Yangiliklar

O‘zbekiston va Rossiya issiqlik ta’minoti sohasidagi hamkorlikni kengaytirishga kelishib oldi. «Dunyo» axborot agentligiga ko‘ra, muzokaralarda uskunalarga servis xizmatini yo‘lga qo‘yish, texnik standartlarni muvofiqlashtirish va kelajakda ishlab chiqarishni O‘zbekistonda mahalliylashtirish imkoniyatlari muhokama qilindi.

«Issiqlik ta’minoti» AJ delegatsiyasi Rossiyaning «Antarus» ilmiy-ishlab chiqarish korxonasiga tashrif buyurdi. Tashrif O‘zbekistonning Sankt-Peterburgdagi Bosh konsulxonasi ko‘magida tashkil etildi.

Uchrashuv davomida texnik seminar va davra suhbati o‘tkazilib, ikki tomonlama hamkorlikning amaliy yo‘nalishlari ko‘rib chiqildi.

Issiqlik punktlari va energiya samaradorligi muhokama qilindi

Muzokaralarda blokli issiqlik punktlarining konstruktiv yechimlari, shuningdek, O‘zbekistonning SHNK va Rossiyaning SP-510 standartlari o‘rtasidagi farqlar muhokama qilindi. Alohida e’tibor energiya samaradorligi talablariga qaratildi.

O‘zbekiston delegatsiyasi...

Xiaomi Xitoyda yangi Redmi M100 smartfonini taqdim etdi. Qurilma 7900 mA/soat sig‘imli batareya, 6,9 dyuymli 120 Gts ekran va Snapdragon 4 Gen 5 protsessoriga ega. Boshlang‘ich narxi $265 etib belgilangan.

Xiaomi Redmi brendi ostida yangi M100 smartfonini sotuvga chiqardi. Model katta ekran va yuqori sig‘imli batareyaga urg‘u berilgan budjet qurilma sifatida taqdim qilindi.

Redmi M100 1600 × 720 piksel aniqlikdagi 6,9 dyuymli IPS ekran bilan jihozlangan. Displeyning yangilanish chastotasi 120 Gts bo‘lib, uni Corning Gorilla Glass himoya oynasi qoplaydi.

Smartfon 7900 mA/soat sig‘imli batareyaga ega. U 45 Vt quvvatli simli tezkor quvvatlashni qo‘llab-quvvatlaydi. Bundan tashqari, qurilmadan boshqa gadjetlarni...

O‘zbekistonda kapital bozori investorlariga berilgan soliq imtiyozlarini yana o‘n yilga uzaytirish rejalashtirilmoqda. Agar «Kapital bozori to‘g‘risida»gi qonun loyihasidagi takliflar qabul qilinsa, aksiyalar bo‘yicha dividendlar va obligatsiyalardan olinadigan daromadlar uchun 2028-yil oxirigacha amal qiladigan imtiyozli tartib 2038-yilgacha saqlanadi. Bunda qarz bozori uchun imtiyozlar doirasini kengaytirish, xususan xorijiy valyutadagi obligatsiyalarni hamda sukukdan olinadigan daromadlarni soliqlardan ozod qilish rejalashtirilgan.

Davlat uchun bu fond bozorini rivojlantirish vositalaridan biri bo‘lsa, investor uchun soliq imtiyozining ta’siri bevosita daromadda seziladi. Soliq qimmatli qog‘ozdan olinadigan sof daromadga, emitent uchun esa mablag‘ jalb qilish qiymatiga ta’sir qiladi. O‘zbekistondagi Freedom investitsiya kompaniyasi tahlilchisi Boris Bondar fikricha, bu ayniqsa, obligatsiyalar...

17-avgust holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,3 foizdan 21,4 foizga oshdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,4 foizni, yuridik shaxslar ulushi ham 23 foizni ko‘rsatmoqda.

