Yangiliklar

Yangi Chevrolet Onix va Temur Ishmetovning qo‘l soati – 21-aprel kuni e’lon qilingan yangiliklar Kursiv Uzbekistan dayjestida.

2032-yilga borib O‘zbekistonda aholi soni 43 mln bo‘lishi kutilmoqda

2032-yilga borib O‘zbekistonda aholi soni 43 mln bo‘lishi kutilmoqda. Bu haqda Iqtisodiyot va moliya vazirligi huzuridagi Demografiya, bandlik va turmush darajasini prognoz qilish bo‘limi yetakchi mutaxassisi Maqsud Zokirov ma’lum qildi. U bu haqda «O‘zbekistonda demografik barqarorlik: ma’lumotlar, siyosat va iqlim o‘zgarishi» seminarida qayd etdi.

Ma’lumotlarga ko‘ra, mamlakat aholisi yildan-yilga barqaror oshib bormoqda. 1991-yilda aholi soni 21,1 mln bo‘lgan bo‘lsa, 2020-yilga kelib bu ko‘rsatkich 34,5 mln nafarga yetgan. Prognozlarga ko‘ra, 2030-yilda aholi 41,9 mln va 2032-yilda...

22-aprel kuni O‘zbekiston hududining aksariyat qismida yomg‘ir yog‘ishi va momaqaldiroq kuzatilishi mumkin. Harorat shimoliy hududlarda kechasi 10–15°, kunduzi 18–23°, markaziy hududlarda kechasi 15–20°, kunduzi 22–27°, janubiy hududlarda esa kechasi 17–22°, kunduzi 24–29° atrofida bo‘ladi.

Quyida ob-havo prognozi viloyatlar kesimida:

Eslatib o‘tamiz, O‘zbekistonda 18-23-aprel kunlari sel kuzatilishi mumkin.

O‘zbekistonda atom elektr stansiyasi uchun mo‘ljallangan birinchi ikkita kichik reaktor qurilishi taxminan $1 mlrdga tushadi. Bu haqda Savdo-sanoat palatasi raisi o‘rinbosari Suxrob Abdurahmonov Toshkentda bo‘lib o‘tayotgan «Innoprom. Markaziy Osiyo» ko‘rgazmasida ma’lum qildi.

Elektr stansiyasi loyihasi mamlakatning energetik xavfsizligini mustahkamlash va elektr energiyasi manbalarini diversifikatsiya qilish orqali boshqa manbalarga bog‘liqlikni kamaytirishga qaratilgan.

Soha vakillari ta’kidlashicha, atom energetikasi nafaqat barqaror elektr energiyasi ishlab chiqarish manbai, balki iqtisodiyotni rivojlantirish uchun ham muhim turtki sifatida ko‘rilmoqda.

Jizzax AES qurilishi direksiyasi rahbari o‘rinbosari Otabek Amanov bunday loyihalar odatda bir qator sohalar uchun o‘sish nuqtasiga aylanishini ta’kidladi. Bu qurilish sanoati, elektrotexnika ishlab chiqarish va mashinasozlik rivojiga...

Mamlakatda mobil raqamlarni qayta rasmiylashtirish endi onlayn tarzda amalga oshiriladi. Bu haqda Raqamli texnologiyalar vazirligi ma’lum qildi.

Endilikda Yagona interaktiv davlat xizmatlari portali orqali mobil raqamni boshqa shaxs nomiga onlayn tarzda rasmiylashtirish mumkin. Mazkur xizmat foydalanuvchilarga vaqtni tejash va ortiqcha byurokratik jarayonlarni kamaytirish imkonini beradi.

Avval ushbu jarayonni amalga oshirish uchun mobil raqam egasi va uni qabul qiluvchi shaxs aloqa operatori ofisiga shaxsan borishi, navbat kutishi hamda tegishli hujjatlarni rasmiylashtirishi talab etilar edi. Yangi tizim joriy etilishi bilan ushbu bosqichlar to‘liq raqamlashtirildi.

