Bobomurod Hamdamov, Odil Yoqubov va «Sevimli»ning mualliflik huquqlari buzilgan — Adliya vazirligi
Özbekistonda 1-oktabrdan 31-oktabrga qadar respublika böylab ötkazilgan «Mualliflik huquqini himoya qiliş oyi» davomida mualliflik huquqi buzilişi bilan boğliq 40 ga yaqin murojaatlar kelib tuşdi. Mualliflarga yetkazilgan zarar uçun esa sudlar orqali 200 mln sömdan ortiq tovon puli undirildi. Bu haqda joriy yil 2-noyabr kuni mazkur oylik yakunlariga bağişlangan matbuot anjumanida ma’lum qilindi, deya Kursiv Uzbekistan muxbiri xabar berdi.
Bir oyda 40 ga yaqin murojaatlar
Adliya vazirligi Intellektual mulk departamenti boşqarma boşliği Bekzod Röziyevning aytişiça, oylik davomida mualliflar va huquq egalaridan kelib tuşgan murojaatlar asosida aniqlangan qonunbuziş holatlari böyiça tegishli çoralar körilgan.
«Oylik davomida mualliflardan hamda huquq egalaridan kelib tuşgan 40 ga yaqin murojaatlar asosida 20 ga yaqin ogohnomalar çiqarildi. Bundan taşqari, 10 nafar şaxsga nisbatan ma’muriy javobgarlik töğrisida bayonnomalar tuzilib, sudlarga yuborildi», – dedi Bekzod Röziyev.
Sudlar tomonidan huquqbuzarlarga bazaviy hisoblaş miqdorining 5 baravaridan 10 baravarigaça ma’muriy jarimalar qöllanilgan. Adliya organlari sudlarda mualliflar manfaatlarini himoya qilişda ham iştirok etgan. Natijada mualliflarning huquqlari buzilişi oqibatida yetkazilgan zarar böyiça 200 mln sömdan ortiq tovon puli undirilgan.
Bu yönalişdagi işlar Madaniyat vazirligi, Raqobatni rivojlantiriş qömitasi va «Özkomnazorat» inspeksiyasi bilan hamkorlikda olib borilgan.
Bobomurod Hamdamov va Odil Yoqubov asarlaridan ruxsatsiz foydalanilgan
Anjuman davomida taniqli ijodkorlarning asarlari bilan boğliq huquqbuziş holatlaridan ham misollar keltirildi. Adliya vazirligi Intellektual mulk departamenti boşqarma boşliği Bekzod Röziyevning aytişiça, xonanda Bobomurod Hamdamovga tegişli musiqiy asarlardan uning merosxörlari ruxsatisiz foydalanilgan holat aniqlangan.
«Taniqli xonandamiz Bobomurod Hamdamovga tegişli musiqiy asarlardan uning merosxörining ruxsatisiz foydalaniş holatlari aniqlandi. Şuningdek, Odil Yoqubovning «Köhna dunyo» asari merosxörlar ruxsatisiz çop etilgani va foydalanilgani böyiça tegişli naşriyotlarga çoralar körildi», – dedi vazirlik vakili.
Adliya vazirligi vakiliga köra, Bobomurod Hamdamov asarlaridan noqonuniy foydalangan şaxsga nisbatan tegişli çoralar körilgan.
Bundan tashqari, yozuvçi Odil Yoqubovning «Köhna dunyo» asarini merosxörlar ruxsatisiz çop etiş va undan foydalaniş holatlari böyiça esa naşriyotlarga nisbatan çoralar qöllanilgan.
«Sevimli» telekanalining seriallaridan noqonuniy foydalanilgan
«Sevimli» telekanaliga tegişli seriallarning Telegram-kanallarda ruxsatsiz tarqatilişi holati ham aniqlandi. Mazkur telekanalning Mualliflik huquqlarini himoya qiliş bölimi boshliği Aziz Toşpölatovning aytişiça, «Keçir», «Xasta», «Sukunat» va «Senga muhtojman» kabi seriallarning efir variantlari boşqa kanallarga joylaştirilib, ular orqali reklama daromadi olingan.
«Yuz foiz bizga tegişli bölgan asarlarimizning efir variantlarini yozib olib, Telegram kanallarda e’lon qilib borişyapti. Şu orqali reklama daromadi olişyapti. Bu, albatta, notöğri», – dedi u.
Uning sözlariga köra, telekanal avval kanal administratorlarini ogohlantirgan, natija bölmagaç esa Adliya vazirligiga murojaat qilgan. Şundan söng 17 ga yaqin Telegram kanal bloklangan.
Mualliflik huquqi 70 yilgaça amal qiladi
Anjumanda so‘nggi yillarda mualliflik huquqini himoya qiliş böyiça qonunçilikka kiritilgan özgarışlar haqida ham ma’lumot berildi. Xususan, mualliflik huquqining amal qiliş muddati 50 yildan 70 yilga uzaytirildi.
Bundan taşqari, mualliflik huquqini buzgan şaxsdan bazaviy hisoblaş miqdorining 20 baravaridan 1000 baravarigaça tovon puli undiriş amaliyoti joriy etildi.
Avvalroq «Ötkan kunlar» tarjimasidan noqonuniy foydalangan xodim 20,6 mln söm jarima tortilgani haqida xabar berilgan edi.
