Yangiliklar

Prezident farmoni bilan Sanoat kooperatsiyasi va davlat xaridlari agentligi tashkil etildi. Bu haqda davlat rahbari matbuot xizmati ma’lum qildi.

Iqtisodiyot va moliya vazirligining davlat xaridlari sohasidagi vazifalari, funksiyalari va vakolatlari ushbu agentlikka o‘tkazildi.

2026-yil 1-iyuldan boshlab agentlik respublika va mintaqa bozorini tahlil qiladi hamda milliy iqtisodiyotga qo‘shiladigan qiymat zanjirlarini oshirishga xizmat qiluvchi raqobatbardosh mahsulotlar ro‘yxatini sohalar kesimida bosqichma-bosqich shakllantirib, e’lon qilib boradi.

Mazkur ro‘yxatga kiritilgan mahsulotlarni o‘zlashtirgan tadbirkorlik subyektlari bilan belgilangan tartibda kafolatli xarid shartnomalari tuziladi va ular tegishli dasturlarga kiritiladi.

Shuningdek, agentlik xorijiy huquq egalari bilan hamkorlik o‘rnatib, ishlab chiqarish texnologiyalarini transfer qilish, brend va tovar belgilari...

Turkiy davlatlar tashkiloti (TDT) huzuridagi Musulmon diniy idoralari rahbarlari kengashining Fatvo hay’ati 2026-yilda Ramazon oyining boshlanish sanasini e’lon qildi. Bu haqda kengashning rasmiy sahifasida ma’lum qilindi.

Qabul qilingan qarorga ko‘ra, Ramazon oyining birinchi kuni 19-fevral, payshanba kuniga to‘g‘ri keladi. Ramazon hayiti esa 20-mart, juma kuni nishonlanishi kutilmoqda.

Mazkur qaror 2 – 4-fevral kunlari Samarqand shahrida bo‘lib o‘tgan Fatvo hay’atining maslahat yig‘ilishida belgilandi. Uchrashuv O‘zbekiston musulmonlari idorasi rahbarligida tashkil etilib, unda Turkiy davlatlar tashkilotiga a’zo mamlakatlar diniy idoralari vakillari hamda islom ulamolari qatnashdi.

Fatvo hay’ati tomonidan qabul qilingan ushbu qo‘shma qaror turkiy davlatlar musulmon jamoalari o‘rtasida birlik va hamjihatlikni mustahkamlash...

Apple TV tomonidan suratga olingan va Bred Pitt bosh rolni ijro etgan F1 filmi davomiga ega bo‘lishi mumkin. Hozircha rasmiy e’lon berilmagan bo‘lsa-da, «Formula-1» rahbari kelajak uchun rejalar borligiga ishora qildi. Bu haqda Deadline nashri xabar berdi.

Mazkur masala Apple TV’ning fevral oyidagi matbuot anjumanida ko‘tarildi. Sport dramasi bo‘lgan F1 filmi davom etadimi, degan savol tadbir yakunida muhokama qilindi. Savolni Apple’ning internet xizmatlari bo‘yicha vitse-prezidenti Eddi Kyu berdi, unga esa «Formula-1» prezidenti Stefano Domenikali javob qaytardi.

«Biz bilan qoling. Kelajakda sizga yana nimadir aytamiz. Hech qachon «hech qachon» demang. Ammo avvalo ushbu filmning muvaffaqiyatini chuqurroq...

Kuchli sovuq sharoitida ayrim Chevrolet yo‘ltanlamas va pikaplarida tormoz tizimi bilan bog‘liq muammolar yuzaga kelayotgani ma’lum bo‘ldi. General Motors kompaniyasi bu borada maxsus servis byulletenini e’lon qildi.

Hujjatga ko‘ra, muammo 2022–2026-yillarda ishlab chiqarilgan va Shimoliy Amerikada sotilgan Chevrolet Silverado, Tahoe hamda Suburban modellari bilan bog‘liq. Avtomobil egalari tormoz tizimi va StabiliTrak barqarorlashtirish tizimi ishlashida nosozliklar, ABS ogohlantirish chirog‘ining yonishi, Service Brake System va Service StabiliTrak xabarlari, shuningdek, tormoz pedalidagi bosim o‘zgarishini kuzatishi mumkin.

Diagnostika jarayonida C055F xato kodi aniqlangan, 2026-yil modellari uchun esa yangilangan C0597 kodi qayd etilmoqda. Ushbu muammolar ko‘pincha havo harorati −23 darajadan past bo‘lgan sharoitlarda yuzaga...