Natijada foydalanuvchilar mobil raqamni qayta rasmiylashtirish xizmatidan masofadan turib foydalanish imkoniyatiga ega bo‘ldi, bu esa xizmat...

Shavkat Mirziyoyev amaliy tashrif bilan Qozog‘iston poytaxti Ostona shahriga yetib bordi. Bu haqda davlat rahbari matbuot xizmati ma’lum qildi.

Davlat yetakchisi Ostona shahriga Qasim-Jomart Toqayevning taklifiga binoan keldi. Poytaxt aeroportida O‘zbekiston rahbarini Qozogʻiston bosh vaziri Oljas Bektenov va boshqa rasmiy shaxslar kutib oldi.

Tashrif dasturiga muvofiq, Shavkat Mirziyoyev 22-aprel kuni mintaqaviy ekologik masalalariga bag‘ishlangan sammitda ishtirok etadi. Shuningdek, u Orolni qutqarish xalqaro jamg‘armasi ta’sischi davlatlari rahbarlari kengashining yig‘ilishida ham qatnashishi rejalashtirilgan.

Mazkur tadbirlar doirasida mintaqaviy ekologik muammolar, xususan, Orolbo‘yi hududidagi vaziyatni yaxshilashga qaratilgan hamkorlik masalalari muhokama qilinishi kutilmoqda.

Eslatib o‘tamiz, avvalroq Mirziyoyev mamlakatda yer resurslaridan yanada samarali foydalanish...

Mamlakatda tadbirkorlik faoliyatini tartibga solish va korporativ boshqaruvni takomillashtirishga qaratilgan yangi tahrirdagi qonun qabul qilindi. Bu haqda Adliya vazirligi ma’lum qildi.

Mazkur hujjat bilan MChJlar faoliyatiga zamonaviy korporativ boshqaruv tizimi joriy etilishi, sohadagi huquqiy bo‘shliqlar bartaraf qilinishi hamda jamiyat ishtirokchilarining huquqiy kafolatlari kuchaytirilishi ko‘zda tutilgan.

Qonun jami 71 moddadan iborat bo‘lib, u rasmiy e’lon qilingan kundan e’tiboran 3 oy o‘tgach kuchga kiradi. Hujjatni ishlab chiqishda xorijiy va mahalliy ekspertlar fikrlari, jamoatchilik takliflari hamda ilg‘or xalqaro tajribalar inobatga olingan.

Yangi tahrirda bir qator muhim yangiliklar nazarda tutilgan. Xususan, jamiyat kuzatuv kengashining vakolatlari va uning a’zolarini saylash tartibi aniq belgilandi...

Yong‘in xavfsizligi qoidalariga rioya etilishini ta’minlash va huquqbuzarliklar uchun javobgarlikni kuchaytirishga qaratilgan qonun qabul qilindi. Bu haqda Adliya vazirligi ma’lum qildi.

Qonunga muvofiq, ayrim qonunchilik hujjatlariga o‘zgartirish va qo‘shimchalar kiritildi. Xususan, Ma’muriy javobgarlik to‘g‘risidagi kodeksga kiritilgan tuzatishlarga ko‘ra, korxona, muassasa, tashkilotlar, jamoat joylari, omborxonalar, yotoqxonalar va turar joylarda, shuningdek obyektlarni loyihalash, qurish va qayta qurish jarayonida yong‘in xavfsizligi qoidalarini buzish uchun javobgarlik belgilandi.

Ushbu huquqbuzarlik uchun fuqarolarga bazaviy hisoblash miqdorining (BHM) 1 baravaridan 3 baravarigacha, mansabdor shaxslarga esa 3 baravaridan 10 baravarigacha miqdorda jarima solinishi belgilandi. Taqqoslash uchun, amaldagi tartibda mansabdor shaxslar uchun jarima 3 baravaridan 7 baravarigacha...

