Yangiliklar

O‘zbekiston terma jamoasi himoyachisi Abduqodir Husanov «Manchester Siti» bilan yangi shartnoma shartlarini kelishib olishi kutilmoqda. The Athletic nashriga ko‘ra, yangi kelishuv 2031-yilgacha mo‘ljallangan bo‘ladi.

Husanov Siti himoyasida muhim futbolchiga aylandi

22 yoshli Abduqodir Husanov 2025-yil yanvarida Fransiyaning «Lans» klubidan «Manchester Siti»ga o‘tganidan keyin jamoaning muhim himoyachilaridan biriga aylandi. U muxlislar orasida ham tezda e’tibor qozondi.

O‘tgan mavsumning ikkinchi yarmida Ruben Diash va Yoshko Gvardiol jarohat olganidan so‘ng Husanov asosiy tarkibda ko‘proq maydonga tusha boshladi. Uning barqaror o‘yini klub tomonidan yangi shartnoma bilan taqdirlanmoqda.

Amaldagi shartnoma 2029-yilgacha edi

Husanovning klub bilan amaldagi shartnomasi 2029-yilgacha mo‘ljallangan. Biroq klub endi...

Turkiyaning «Istanbul Bashakshehir» klubi UEFA Konferensiyalar ligasi saralash bosqichida Finlyandiyaning «Inter Turku» jamoasi bilan 1:1 hisobida durang o‘ynadi. Uchrashuvda O‘zbekiston milliy terma jamoasi hujumchisi Eldor Shomurodov asosiy tarkibda maydonga tushdi, Abbosbek Fayzullayev esa ikkinchi bo‘limda zaxiradan o‘yinga qo‘shildi.

Bahsning 16-daqiqasida mehmonlar hisobni ochdi. Yasse Tuominenning uzatmasidan so‘ng Klinton Jefta to‘pni darvozaga yo‘llab, «Inter Turku»ni oldinga olib chiqdi. «Bashakshehir» birinchi bo‘lim davomida hisobni tenglashtirish uchun bir qator imkoniyatlar yaratdi.

Eldor Shomurodov 27-daqiqada darvoza tomon zarba berdi. 34-daqiqada esa o‘zbekistonlik futbolchining zarbasi darvoza ustuniga tegdi. Shomurodov ikkinchi bo‘limning 65-daqiqasida ham raqib darvozasiga zarba yo‘lladi.

Turkiya klubi 54-daqiqada hisobni tenglashtirdi. Yusuf Sari

Buyuk Britaniya immigratsiya tizimini to‘liq raqamlashtirish jarayonini davom ettirib, jismoniy viza hujjatlarini elektron viza – eVisa bilan almashtirdi. Bu haqda mamlakat hukumati saytida ma’lum qilindi.

2026-yil 1-iyuldan boshlab mamlakatga kirish uchun yangi viza olgan arizachilarga pasportga yopishtiriladigan viza stikerlari berilmaydi.

eVisa shaxsning identifikatsiyasi hamda Buyuk Britaniyaga kirish yoki mamlakatda qolish huquqi haqidagi raqamli ma’lumot hisoblanadi. Uni ko‘rish va foydalanish uchun arizachi Buyuk Britaniyaning viza va immigratsiya xizmati – UKVI tizimida shaxsiy hisobga ega bo‘lishi kerak.

Tizim qanday ishlaydi

Angliya, Shotlandiya, Uels yoki Shimoliy Irlandiyaga kelish uchun topshirilgan viza arizasi ma’qullansa, murojaatchiga avvalgi jismoniy immigratsiya hujjatlari o‘rniga eVisa taqdim...

Venesuela sobiq prezidenti Nikolas Maduro va uning rafiqasi Siliya Flores ustidan AQShda sud jarayoni 2027-yil 1-iyunda boshlanadi. Bu haqda AQSh federal sudyasi Alvin Hellerstayn dastlabki sud majlisida qaror qabul qildi.

