Ertalabni iloji boricha samarali o‘tkazishga harakat qiling, chunki bu yangi imkoniyatlar va qiziqarli kashfiyotlar vaqti. Intuitsiyangizga diqqat bilan quloq solishingiz kerak: uning maslahatlari aniq bo‘ladi va aynan ular tufayli siz qaysi yo‘nalishda harakat qilish kerakligini tezda tushunib olasiz, ustuvorliklarni to‘g‘ri belgilay olasiz va oldindan umidsiz loyihalarga vaqtingizni sarflamaysiz. Quyida burjlar bo‘yicha 18-sentabr uchun munajjimlar bashoratini taqdim etamiz.
Qo‘y (21.03 – 20.04)
O‘z his-tuyg‘ularingizni tushunishingiz qiyin bo‘ladi, atrofdagilar va birinchi navbatda siz befarq bo‘lmaganlar bundan aziyat chekishlari mumkin. Jahldorlik, sabrsizlik, o‘ziga nisbatan aytilgan har qanday tanbehga keskin munosabatda bo‘lish ko‘plarni o‘zlari xohlamagan holda eng yaqin insonlarini xafa qilishga olib keladi. Aynan shuning uchun ham muhim suhbatlarni kunning birinchi yarmida, bu tendensiya ayniqsa kuchli bo‘lgan paytda boshlamaslik, balki vaziyat qanchalik barqarorlashsa, kechgacha qoldirgan ma’qul.
Buzoq (21.04 – 20.05)
Bu kunni muhim ishlar va jiddiy qarorlar bilan boshlamaganingiz ma’qul. Uning birinchi yarmi, ayniqsa, mustaqil harakat qilib, tezda muvaffaqiyatga erishishga odatlanganlar uchun qiyin bo‘lishi mumkin. Hozir vaziyatni to‘g‘ri tushunish va maqsadga qanday qilib tezroq erishish mumkinligini tushunish uchun sizga bilim yoki tajriba yetishmasligi mumkin.
Eski tanishlardan biri bilan suhbatlashish juda foydali bo‘ladi. Ehtimol, bu odamlar sizga qaysi yo‘nalishda harakat qilishingizni aytib berishar. Hamma balo shundaki, maslahatlarning hammasi ham sizga ma’qul kelavermaydi.
Egizaklar (21.05 – 21.06)
Ijobiy tendensiyalar ta’siri ustunlik qiladi. Agar kunning birinchi yarmida yuzaga kelishi mumkin bo‘lgan qiyinchiliklardan xafa bo‘lmasangiz, kun juda muvaffaqiyatli o‘tadi. Shuni yodda tutingki, barcha ertalabki muammolar bir qarashda ko‘ringanidek jiddiy emas. Vaziyatni tushunib olishning eng yaxshi yo‘li — ishonchli odam bilan maslahatlashish. Bu eski do‘stlaringiz yoki qarindoshlaringizdan biri yoki tajribasi sizga bir necha bor foydali bo‘lgan hamkasbingiz bo‘lishi mumkin.
Qisqichbaqa (22.06 – 22.07)
Ertalabdanoq jiddiy kayfiyatda bo‘lib, qandaydir arzimas ishlarga ham yengil-yelpi qaramasangiz, hammasi yaxshi bo‘ladi. Har qanday vazifani hal qilishga mas’uliyat bilan yondashish kerakli natijalarga tezda erishish imkonini beradi. Agar siz mutlaqo yangi ishga qo‘l urmoqchi bo‘lsangiz, barcha tafsilotlarni tushunib olish uchun vaqtingizni ayamang, agar iloji bo‘lsa, ishonchli odam bilan maslahatlashing. Bu nafaqat bugun, balki keyingi bir necha kun davomida ham hayotingizni sezilarli darajada yengillashtiradi.
Arslon (23.07 – 23.08)
Kun muhim voqealarga olib kelishi dargumon, ammo umuman olganda yomon bo‘lmaydi. Uning birinchi yarmida mehnat qilishingizga to‘g‘ri keladi. Sizdan boshqa hech kim uddalay olmaydigan murakkab vazifalarni hal qilishingiz kerak bo‘ladi. Bunda ilgari orttirilgan bilim va tajriba asqotadi. Siz keragidan ortiq tavakkal qilmaysiz va bunday yondashuv oqilona bo‘ladi. Puxta rejalashtirilgan harakatlar o‘ylamasdan qilingan harakatlar yoki yuzaga kelgan barcha masalalarni tezda hal qilishga urinishdan ko‘ra ancha yaxshi natijaga erishish imkonini beradi.
Parizod (24.08 – 22.09)
O‘z kuchingizni ortiqcha baholamang. Bu yomon kun emas, ammo ustuvorliklarni to‘g‘ri belgilash muhim. Bu, birinchi navbatda, ishga e’tibor qaratgan va kasbiy mavqeini mustahkamlashga intilayotganlarga taalluqli. Sizda hammasi yaxshi bo‘lishiga ishonish ajoyib narsa, lekin bugun u sizni qandaydir o‘ylamay qilingan ishlarga undashi yoki juda achinarli xatolarga sabab bo‘lishi mumkin.
Agar yangi ish va loyihalarga kirishsangiz, ittifoqchilarni diqqat bilan tanlang. Obro‘-e’tibori ozgina bo‘lsa-da shubha tug‘diradigan odamlardan uzoqroq yurish kerak.