«Asakabank» aksiyadorlik jamiyatini xususiylashtirish jarayonini tezlashtirishga qaratilgan qo‘shimcha chora-tadbirlar to‘g‘risidagi prezident qarori qabul qilindi. Bu haqda Adliya vazirligi ma’lum qildi.

Qarorga ko‘ra, bankdagi barcha operatsiyalar bozor (tijorat) tamoyillari, zamonaviy bank amaliyoti hamda xatarlarni boshqarish tizimi talablariga muvofiq ravishda, bankning ichki siyosati asosida amalga oshiriladi. Shu bilan birga, bankning asosiy faoliyatiga kirmaydigan qo‘shimcha vazifa va funksiyalarni bajarish to‘xtatilishi belgilandi.

Shuningdek, qarorda bank faoliyatini optimallashtirish va samaradorligini oshirishga alohida e’tibor qaratilgan. Xususan, ortiqcha yuklangan faoliyat turlarini bekor qilish orqali bankning asosiy yo‘nalishlarga ixtisoslashuvi kuchaytiriladi.

Bundan tashqari, aktivlar sifatini tahlil qilish natijalaridan kelib chiqib, bank aksiyalarining nominal qiymatini bozor qiymatiga moslashtirish...

O‘zbekistonda yerlarni ijaraga berish muddati noqishloq xo‘jaligi yerlari (sanoat, qurilish va boshqalar) uchun 49 yil etib belgilandi. Bu haqda Shavkat Mirziyoyevga taqdim etilgan yer resurslaridan yanada samarali foydalanishga qaratilgan takliflar taqdimotida ma’lum qilindi.

Taqdimotda qayd etilishicha, qishloq xo‘jaligiga mo‘ljallangan yerlarni ijaraga berish tizimini takomillashtirish zarurati mavjud bo‘lib, yer ijara muddatlarini uzaytirish va shaffof mexanizmlarni joriy etish masalasi dolzarb hisoblanadi. Bugungi kunda qariyb 100 ming gektar yerning ijara muddati tugagan bo‘lib, tadbirkorlar ushbu jarayonni qayta auksionsiz, qulay tartibda uzaytirishni taklif qilmoqda.

Yangi takliflarga ko‘ra, qishloq xo‘jaligi yerlari uchun ijara muddati 30 yilgacha, noqishloq xo‘jaligi yerlari, jumladan, sanoat va qurilish...

Joriy yilda qo‘shimcha 100 ming gektar yer yangi tartibda auksionga chiqariladi. Shavkat Mirziyoyevga mamlakatda yer resurslaridan yanada samarali foydalanish va yer munosabatlarini takomillashtirishga qaratilgan takliflar taqdim etildi.

Prezidentga taqdim qilingan yer resurslaridan foydalanish bo‘yicha takliflarda qayd etilishicha, so‘nggi yillarda yer munosabatlarida tizimli islohotlar amalga oshirildi. Xususan, yer ajratish vakolati hokimlardan olinib, yer uchastkalarini auksion orqali realizatsiya qilish amaliyoti joriy etildi. Shu vaqtgacha 616,3 ming gektar yer auksion orqali ajratilib, Davlat budjetiga 1,4 trln so‘m tushum ta’minlangan.

Islohotlar natijasida yerning samarali egasi shakllanishi tufayli har bir gektardan olinadigan daromad 3 barobar oshib, 50 – 60 mln so‘mga yetgan. Shuningdek...

«Yalla» ansambli rahbari Farrux Zokirovga Qozog‘istonning II darajali «Dostiq» (Do‘stlik) ordeni topshirildi. Taqdirlash marosimi Qozog‘iston Respublikasining Toshkentdagi elchixonasida bo‘lib o‘tdi, deya xabar bermoqda Kursiv Uzbekistan muxbiri.