Buyuk shoir va mutafakkir Alisher Navoiy tavalludining 585 yilligi munosabati bilan Ozarbayjon tillar universitetida O‘zbek tili va adabiyoti markazi ochildi. Bu haqda «Dunyo» AA ma’lum qildi.

Marosimda O‘zDJTU va Ozarbayjon tillar universitetlari rektorlari Ilxomjon To‘xtasinov hamda Kamal Abdulla qatnashdi. Shuningdek, Ozarbayjon–O‘zbekiston parlamentlararo aloqalar bo‘yicha ishchi guruhi rahbari, deputat Eldar Ibrohimov va boshqa rasmiy shaxslar ham ishtirok etdi.

So‘zga chiqqanlar O‘zbekiston va Ozarbayjon o‘rtasidagi tarixiy do‘stlik va strategik sheriklik aloqalari izchil rivojlanib borayotganini ta’kidladi.

Shuningdek, Ozarbayjon tillar universitetining bir guruh talabalari O‘zbekiston davlat jahon tillari universitetida doktorantura bosqichida tahsil olishlari rejalashtirilayotgani bildirildi.

Eslatib o‘tamiz, avvalroq Pokiston poytaxtida Toshkent koʻchasi...

Meta kompaniyasi sun’iy intellekt orqali videolar yaratish va ulashish imkonini beruvchi Vibes ilovasini mustaqil platforma sifatida sinovdan o‘tkazmoqda. Bu haqda Tech Crunch nashir ma’lum qildi.

Vibes ilovasi foydalanuvchilarga qisqa shakldagi SI-videolar yaratish, ularni lentaga joylashtirish va boshqa foydalanuvchilarning videolarini ko‘rish imkonini beradi. Ilova dastlab Meta AI ichida ishlagan bo‘lsa, endi uni mustaqil qilib, foydalanuvchilarga yanada qulay va fokuslangan tajriba taqdim etish rejalashtirilgan.

Ilovada foydalanuvchilar videoni boshidan yaratishi yoki lentada ko‘rgan videoni remix qilishi mumkin. Chop etishdan oldin yangi vizual elementlar qo‘shish, musiqa va uslubni sozlash imkoniyati mavjud. Tayyor video Vibes lentasiga joylashtirilishi, do‘stlarga DM orqali yuborilishi yoki Instagram...

2025-yilda O‘zbekistonda taksi bozori aylanmasi 9,6 trillion so‘mni tashkil etdi. Bu haqda Soliq qo‘mitasi ma’lumot berdi.

Unga ko‘ra, yil davomida soliq organlarining axborot tizimlari bilan integratsiyalashgan taksi agregatorlari soni 155 tadan 224 taga yetgan. Ular orqali qariyb 479 millionta safar amalga oshirilgan bo‘lib, bu ko‘rsatkich o‘tgan yilga nisbatan 49,6 foizga oshgan.

Yo‘l haqi to‘lovlarining asosiy qismi hanuz naqd shaklda amalga oshirilmoqda — 6,74 trillion so‘m (70,2%). Naqd pulsiz to‘lovlar hajmi esa 2,87 trillion so‘mni (27,8%) tashkil etgan. Shu bilan birga, onlayn to‘lovlar ulushi izchil o‘sib bormoqda. Bir safar uchun o‘rtacha yo‘l haqi 20 ming so‘mdan oshib, 8,3 foizga ko‘tarilgan.

Honor kompaniyasi o‘rta narx segmentiga mansub, biroq juda katta sig‘imli akkumulyatorga ega yangi smartfon ustida ishlamoqda. Bu haqda Gizmocjina nashri xabar berdi.

Unga ko‘ra, Honor 600 modeli 9000 mA/soat sig‘imdagi akkumulyator va 6,57 dyuymli displey bilan jihozlanadi. Bugungi standartlar bo‘yicha bunday ekran o‘lchami juda katta hisoblanmasa-da, qurilmani ixcham deyish qiyin.

Taqqoslash uchun, hozirgi Honor 500 modeli ham xuddi shu — 6,57 dyuymli ekranga ega bo‘lib, uning akkumulyatori 8000 mA·soatni tashkil etadi. Shu bois yangi qurilmaning aynan Honor 600 bo‘lishi ehtimoli yuqori baholanmoqda.