Bunda eng past avtokredit stavkasi «Aloqabank» tomonidan taklif qilingan bo‘lib, 18,7 foizni tashkil etdi. Bungacha eng kam foiz «BRB» (18,7%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

Prezident Shavkat Mirziyoyev Xivadagi tadbirkorlar bilan ochiq muloqotdan so‘ng yangi «Urganch – Xiva» pullik avtomobil yo‘li bilan tanishdi.

Joriy yil 5-avgustda qabul qilingan yangi tahrirdagi «Avtomobil yo‘llari to‘g‘risida»gi Qonunda pullik avtomobil yo‘llarini tashkil etishning huquqiy asoslari belgilangan. Bunda haydovchilar uchun muqobil bepul yo‘l bo‘lishi asosiy shartlardan biri hisoblanadi.

Yangi magistral Urganch aeroporti va Xiva shahri o‘rtasida qurilgan. Mavjud yo‘lda Urganchdan Xivaga yetib borish uchun 45 – 50 daqiqa vaqt talab etilsa, yangi to‘rt tasmali yo‘lda bu vaqt 15 – 17 daqiqagacha qisqaradi. Magistral sutkasiga 30 mingdan ortiq transport vositasini o‘tkazish quvvatiga ega.

Yo‘l 35 kilometr uzunlikda qurildi

19-avgust uchun valyutalar kursi yangilandi. Unga ko‘ra, dollar kursi 36,95 so‘mga tushib, 11 820,40 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 101-avgust kuni esa 17,49 so‘mga tushib, 11 934,61 so‘mni tashkil etdi. 12-avgust kuni dollar 44,66 so‘mga tushib, 11 889,95 so‘m, 13-avgust kuni 58,63 so‘mga oshib, 11 948,58 so‘m, 14-avgust kuni 10,69 so‘mga tushib, 11 937,39 so‘m bo‘ldi. 17-avgust kuni 46,71 so‘mga tushib, 11 891,18 so‘mni, 18-avgust kuni esa 33,83 so‘mga tushib, 11 891,18 so‘mni tashkil etdi.

Yevro kursida ham pasayish kuzatildi. Yevropa valyutasi 61,71 so‘mga...

Mehmonxona va turizm biznesini qo‘llab-quvvatlash uchun yangi imtiyozlar beriladi. Mehmonxonalar uchun subsidiyalar va soliq yengilliklari uzaytiriladi, turistik transport olib kirishda bojxona hamda utilizatsiya yig‘imi bo‘yicha imtiyozlar saqlab qolinadi. Bu haqda prezidentning tadbirkorlar bilan muloqotida ma’lum qilindi.

Prezident turizm sohasidagi islohotlarning aholi daromadlariga ta’sirini yanada oshirish zarurligini ta’kidladi. Shu maqsadda mehmonxona biznesi, turoperatorlar va turistik transport bilan shug‘ullanuvchi tadbirkorlarga qo‘shimcha yengilliklar beriladi.

Mehmonxonalar uchun $50 mln ajratiladi

Mehmonxonalarni qurish, rekonstruksiyalash va jihozlash uchun $50 mln miqdorida resurs ajratiladi. Tadbirkorlarga ushbu mablag‘lar hisobidan 10 yil muddatga milliy valyutada yillik 16 foiz stavkada kredit beriladi.

Uch, to‘rt va besh yulduzli mehmonxonalar...

Rossiyaning Omsk shahridagi yong‘inda jarohat olgan ikki nafar O‘zbekiston fuqarosining ahvoli barqaror. Shifokorlarning ma’lum qilishicha, ularning hayotiga xavf yo‘q va davolanish mahalliy shifoxonada davom ettiriladi, deya xabar berdi «Dunyo».

15-avgust kuni Omskdagi «Kvartali Dravert» mavzesida sodir bo‘lgan yong‘inda jarohatlangan O‘zbekiston fuqarolari I.Z. va O.E. shifoxonada davolanishni davom ettirmoqda.