Taqdirlash marosimida xonanda faxr va baxtiyorlik hissini tuyayotganini aytdi. Uning so‘zlariga ko‘ra, u ushbu mukofotni, birinchi navbatda, butun respublika xalqiga bo‘lgan hurmat ifodasi deb biladi.

Zokirov O‘zbekiston va Qozog‘istonni umumiy ma’naviy qadriyatlar va an’analar bog‘lab turishini hamda uning qardoshlik aloqalarini mustahkamlashga qo‘shgan hissasi shunday yuqori baholanganidan faxrlanishini ta’kidladi.

Eslatib o‘tamiz, Qozog‘iston rahbari Qosim-Jomart Toqayev Zokirovga yo‘llagan tabrik telegrammasida uning madaniyatni rivojlantirishga, shuningdek, ikki mamlakat xalqlari o‘rtasidagi do‘stona munosabatlarni mustahkamlashga qo‘shgan hissasini ta’kidlab o‘tgan edi.

21-aprel kuni Moskva metrosining «Sokolniki» yo‘nalishida poyezd harakat vaqti buzilgani tasvirlangan video ijtimoiy tarmoqlarda tarqaldi. Bu haqda TASS agentligi xabar berdi.

Ma’lumotlarga ko‘ra, «Sokolniki» (Sokolnicheskaya) liniyasida yuzaga kelgan nosozlik tufayli poyezd bir muddat buzilib qolgan. Hodisa aks etgan kadrlar ko‘rganlarda vahima uyg‘otdi.

Keyinchalik shahar hokimiyati tomonidan berilgan ma’lumotda ushbu yo‘nalishdagi metro harakati to‘liq tiklangani va poyezdlar belgilangan tartibda harakatlanayotgani bildirildi.

Eslatib o‘tamiz, avvalroq Toshkent metrosining Yunusobod yo‘nalishidagi poyezdi 7 daqiqaga to‘xtab qolgan edi.

Oliy Majlis Qonunchilik palatasining navbatdagi majlisida O‘zbekistonning BRIKSning Yangi taraqqiyot banki (YTB) to‘g‘risidagi bitimga qo‘shilishi masalasi ko‘rib chiqilib, qonun loyihasi ma’qullandi.

Majlisda qayd etilishicha, mazkur bitimga qo‘shilish mamlakatning ochiq va pragmatik investitsiya siyosatini izchil davom ettirish hamda global moliyaviy jarayonlardagi ishtirokini kengaytirishga xizmat qiladi.

YTB 2014-yilda tashkil etilgan bo‘lib, rivojlanayotgan davlatlarda infratuzilma va barqaror rivojlanish loyihalarini moliyalashtirishga ixtisoslashgan xalqaro moliyaviy institut hisoblanadi. Uning asoschilari Braziliya, Rossiya va boshqa davlatlar bo‘lgan. Shanxayda joylashgan bank yuqori qiymatdagi ko‘plab loyihalarni ma’qullagan.

Deputatlar fikriga ko‘ra, ushbu hamkorlik O‘zbekiston iqtisodiyotini modernizatsiya qilish, zamonaviy infratuzilma loyihalarini amalga oshirish hamda uzoq muddatli imtiyozli moliyaviy...

Meta kompaniyasi WhatsApp foydalanish jarayonini yanada shaxsiylashtirishga qaratilgan yangi pullik obunani sinovdan o‘tkazishni boshladi. Bu haqda Tech Crunch nashri ma’lum qildi.

Yangi obuna foydalanuvchilarga ilova ikonkalari, mavzulari, qo‘ng‘iroq ohanglari va boshqa dizayn elementlarini o‘zgartirish imkonini beradi. Kompaniya bu bosqichni foydalanuvchilar fikrini o‘rganish va xizmatni takomillashtirish maqsadida amalga oshirmoqda.

