Yangiliklar

Qurbon hayiti bayramida yo‘lovchilar oqimini yengillashtirish uchun Toshkentdan Buxoro, Termiz, Urganch va Nukus yo‘nalishlarida qo‘shimcha aviaqatnovlar tashkil etiladi. Bu haqda Transport vazirligi ma’lum qildi.

Ma’lum qilinishicha, qo‘shimcha reyslar 25 – 31-may kunlari amalga oshiriladi. «Uzbekistan Airways», «Silk Avia» hamda «Centrum Air» aviakompaniyalari ushbu davr davomida borish va qaytish yo‘nalishida jami 28 ta qo‘shimcha reysni bajaradi. Qatnovlar natijada qo‘shimcha 8988 nafar yo‘lovchini o‘z manziliga yetkazish imkoniyati yaratiladi.

Hozirgi amaldagi jadvalga ko‘ra, haftasiga Toshkent – Buxoro yo‘nalishida 23 ta, Toshkent – Termiz yo‘nalishida 23 ta, Toshkent – Urganch yo‘nalishida 35 ta hamda Toshkent – Nukus yo‘nalishida 16 ta qatnov amalga...

O‘zbekiston prezidenti Shavkat Mirziyoyev Xitoyning Shansi provinsiyasidagi ko‘mir konida yuz bergan yirik avariya munosabati bilan XXR raisi Si Szinpinga hamdardlik yo‘lladi. Bu haqda davlat rahbari matbuot xizmati ma’lum qildi.

O‘zbekiston yetakchisi o‘z maktubida vafot etganlarning oila a’zolari va yaqinlariga sabr-toqat tilab, jarohat olganlarning tezroq sog‘ayib ketishiga umid bildirdi.

O‘z navbatida, XXR Raisi Si Szinpin voqea yuzasidan sinchkovlik bilan surishtiruv o‘tkazishni va aybdorlarni qonun doirasida javobgarlikka tortishni buyurdi.

Fojia tafsilotlari

«Sinxua» agentligining xabar berishicha, 23-may kuni mahalliy vaqt bilan soat 14:00 holatiga ko‘ra, hodisa oqibatida 82 kishi halok bo‘lgan, yana 9 kishi bedarak yo‘qolgan deb hisoblanmoqda. Jami...

Uzbekistan Airways aviakompaniyasi o‘z tarixida ilk bor havo kemasini maxsus livreyada (tashqi ko‘rinishda) namoyish etdi. Boeing 787 Dreamliner 2026-yilgi Jahon chempionatida debyut qiladigan milliy futbol terma jamoamiz ramzlari bilan bezatildi.

Ta’kidlanishicha, samolyotga maxsus tasvirlarni tushirish shunchaki ijodiy jarayon emas, balki xalqaro aviatsiya standartlari va xavfsizlik qoidalariga asoslangan murakkab texnik bosqichdir.

Go Uzbekistan: fyuzelyajning old qismidagi «Go» so‘zi kompaniya nomi bilan qo‘shilib, milliy jamoani olg‘a undovchi shiorni hosil qilgan. Laynerning orqa qismidan «Olg‘a, O‘zbekiston!» yozuvi joy olgan bo‘lsa, dvigatel qismlarida «UZB 2026» va «Oq bo‘rilar» yozuvlari tushirilgan.

Ushbu «Orzu layneri» yakshanba tongida o‘zining ilk parvozini Toshkent – Nyu-York yo‘nalishi bo‘yicha amalga...

O‘zbekiston Milliy investitsiya jamg‘armasi (UzNIF) Xalqaro moliyaviy hisobot standartlari (XMHS) bo‘yicha 2026-yilning birinchi choragi yakunlarini e’lon qildi. Hisobotga ko‘ra, jamg‘arma chorakni 417,4 mlrd so‘m sof zarar bilan yakunlagan.

Moliyaviy natijalar tahlili: qog‘ozdagi zarar va dividendlar mavsumi

UzNIF taqdim etgan moliyaviy natijalar to‘g‘risidagi hisobotga ko‘ra, jamg‘armaning zarar ko‘rishiga asosiy sabab aksiya va ulush ko‘rinishidagi investitsiyalarni adolatli qiymatda qayta baholashdan ko‘rilgan salbiy natijadir.