Amaldagi Honor 500 smartfoni Snapdragon 8s Gen 4 protsessori va 7,8 mm qalinlikdagi korpus bilan taqdim etilgan...

Perm shahridan Toshkentga to‘g‘ridan-to‘g‘ri aviareyslar aprel oyining oxirigacha amalga oshiriladi. Bu haqda Kommersant nashri ma’lum qildi.

Yo‘lovchilarni tashish bilan UVT Aero aviakompaniyasi shug‘ullanadi. Parvozlar haftasiga bir marta — dushanba kunlari amalga oshiriladi. Aviareyslarda Bombardier samolyotlaridan foydalaniladi.

Permdan Toshkentga ekonom-klass chiptasi narxi 12 ming rubl (1,9 mln so‘m), optimum va premium tariflari mos ravishda 19,3 ming rubl (3 mln so‘m) va 38,5 ming rubl (6,1 mln so‘m)ni tashkil qiladi.

UVT Aero — 2015-yilda tashkil etilgan Rossiyaning mintaqaviy aviakompaniyasi. U sobiq Ak Bars Aero negizida faoliyat boshlagan. Aviakompaniya Tatariston shaharlaridan muntazam reyslarni amalga oshiradi va Qozon, Bugulma hamda Begishevo aeroportlarida...

Kia kompaniyasi o‘zining EV4 elektromobilini qattiq sovuq sharoitda sinovdan o‘tkazdi. Bu haqda kompaniya rasmiy sahifasida ma’lum qilindi.

Sinovlar Norvegiya avtomobil federatsiyasi tomonidan tashkil etilgan El Prix qishki testi doirasida o‘tkazildi. Sinov vaqtida harorat -20 dan -31 darajagacha bo‘ldi. Bu elektromobil uchun juda qiyin sharoit hisoblanadi.

EV4 modeli WLTP sikli bo‘yicha 594 km masofani bosib o‘tishi ko‘rsatilgan bo‘lsa-da, sinov sharoitida mashina 390 km yo‘l bosdi. Mashina 81,4 kVt/soat sig‘imli batareya bilan jihozlangan bo‘lib, qattiq sovuqqa qaramay, e’lon qilingan masofaning 65 foizini bosib o‘tdi.

Shuningdek, EV4 shunday sharoitda batareyani 10% dan 80% gacha yetkazishda 33 daqiqa sarfladi. Bu natija Kia...

So‘nggi sutka davomida sport olamida chinakam sensatsiyalar va unutilmas lahzalar kuzatildi. O‘zbekistonlik himoyachi Angliyada tarix yozmoqda, afsonaviy hujumchi Osiyoda yana porladi, ring yulduzi esa muxlislar fikri bilan qiziqdi.

«Manchester Siti» bilan tarix yozayotgan Husanov

Hamyurtimiz Abduqodir Husanov «Manchester Siti» safida Angliya Liga kubogi finaliga yo‘l olib, o‘zbek futboli tarixidagi yorqin sahifalardan birini ochdi. Yarim finalning javob uchrashuvida «Nyukasl» ustidan qozonilgan ishonchli g‘alabadan so‘ng, himoyachimiz ushbu unutilmas lahzalar aks etgan suratlarni o‘zining ijtimoiy tarmoqdagi sahifasiga joyladi. Husanovning Pep Gvardiola qo‘l ostidagi ishonchli o‘yini barcha muxlislarni quvontirmoqda.

«Al-Hilol»ning yangi qiroli: Benzemadan xet-trik!

Fransiyalik to‘purar Karim Benzema «Al-Hilol» klubiga...

Samsung kompaniyasi Hindistonda Samsung Galaxy A07 5G smartfonini rasman sotuvga chiqardi. Bu haqda Sammobile nashri xabar bermoqda. Qurilma bundan avval Tailand va Filippinda taqdim etilgandi.

Yangi taqdim etilgan model katta ekran va sig‘imli batareya bilan ajralib turadi. Bu xususiyatlar bugungi kunda xaridorlar orasida yuqori talabga ega.

Galaxy A07 5G ikki xil xotira variantida taklif etilmoqda. 4 GB tezkor va 128 GB ichki xotirali versiya $165, 6 GB tezkor va 128 GB xotirali talqin esa $199 etib baholangan. Smartfon qora, och yashil va och binafsha ranglarda sotilmoqda.

Qurilmani Samsung do‘konlari, kompaniyaning rasmiy sayti hamda Hindistondagi vakolatli onlayn va oflayn...