Mazkur reja asosan vizual va kosmetik o‘zgarishlarga qaratilgan bo‘lib, funksional jihatdan katta yangiliklarni taqdim etmaydi. Xususan, foydalanuvchilar chatlar uchun kengaytirilgan pinlash imkoniyati doirasida 3 ta emas, 20 tagacha suhbatni biriktira oladi, shuningdek, maxsus ro‘yxatlar va yangi chat mavzularidan foydalanish imkoniga ega bo‘ladi.

Ma’lumotlarga ko‘ra, ushbu obuna narxi Yevropada taxminan...

General Motors (GM) kompaniyasi bir qator davlatlarda Chevrolet Onix 2026 modelini taqdim etdi. «Kursiv» ushbu avtomobilning mahalliy bozordagi kelajagi yuzasidan «O‘zavtosanoat» AJ matbuot xizmatiga so‘rov yubordi.

Kompaniyaning nashr so‘roviga yo‘llagan javobida hozirgi vaqtda Chevrolet Onix 2026 modelini O‘zbekistonda ishlab chiqarishni yo‘lga qo‘yish rejalashtirilmagani qayd etilgan.

«Mazkur yo‘nalishda tegishli qarorlar qabul qilingan taqdirda, bu haqda jamiyatning rasmiy axborot resurslarida e’lon qilinadi», — deyiladi kompaniya izohida.

Model haqida

GM Meksika vakolatxonasi ma’lumotiga ko‘ra, Onix har bir kilometrda o‘z uslubini namoyon etadi. Kompaniya, shuningdek, tejamkorlikka yo‘naltirilgan boshlang‘ich versiyalar ham taklif qilinayotganini bildirdi. Yangi Onix besh xil...

Joriy yilning 17-avgustidan boshlab BAAning Etihad Airways aviakompaniyasi Toshkent — Abu-Dabi — Toshkent yo‘nalishida muntazam qatnovlarni boshlaydi. Bu haqda O‘zbekiston Transport vazirligi ma’lum qilindi.

Ushbu kelishuvga O‘zbekiston Transport vaziri o‘rinbosari Jasurbek Choriyev hamda Etihad Airways aviakompaniyasi bosh operatsion direktori kapitan Majed Al-Marzuki o‘rtasida o‘tkazilgan muzokaralar davomida erishildi.

Aviakompaniya bosh ofisida bo‘lib o‘tgan uchrashuvda tomonlar ikki davlat o‘rtasidagi aviaqatnovlarning bugungi holati hamda yo‘nalishlar tarmog‘ini bosqichma-bosqich kengaytirish masalalarini ko‘rib chiqdi.

O‘zbekiston va Birlashgan Arab Amirliklari poytaxtlari o‘rtasida to‘g‘ridan to‘g‘ri parvozlarning tiklanishi yo‘lovchilar uchun logistik qulayliklarni oshiradi. Xususan, o‘zbekistonlik yo‘lovchilar endilikda Abu-Dabi orqali Yevropa, Osiyo, Avstraliya, Afrika va Shimoliy Amerikadagi 70 dan...

O‘zbekiston Fanlar akademiyasi prezidenti Shavkat Ayupov ilmiy darajalar berish tizimidagi muammolar haqida keskin fikr bildirdi. Unga ko‘ra, ilmiy darajalar sifati pasaymoqda.

«Hozir rahbar bo‘ldimi, ikki yilda PhD olyapti. Yana ikki-uch yil o‘tmasdan fan doktor bo‘lyapti. U rahbar odam qachon ilm qiladi? Mana men endi mana bunaqa mansabga o‘tirib ko‘ryapman. Kitob o‘qishga ham, boshqaga ham umuman vaqt yo‘q», — deya qayd etgan Ayupov.

U ilgari Oliy attestatsiya komissiyasiga rahbarlik qilgan davrini eslab, statistikani keltirdi. O‘sha paytda bir yilda butun mamlakat bo‘yicha taxminan 100 ta doktorlik va 500–600 ta nomzodlik dissertatsiyasi himoya qilingan. Keyinchalik bu ko‘rsatkichlar...