Birinchi chorakda moliyaviy natijalar orqali adolatli qiymatda baholanadigan aksiyadorlik investitsiyalaridan ko‘rilgan sof zarar 520,7 mlrd so‘mni tashkil etdi. Taqqoslash uchun, 2024-yil 24-dekabrdan 2025-yil 31-dekabrgacha bo‘lgan davrda ushbu modda bo‘yicha 1,66 trln so‘mlik daromad qayd etilgan edi.

Kursiv Uzbekistan 23-may kuni e’lon qilingan yangiliklarning muhimlarini bir joyga jamladi

O‘zbekistonning davlat qarzi $47 milliardga yaqinlashdi

O‘zbekistonning umumiy davlat qarzi 2026-yilning dastlabki uch oyi yakunlariga ko‘ra $46,9 mlrdni tashkil etdi. Bu haqda Iqtisodiyot va moliya vazirligi xabar berildi.

Davlat qarzining asosiy yuklamasi tashqi majburiyatlar hissasiga to‘g‘ri keladi. Xususan, tashqi qarz $39,7 mlrdga yetdi. Bu jami qarz portfelining 84,6 foizini tashkil qiladi. Davlat ichki qarzi esa $7,2 mlrd darajasida qayd etildi.

Tashqi qarzning katta qismi, ya’ni $20,7 mlrd qat’iy belgilangan foiz stavkalarida jalb qilingan. Yana $18,7 mlrd mablag‘lar esa o‘zgaruvchan foiz stavkalariga bog‘langan. Tashqi qarzning...

«Yangi ekstrasenslar jangi»ning 25-mavsum 13-sonida gotika zaliga olti nafar ishtirokchi va boshlovchi Marat Basharov kirib keldi. Dastlabki daqiqalarning asosiy intrigasini Anzor Odishariya va Semyon Leskov o‘rtasidagi ovoz berish jarayoni tashkil qildi.

Har ikki duelchi natijalar e’lon qilinishidan oldin hayajonlanayotganini tan oldi. Anjela Goma loyihada Anzorni ko‘rishni istashini aytdi. Shuningdek, u Semyon agar Odishariyani o‘zidan kuchli deb hisoblasa, unga o‘z o‘rnini bo‘shatib berarmikin, degan savolni o‘rtaga tashladi.

Leskov esa o‘z o‘rnini faqatgina Varvara Petrovichga bo‘shatib berishi mumkinligini – xuddi avvalroq u o‘z joyini Semyonga bergani kabi – ta’kidladi. Anzor esa o‘z navbatida, bunday taklifdan o‘zi voz kechgan bo‘lishini aytdi.

Tomoshabinlar ovoz...

«Manchester Yunayted» sardori Bruno Fernandesh rasman Angliya Premyer-ligasida mavsumning eng yaxshi futbolchisi deb e’lon qilindi. Futbolchi Tyerri Anri va Kevin de Bryuynening tarixiy rekordini takrorladi.

Portugaliyalik 31 yoshli futbolchi jamoasini kuchli uchlikka va Elit Chempionlar ligasiga olib chiqdi. U mavsum davomida 37 ta uchrashuvda maydonga tushib, 8 ta gol urdi va 20 ta golli uzatmani amalga oshirdi. Shuningdek, u 132 ta xavfli vaziyat yaratib, bu ko‘rsatkich bo‘yicha liganing yaqqol peshqadami bo‘ldi.

Bruno mavsum davomida 20 ta golli uzatmani amalga oshirib, APL tarixida bir mavsumda eng ko‘p assist berish bo‘yicha Tyerri Anri (2002/03) va Kevin de Bryuyne (2019/20) o‘rnatgan tarixiy...

O‘zbekistonning umumiy davlat qarzi 2026-yilning dastlabki uch oyi yakunlariga ko‘ra $46,9 mlrdni tashkil etdi. Bu haqda Iqtisodiyot va moliya vazirligi xabar berildi.

Davlat qarzining asosiy yuklamasi tashqi majburiyatlar hissasiga to‘g‘ri keladi. Xususan, tashqi qarz $39,7 mlrdga yetdi. Bu jami qarz portfelining 84,6 foizini tashkil qiladi. Davlat ichki qarzi esa $7,2 mlrd darajasida qayd etildi.

Tashqi qarzning katta qismi, ya’ni $20,7 mlrd qat’iy belgilangan foiz stavkalarida jalb qilingan. Yana $18,7 mlrd mablag‘lar esa o‘zgaruvchan foiz stavkalariga bog‘langan. Tashqi qarzning $38,6 mlrd xorijiy valyutada, qolgan $1,08 mlrd esa milliy valyutada olingan.

