Oppo K14 Plus 5G smartfoni Hindistonda sotuvga chiqdi. Qurilmaning asosiy xususiyatlari orasida 8000 mA/soat sig‘imli batareya, 144 Hz ekran va IP69K himoya darajasi bor.
Smartfon uchta xotira konfiguratsiyasida taklif qilinmoqda, narxlar $310 dan boshlanadi. Oppo K14 Plus 5G 2772×1272 piksel aniqlikdagi AMOLED displey bilan jihozlangan. Ekran 144 Hz yangilanish tezligini qo‘llab-quvvatlaydi. Barmoq izi skaneri displey ostiga o‘rnatilgan.
Dimensity 7360 Max protsessori
Smartfon MediaTek Dimensity 7360 Max platformasida ishlaydi. Qurilma Android 16 asosidagi ColorOS 16 operatsion tizimiga ega.
50 Mp kamera va OIS
Asosiy kamera 50 Mp sensor, f/1.8 diafragma va ikki o‘qli optik tasvir barqarorlashtirish tizimiga ega.
Shuningdek, portret suratlarida chuqurlikni aniqlash uchun 2 Mp monoxrom sensor qo‘llanadi. Old kamera esa 16 Mp aniqlikka ega.
Batareyasi 8000 mA/soat
Oppo K14 Plus 5G 8000 mA/soat sig‘imli batareya bilan jihozlangan. U 45 Vt simli tezkor quvvatlash va 10 Vt teskari simli quvvatlashni qo‘llab-quvvatlaydi. Smartfon IP69K himoya darajasiga ega.
Narxi $310 dan boshlanadi
Oppo K14 Plus 5G uchta xotira variantida sotiladi: 6/128 GB versiya – $310, 8/128 GB – $340, 8/256 GB esa $370. Smartfon to‘q sariq va oq ranglarda taklif qilinadi.
Avvalroq Kursiv Uzbekistan Oppo Find X10 smartfoni rasman taqdim etilgani haqida yozgan edi.
