Saudiya Arabistonining «An-Nasr» klubi akademiyasida shug‘ullanmoqda. U otasi Saudiya klubiga o‘tganidan keyin ushbu tizimga qo‘shilgan.
Ronaldu yaqinda o‘g‘lining mashg‘ulotini kuzatgan va uning salohiyatiga ijobiy baho bergan.
Ronaldu o‘g‘lini maqtadi
Ronaldu katta o‘g‘lini yaxshi bola deb ta’rifladi. Uning aytishicha, Ronaldu kichik jismonan undan yirikroq va kuchliroq bo‘lishi mumkin.
Futbolchi o‘zining shu yoshdagi davrini eslab, u paytda kichikroq bo‘lganini aytdi. Shu bois u o‘g‘li kelajakda undan ham kuchliroq futbolchiga aylanishi ehtimolini inkor etmadi.
Eng katta sinov — intilish
«The hunger is the most difficult.»
— Netflix Sports (@netflixsports) August 6, 2026
Cristiano Ronaldo watching his son Cristiano Jr. train with the Al Nassr youth team 😮
📺 Saudi Pro League: Kickoff pic.twitter.com/i8mcYnt8e7
Ronaldu kichik uchun asosiy qiyinchilik sifatida otasi «ochlik», ya’ni g‘alabaga intilish va doimiy mehnat qilish istagini ko‘rsatdi.
Ronalduga ko‘ra, iste’dod va jismoniy imkoniyat muhim, ammo futbolchining katta darajaga chiqishi uchun kuchli motivatsiya ham zarur.
U avval boshqa akademiyalarda ham shug‘ullangan
Ronaldu Junior avval «Manchester Yunayted» akademiyasida ham bo‘lgan. U otasi klubga qaytganidan keyin ushbu akademiyaga qo‘shilgan, biroq Ronalduning «Manchester Yunayted»dagi faoliyati yakunlangach, o‘g‘li ham akademiyani tark etgan.
Shuningdek, xabarlarga ko‘ra, Ronaldu Junior «Real Madrid»ning U-16 jamoasi bilan ham mashg‘ulot o‘tkazgan.
Portugaliya yoshlar terma jamoalarida o‘ynagan
Ronaldu Junior allaqachon Portugaliyaning U-15 va U-16 yoshlar terma jamoalarida maydonga tushgan.
Bu uning futbolchi sifatida rivojlanishi Portugaliya futbol tizimi tomonidan ham kuzatilayotganini ko‘rsatadi.
Ronaldu JChdagi faoliyati yakunlanganini aytdi
Krishtianu Ronaldu hali xalqaro futbolni tark etganini e’lon qilmagan. Biroq u avvalroq so‘nggi jahon chempionatida qatnashganini bildirgan.
Ronaldu JChdagi faoliyatini 2006-yilda boshlagan va shu paytgacha oltita mundialda ishtirok etgan.
Eslatib o‘tamiz, avvalroq Ronalduning to‘yi o‘tadigan mehmonxona haqida ma’lumot berilgandi. Xabarlarga ko‘ra, mehmonxona xususiy tom hovuzi, shaxsiy batler xizmati, spa markazi va Atlantika okeaniga panoramali manzarasi bilan ajralib turadi.
