Yangiliklar

Nyu-York shahrida kuchli yomg‘ir va momaqaldiroq oqibatida ayrim yo‘llarni suv bosdi. Ba’zi hududlarda daraxtlar qulab, harakatga xalaqit berdi, deya xabar bermoqda mahalliy nashrlardan biri Eyewitness news.

Hodisa chorshanba kuni kechqurun kuzatilgan. WABC xabariga ko‘ra, kuchli yog‘ingarchilik shahar infratuzilmasiga ta’sir qilgan. AQSh Milliy ob-havo xizmati Bruklin, Staten-Aylend, Kvins va Manxetten uchun suv toshqini bo‘yicha ogohlantirish e’lon qilgan.

Aholidan suv bosgan yo‘llarda avtomobil haydamaslik so‘ralgan. Shuningdek, suv bilan qoplangan hududlardan piyoda o‘tmaslik tavsiya etilgan. Kvinsdagi Yamayka hududida yo‘llarni suv bosgani aks etgan videolar tarqaldi. Xususan, 100-32 204-ko‘cha atrofida suv yo‘l qatnoviga xalaqit bergan.

Bruklinda esa kuchli shamol va yomg‘ir oqibatida katta...

Toshkentning Mirzo Ulug‘bek tumanida joylashgan 275-sonli maktabda o‘quvchisini do‘pposlagan o‘qituvchiga nisbatan jinoyat ishi qo‘zg‘atildi. Bu haqda Toshkent shahar Ichki ishlar bosh boshqarmasi (IIBB) xabar berdi.

Hodisa 19-may kuni yuz bergan bo‘lib, unda 2002-yilda tug‘ilgan o‘qituvchi va 2010-yilda tug‘ilgan o‘quvchi o‘rtasida janjal kelib chiqqan. Aniqlanishicha, o‘quvchi dars jarayonida o‘qituvchining ko‘rsatmasini bajarmasdan, mashg‘ulotlarga xalaqit bergan.

Tortishuv jismoniy zo‘ravonlikka aylanib, o‘qituvchi o‘quvchiga tan jarohati yetkazgan. Oqibatda jabrlanuvchi tibbiy yordam olish uchun shifoxonaga murojaat qilishga majbur bo‘lgan. Voqea aks etgan video tasvirlar ijtimoiy tarmoqlarda tarqalib, keng jamoatchilik orasida muhokamalarga sabab bo‘ldi.

Ushbu holat yuzasidan Mirzo Ulug‘bek tumani IIO FMB huzuridagi Tergov bo‘limi o‘qituvchiga...

Oppo kompaniyasi Oppo Reno 16 smartfonlar seriyasining asosiy xususiyatlarini ochiqladi. Yangi qurilmalar 25-may kuni Xitoyda taqdim etiladi, deya xabar berdi Gizmochina.

Seriyaga Oppo Reno 16 va Reno 16 Pro modellari kiradi. Kompaniya ikkala smartfonga ham kuchli kamera tizimini joylashtirgan. Bu esa asosiy va Pro versiya o‘rtasidagi farqni kamera emas, asosan ekran, chip va batareya orqali ajratadi. Har ikki model 200 MP asosiy kamera bilan jihozlanadi. Unga 50 MP ultra keng burchakli kamera va 50 MP periskop teleobyektiv qo‘shiladi. Shuningdek, qurilmalarda aqlli LED chiroq ham bo‘ladi.

Texnik jihatdan modellarda sezilarli farq bor. Oppo Reno 16 6,32 dyuymli OLED ekranga ega...

O‘zbekistonlik hujumchi Sherzod Temirov ijtimoiy tarmoqlar orqali Iroqning «Erbil» klubini tark etganini e’lon qildi. Hujumchi joriy mavsumda Iroq chempionatida 28 ta gol bilan to‘purar bo‘ldi.

Temirov «Erbil» safida bir yil davomida barcha turnirlarda 34 ta o‘yinda maydonga tushib, 29 ta gol urgan. Ularning 28 tasini liga o‘yinlarida kiritib, to‘purarga aylangan. Jamoa yakunda bronza medallarini qo‘lga kiritdi.