Maduro va Flores 2026-yil 3-yanvar kuni Venesuelada o‘tkazilgan harbiy amaliyot chog‘ida qo‘lga olinib, mamlakatdan olib chiqilgan. ABC News ma’lumotiga ko‘ra, shundan so‘ng ularga AQShda ayblovlar qo‘yilgan.

Sud qaroriga muvofiq, er-xotin 2027-yil 1-iyun kuni AQSH sudida javob bera boshlaydi. Maduroning advokati Barri Pollak o‘z mijozini suveren davlat rahbari sifatida sud immunitetiga ega deb hisoblashini bildirdi. Himoya tomoni shu asosda ayblov xulosasiga qarshi chiqmoqchi.

Hodisa 3-yanvar kuni Venesuela poytaxti Karakasda portlashlar...

Samsung kompaniyasi Londonda Galaxy Z turkumiga kiruvchi uchta yangi buklanadigan smartfonni taqdim etdi. Bu haqda Reuters agentligi xabar bermoqda.

Janubiy Koreya kompaniyasi xotira chiplari narxining oshishi va Apple’ning buklanadigan qurilmalar bozoriga kirishi kutilayotgani fonida ayrim yangi modellar narxini avvalgi avlodga nisbatan $100 ga ko‘tardi.

Qanday qurilmalar taqdim etildi

Taqdimotda Galaxy Z Fold8, premium toifadagi Galaxy Z Fold8 Ultra va «chig‘anoq» shaklida buklanadigan Galaxy Z Flip8 namoyish etildi. Yangi qurilmalar Alphabet kompaniyasining Gemini sun’iy intellekt tizimi bilan integratsiya qilingan.

Video tomosha qilish, bir vaqtning o‘zida bir nechta ilovada ishlash va katta ekranga ehtiyoj sezadigan foydalanuvchilarga mo‘ljallangan Galaxy Z Fold8’ning...

General Motors kompaniyasi 2027-yilgi yangi Chevrolet Onix Activ modelini Argentina bozorida taqdim etdi. Bu haqda GMAutority nashri xabar bermoqda.

Yangi model Buenos-Ayresdagi La Rural xalqaro chorvachilik, qishloq xo‘jaligi va sanoat ko‘rgazmasida namoyish qilindi. Chevrolet Onix Activ brendning krossoverlar qatoridagi boshlang‘ich model sifatida joylashtirilgan bo‘lib, shaharda foydalanishga mos, balandroq va ko‘p funksiyali avtomobillarga talab oshib borayotgan bir paytda ishlab chiqilgan.

GM Argentina tijorat direktori Andres Karfanyaning ta’kidlashicha, yangi Onix Activ boshlang‘ich segmentdagi krossover va SUV modellarga hamyonbop hamda jozibador muqobil bo‘lishi kerak. Model standart Onix’ning tejamkorligi, zamonaviy aloqa imkoniyatlari va boshqaruvdagi qulayligini saqlab qolgan.

Argentina bozorida Onix Activ LTZ Turbo...

Nyu-York meri Zohran Mamdani shahar ma’muriyati Binyamin Netanyaxuni Xalqaro jinoiy sud orderi asosida hibsga olish uchun yetarli huquqiy vakolatga ega emasligini ma’lum qildi. Bu haqda u 21-iyul kuni ijtimoiy tarmoqlarda e’lon qilgan videomurojaatida aytdi.

Mamdani so‘zlariga ko‘ra, uning ma’muriyati amaldagi qonunchilik doirasida mavjud barcha imkoniyatlarni o‘rganib chiqqan. Shahar hokimi Nyu-York hukumati Xalqaro jinoiy sud orderini mustaqil ravishda ijro etish vakolatiga ega emasligini tan oldi. Shu bilan birga, u AQSh federal hukumatini sudga qo‘shilish va Netanyaxuga nisbatan chiqarilgan orderni ijro etishga chaqirdi.