Toshkent shahri va Andijon viloyatida kuchli ta’sir qiluvchi dori vositalarini noqonuniy sotish bilan shug‘ullanib kelgan shaxslar ushlandi. Bu haqda Bosh prokuratura huzuridagi Departament xabar berdi.

Ma’lum qilinishicha, Departamentning Toshkent shahar boshqarmasi va boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaro K.T. va uning sheriklari fuqaroga xorijda ishlab chiqarilgan 170 dona «Zardeks» nomli kuchli ta’sir qiluvchi dori vositasini 13,6 mln so‘mga sotayotgan vaqtida ashyoviy dalillar bilan qo‘lga olingan.

Shu bilan birga, Chilonzor tumanida o‘tkazilgan tezkor tadbir davomida fuqaro boshqa bir shaxsga 30 dona «Zardeks» dori vositasini $300 ga sotayotgan vaqtida ushlangan. Tadbir davomida jami 36 dona...

Qashqadaryo va Toshkent viloyatlari hamda Toshkent shahrida jami 20,2 kg narkotik moddalar musodara qilindi. Bu haqda Davlat xavfsizlik xizmati xabar berdi.

Jumladan, Toshkent viloyatida o‘tkazilgan tezkor-qidiruv tadbirlari natijasida Toshkent shahrida yashovchi, 1984-yilda tug‘ilgan fuqaro muqaddam narkokuryerlar tomonidan Ohangaron tumanidagi dala maydoniga yashirib ketilgan 4 kg 935 gr Alfa-PVP sintetik giyohvandlik vositasini olgan vaqtida ushlandi.

Aniqlanishicha, internet-narkodo‘konning «omborchi» lavozimidagi ishchisi hisoblangan mazkur shaxs ko‘p miqdordagi giyohvandlik vositalarini «zakladka» usulida yashirib ketilgan lokatsiyalardan olish va qismlarga ajratgan holda, O‘zbekistonning turli viloyatlariga yetkazib berish bilan shug‘ullangan.

Shuningdek, poytaxtning Yangihayot tumanida o‘tkazilgan tezkor tadbirda esa Olmazor tumanida istiqomat qiluvchi, 1981-yilda tug‘ilgan...

Zeekr yangi Zeekr 8X krossoveri bozorga chiqishi biroz kechikayotganini ma’lum qildi. Bu haqda CarNewsChina xabar bermoqda. Model hozirda keng ko‘lamli oldindan sinov bosqichida bo‘lib, qo‘shimcha vaqt talab etmoqda.

Zeekr bayonotida 8X haqidagi ayrim ma’lumotlar va interyer tasvirlari rejalashtirilgan muddatdan oldin internetga sizib chiqqani tan olindi. Bu holat avtomobil bo‘yicha axborotlarni bosqichma-bosqich ochish jadvalini buzgan. Shunga qaramay, kompaniya sifat ustuvorligini asosiy tamoyil sifatida ko‘rsatdi.

Model Geely’ning qat’iy sifat nazorati tizimi asosida sinovdan o‘tkazilmoqda. Avtomobil to‘liq sinovlardan o‘tib, yetkazib berish sifati bo‘yicha yakuniy nazoratdan keyingina keyingi bosqichga o‘tiladi.

Kompaniya Zeekr 8X 2026-yilning birinchi yarmida bozorga chiqarilishini tasdiqladi. Biroq aniq...

Hafta davomida turli mashinalar sotuvga chiqdi. Ayrim mavjud avtomobil modellarida o‘zgarishlar kuzatildi. Ular bilan Kursiv Uzbekistan’ning avtodayjestida tanishing.

Geely Galaxy M7

Milanda Xitoyning Geely kompaniyasi o‘zining yangi texnologik flagmani bo‘lgan Geely Galaxy M7 krossoverini taqdim qildi. Ushbu mashina to‘liq yoqilg‘i baki va to‘liq zaryadlangan batareya bilan 1730 km masofani bosib o‘ta oladi.

Shundan 225 km yo‘l faqat elektr rejimida yurish imkonini beradi. Bu ko‘rsatkich modelni o‘z sinfidagi eng uzoq masofaga yuradigan krossoverlardan biriga aylantiradi.

Krossover besh xil rangda taqdim etildi. Old qismida 2 metrdan uzun yorug‘lik tasmasi bor. U 362 ta LED chiroqdan iborat. Orqa fonarlar ham...