Hisobot davrida qisqa muddatli tashqi qarzlar mavjud emasligi va asosiy...

Ruminiyada o‘tayotgan Super Chess Classic 2026 turnirining 8-turida Javohir Sindarov niderlandiyalik Jorden van Forestni mag‘lub etdi. Ushbu g‘alaba orqali o‘zbekistonlik grossmeyster jonli reytingda kuchli beshlikka kirdi.

Javohir Sindarov qora donalarda harakat qilib, murakkab endshpilda g‘alaba qozondi. Ushbu natija va asosiy raqobatchi Anish Girining mag‘lubiyati Sindarovni jonli reytingda 6-o‘rindan 5-o‘ringa ko‘tarilishiga yordam berdi.

O‘yindan so‘ng Javohir Sindarov rux va ot ruxga qarshi qolgan holatni avvaldan bilishini, xususan, 1996-yilda Garri Kasparov va Yudit Polgar o‘rtasidagi uchrashuvda shunday ssenariy bo‘lganini ta’kidladi.

«Oq shoh g1 yoki h1 da bo‘lganida qanday mot qilishni bilaman. Agar ot e3 ga kelsa va...

Prime Video platformasi «Yigitlar» («The Boys») serialining prikveli hisoblangan «Voutning yuksalishi» («Vought Rising») loyihasining ilk treylerini ommaga taqdim etdi. Serialdagi asosiy voqealar o‘tgan asrning 50-yillariga borib taqaladi.

Yangi loyihada yosh Soldier Boy qahramoni gavdalanadi va uning rolini aktyor Jensen Ekls ijro etadi. Namoyish etilgan treylerda superqahramonlarni yaratishda qo‘llaniladigan V birikmasi inyeksiyalari hamda Stormfront personaji ko‘rinish bergan. Shuningdek, qonli sahnalar orqali personajlarning qorong‘i o‘tmishiga urg‘u berilgan.

«Yigitlar» («The Boys») serialining yakuniy epizodi namoyish etilganidan atigi bir necha kun o‘tib e’lon qilingan ushbu prikvel 2027-yilda ekranlarga chiqishi belgilangan. Manbaga ko‘ra, avvalroq «V avlod» («Gen V») prikvel loyihasi Prime Video tomonidan bekor...

23 – 24-may kunlari 22 ta tijorat banklari tomonidan valyuta ayirboshlash va xalqaro pul o‘tkazmalari xizmatlari ko‘rsatiladi. Bu haqda Markaziy bank matbuot xizmati ma’lum qildi.

Unga ko‘ra, haftaning dam olish kunlari mazkur banklar valyuta ayirboshlash va pul o‘tkazmalari shoxobchalari faoliyatini yo‘lga qo‘ymoqda:

Qashqadaryo viloyatining Kasbi tumanida fermer xo‘jaligi elektr energiyasi tarmog‘iga noqonuniy ulanishi oqibatida 1,6 mlrd so‘mdan ortiq zarar yetkazdi. Bu haqda «O‘zenergoinspeksiya» xabar berdi.

Bosh prokuratura shtabi tomonidan o‘tkazilgan nazorat tadbirida «K. K.» fermer xo‘jaligiga qarashli suv nasoslari elektr tarmog‘iga o‘zboshimchalik bilan ulangani aniqlangan. Ushbu qoidabuzarlik natijasida elektr ta’minoti korxonasiga jami 1 mlrd 679 mln so‘mlik zarar yetkazilgan. Hozirda ushbu holat yuzasidan tegishli tartibda choralar ko‘rilmoqda.

Avvalroq Sirdaryo tumanida joylashgan «D. I.» fermer xo‘jaligi suv nasosi hisoblagichiga aralashish yo‘li bilan 3,4 mlrd so‘mlik elektr energiyasidan qonunga xilof ravishda foydalangani haqida xabar berilgan edi.

Eldor Shomurodov va Abbosbek Fayzullayev to‘p surayotgan Turkiyaning «Istanbul Bashakshehir» klubi Konferensiyalar ligasi saralash bosqichiga yo‘llanma oldi. Jamoa kelasi mavsumni turnirning 2-saralash bosqichidan boshlaydi.