AQSh prezidenti Donald Tramp esa bunday imkoniyatni qat’iyan rad etdi. U Truth Social platformasidagi bayonotida Netanyahu Qo‘shma Shtatlar...

Chevrolet kelajakda yangi hamyonbop elektromobilini Xitoyning Wuling Bingo Pro modeli asosida yaratishi mumkin. Model ayrim bozorlarda Chevrolet Matiz avtomobilining zamonaviy vorisi sifatida taqdim etilishi ehtimoli bor.

Wuling Bingo Pro uzunligi 4 metrdan biroz oshadigan besh eshikli xetchbek bo‘lib, uning g‘ildiraklar bazasi 2560 mmni tashkil etadi. Elektromobil old g‘ildiraklarni harakatga keltiruvchi 88 ot kuchiga ega bitta elektr motor bilan jihozlangan.

Texnik imkoniyatlar

Xitoy bozorida model 31,9 va 37,9 kVt/soat sig‘imli litiy-temir-fosfat batareyalarning ikki xil varianti bilan taklif etiladi. Bingo Pro 2026-yil bahorida sotuvga chiqarilgan bo‘lib, uning boshlang‘ich narxi 58,8 ming yuan yoki qariyb $8,7 mingni tashkil qiladi. Bu ko‘rsatkich...

23-iyul sanasi kino va musiqiy shou-biznes olamidagi yorqin voqealar hamda koinot sirlarini ochishdagi kashfiyotlar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1961-yili amerikalik taniqli kino yulduzi Vudi Xarrelson dunyoga keldi. U «Chavandozlar», «Zombilend» va «Venom» kabi mashhur loyihalardagi esda qolarli rollari bilan tanilgan. Aktyor o‘zining muvaffaqiyatli faoliyati davomida uch marta nufuzli «Oskar» mukofotiga nomzod bo‘lgan hamda «Emmi» sovrinini qo‘lga kiritgan.

1976-yilda shaxmat tarixidagi eng kuchli ayol grossmeyster hisoblangan vengriyalik Yudit Polgar tavallud topdi. U bor-yo‘g‘i 15 yoshida grossmeyster unvonini olib, afsonaviy Bobbi Fisherning rekordini yangilagan. O‘z vaqtida Garri Kasparov va Magnus Karlsen

Trampdan yangi tahdid, suv sanoati uchun 20 mln dollar grant — 22-iyul kuni e’lon qilingan yangiliklar Kursiv Uzbekistan dayjestida.

Markaziy Osiyoda suv sanoati uchun 20 mln dollar grant ajratiladi

Jahon banki Markaziy Osiyoda transchegaraviy suv resurslarini boshqarishni yaxshilash uchun $20 mln miqdoridagi grant ajratadi. Bu haqda bank matbuot xizmati xabar berdi.

Bankning Ijrochi direktorlar kengashi 21-iyul kuni mintaqada suv hamkorligini rivojlantirishga qaratilgan yangi loyihani ma’qulladi. Uning amalga oshirilishi natijasida Markaziy Osiyodagi qariyb 40 mln kishi bevosita yoki bilvosita manfaatdor bo‘lishi kutilmoqda.

Fransiyada 15 yoshgacha bo‘lganlarga ijtimoiy tarmoqlar taqiqlandi

Fransiya Yevropada 15 yoshgacha bo‘lgan bolalar uchun ijtimoiy...

«O‘zgidromet» 23-iyul kuni uchun ob-havo prognozini e’lon qildi. Unga ko‘ra, respublikaning aksariyat hududlarida yog‘ingarchilik kuzatilmaydi, biroq ayrim viloyatlarda qisqa muddatli yomg‘ir va momaqaldiroq bo‘lishi mumkin.

Harorat 39 darajagacha ko‘tariladi

Qashqadaryo va Surxondaryo viloyatlarida havo harorati kunduzi 34–39 darajagacha ko‘tarilishi kutilmoqda. Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida esa kunduzi 30–35 daraja issiq bo‘ladi.