2026-yil 1-yanvar holatiga mamlakatdagi mikromoliya tashkilotlari (MMT)ning jami kredit qoldig‘i 10,8 trln so‘mni tashkil etdi. Shundan muammoli kreditlar 263,5 mlrd so‘m (2,4%) ulushga ega.

Bozorning eng yirik ishtirokchisi 3,46 trln so‘mlik portfelga ega TezCoin mikromoliya tashkiloti bo‘lib, keyingi o‘rinlarda qariyb 1,9 trln so‘mlik Shaffof-moliya va 1 trln so‘mlik kreditga ega Fortuna Biznes turadi.

Muammoli kreditlar ulushi (NPL) bo‘yicha esa Effektiv Moniy eng yuqori o‘rinni egallaydi, unda NPL ulushi 100%. Bundan keyingi o‘rinlarda 79,2 foizlik ulush bilan Kreditomat Tashkent va 61,8% bilan Tashdi tashkiloti o‘rin olgan. Shuningdek, Sarmishsoy Plyus Invest (44%) va Chust Rir (31,5%) tashkilotlarida ham NPL yuqori.

Eslatib...

Bu haftada dollar ishonchli yuqoriladi. Kursiv Uzbekistan nashrining ushbu maqolasida AQSh valyutasi hafta davomidagi o‘zgarishi haqida so‘z boradi.

Hafta boshidan buyon dollar barqaror o‘sish trendini ko‘rsatmoqda. 2-fevral kuni dollar birdaniga 26,06 so‘mga oshib, 12 225,16 so‘mga yetgandi. 3-fevral kuni o‘sish davom etdi. Dollar 17,01 so‘mga qimmatlab, 12 242,17 so‘m darajasida belgilandi.

4-fevral kuni ham kurs yuqorilashda davom etdi. Bu kuni dollar yana 16,21 so‘mga oshib, 12 258,38 so‘mni tashkil qildi. 5-fevral kuni o‘sish biroz sekinlashdi. Dollar 7,39 so‘mga qimmatlab, 12 265,77 so‘mga chiqdi. 6-fevral holatiga ko‘ra, dollar kursi yana ko‘tarildi. AQSh dollari 13,71 so‘mga qimmatlab...

9-fevral uchun valyutalar kursi yangilandi. Unga ko‘ra, dollar 23,68 so‘mga oshib, 12 303,16 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

2-fevral kuni dollar 26,06 so‘mga oshib, 12 225,16 so‘mga yetgandi. 3-fevral kuni 17,01 so‘mga oshib, 12 242,17 so‘mni, 4-fevral kuni 16,21 so‘mga oshib, 12 258, 38 so‘mni, 5-fevral kuni 7,39 so‘mga oshib, 12 265,77 so‘mni tashkil qildi. 8-fevral kuni dollarning qiymati 13,71 so‘mga oshib, 12 279,48 so‘mga yetdi.

Markaziy bank ma’lumotlariga ko‘ra, yevro 0,32 so‘mga pasayib, 14 507,89 so‘mni, rubl 0,51 so‘mga oshib, 159,76 so‘mni tashkil qildi.

Eslatib o‘tamiz, Kursiv Uzbekistan...

6-fevral kuni Pokiston poytaxti Islomobodning Tarlai Kalan hududidagi Imom Bargoh Qasr-e-Xadichatul Kubra diniy maskanida kuchli portlash yuz berdi. Dastlabki xabarlarga ko‘ra, xudkush terrorchi portlovchi qurilmani asosiy darvoza oldida ishga tushirgan. Bu haqda Times of Islamabad xabar bermoqda.

Xavfsizlik rasmiylarining ma’lum qilishicha, hujumchi hushyor soqchilar tomonidan kirish eshigi oldida to‘xtatib qolingan. Bu esa namozxonlar to‘plangan asosiy zalga kirishning oldini olgan. To‘siqqa qaramay, portlash darvoza tuzilishiga jiddiy zarar yetkazdi va yaqin atrofdagi binolarning oynalarini sindirib yubordi.

Islomobod politsiyasi bosh inspektori butun shahar bo‘ylab favqulodda holat e’lon qildi. Qutqaruv va huquq-tartibot organlari zudlik bilan voqea joyiga yetib bordi. Guvohlarning so‘zlariga ko‘ra va...

«Ayvoni Sadr» qarorgohida Shavkat Mirziyoyevga Pokistonning oliy davlat mukofoti – «Nishoni Pokiston» ordenini topshirish marosimi boʻlib oʻtdi. Mukofotni Pokiston prezidenti Asif Ali Zardoriy tantanali ravishda topshirdi.