Konsullik zarur yordam ko‘rsatdi

O‘zbekistonning Novosibirsk shahridagi Bosh konsulxonasi Omskdagi shifoxona rahbariyati bilan hamkorlikda fuqarolarga konsullik-huquqiy yordam ko‘rsatdi.

Shuningdek, hamyurtlarning barcha zarur migratsiya hujjatlarini rasmiylashtirishda amaliy ko‘mak berildi.

Eslatib o‘tamiz, avvalroq Omskdagi yong‘inda ikki o‘zbekistonlik jabrlangani aytilgandi. Ma’lumotlarga ko‘ra, jabrlangan o‘zbekistonliklar qurilish maydonida pudrat shartnomasi asosida ishlagan. Ularning ayni...

OFK Elit Chempionlar ligasining yangi mavsumi qur’asiga ko‘ra, Farg‘onaning «Neftchi» klubi Saudiya Arabistonining «Al-Hilol» jamoasi bilan Farg‘onada kuch sinashadi. Bu esa jahon futbolining  yulduzi – Karim Benzemaning O‘zbekistonga kelishi ehtimolini oshiradi.

Benzema Farg‘onada maydonga tushishi mumkin

«Al-Hilol» ayni paytda Benzema to‘p tepayotgan Saudiya Arabistoni klubi hisoblanadi. Fransiyalik hujumchi 2026-yilning boshidan beri jamoa safida o‘ynab kelmoqda.

Qur’a natijasiga ko‘ra, «Al-Hilol» «Neftchi»ning uy uchrashuvidagi raqiblaridan biri bo‘ldi. Shu sababli Benzema va uning jamoadoshlari liga bosqichida Farg‘onaga tashrif buyurishi mumkin.

Bu o‘zbekistonlik muxlislar uchun Elit OChLning yangi mavsumidagi eng katta voqealardan biriga aylanishi mumkin.

«Neftchi» Saudiya grandlarini qabul...

O‘zbekistonda oziq-ovqat mahsulotlarini eksport qilishda talab etiladigan veterinariya, sanitariya va fitosanitariya ruxsatnomalari o‘rniga yagona «Salomatlik sertifikati» beriladi. Shuningdek, tadbirkorlar uchun litsenziya va ruxsatnomalarni olish tartibi soddalashtiriladi. Bu haqda prezidentning tadbirkorlar bilan muloqotida ma’lum qilindi.

30 dan ortiq litsenziya va ruxsatnoma bekor qilinadi

Tez orada 30 dan ziyod faoliyat turi bo‘yicha litsenziya va ruxsatnomalar bekor qilinadi. Yana 35 ta litsenziya va ruxsatnomani berish muddati ikki-uch baravar qisqartiriladi. 10 ta ruxsat esa xabardor qilish tartibiga o‘tkaziladi.

Yangi litsenziya yoki ruxsatnoma joriy etilishidan oldin u uchta hududda olti oy davomida tajriba tariqasida sinovdan o‘tkaziladi.

«Sukut — rozilik» tamoyili kengaytiriladi

Tadbirkorlikka oid...

O‘zbekiston milliy terma jamoasi Argentina bilan o‘rtoqlik uchrashuvi o‘tkazishni rejalashtirmoqda. Dastlabki ma’lumotlarga ko‘ra, ikki terma jamoa o‘rtasidagi bahs 30-sentabr kuni Xitoyda tashkil etiladi. Bu haqda Sports.kz Championat.asia’ga tayanib xabar berdi.

O‘zbekiston Argentina bilan Xitoyda o‘ynashi kutilmoqda

Manbaga ko‘ra, O‘zbekiston va Argentina terma jamoalari o‘rtasidagi uchrashuv 30-sentabrga belgilangan. Hozircha o‘yin Xitoyda o‘tkazilishi aytilmoqda, biroq uchrashuv bo‘lib o‘tadigan aniq shahar va stadion haqida ma’lumot berilmagan.