Toshkentda qisqa muddatli yomg‘ir ehtimoli bor

Poytaxtda havo biroz bulutli bo‘ladi. Asosan yog‘ingarchilik kutilmaydi, ammo kechasi qisqa muddatli yomg‘ir yog‘ishi mumkin. Shamol ayrim joylarda kuchayib, chang-to‘zon kuzatilishi ehtimoli bor.

Tog‘li hududlarda sel xavfi e’lon qilindi

«O‘zgidromet» ogohlantirishicha, 22 – 24-iyul kunlari...

2026-yilgi futbol bo‘yicha Jahon chempionati yakunlangach, Transfermarkt turnirda yorqin o‘yin namoyish etgan futbolchilarning transfer qiymatini yangiladi. Yangilangan ro‘yxatda O‘zbekiston terma jamoasining ikki himoyachisi – Jahongir O‘rozov va Behruz Karimovning bozor bahosi oshdi.

O‘rozov va Karimov qimmatlashdi

Samarqandning «Dinamo» klubida to‘p surayotgan 22 yoshli markaziy himoyachi Jahongir O‘rozovning transfer qiymati 600 ming yevroga oshib, 1,2 million yevroni tashkil etdi.

«Surxon» himoyachisi, 18 yoshli Behruz Karimovning bozor narxi esa 650 ming yevroga ko‘tarilib, 1 million yevroga yetdi.

Narx oshishiga JChdagi ishtirok sabab bo‘ldi

Transfermarkt ma’lumotiga ko‘ra, har ikki futbolchining transfer qiymati Jahon chempionatidagi muvaffaqiyatli ishtiroki hamda ularga futbol bozorida...

Markaziy bank jismoniy shaxslarga masofadan moliyaviy xizmat ko‘rsatishda axborot va kiberxavfsizlikni kuchaytirishga qaratilgan nizomga o‘zgartirishlar loyihasini jamoatchilik muhokamasiga taqdim etdi.

Bank ilovalarida yangi tartiblar joriy etilishi mumkin

Loyihaga ko‘ra, bank mobil ilovasida birinchi marta ro‘yxatdan o‘tishda biometrik identifikatsiya majburiy bo‘ladi. Telefon raqami foydalanuvchining o‘z nomida bo‘lmasa, ilovadan ro‘yxatdan o‘tish va bank kartasini biriktirishga ruxsat berilmaydi. Biroq yaqin qarindoshlar nomidagi raqamlar uchun istisno qo‘llanilishi mumkin.

P2P o‘tkazmalari va kartalarni himoyalash tartibi o‘zgaradi

Takliflarga ko‘ra, P2P o‘tkazmalarini tasdiqlash tartibi soddalashtiriladi, qaysi operatsiyalar uchun OTP-kod yoki antifrod tekshiruvi talab etilishini banklarning o‘zi belgilaydi. Yangi qurilmadan tizimga kirilganda kartalar vaqtincha bloklanib...

Shavkat Mirziyoyev Toshkent viloyatiga tashrifi davomida A-373 va Toshkent katta halqa yo‘llari kesishmasida bunyod etilgan zamonaviy yo‘l o‘tkazgich bilan tanishdi. Bu haqda prezident matbuot xizmati xabar berdi.

240 mlrd so‘mlik loyiha

Qiymati 240 milliard so‘m bo‘lgan loyiha Bektemir va O‘rta Chirchiq tumanlari tutashgan hududda amalga oshirildi. Majmua tarkibidan 66 metrlik ko‘prik, 450 metrlik yer osti yo‘li, yer osti piyodalar o‘tish yo‘laklari, aylana yo‘l, piyoda va veloyo‘laklar, avtobus bekatlari hamda tashqi yoritish tizimi o‘rin olgan.

Tirbandlik kamayadi, qatnov tezlashadi

Yangi yo‘l o‘tkazgich transport oqimini samarali tashkil etish, harakat xavfsizligini oshirish va tirbandliklarni kamaytirishga xizmat qiladi. Natijada Toshkent va...