Jurnalist Aleksandr Troitskiyning ma’lum qilishicha, futbolchida O‘zbekiston Superligasi klubidan yaxshi taklif bor va bu jamoa «Paxtakor» bo‘lishi mumkinligi taxmin qilinmoqda.

Shuningdek, «Erbil»dagi yana bir o‘zbekistonlik futbolchi Marlen Chobanovning ham shartnomasi yakuniga yetmoqda. Uning ham O‘zbekistonga qaytishi va xizmatlariga qiziqish borligi ta’kidlangan.

Ma’lumot...

«Barselona» futbol klubi tomonidan tashkil qilingan maxsus marosimda jamoaning yosh yulduzi Lamin Yamal va ispaniyalik bloger Ines Garsiya birgalikda ishtirok etishdi. Bu ularning ishqiy munosabatlari haqidagi mish-mishlarni yanada kuchaytirdi.

Avvalroq juftlikni Kataloniyadagi Cupula del Garraf restoranida birga ovqatlanishayotganini payqashgan edi. Ijtimoiy tarmoqlarda tarqalgan lavhalarda Yamal va Garsiya restoranni Yamalning jamoadoshi Fermin Lopez va uning sevgilisi Berta Gallardo bilan birga tark qilishayotgani aks etgan.

Klub marosimi esa nafaqat Yamal, balki «Barselona»ning boshqa yulduzlari uchun ham oilaviy yig‘inga aylandi. Tadbirga Pedri, Kasado, Kubarsi va Gavi kabi yosh iqtidor egalari o‘z juftlari bilan tashrif buyurishdi.

Marosimda tajribali futbolchilar ham ishtirok etdi...

Surxondaryo viloyatining Denov tumanida giyohvandlik vositalari savdosi bilan shug‘ullanib kelgan shaxslar qo‘lga olindi. Bu haqda Bosh prokuratura huzuridagi Departament xabar berdi.

Ma’lum qilinishicha, Departamentning Denov tumani bo‘limi hamda boshqa huquqni muhofaza qiluvchi organlar hamkorligida tezkor tadbir o‘tkazilgan. Tadbir davomida uch nafar fuqaro o‘zaro til biriktirib, boshqa fuqaroga 1,35 gramm «gashish» moddasini 600 ming so‘mga sotayotgan vaqtida ushlangan.

Qayd etilishicha, gumonlanuvchilardan biri avval Jinoyat kodeksining 273, 276 va 251-1-moddalari bilan sudlangan. Tezkor tadbir davomida ushbu shaxslardan jami 9,41 gramm «gashish» moddasi hamda 5 dona kuchli ta’sir qiluvchi dori vositasi ashyoviy dalil sifatida olingan.

Holat yuzasidan Jinoyat kodeksining 251-1-moddasi va 273-moddasi...

Xitoyning Xpeng kompaniyasi yangi GX flagman SUV modelini Xitoy bozorida sotuvga chiqardi. CarNewsChina xabariga ko‘ra, avtomobil narxi 279,8 ming yuandan boshlanadi. Bu taxminan $41,1 mingga teng.

Yangi Xpeng GX brendning uch qatorli ilk yirik SUV modeli hisoblanadi. U BEV, ya’ni to‘liq elektr hamda EREV, ya’ni zaryadlanuvchi gibrid kuch tizimlari bilan taklif etiladi. Model Lynk & Co 900, IM LS9 va Voyah Taishan X8 kabi yangi energiyali avtomobillar bilan raqobat qiladi.

Xpeng GX uzunligi 5 265 mm, eni 1 999 mm va balandligi 1 800 mmni tashkil etadi. G‘ildirak bazasi 3 115 mmga teng. Katta o‘lchamiga qaramay, avtomobilning aerodinamik qarshilik...

Tijorat banklari tomonidan 21-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi.

«Aston Villa» jamoasi Yevropa ligasi finalida Germaniyaning «Frayburg» klubi ustidan 3:0 hisobida ishonchli g‘alaba qozonib, 30 yil ichida ilk yirik sovrinini qo‘lga kiritdi.