Tarozi (23.09 – 23.10)
Hamma narsa darhol siz uchun eng yaxshi tarzda shakllanishini xohlaysiz, ammo afsuski, bugun bunga jiddiy umid qilish kerak emas. Aksincha, yo‘lda to‘satdan to‘siqlar paydo bo‘lishi mumkin va siz ularni qanday yengib o‘tishni tushunish uchun imkon qadar ixtirochilik qilishingiz kerak bo‘ladi.
Yaqinlaringiz bilan kelishmovchiliklar bo‘lishi ham ehtimoldan xoli emas: nima uchun siz boshqacha emas, balki shunday yo‘l tutishni afzal ko‘rishingiz ularga har doim ham tushunarli bo‘lavermaydi. Ishxonada ham vaziyat ancha keskin bo‘ladi. Bu kun dadil g‘oyalar bilan o‘rtoqlashish uchun eng yaxshi kun emas, hech bo‘lmaganda, agar siz qo‘llab-quvvatlashga umid qilsangiz.
Chayon (24.10 – 22.11)
Mayda qiyinchiliklarsiz kun qiyin kechadi, ammo ijobiy tendensiyalar ta’siri ustunlik qiladi. Ba’zilar allaqachon paydo bo‘lgan g‘oyalarini amalga oshirish yo‘lini topadi va bu burj vakillaridan deyarli kuch talab qilmaydi. Vaziyat yaxshi bo‘ladi, yoningizda yordam berishga tayyor odamlar bo‘ladi, sizdan esa faqat nima va qanday qilish kerakligini tushuntirish talab etiladi.
Lekin ba’zi anglashilmovchiliklar taxminan kunduzgi soat o‘n ikki bilan uch o‘rtasida yuz berishi mumkin. Katta ehtimol bilan, ular ishbilarmonlik munosabatlariga taalluqli bo‘ladi: rahbariyat yoki uzoq yillik ishbilarmon hamkorlar bilan muloqot.
O‘qotar (23.11 – 21.12)
Sizning asosiy vazifangiz erta tongda ahmoqlik qilmaslik, chunki bu kunning eng qizg‘in davri taxminan ertalabki to‘qqizgacha bo‘lgan vaqtga to‘g‘ri keladi. Shundan so‘ng ijobiy tendensiyalarning ta’siri kuchayadi va deyarli hamma narsada omadingiz kelishi mumkin. Qandaydir yangi loyihalarni boshlashingiz yoki uzoq vaqtdan beri til topisha olmagan odamlar bilan munosabatlarni yaxshilashga harakat qilishingiz kerak.
Eski xatolarni tuzatish imkoniyatini qo‘ldan boy bermang. Buni amalga oshirish uchun kuchingizni sarflashingiz shart emas.
Tog‘ echkisi (22.12 – 20.01)
Kun ko‘plab qiziqarli ma’lumotlarni olib keladi, ularning bir qismi hatto foydali bo‘lishi mumkin. Ayniqsa, ertalabdan e’tiborli bo‘ling, chunki tasodifan eshitib qolgan biror suhbat sizni qiziqarli fikrlarga undashi yoki ancha vaqt bosh qotirgan savolingizga javob berishi mumkin.
Bu vaqtda yo shaxsiy ishlar, yo keyingi paytlarda ko‘p hayajon, tashvish va tortishuvlarga sabab bo‘lgan oilaviy masalaga taalluqli yaxshi xabarlar ham bo‘lishi ehtimoldan xoli emas. Agar qarindoshlar bilan munosabatlar ilgari taranglashgan bo‘lsa, endi ular yanada uyg‘unlashishi mumkin.
Qovg‘a (21.01 – 19.02)
Oddiy kun emas. Biroq agar siz ehtiyotkor bo‘lsangiz, qaror qabul qilishda shoshilmasangiz va hammaga ishonsangiz, u jiddiy muammolarsiz va katta yo‘qotishlarsiz o‘tadi. Oxirgisi ayniqsa muhim, chunki atrofingizda shubhali shaxslar ayniqsa ko‘p bo‘ladi. Kimdir sizni o‘z manfaati yo‘lida ishlatish uchun ishonchingizni qozonishga harakat qilishi ehtimoldan xoli emas.
Muhim masalalarni uzoq vaqtdan beri ishongan odamlaringiz bilan muhokama qilganingiz ma’qul. Mabodo sizga kimningdir maslahati kerak bo‘lib qolsa, aynan tajribasi sizga bir necha bor foydali bo‘lganlarga murojaat qiling.
Baliq (20.02 – 20.03)
Bu kun rejalarni amalga oshirishdan ko‘ra, ularni tuzish uchun ko‘proq mos keladi. Agar sizda hozircha niyatlardan aniq harakatlarga o‘tmaslik imkoniyati bo‘lsa, shunday qilish juda oqilona bo‘ladi. Yaxshisi, yaqin kelajakda nima qilmoqchi ekanligingizni ikir-chikirlarigacha o‘ylab ko‘ring, hamfikrlar bilan suhbatlashing, maslahat so‘rab murojaat qiling, ko‘proq ma’lumot to‘plang.
Odatdagi ishlar bilan shug‘ullanish yaxshi: bu yerda yoqimsiz syurprizlar yoki kutilmagan qiyinchiliklardan qo‘rqmaslik mumkin. Ishbilarmonlik munosabatlarida, ayniqsa, nufuzli odamlar bilan ishlayotgan bo‘lsangiz, ehtiyotkor bo‘lishga harakat qiling.