Qozog‘istonning Olmaota shahrida 14-avgust kuni bo‘lib o‘tadigan Kanye West (YE) konserti uchun chiptalar endi dunyoning istalgan mamlakatidagi muxlislar uchun ham sotuvga chiqarildi.

San’atkorning konserti uchun chiptalar Ticketon.kz saytidagi Freedom Afisha platformasi orqali sotila boshlandi.

Chiptalarning yarmi bir kunda sotildi

Tashkilotchilar ma’lum qilishicha, dastlabki eksklyuziv sotuvning ilk kunidayoq chiptalarning qariyb 50 foizi sotib olingan. Yuqori talab tufayli asosiy savdolar rejalashtirilgan muddatdan bir kun oldin – 22-iyul kuni boshlandi.

Har bir xaridorga 4 tagacha chipta

Chiptalarni ommaviy tarzda qayta sotib yuborishning oldini olish maqsadida bir xaridorga 4 tagacha chipta xarid qilish cheklovi joriy etilgan. Tashkilotchilar bu orqali imkon qadar...

2026-yilning yanvar – may oylarida O‘zbekiston 8 ta davlatga 22 443 dona konditsioner eksport qildi. Eksportning umumiy qiymati $4,6 millionni tashkil etdi. Bu haqda Milliy statistika qo‘mitasi ma’lumotlari e’lon qilindi.

Eksport hajmi oshdi

Qayd etilishicha, konditsioner eksporti o‘tgan yilning mos davridagiga nisbatan 1,1 ming donaga yoki 5,1 foizga ko‘paygan.

Eng yirik xaridorlar ma’lum bo‘ldi

Hisobot davrida O‘zbekistondan eng ko‘p konditsioner Ozarbayjon (7 367 dona), Tojikiston (4 775 dona) va Turkiya (4 640 dona)ga eksport qilingan. Shuningdek, Qirg‘izistonga 2 448 dona, Qozog‘istonga 1 324 dona, boshqa davlatlarga esa 1 889 dona konditsioner yetkazib berilgan.

Avvalroq Kursiv Uzbekistan anomal...

Adliya vazirligi qo‘shilgan qiymat solig‘i (QQS)ning 0 foizlik stavkasi qo‘llaniladigan qishloq xo‘jaligi mahsulotlari ro‘yxatini davlat ro‘yxatidan o‘tkazdi. Bu haqda vazirlik rasmiy sahifasida ma’lum qilindi.

516 turdagi mahsulotga tatbiq etiladi

Prezidentning 2025-yil 4-sentabrdagi farmoniga muvofiq, 2026-yil 1-yanvardan boshlab qishloq xo‘jaligi tovar ishlab chiqaruvchilari tomonidan yetishtirilgan 516 turdagi mahsulotni (paxta va g‘alladan tashqari) realizatsiya qilishda QQSning 0 foizlik stavkasi qo‘llaniladi.

QQS 3 kun ichida qaytariladi

Shuningdek, mazkur ro‘yxatdagi mahsulotlarni yetishtirish uchun xarid qilingan tovar va xizmatlar bo‘yicha to‘langan QQS summasi qishloq xo‘jaligi ishlab chiqaruvchilariga 3 kun ichida avtomatlashtirilgan tartibda qaytarib beriladi.

Avvalroq Kursiv Uzbekistan paxta-to‘qimachilik klasterlariga gektariga 3 mln...

Oliy Majlis Qonunchilik palatasi kiberjinoyatlarga qarshi kurashni kuchaytirishga qaratilgan ikkita qonun loyihasini ma’qullab, Senatga yubordi. Hujjatlarga ko‘ra, Ichki ishlar vazirligi ushbu yo‘nalishdagi vakolatli davlat organi etib belgilanadi.