O‘zbekiston milliy terma jamoasini italiyalik mutaxassis Fabio Kannavaro boshqarmoqda. Argentina bilan bahs terma jamoaning kuzgi o‘rtoqlik uchrashuvlari doirasidagi eng e’tiborli o‘yinlardan biri bo‘lishi kutilmoqda.

Argentina bilan o‘yindan oldin Eron bilan bahs bo‘ladi

O‘zbekiston terma...

Tadbirkorlarga qo‘llanadigan barcha turdagi jarimalar miqdori o‘rtacha ikki baravar kamaytiriladi. Shuningdek, kelasi yildan tadbirkor aybi sudda isbotlanmaguncha unga jarima yoki boshqa ta’sir chorasi qo‘llanmaydi. Bu haqda prezidentning tadbirkorlar bilan muloqotida ma’lum qilindi.

Davlat rahbari hozir 51 ta idora moliyaviy jarima qo‘llash vakolatiga ega ekanini qayd etdi. Ayrim idoralarda jarimadan tushgan mablag‘ning bir qismi o‘zida qolishi esa noto‘g‘ri rag‘bat yaratishi tanqid qilindi.

«Jarima mablag‘ yig‘ish uchun emas, sohada tartib-intizom va profilaktika uchun xizmat qilishi kerak», – dedi prezident.

Yangi yondashuvga ko‘ra, barcha turdagi jarimalar miqdori o‘rtacha ikki baravar qisqartiriladi. Shuningdek, davlat korxonalari xarid qilgan tovarlar...

Chevrolet Onix Eco va Spin LTZ Braziliyaning Quatro Rodas jurnali tomonidan o‘tkazilgan 2026 Best Buy mukofotida o‘z toifalarida g‘olib bo‘ldi. Bu haqda GMAutority nashri xabar bermoqda.

Reyting avtomobillarning narxi, jihozlanishi, ekspluatatsiya xarajatlari va boshqa ko‘rsatkichlarni hisobga olgan holda tuzildi.

Onix Eco tejamkor avtomobillar orasida yetakchi bo‘ldi

Chevrolet Onix Eco narxi 100 ming Braziliya realigacha, ya’ni taxminan $19,2 minggacha bo‘lgan tejamkor avtomobillar toifasida eng yaxshi xarid sifatida tan olindi.

Mazkur modelning faqat etanolda ishlaydigan versiyasi ushbu toifada narx va taklif etilayotgan imkoniyatlar nisbati bo‘yicha alohida ajralib turgan.

General Motors Brazil kompaniyasining qayd etishicha, Chevrolet 2026-yilgi Best Buy mukofotida ikkita...

O‘zbekiston boks terma jamoasi ikki karra Olimpiya chempioni Bahodir Jalolovni 2028-yilgi Olimpiada uchun terma jamoa tarkibida saqlab qoladi. Bokschining Los-Anjeles Olimpiadasida ishtirok etish imkoniyati mavjud. Bu haqda O‘zbekiston boks federatsiyasi bosh kotibi Shohid Tilla­boyev ma’lum qildi.

Jalolov yana chempion bo‘lmoqchi

Federatsiya vakiliga ko‘ra, Jalolov «Parij – 2024» Olimpiadasidan keyin havaskor boksdagi faoliyatida vaqtinchalik tanaffus qilgan. Shunga qaramay, u O‘zbekiston milliy terma jamoasining ajralmas qismi bo‘lib qolmoqda.

Hozirda Jalolov professional boksdagi faoliyatiga e’tibor qaratib, chempionlik kamarlarini qo‘lga kiritish va O‘zbekiston bayrog‘ini professional ringda yuqori darajaga olib chiqishni maqsad qilgan.

Federatsiya ayni paytda...