Istanbuldagi «Beshiktash Park» stadionida bo‘lib o‘tgan uchrashuvda «Aston Villa» safida Yuri Tilemans, Emi Buendiya va Morgan Rojers o‘z nomiga gol yozdirib qo‘ydi.

Hisob burchak to‘pidan so‘ng Rojersning uzatmasini Tilemans darvozaga aniq yo‘llashi bilan ochildi. Birinchi bo‘lim oxirida Buendiya uzoq masofadan aniq zarba yo‘llab hisobni 2:0 ko‘rinishiga keltirdi. Uchinchi golga esa Buendiyaning uzatmasidan so‘ng Rojers mualliflik qildi.

Bu g‘alaba «Aston Villa» ustozi Unai Emeri uchun Yevropa ligasidagi beshinchi unvonga aylandi. Bunga qadar u Ispaniyaning «Sevilya...

Xpeng kompaniyasi yangi GX modeli bo‘yicha dastlabki savdo natijalarini e’lon qildi. CarNewsChina yozishicha, SUV taqdimotdan keyingi 12 soat ichida 24,8 mingta qat’iy buyurtma oldi.

Yangi Xpeng GX sakkiz xil versiyada taklif etiladi. Uning narxi 279,8 ming yuandan 359,8 ming yuangacha. Bu taxminan $41,1 mingdan $52,9 minggacha degani.

Xpeng rahbari He Xiaopengning aytishicha, buyurtmalarning 80 foizdan ortig‘i yuqori darajadagi Ultra versiyasiga to‘g‘ri kelgan.

Xpeng GX yirik o‘lchamli SUV hisoblanadi. Uning uzunligi 5 265 mm, eni 1 999 mm, balandligi esa 1 800 mm. G‘ildirak bazasi 3 115 mmni tashkil etadi.

Model old qismida uzluksiz yorug‘lik chizig‘i va agressiv bamper bilan...

General Motors iyun oyida Chevrolet Tracker krossoveri ishlab chiqarishini oshirmoqchi. Bu haqda GM Authority xabar berdi.

Ishlab chiqarish hajmi, asosan, LS va 1RS versiyalari uchun ko‘paytiriladi. Bu modellar Tracker liniyasidagi eng arzon komplektatsiyalar hisoblanadi.

Chevrolet Tracker hozir AQSh bozoridagi nisbatan arzon yangi avtomobillardan biri. LS narxi $23,5 mingdan boshlanadi. 1RS va LT versiyalari $25 mingdan, 2RS va Activ esa $27,2 mingdan taklif qilinadi.

Hozir AQSh dilerlarida va yetkazib berish jarayonida jami 31,6 mingta Chevrolet Tracker bor. Shundan 2,8 mingtasi LS, 2,9 mingtasi esa 1RS versiyasiga to‘g‘ri keladi.

Eng ko‘p taklif LT versiyasida kuzatilmoqda. Uning soni 11,4 mingtani tashkil etadi...

Apple kompaniyasi tomonidan iPhone 18 Pro Max smartfoni 2026-yil sentabr oyida taqdim etishi kutilmoqda. Ma’lumotlarga ko‘ra, shu yili Apple’ning ilk buklanadigan iPhone modeli ham namoyish qilinishi mumkin.

Mundarija:

Texnik xususiyatlar

Yangi iPhone 18 Pro modellari Apple’ning navbatdagi flagman smartfonlari bo‘ladi. Ular 6,3 dyuymli iPhone 18 Pro va 6,9 dyuymli iPhone 18 Pro Max ko‘rinishida taqdim etilishi kutilmoqda. Apple 2026-yilda iPhone chiqarish strategiyasini o‘zgartirishi mumkin. Kompaniya qimmatroq...

AQShlik sobiq tennischi Billi Jin King 82 yoshida Kaliforniya universitetida tarix yo‘nalishi bo‘yicha ta’limni yakunladi. U sportdagi faoliyati sababli yoshligida o‘qishni tashlashga majbur bo‘lgan edi.