22-aprel uchun valyutalar kursi yangilandi. Unga ko‘ra, dollar 36,78 so‘mga tushib, 12 060,51 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

15-apreldan dollar oshishni boshladi: shu kuni 15,28 so‘mga oshib, 12 141,38 so‘m, 16-aprel kuni 49,05 so‘mga oshib, 12 190,43 so‘m bo‘ldi. 17-aprel kuni 25,19 so‘mga tushib, 12 165,24 so‘mga tenglashdi. 20-aprel kuni esa 6,78 so‘mga tushib, 12 128,46 so‘mni tashkil qildi. 21-aprel kuni 31,13 so‘mga tushib, 12 097,33 so‘m bo‘ldi.

Markaziy bank ma’lumotlariga ko‘ra, yevro 50,51 so‘mga tushib, 14 183,21 so‘mni, rubl esa 0,79 so‘mga oshib, 161,32 so‘mni tashkil etdi.

Eslatib o‘tamiz, avvalroq...

Ijtimoiy tarmoqlarda Markaziy bank raisi Temur Ishmetovning qo‘l soati haqida tarqalgan xabarlar muhokamalarga sabab bo‘ldi. Markaziy bank holat yuzasidan rasmiy munosabat bildirdi.

2021-yilda Ishmetovning Moliya vaziri lavozimida ishlagan paytdagi intervyudan olingan tasvirlarga tayanib, ayrim manbalar amaldor 27,7 ming yevrolik ($32,5 ming atrofida) Patek Philippe Calatrava soatini taqqani haqida xulosa chiqargan.

Markaziy bank matbuot xizmati ushbu ma’lumotlarni rad etdi va tarqatilayotgan xabarlar haqiqatga to‘g‘ri kelmasligini ma’lum qildi. Rasmiy izohda qayd etilishicha, Temur Ishmetov taqqan soat Tissot brendiga mansub bo‘lib, 2021-yilda uning narxi taxminan $300–$350 atrofida bo‘lgan. Hozir ham soat $300 dan yuqori narxda sotilmoqda.

Eslatib...

American Airlines va United Airlines aksiyalari 20-aprel kuni savdolarda arzonlashdi. Bunga American Airlines kompaniyasining birlashish taklifini rad etgani sabab bo‘ldi.

American Airlines aksiyalari 5,8 foizga tushib ketdi. Keyin biroz tiklandi. United Airlines aksiyalari esa 2,6 foizga arzonlashdi.

American Airlines rasmiy bayonot berib, United bilan birlashish bo‘yicha hech qanday muzokarada qatnashmayotganini bildirdi. Kompaniya bunday kelishuv raqobat va iste’molchilarga zarar yetkazishini aytdi.

Ma’lumotlarga ko‘ra, birlashish g‘oyasini United Airlines rahbari Skott Kirbi ilgari surgan. Bu taklif hatto AQSh prezidenti Donald Tramp ma’muriyatiga ham taqdim etilgan.

Agar bitim amalga oshganida, AQSh ichki aviatsiya bozorining qariyb 40 foizini egallagan yirik kompaniya paydo bo‘lar edi.

Isitish mavsumida ehtiyojmand oilalarga elektr va gaz uchun jami 73,7 mlrd so‘m kompensatsiya to‘lab berildi. Bu haqda Ijtimoiy himoya milliy agentligi xabar berdi.

Unga ko‘ra, prezident qarori bilan elektr bo‘yicha 150 kVt va gaz bo‘yicha 250 kub metrdan ortiq iste’mol qilingan qism uchun xarajatlar qoplab berilishi belgilangan.

Tahlillarga ko‘ra, 1,3 mln dan ortiq ariza kelib tushgan. Elektr iste’moli bo‘yicha oilalarning 64,9 foizi 200 kVtgacha foydalanadi. 19,7 foizi 200 dan 350 kVtgacha, 15,4 foizi esa 350 kVtdan ko‘p elektr ishlatgan.