Turkiya Superligasining yakunlangan mavsumida «Bashakshehir» 57 ochko bilan 5-o‘rinni egalladi. Dastlab bu o‘rin yevrokuboklar uchun yetarli emas edi. Biroq 3-o‘rinni olgan «Trabzonspor» Turkiya kubogi finalida g‘alaba qozonib, Yevropa ligasi yo‘llanmasini naqd qildi. Natijada chempionat orqali beriladigan Konferensiyalar ligasi yo‘llanmasi 5-o‘rindagi «Bashakshehir»ga o‘tdi.

O‘zbekistonlik hujumchi Eldor Shomurodov yakunlangan mavsumda 22 ta gol va 5 ta assist bilan jamoaning yetakchilaridan biriga aylandi. Abbosbek Fayzullayev ham mavsum so‘nggida muhim gollar kiritib, jamoa muvaffaqiyatiga hissa qo‘shdi.

«Bashakshehir» joriy mavsumda...

2026-yilning yanvar – aprel oylarida 2 mln 200 ming 530 nafar O‘zbekiston fuqarosi turistik maqsadlarda chet elga safar qilgan. Bu haqda Milliy statistika qo‘mitasi ma’lum qildi.

Ushbu ko‘rsatkich o‘tgan yilning mos davri bilan solishtirilganda qariyb 83,7 ming nafarga oshgan. 2026-yilning dastlabki to‘rt oyida o‘zbekistonliklar eng ko‘p borgan davlatlar ro‘yxatida Qirg‘iz Respublikasi yetakchilik qilmoqda 899 ming nafar. Undan keyingi o‘rinlarda Tojikiston (388,4 ming nafar) va Qozog‘iston (354,8 ming nafar) joylashgan.

Shuningdek, TOP – 10 likka Saudiya Arabistoni (138,1 ming nafar), Rossiya (115 ming nafar), Turkiya (70,3 ming nafar), BAA (31 ming nafar), Xitoy (23,5 ming nafar), Tailand (16,2 ming nafar...

Toshkent shahrining Sirg‘ali tumanida Nexia-3 rusumli avtomobil yuqori tezlikda harakatlanishi oqibatida beton ustunga urildi, yo‘lovchilardan biri halok bo‘ldi. Bu haqda poytaxt IIBB YHXB axborot xizmati xabar bermoqda.

Yo‘l-transport hodisasi 22-may kuni taxminan soat 13:00 da Fayzli Toshkent ko‘chasi 60-uy qarshisida yuz bergan. Nexia-3 mashinasini 2001-yilda tug‘ilgan haydovchi boshqarayotgan bo‘lgan. Katta tezlikda harakatlanish natijasida u boshqaruvni yo‘qotgan. Oqibatda avtomobil yo‘l chetidagi beton ustunga borib urilgan.

Hodisa joyida mashinada bo‘lgan, 2000-yilda tug‘ilgan yo‘lovchi olgan og‘ir tan jarohatlari tufayli vafot etgan. Haydovchiga esa birinchi tibbiy yordam ko‘rsatilgan.

Hozirda mazkur holat yuzasidan Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 266-moddasi...

Andijon viloyatida yer maydonlarini noqonuniy sotish va ijaraga berish bilan bog‘liq firibgarlik holatlariga chek qo‘yildi. Ular jami $55 mingdan ortiq mablag‘ni pora sifatida talab qilishgan. Bu haqda Davlat xavfsizlik xizmati ma’lum qildi.

Farg‘ona vodiysi magistral kanallardan foydalanish boshqarmasining qator xodimlari Katta Farg‘ona kanali himoya hududidagi 30 sotix yer maydonini chorvachilik uchun ijaraga rasmiylashtirib berishni va’da qilishgan. 2-Shahrixon bo‘limi 3-gidrouchastkasi boshlig‘i buning evaziga $40,5 ming talab qilib, shundan $20 mingini olayotganda ushlangan.

Tezkor tadbir davomida mazkur jinoyatga boshqarma bo‘lim boshlig‘i ham aloqadorligi aniqlanib, u $3 ming olayotganida qo‘lga olingan. Shuningdek, ayni shu yerdan ijarada foydalanib kelayotgan gidrouchastka xodimi uni bo‘shatib...

Jahon chempionati va «Manchester Siti»dan ketishini rasman e’lon qilgan Pep Gvardiola — 22-may kuni e’lon qilingan yangiliklar Kursiv Uzbekistan dayjestida.