King Wimbledon Championships juftlik musobaqasida g‘olib chiqqan vaqtida hali talaba bo‘lgan. U 1964-yilda kollejni tark etgan va bir necha yil o‘tib dunyoning birinchi raketkasiga aylangan. Tennischi o‘zining butun faoliyati davomida 40 ga yaqin titulni qo‘lga kiritgan. U 2025-yilda Kaliforniya universitetiga tarix ixtisosligi bo‘yicha o‘qishni yakunlash uchun qaytgan.

«Sizning bitiruv marosimingizning bir qismi bo‘lish men uchun sharafdir», – dedi King diplom topshirish marosimida.

U ishchi oilasida o‘sganini, otasi o‘t o‘chiruvchi...

SpaceX kompaniyasi IPO oldidan investorlar uchun taqdim etgan hujjatda kompaniya rahbari Ilon Mask oladigan maoshni ham e’lon qildi. Unga ko‘ra, milliarderning bazaviy yillik maoshi 2019-yildan beri $54 ming darajasida qolmoqda.

Biroq Mask uchun alohida mukofot dasturi nazarda tutilgan. U belgilangan maqsadlarga erishilgan taqdirda aksiyalar olishi mumkin. Mask maksimal mukofotga ega bo‘lishi uchun SpaceX Marsda kamida 1 mln aholiga ega doimiy koloniya yaratishi kerak. Bundan tashqari, kompaniya bozor qiymati $7,5 trlngacha yetishi lozim.

SpaceX prospektida investorlar uchun xatarlar 38 sahifada bayon qilingan. Eng muhim xavflardan biri Starship dasturi bilan bog‘liq. Kompaniya strategiyasi ko‘p jihatdan ushbu qayta ishlatiladigan og‘ir raketa loyihasiga...

SpaceX kompaniyasi IPO oldidan e’lon qilgan hujjatida qariyb $5 mlrd zarar ko‘rganini ma’lum qildi. Bu haqda Oninvest nashri xabar bermoqda.

Kompaniya aksiyalari Nasdaq birjasida SPCX tikeri ostida savdo qilishi kutilmoqda. Savdolar iyun oyida boshlanishi rejalashtirilgan. SpaceX IPO orqali qancha mablag‘ jalb qilmoqchi ekani va kompaniya qanday bahoda joylashtirilishi ko‘rsatilmagan. Financial Times avvalroq manbalarga tayanib, kompaniya taxminan $75 mlrd jalb etishni muhokama qilayotganini yozgan edi. Bunda SpaceX bahosi $1,75 trln atrofida bo‘lishi mumkin.

Ilon Mask va ayrim yirik investorlar savdolar boshlanganidan keyin 366 kun davomida aksiyalarini sotmaslik majburiyatini olgan. Boshqa aksiyadorlar uchun esa 180 kunlik cheklov belgilangan. Shu bilan...

Standard Chartered banki keyingi to‘rt yil ichida sun’iy idrok imkoniyatlaridan foydalangan holda 7000 dan ortiq xodimlarini ishdan bo‘shatishni rejalashtirmoqda. Bu haqda Reuters agentligi xabar berdi.

Bank bosh direktori Bill Vinters ushbu qadam xarajatlarni qisqartirish emas, balki past qiymatli inson kapitalini texnologik va moliyaviy sarmoyalarga almashtirish ekanligini ta’kidladi. O‘zgarishlar, asosan, bankning korporativ yo‘nalishlarida faoliyat yurituvchi 52 ming xodimiga ta’sir ko‘rsatib, 2030-yilga qadar ularning 15 foizi qisqartiriladi.

Qisqartirishlar, shuningdek, Chennay, Bangalor, Kuala-Lumpur va Varshava kabi shaharlardagi orqa ofis markazlariga ham o‘z ta’sirini o‘tkazadi. Umumiy hisobda 82 mingga yaqin xodimlarga ega bo‘lgan moliya muassasasi xohlovchi xodimlar uchun qayta tayyorlash imkoniyatini taqdim etishini...

iQOO kompaniyasi tomonidan yangi iQOO Pad6 Pro plansheti taqdim etildi. IThome xabariga ko‘ra, qurilma Xitoy bozorida iQOO 15T smartfoni bilan birga namoyish qilingan.