Qayd etilishicha, ushbu orden Oʻzbekiston va Pokiston oʻrtasidagi koʻp qirrali hamkorlikni rivojlantirish yoʻlidagi sa’y-harakatlarga berilgan yuksak baho hamda Oʻzbekiston xalqiga boʻlgan doʻstona munosabat ifodasi. Tomonlar ikki davlat oʻrtasidagi strategik sheriklik yangi bosqichga chiqishiga ishonch bildirdi.

Ma’lumot uchun, «Nishoni Pokiston» ordeni turli yillarda Buyuk Britaniya qirolichasi Yelizaveta II, AQSh prezidenti Richard Nikson, Janubiy Afrika prezidenti Nelson Mandela, Tailand Qiroli Pxumipon Adulyadet, BAA prezidenti Shayx Zoid bin Sulton Ol Nahayon, Xitoy Xalq Respublikasi Raisi Xu...

Chevrolet kompaniyasi Chevrolet Spark EUV 2026 modelini Braziliyada taqdim etdi. Bu avtomobil kompaniyaning 100 foiz elektr quvvatida ishlovchi ixcham SUV segmentidagi yangi yo‘nalishini namoyish qiladi.

Elektr SUV sifatidagi konsepsiya

Chevrolet Spark EUV o‘zini energiya beradigan model sifatida taqdim etadi. Model shahar muhitida ekologik toza harakatlanish, past foydalanish xarajatlari va zamonaviy texnologiyalarni birlashtirishni maqsad qilgan. Avtomobil 100% elektr motor bilan ishlaydi va kundalik ehtiyojlar uchun yetarli avtonomiya taklif etadi.

Dizayn va tashqi ko‘rinish

Spark EUV tashqi ko‘rinishda ixcham, ammo shu bilan birga aniq SUV xarakteriga ega. Korpus balandroq klirensga ega bo‘lib, bu notekis yo‘llarda ham qulay...

Shell neft-gaz konserni Qozog‘iston hukumati bilan davom etayotgan sud jarayonlari yakunlanmaguncha mamlakatga investitsiya kiritishni to‘xtatib turadi. Bu haqda Bloomberg nashri xabar bermoqda.

Shell kompaniyasi ijrochi direktori Vael Savan 6-fevral kuni tahlilchilar bilan o‘tkazilgan telekonferensiyada vaziyatga oydinlik kiritdi. Uning ta’kidlashicha, respublika tomonidan qo‘yilayotgan milliardlab dollarlik da’volar kompaniyaning sarmoyaviy ishtiyoqini pasaytirmoqda.

«Bu bizning Qozog‘istonga sarmoya kiritish istagimizga ta’sir qilmoqda. Kelajakda ko‘plab imkoniyatlarni ko‘rayotgan bo‘lsak-da, vaziyat qanday yakunlanishi oydinlashmaguncha kutamiz», – dedi u.

Ayni paytda Qozog‘iston xalqaro sudlarda va milliy darajada g‘arbiy neft kompaniyalari bilan bir nechta yirik nizolarni olib bormoqda. Asosiy e’tibor ikkita yirik loyihaga qaratilgan...

Xitoylik olimlar Starlink sun’iy yo‘ldoshlarini yo‘q qilish uchun mo‘ljallangan dunyodagi birinchi ixcham 20 gigavattli mikroto‘lqinli generatorni ishlab chiqdi. Bu haqda South China Morning Post xabar berdi.

TPG1000Cs deb nomlangan yangi texnologiya hozirda Shensi provinsiyasining Sian shahridagi Shimoli-g‘arbiy Xitoy yadro texnologiyalari institutida joylashgan.

Qurilma 60 soniyagacha uzluksiz ishlashi mumkin. Bu uch soniyadan ko‘p bo‘lmagan vaqt davomida ishlaydigan mavjud global analoglarning imkoniyatlaridan sezilarli darajada oshadi.

Nashrning aniqlik kiritishicha, o‘rnatish to‘rt metr uzunlikda va besh tonna og‘irlikda bo‘lib, uni yuk mashinalari, harbiy transport vositalari, kemalar, samolyotlar yoki hatto sun’iy yo‘ldoshlarga o‘rnatishga yaroqli qiladi.

Eslatib o‘tamiz, avvalroq SpaceX kompaniyasining Starlink tizimi Tojikistonda...