Toshkentning «Paxtakor» klubi yangi mavsumda Krishtianu Ronaldu to‘p tepadigan «An-Nasr»ni Toshkentda qabul qiladi. Ikki jamoa 2026/2027-yilgi Osiyo Elit chempionlar ligasining liga bosqichida o‘zaro bahs olib boradi.

«An-Nasr» «Paxtakor»ga qarshi

18 avgust kuni Kuala-Lumpurda o‘tkazilgan qur’a natijasiga ko‘ra, «Paxtakor» G‘arb mintaqasining liga bosqichida Saudiya Arabistonining «An-Nasr» jamoasiga qarshi maydonga tushadi.

Eng e’tiborli jihati uchrashuv Toshkentda o‘tkaziladi. Shu sababli Ronaldu O‘zbekiston poytaxtida rasmiy o‘yinda maydonga tushishi mumkin. Bahsning aniq sanasi keyinroq e’lon qilinadi.

«Paxtakor» yana kimlar bilan o‘ynaydi

«Paxtakor» liga bosqichida «An-Nasr»dan tashqari «Istiqlol», «Al Ahli», «Al Fors», «Traktor» va «Al Hilol» klublariga qarshi ham o‘ynaydi.

Toshkent...

O‘zbekistonda kichik biznes subyektlarini tekshirishga uch yil muddatga moratoriy joriy qilinadi. Cheklov inson salomatligi va boshqa tadbirkorlar manfaatlariga zarar yetkazish bilan bog‘liq holatlarga tatbiq etilmaydi. Bu haqda prezident tadbirkorlar bilan muloqot davomida ma’lum qildi.

Davlat rahbari biznesga ma’muriy bosimni kamaytirish zarurligini ta’kidlab, iqtisodiyotni yashirin sektordan chiqarishda tekshiruvlarni ko‘paytirish emas, balki tadbirkorlarga to‘g‘ri ishlash yo‘lini ko‘rsatish muhimligini qayd etdi.

Yangi tartibga ko‘ra, kichik biznesda inson sog‘lig‘i yoki boshqa tadbirkorlarning manfaatiga zarar yetkazish bilan bog‘liq bo‘lmagan har qanday tekshiruvga uch yil davomida moratoriy qo‘yiladi. Shu bilan birga, sog‘liq, xavfsizlik yoki boshqa tadbirkorlarning qonuniy manfaatlariga zarar yetkazishi mumkin bo‘lgan holatlar ushbu cheklovdan...

O‘zbekistonda eksport qiluvchi tadbirkorlarni yangi bozorlarga olib chiqish uchun «eksport elchilari» tizimi yo‘lga qo‘yiladi. Bundan tashqari, eksportda muddati o‘tgan qarzdorlik, oldindan to‘lov va valyuta tushumini qaytarish muddatlari bo‘yicha bir qator yengilliklar beriladi. Bu haqda prezident tadbirkorlar bilan muloqot davomida ma’lum qildi.

25 ta davlatda «eksport elchilari» ishlaydi

Eksportning 60 foizi to‘g‘ri kelayotgan 20 ta davlat hamda eksport salohiyati yuqori bo‘lgan yana beshta mamlakatda «eksport elchilari» faoliyati yo‘lga qo‘yiladi.

Ularni davlat organlari emas, balki aynan shu bozorlarga eng ko‘p mahsulot eksport qilayotgan tadbirkorlarning o‘zi saylaydi.

«Eksport elchilari» mahalliy biznes vakillariga xorijdagi savdo tarmoqlari bilan ishlash, mahsulotlarni sertifikatlash, marketing va...

NASA kelajakda Oy yuzasida foydalaniladigan transport vositalari uchun yangi avlod g‘ildiraklarini sinovdan o‘tkazdi. Bu haqda kompaniya saytida ma’lum qilindi.

Ular astronavtlar va robotlarning murakkab relyefda uzoq masofalarga harakatlanishini ta’minlashga mo‘ljallangan.