Planshet Snapdragon 8 Elite Gen 5 chipi asosida ishlaydi. Bu uni iQOO‘ning eng kuchli planshetlaridan biriga aylantiradi. iQOO Pad6 Pro 13,2 dyuymli IPS ekran bilan jihozlangan. Displey 4K aniqlik va 144 Hz yangilanish chastotasini qo‘llab-quvvatlaydi.

Qurilma Android 16 asosidagi OriginOS 6 interfeysida ishlaydi. Planshet ofis ishlari, o‘yinlar va multimedia uchun mo‘ljallangan flagman model sifatida taqdim etilgan. iQOO Pad6 Pro 13 000 mA/soat sig‘imli akkumulyatorga ega. Qurilmada issiqlikni boshqarish uchun sovitish tizimi ham qo‘llangan.

Planshetning old kamerasining...

AQSh Adliya vazirligi Kubaning sobiq rahbari Raul Kastroga qotillik bo‘yicha ayblov e’lon qildi. Bu haqda Deutsche Welle mahalliy nashrlarga tayanib xabar bermoqda.

Ish 1996-yilda ikki fuqarolik samolyoti urib tushirilgani bilan bog‘liq. O‘sha hodisada to‘rt nafar AQSh fuqarosi halok bo‘lgan. Ayblov 20-may kuni Mayamida AQSh bosh prokurori vazifasini bajaruvchi Todd Blansh tomonidan e’lon qilindi. Unga ko‘ra, Raul Kastroga AQSh fuqarolarini o‘ldirishga til biriktirish, qotillik va samolyotlarni yo‘q qilish bilan bog‘liq moddalar bo‘yicha ayblov qo‘yilgan.

AQSh tomoniga ko‘ra, samolyotlar qurolsiz bo‘lgan va xalqaro havo hududida urib tushirilgan. Xalqaro fuqaro aviatsiyasi tashkiloti ham keyinroq samolyotlar xalqaro suvlar ustida urib tushirilgan degan xulosaga...

Toshkent viloyatining Parkent tumanida davlat zaxirasidagi yerni noqonuniy sotish bilan bog‘liq holat fosh etildi. Bu haqda Davlat xavfsizlik xizmati (DXX) xabar bermoqda.

Ma’lum qilinishicha, tuman mahalla fuqarolar yig‘inlaridan birining raisi va 1970-yilda tug‘ilgan fuqaro 10 sotix yer maydonini xaridorga $20 mingga sotishga kelishgan. Ular Davlat kadastrlari palatasining tuman filiali muhandisiga $2 mingdan $3 minggacha pul berish orqali yer hujjatlarini rasmiylashtirib bermoqchi bo‘lgan.

Davlat xavfsizlik xizmati xodimlari Iqtisodiy jinoyatlarga qarshi kurashish departamenti va Ichki ishlar organlari bilan hamkorlikda tezkor tadbir o‘tkazgan. Tadbir davomida mahalla raisi, kadastr muhandisi hamda 1970-yilda tug‘ilgan fuqaro $17 ming va 37 mln so‘m olgan vaqtida ushlangan.

Xiaomi kompaniyasining yuqori unumdorlikka ega Xiaomi YU7 GT krossoveri 21-may kuni Xitoy bozoriga chiqadi. Model besh xil kuzov rangi bilan taklif etiladi.

Kompaniya rahbari Ley Junning aytishicha, YU7 GT oddiy YU7 modelidan qimmatroq bo‘lishi kutilmoqda. Aniq narxlar hozircha e’lon qilinmagan. Xiaomi YU7 GT Cherry Red Metallic, Volcanic Gray Metallic, Obsidian Black, Pearl White va Titanium Metallic ranglarida sotuvga chiqariladi.

Salon uchun uch xil variant taklif etiladi. Bular Racing Red sport o‘rindiqlari, Iris Purple qulay o‘rindiqlari va Night Flame Black qulay o‘rindiqlaridir.