Tabiiy gaz iste’moli bo‘yicha 362,8 mingta oila tahlil qilingan. Ularning 79,4 foizi 500 kub metrgacha, 14 foizi 500 dan...

Serbiyaning Vrnachka-Banya shahrida o‘tkazilayotgan yoshlar o‘rtasidagi jahon chempionatida o‘zbekistonlik Afruza Hamdamova rapid yo‘nalishida oltin medalni qo‘lga kiritdi. Bu haqda O‘zbekiston shaxmat federatsiyasi xabar bermoqda.

Afruza Hamdamova rapid bahslari yakuniga ko‘ra 8,5 ochko jamg‘arib, jahon chempioni unvoniga sazovor bo‘ldi. Shuningdek, 12 yoshgacha bo‘lgan o‘g‘il bolalar o‘rtasida Islombek Husanov bronza medalini egalladi.

Musobaqa doirasidagi blits yo‘nalishida Xusnoraxon Xusnitdinova kumush medal sohibasiga aylandi. Ayni paytda blits bahslari davom etmoqda va oraliq natijalarga ko‘ra, o‘zbekistonlik yoshlar yetakchi o‘rinlarni band etib turibdi.

Xususan, 18 yoshgacha o‘g‘il bolalar o‘rtasida Muhammadzohid Suyarov 5,5 ochko bilan jadvalda birinchi o‘rinda bormoqda. Humoyun Begmuratov (5 ochko), Nilufarxon Imomkuziyeva...

Rossiya va Qirg‘iziston hududlarida yuz berayotgan qoramollar bilan bog‘liq kasalliklar O‘zbekiston uchun ham xavotirli bo‘lishi mumkin. Statistika qo‘mitasi ma’lumotlariga ko‘ra, mamlakatda 14,5 mln bosh qoramol mavjud. Kursiv Uzbekistan vaziyat yuzasidan Veterinariya va chorvachilikni rivojlantirish qo‘mitasi boshqarma boshlig‘i Jahongir Tursagatov bilan suhbatlashdi.

– Rossiya va Qirg‘izistonda qayd etilayotgan chorva kasalliklari yuzasidan O‘zbekistonga kirib kelish xavfi qay darajada baholanmoqda?

 — Respublikamiz hududiga chetdan hayvonlarning yuqumli kasalliklari kirib kelishidan muhofaza qilish maqsadida, Rossiya Federatsiyasining Dog‘iston, Irkutsk, Ingushetiya, Kabardin-Balkar, Qorachoy-Cherkasiya, Shimoliy Osetiya–Alaniya, Checheniston, Qalmog‘iston, Oltoy va Buryatiya Respublikalari, Stavropol va Oltoy o‘lkalari, Astraxan, Novosibirsk, Omsk, Volgograd, Saratov, Tambov, Samara, Chelyabinsk, Tyumen...

Oliy Majlis Qonunchilik palatasi deputatlari Zarafshon shahri hududini kengaytirishga oid qaror loyihasini tasdiqladi. Bu haqda Quyi palata matbuot xizmati ma’lum qildi.

Uzoq muddatli biznes-rejaga asosan, shaharda 250 dan ortiq sanoat va ishlab chiqarish loyihalarini amalga oshirish rejalashtirilgan. Shuningdek, 90 ta ijtimoiy soha obyektini qurish hamda 500 dan ortiq savdo, maishiy va xizmat ko‘rsatish nuqtalarini tashkil etish ko‘zda tutilgan.

Rejalarga muvofiq, hududni kengaytirish ham nazarda tutilgan. Xususan, Tomdi tumanidan 2 459 gektar yer maydonini Zarafshon shahri tarkibiga o‘tkazish rejalashtirilmoqda.

Majlisda ushbu masala tegishli mahalla fuqarolar yig‘inlari, shuningdek, xalq deputatlari Zarafshon shahri va Tomdi tumani kengashlari hamda viloyat kengashida muhokama qilingani...