Banklar javobgarligi kuchaytiriladi

Qonun loyihasida banklar, to‘lov tashkilotlari, to‘lov tizimi operatorlari va internet-provayderlariga shubhali operatsiyalarni o‘z vaqtida aniqlash, kiberxavflar haqida vakolatli organlarni zudlik bilan xabardor qilish, raqamli dalillarni saqlash hamda axborot xavfsizligini ta’minlash bo‘yicha qo‘shimcha majburiyatlar yuklanmoqda.

Shuningdek, kiberxavfsizlik talablariga rioya qilinmagani yoki firibgarlik operatsiyalarining oldi olinmagani sabab fuqarolarga moddiy zarar yetkazilsa, ushbu zararni banklar yoki to‘lov tashkilotlari qoplashi nazarda tutilmoqda.

Yangi javobgarlik choralari joriy etiladi

Hujjatlarda davlat xizmatlari tizimidagi...

2026/2027-o‘quv yilidan boshlab bakalavriatni xorijiy tilda tamomlagan bitiruvchilar magistraturaga hujjat topshirishda xorijiy til sertifikatini taqdim qilishdan ozod etiladi. Bu tartib ta’lim tili xorijiy til bo‘lgan yo‘nalishlarda o‘qigan bakalavrlarga nisbatan qo‘llaniladi.

Yangi tartibga ko‘ra, bakalavriat ta’lim dasturini xorijiy tillardan birida tamomlagan bitiruvchilardan magistraturaga hujjat topshirishda milliy yoki xalqaro til sertifikati talab qilinmaydi.

Bunda bitiruvchi bakalavriat bosqichida ta’limni xorijiy tilda olgan bo‘lishi kerak.

Qaysi holatlarda sertifikat talab qilinmaydi

Mazkur tartib bakalavriat ta’lim dasturini milliy va xalqaro tan olingan sertifikatlar ro‘yxatida qayd etilgan 16 ta xorijiy tildan birida tamomlagan bitiruvchilarga tatbiq etiladi.

Shuningdek, abituriyent bakalavriatga qabul qilingan yildagi tasdiqlangan qabul...

Apple AQShda 28-iyuldan Apple Upgrade nomli yangi qurilmalarni ijaraga berish (lease-to-own) dasturini yo‘lga qo‘yadi. Bloomberg xabariga ko‘ra, loyiha xaridorlarga qurilmalarni oylik to‘lov asosida xarid qilish imkonini beradi.

iPhone, Mac va iPad dasturga kiritiladi

Dastur Klarna moliyaviy texnologiyalar kompaniyasi bilan hamkorlikda ishlaydi. Unga iPhone, iPad, Mac va Apple Watch’ning aksariyat zamonaviy modellari kiritiladi. Foydalanuvchilar ijara muddati davomida har oy to‘lov qiladi hamda muddat yakunida qurilmani sotib olish, yangi modelga almashtirish yoki o‘zida qoldirish imkoniga ega bo‘ladi.

Ba’zi modellar dasturdan chetda qoladi

Apple Watch SE, boshlang‘ich darajadagi iPad, iPhone 16 va MacBook Neo modellari yangi dasturga kiritilmaydi. Shuningdek, korporativ...

Pokistonning O‘zbekistondagi yangi elchisi Muhammad Mudassir Tipudan ishonch yorliqlari nusxalari qabul qilindi. Bu haqda tashqi ishlar vaziri Baxtiyor Saidov xabar berdi.

Uchrashuvda ikki davlat o‘rtasidagi strategik sheriklikni yanada rivojlantirish va oliy darajada erishilgan kelishuvlarni amalga oshirish masalalari muhokama qilindi.

Uchrashuvda O‘zbekiston va Pokiston o‘rtasidagi savdo-iqtisodiy hamda investitsiyaviy hamkorlikni kengaytirish masalalari alohida ko‘rib chiqildi.

Tomonlar Strategik hamkorlik kengashi doirasidagi mexanizmlarni faollashtirish, o‘zaro savdo hajmini oshirish va hududlararo aloqalarni rivojlantirishni ustuvor vazifalar sifatida qayd etdi.