Sinovlar NASA’ning Rock and Roll with NASA Challenge tanlovi doirasida o‘tkazildi. Tanlovdan maqsad Oy sharoitlariga mos, yengil, mustahkam va uzoq muddat xizmat qiladigan yangi g‘ildirak konstruksiyalarini yaratishdan iborat.

Tanlovga 49 davlatdan 128 ta loyiha kelib tushdi

NASA e’lon qilgan tanlovda dunyoning 49 davlatidan ixtirochilar ishtirok etdi. Jami 128 ta loyiha taqdim etildi va ulardan beshtasi final bosqichiga yo‘l oldi.

Finalchilar 31-iyul kuni AQShning Xyuston shahridagi Jonson kosmik markazida...

O‘zbekistonda «10 ming korxona uchun – sun’iy intellekt hamkor» dasturi ishga tushiriladi. Dastur doirasida korxonalarga sun’iy intellekt texnologiyalarini joriy etish xarajatlarining 50 foizi kompensatsiya qilinadi.

Bundan tashqari, tadbirkorlarga yangi mahsulotlar yaratishda superkompyuter quvvatlaridan bepul foydalanish imkoniyati beriladi. Dasturning birinchi bosqichi uchun kamida $100 mln ajratilishi rejalashtirilgan.

Sun’iy intellekt joriy qilgan bizneslarda talab oshgan

Tahlillarga ko‘ra, zamonaviy boshqaruv va sun’iy intellekt yondashuvlarini joriy etgan tadbirkorlarning 54 foizida mahsulotga talab keskin oshgan.

Bunday korxonalarning 25 foizida mahsulot tannarxi pasaygan. Yana 40 foizida daromadning ko‘payishi hisobiga xodimlarning ish haqi 10 foizdan ko‘proqqa oshirilgan.

Mazkur natijalar sun’iy intellekt texnologiyalarini ishlab chiqarish va...

O‘zbekistonda biznesni endi boshlayotgan tadbirkorlar uchun 200 mln so‘mgacha garovsiz kredit berish tizimi joriy etiladi. Buning uchun «Biznes start» dasturiga 100 mlrd so‘m ajratiladi. Bu haqda 18 avgust kuni prezident Shavkat Mirziyoyev tadbirkorlar bilan muloqotda ma’lum qildi.

Yangi tizim tadbirkorni biznesning dastlabki bosqichidan boshlab keyingi o‘sishigacha qo‘llab-quvvatlashni nazarda tutadi.

Kreditni onlayn olish imkoniyati yaratiladi

Yaqinda «Kredit xizmatlari yagona raqamli portali» ishga tushirilgan. U orqali tadbirkor bitta ariza topshiradi, banklar esa mijoz uchun o‘zaro raqobat qiladi.

Biznesini endi boshlayotganlar 5 mlrd so‘mgacha kreditni onlayn rasmiylashtirishi mumkin bo‘ladi.

Shuningdek, kichik biznesning banklar kredit portfelidagi ulushi 45 foizdan...

Xitoyning Vivo kompaniyasi yangi Vivo X500 flagman smartfonlar seriyasini taqdimotga tayyorlamoqda. Bu haqda Gizmochina nashri xabar bermoqda.

Seriyaning bazaviy modeli deb taxmin qilinayotgan qurilma Xitoyning 3C sertifikatlash bazasida paydo bo‘ldi. Ro‘yxatdagi ma’lumotlar smartfon 90 Vt quvvatli tezkor quvvatlashni qo‘llab-quvvatlashini ko‘rsatmoqda. X500 oilasining taqdimoti sentabr oyida bo‘lishi kutilmoqda.