Senator Qudratilla Rafiqov O‘zbekiston gerbidagi paxta va g‘alla ramzlarini savol ostiga oldi

Senator Qudratilla Rafiqov O‘zbekiston davlat gerbidagi paxta va g‘alla tasvirlari bo‘yicha fikr bildirdi. U maqolasida mustaqillikning dastlabki yillarida qabul qilingan davlat ramzlarida o‘sha davrdagi siyosiy xavotir, qo‘rquv va ikkilanish aks etganini ta’kidladi.

Rafiqov o‘z maqolasida O‘zbekiston mustaqillikka erishganidan keyin ham gerbda paxta va g‘alla tasvirlari saqlanib qolganiga e’tibor qaratgan. Uning fikricha, bu holat avvalgi tuzum bilan mafkuraviy bog‘liqlik izlari to‘liq uzilmaganini ko‘rsatadi.

Dollar tushdi: 25-may uchun valyutalar kursi e’lon...

Xiaomi kompaniya Xiaomi Smart Band 10 Pro aqlli bilaguzugi hamda ilk clip-on uslubidagi simsiz quloqchinlarini rasman taqdim etdi. Bu haqda GSM Arena nashri ma’lum qildi.

Yangi Xiaomi Smart Band 10 Pro 2024-yilda chiqarilgan Smart Band 9 Pro modelining davomchisi bo‘ldi. Qurilma yangilangan sog‘liq monitoringi sensorlari, aniqroq uyqu kuzatuvi va velosipedchilar uchun maxsus mashg‘ulot rejimi bilan jihozlangan. Xiaomi ma’lumotiga ko‘ra, yangi ikki yorug‘likli PPD sensori yurak urishini 98,2 foizgacha aniqlik bilan o‘lchay oladi. Shuningdek, qurilmaga HRV ko‘rsatkichlarini kuzatish hamda Sleep Algorithm 2.0 tizimi qo‘shilgan.

Bilaguzuk 150 dan ortiq sport rejimlarini qo‘llab-quvvatlaydi. Yangi velosiped rejimi foydalanuvchilarga mashg‘ulotlar davomida yanada aniq...

Sirdaryo va Jizzax viloyatlarida 21 mlrd so‘mdan ortiq mineral o‘g‘itlarni noqonuniy sotish bilan bog‘liq holat fosh etildi. Bu haqda Bosh prokuratura departamenti ma’lum qildi.

Departamentning Sirdaryo viloyati boshqarmasi tomonidan o‘tkazilgan tergovga qadar tekshiruvda MChJ mas’ul shaxslari AJ bilan tuzilgan shartnoma asosida saqlanishi lozim bo‘lgan 16,9 mlrd so‘mlik 5679,7 tonna mineral o‘g‘itni naqd pulga sotib yuborgani aniqlangan.

Shuningdek, Departamentning Jizzax viloyati Paxtakor tumani bo‘limi tomonidan o‘tkazilgan tekshiruvlarda MChJ mas’ul shaxslari va boshqa fuqarolar AJ bilan tuzilgan shartnoma asosida saqlanishi kerak bo‘lgan 4,5 mlrd so‘mlik 1503 tonna mineral o‘g‘itni talon-toroj qilgani ma’lum bo‘lgan.

Yana bir holatda MChJ mas’ul shaxslari va...

Serbiyada qurilish yo‘nalishida ishlash istagidagi fuqarolar uchun Job Bridge xususiy bandlik agentligi orqali yangi vakansiyalar e’lon qilindi. Bu haqda Migratsiya agentligi ma’lum qildi.

Vakansiyalar fasad ustalari, ichki ta’mir ishlari ustalari hamda devor bo‘yoqchilari uchun mo‘ljallangan. Jami 30 ta ish o‘rni taklif etilmoqda. Mehnat shartnomasi 1 yil muddatga tuziladi, ish haftasiga 6 kun davom etadi. Oylik maosh esa $1,3 ming – $1,8 ming miqdorida netto shaklda belgilangani aytilgan.

Nomzodlardan qurilish sohasida kamida bir yillik tajriba, ingliz tilida muloqot qila olish hamda 20 yoshdan 55 yoshgacha erkak fuqarolar bo‘lishi talab etiladi. Agentlik hujjatlarni tayyorlash, ish beruvchi bilan rasmiy mehnat shartnomasini...