O‘zbekiston tomoni ikki davlat o‘rtasidagi hamkorlikni yanada chuqurlashtirishga tayyorligini bildirdi. Tomonlar strategik sheriklik munosabatlarini yangi mazmun bilan boyitish va amaliy hamkorlikni kuchaytirish bo‘yicha yaqin muloqotni davom...

Rossiya Veterinariya va fitosanitariya nazorati bo‘yicha federal xizmati (Rosselxoznadzor) 23-iyuldan boshlab fitosanitariya talablarini eng ko‘p buzgan beshta o‘zbekistonlik eksportyorning karantin ostidagi mahsulotlarini import qilishni cheklashini ma’lum qildi.

Qaysi mahsulotlar cheklanadi

Cheklovlar oq va gulkaram, bosh piyoz, shivit, petrushka, uzum, lavlagi, pomidor hamda boshqa qator meva-sabzavot mahsulotlariga tatbiq etiladi.

Sabab – karantin obyektlari aniqlangani

Rosselxoznadzor ma’lumotiga ko‘ra, 2026-yil boshidan buyon O‘zbekistondan olib kirilgan mahsulotlarda 132 ta karantin obyekti aniqlangan. Ular orasida pomidorning jigarrang ajinli mevasi virusi, Janubiy Amerika pomidor kuyasi, g‘arbiy gul tripsi va lavlagi tomirlarining nekrotik sarg‘ayish virusi qayd etilgan.

Eksportyorlar nomi oshkor qilinmadi

Rossiya tomoni...

BMT Taraqqiyot dasturining O‘zbekistondagi doimiy vakili Akiko Fujii Toshkentda mehnat bozori transformatsiyasiga bag‘ishlangan forumda norasmiy bandlik mamlakat mehnat bozoridagi muhim muammolardan biri bo‘lib qolayotganini ta’kidladi, deya xabar berdi Kursiv Uzbekistan muxbiri. Uning aytishicha, ko‘plab ishchilar rasmiy mehnat munosabatlaridan tashqarida qolayotgani sabab ijtimoiy sug‘urta, pensiya va mehnat xavfsizligi kafolatlaridan foydalana olmayapti.

O‘zbekiston faol islohotlar bosqichida ekani qayd etildi

Akiko Fujii O‘zbekiston mintaqadagi eng faol islohotlar jarayonidan o‘tayotgan davlatlardan biri ekanini aytdi. Uning so‘zlariga ko‘ra, mamlakat so‘nggi yillarda iqtisodiyotni modernizatsiya qilish, bozorlarni ochish va islohotlar markaziga inson manfaatlarini qo‘yish yo‘lida qat’iy harakat qilmoqda.

U yangi Konstitutsiya mehnat huquqlari, ijtimoiy himoya...

Shavkat Mirziyoyev Toshkent – Samarqand yo‘nalishidagi yangi avtomobil yo‘li qurilishini mamlakat transport infratuzilmasini rivojlantirishdagi navbatdagi ulkan tarixiy qadam deb atadi. Davlat rahbari ishtirokida loyihaga tamal toshi qo‘yilib, qurilish rasman boshlandi.

282 kilometrlik zamonaviy avtomagistral barpo etiladi

Qiymati qariyb $2,2 milliard bo‘lgan loyiha doirasida uzunligi 282 kilometr bo‘lgan olti polosali avtomagistral quriladi. Unda 92 ta ko‘prik, 28 ta yo‘l o‘tkazgich va 60 ta tunnel tipidagi o‘tish joyi bunyod etilishi rejalashtirilgan. Yo‘l og‘ir yuk transporti uchun mo‘ljallangan monolit beton qoplama bilan quriladi hamda ayrim uchastkalarda avtomobillar soatiga 150 kilometr tezlikda harakatlana oladi.

Toshkent – Samarqand yo‘li ikki baravar qisqaradi