Avvalroq ushbu seriyaga tegishli deb hisoblanayotgan boshqa Vivo qurilmalari ham 3C sertifikatidan o‘tgan edi. Bu kompaniya yangi avlod flagmanlarini Xitoy bozoriga chiqarishga yaqinlashayotganidan darak berishi mumkin. Biroq Vivo hozircha X500 seriyasining aniq taqdimot sanasi va yakuniy texnik xususiyatlarini rasman e’lon qilmagan.

Vivo X500 90 Vt quvvatlashni qo‘llab-quvvatlashi mumkin

GizmoChina ma’lumotiga ko‘ra...

Yangi Tesla Model Y modelining ayrim 2026-yilda ishlab chiqarilgan avtomobillari yangi V2L adapteri bilan mos kelmayapti. Bu haqda Teslarati xabar bermoqda.

Muammo $80 turadigan aksessuarning o‘zida emas, balki elektromobilda o‘rnatilgan quvvatni o‘zgartirish tizimi – PCS konfiguratsiyasida ekani ma’lum bo‘ldi.

V2L texnologiyasi elektromobil akkumulyatoridan tashqi qurilmalarni quvvatlantirish uchun foydalanish imkonini beradi. U orqali noutbuk, maishiy texnika, elektr gril va boshqa qurilmalarni avtomobilga ulash mumkin.

Muammo ayrim yangi Model Y’larda ham uchramoqda

Tesla’ning V2L adapteri ishlashi uchun avtomobilda PCS tizimining yangi ikki komponentli versiyasi bo‘lishi kerak.

Biroq ayrim Model Y avtomobillarida, jumladan 2026-yilda ishlab chiqarilgan mashinalarda ham, avvalgi 48 amperli...

O‘zbekiston iqtisodiyoti 2026-yilning birinchi yarim yilligida 8,5 foizga o‘sdi. Shu davrda xalqaro reyting agentliklari mamlakatning suveren kredit reytingini ham yaxshiladi. Bu haqda 18-avgust kuni Xorazm viloyatida tadbirkorlar bilan o’tkazilgan VI ochiq muloqotida prezident Shavkat Mirziyoyev ma’lum qildi.

«Fitch» va «Moody’s» O‘zbekistonning suveren kredit reytingini bir pog‘onaga oshirdi. Jahon bankining investitsiya va ishbilarmonlik muhiti bo‘yicha hisobotida esa O‘zbekiston 31-o‘rinni egalladi.

Prezident Shavkat Mirziyoyev bu natijalar tadbirkorlar bilan birgalikda amalga oshirilayotgan islohotlar samarasi ekanini ta’kidladi.

Xususiy biznes uchun $1 mlrdlik yangi bozor yaratildi

«Milliy sanoat zanjiri» orqali xususiy korxonalar yirik davlat kompaniyalaridan 4 trln so‘mlik buyurtmalar oldi.

Strategik korxonalar...

So‘nggi yillarda Xorazm viloyatiga $4 mlrd xorijiy investitsiya jalb qilinib, 10 mingta yangi quvvat ishga tushirildi. Bu haqda Shavkat Mirziyoyevning Xorazmdagi tadbirkorlar bilan ochiq muloqotida qayd etildi.

Bugungi kunda hudud iqtisodiyotining 72 foizini kichik biznes shakllantirmoqda, eksportdagi ulushi esa 81 foizga yetdi.

Xorazmda 31 ta sanoat zonasi tashkil etildi

Davlat rahbari so‘nggi yillarda Xorazmda tadbirkorlikni rivojlantirish uchun yangi sharoitlar yaratilganini ta’kidladi.

Viloyatda Hazorasp maxsus iqtisodiy zonasi hamda 31 ta sanoat zonasi tashkil etildi. Bu hududlarda yangi ishlab chiqarish loyihalarini amalga oshirish va tadbirkorlar faoliyatini kengaytirish uchun zarur infratuzilma shakllantirilmoqda.

Energiya ta’minotini yaxshilash maqsadida Tuproqqal’a va Yangiariqda umumiy quvvati...