BMT Kongo Demokratik Respublikasida qayd etilgan Ebola virusining yangi tarqalishini jilovlash uchun $60 mln va zarur mutaxassislarni safarbar qiladi. Bu haqda Reuters xabar berdi.

BMTning gumanitar yordam bo‘yicha rahbari Tom Fletcher ma’lum qilishicha, tashkilot favqulodda vaziyatlar jamg‘armasidan Ebola tarqalishiga qarshi kurash uchun qariyb $60 mln ajratmoqda. Shu bilan birga, hududga qo‘shimcha xodimlar ham yuborilmoqda.

Tom Fletcher o‘z bayonotida Ebola tarqalishini imkon qadar tezroq nazorat ostiga olish zarurligini ta’kidlagan. Uning so‘zlariga ko‘ra, hududdagi qurolli mojarolar va aholining yuqori darajadagi harakati qutqaruv hamda tibbiy yordam ishlarini murakkablashtirmoqda.

Mutaxassislar fikricha, virus Kongo Demokratik Respublikasining Ituri provinsiyasida aniqlanmasdan taxminan ikki oy davomida...

Shavkat Mirziyoyev O‘zbekiston milliy terma jamoasini Futbol bo‘yicha jahon chempionatiga kuzatish marosimida ishtirok etib, futbolchilarga oq fotiha berdi. Tadbir Bunyodkor stadionida bo‘lib o‘tdi.

«Bugun o‘zbek futboli uchun yana bir tarixiy kun. Katta ishonch va ezgu tilaklar bilan milliy terma jamoamizni AQSh, Meksika va Kanada maydonlarida bo‘lib o‘tadigan jahon chempionatiga kuzatamiz», – dedi Mirziyoyev o‘z nutqida.

Davlat rahbari futbolchilarni tarbiyalagan ota-onalar, murabbiylar va barcha mutaxassislarga minnatdorlik bildirib, muxlislarning sadoqatini alohida e’tirof etdi.

Shuningdek, davlat yetakchisi fan-klublar faoliyatiga to‘xtalib, ularning stadiondagi faolligi jamoa uchun «o‘n ikkinchi o‘yinchi» vazifasini bajarayotganini qayd etdi. U yurt bo‘ylab futbolga...

Shavkat Mirziyoyev futbol bo‘yicha O‘zbekiston milliy terma jamoasi bilan uchrashuvda futbolchilarni mundial oldidan qo‘llab-quvvatlab, ularga ishonch bildirdi. Bu haqda prezident matbuot xizmati ma’lum qildi.

Uchrashuv davomida bugungi kunda terma jamoa bilan katta tajriba va chempionlik xarakteriga ega murabbiy – Fabio Cannavaro boshchiligidagi shtab faoliyat yuritayotgani qayd etildi.

Fabio Kannavaro 2006-yilda Germaniyada o‘tkazilgan jahon chempionatida Italiya terma jamoasi sardori sifatida mundial g‘olibiga aylangan. O‘sha yili u dunyoning eng yaxshi futbolchisi deb topilgan hamda «Oltin to‘p» sovrinini qo‘lga kiritgan kam sonli himoyachilardan biri bo‘lgan.

Shuningdek, yangi murabbiy jismoniy tayyorgarlik va hujumchilar bilan ishlovchi mutaxassislar, shifokor, nutritsiolog hamda oshpazlarni jalb qilib...

O‘zbekistonda futbolni ommalashtirish maqsadida «Har bir mahalla – futbol maydoni» dasturi boshlanadi. Bu haqda Shavkat Mirziyoyevning futbol bo‘yicha O‘zbekiston milliy terma jamoasi bilan uchrashuvida ma’lum qilindi.

Qayd etilishicha, so‘nggi yillarda mamlakatda sport, xususan, futbolni rivojlantirish uchun keng ko‘lamli infratuzilma yaratildi. Hududlarda 200 dan ortiq yirik sport inshootlari hamda qariyb 4 mingta xususiy sport klubi faoliyat boshladi. Shuningdek, 1,5 mingdan ziyod mahallalarda sport maydonchalari qurildi.

Poytaxtda zamonaviy Olimpiya shaharchasi barpo etildi, Yuqori Chirchiq tumanida esa «Milliy futbol markazi» ishga tushirildi. Bundan tashqari, har bir viloyatda professional futbol akademiyalari va futbol maktablari tashkil qilindi.

Yaratilgan sharoitlar natijasida havaskor futbolchilar soni...