Shuningdek, xaridorlar 21 dyuymli g‘ildirak disklarining ikki xil to‘plamini tanlashi mumkin. YU7 GT ikki motorli to‘liq uzatmali SUV...

21-may kuni O‘zbekistonning ba’zi joylarda yog‘ingarchilik va momaqaldiroq kutiladi. Harorat hududlarga qarab kechasi 8–22°, kunduzi 17–32° atrofida bo‘ladi.

Quyida ob-havo prognozi viloyatlar kesimida:

Eslatib o‘tamiz, avvalroq 15 – 22-may kunlari ayrim hududlarda suv toshqinlari kuzatilishi mumkinligi haqida yozgan edik.

Kursiv Uzbekistan 20-may kuni e’lon qilingan yangiliklarning muhimlarini bir joyga jamladi

Rossiya va Xitoy yetakchilari Pekinda uchrashdi. Asosiy muzokaralar boshlandi

Rossiya prezidenti Vladimir Putin Xitoy rahbari Si Szinpin bilan muzokaralar o‘tkazish uchun Pekinga keldi. Muzokaralar AQSh prezidenti Donald Trampning Xitoyga tashrifidan bir necha kun o‘tib tashkil etildi. Bu haqda Reuters xabar bermoqda.

Vladimir Putin va Si Szinpin Xalq yig‘ilishlari uyida uchrashuvni boshladi. Kutib olish marosimida 21 marta o‘q uzildi va harbiy orkestr jo‘rligida harbiylar marsh yurib o‘tishdi. Rossiya prezidenti Xitoy rahbari bilan uchrashishdan oldin, rasmiylar bilan salomlashgan.

Muzokaralarda muhim e’tibor Rossiyaning «Sibir qudrati-2» (Power of...

Ayrim pedagoglar uchun ichki avia va temiryo‘l chiptalariga chegirma berish bo‘yicha yangi tartib joriy etilishi mumkin. Qaror loyihasi jamoatchilik muhokamasiga taqdim etilgan.

Qaror loyihasi bilan 2026/2027-o‘quv yilidan boshlab respublika reytingida reytingi eng yuqori 100 ta maktab, 100 ta bog‘cha, 20 ta texnikum va 10 ta oliy ta’lim muassasasi pedagoglariga mamlakat bo‘ylab sayohat qilish uchun avia va temiryo‘l chiptalarining ekonom-klass hamda kupe yoki platskart turlariga 15 foiz chegirma beriladi.

Ushbu tartibga ko‘ra, har bir pedagogga kalendar yil davomida bir marotaba ichki yo‘nalishlarda (yuqori tezlikdagi poyezdlar bundan mustasno) borish-kelish safarlari uchun chegirma asosida chipta olish imkoniyati yaratiladi. Chiptalarni rasmiylashtirish tegishli...

O‘zbekistonda 2026-yilgi Qurbon hayiti sanasi va dam olish kunlari rasman belgilandi. Shavkat Mirziyoyev muborak Qurbon hayitini nishonlash to‘g‘risida qaror qabul qildi.

Qarorga ko‘ra, O‘zbekiston musulmonlari idorasining 2026-yilda Qurbon hayitining birinchi kuni 27-may – chorshanba kuniga to‘g‘ri kelishi haqidagi axboroti ma’lumot uchun qabul qilindi. Shu munosabat bilan mamlakatda 27-may Qurbon hayiti bayrami sifatida keng nishonlanadi.

Qarorda ta’kidlanishicha, Qurbon hayiti jamiyatda insonparvarlik, saxovat, shukronalik va bag‘rikenglik kabi qadriyatlarni mustahkamlashda muhim o‘rin tutadi. Bayram kunlarida aholi o‘rtasida mehr-oqibatni kuchaytirish, yordamga muhtoj insonlarni qo‘llab-quvvatlash hamda milliy an’analarni keng targ‘ib qilishga alohida e’tibor qaratiladi.

Shuningdek, Mehnat kodeksining 208-moddasiga muvofiq, Qurbon hayitining birinchi kuni...