Yangiliklar

Motorola kompaniyasi tomonidan Moto G Max smartfoni rasman taqdim etildi. Bu haqda Gizmochina nashri xabar bermoqda.

Yangi model 7000 mA/soat sig‘imli batareya, 120 Hz ekran, Snapdragon 6s Gen 4 protsessori va mustahkamlangan korpus bilan jihozlangan.

Qurilmaning asosiy xususiyatlaridan biri katta sig‘imli kremniy-uglerodli akkumulyator bo‘lib, u 30 Vt quvvatda tezkor zaryadlashni qo‘llab-quvvatlaydi.

Ekran 120 Hz va Gorilla Glass Ceramic bilan himoyalangan

Moto G Max 6,72 dyuymli FHD+ displey bilan jihozlangan. Ekranning yangilanish chastotasi 120 Hz, yuqori yorqinlik rejimida maksimal yorqinlik esa 1050 nitgacha yetadi.

Smartfonda Water Touch 2.0 texnologiyasi qo‘llanilgan. U displeyga suv tomchilari tushgan holatda ham sensor boshqaruvining...

«Al-Nasr» bosh murabbiyi Anjelos Postekoglu jamoa sardori Krishtianu Ronalduni turmush qurgani bilan tabrikladi. Bu haqdagi video klubning Instagram sahifasida e’lon qilindi. 

Jamoadoshlar bilan bayram

Murabbiyning tabrigidan so‘ng futbolchilar portugaliyalik hujumchini olqishlagan. U klub mashg‘ulotlariga kelishi bilanoq, jamoadoshlari uni tabrik va olqilshlar bilan kutib olgan. 

Ronaldu va Jorjina Rodriges turmush qurdi

Ronaldu va model Jorjina Rodriges 11-avgust kuni rasman turmush qurgan edi. 

Ma’lumotlarga ko‘ra, to‘y Portugaliyaning Funshal shahridagi soborda bo‘lib o‘tgan...

Apple kompaniyasi iPhone tarixidagi eng muhim modellardan biri bo‘lgan iPhone X modelini rasman eskirgan qurilmalar ro‘yxatiga kiritdi. Bu haqda GSMArena nashri xabar bermoqda.

Smartfon taqdim etilganidan qariyb to‘qqiz yil o‘tib, endi Apple tomonidan apparat darajasida xizmat ko‘rsatish imkoniyatidan mahrum bo‘ladi.

iPhone X bilan birga 2018-yilda chiqarilgan 15 dyuymli MacBook Pro ham eskirgan qurilmalar ro‘yxatiga qo‘shildi.

Endi original ehtiyot qismlarni buyurtma qilib bo‘lmaydi

Apple qurilmaga eskirgan maqomini bergach, kompaniyaning o‘zi va vakolatli servis markazlari ushbu model uchun apparat ta’mirlash xizmatlarini to‘xtatadi.

Xususan, servis markazlari iPhone X uchun Apple’dan original ehtiyot qismlarni buyurtma qila olmaydi. Kompaniya odatda mahsulot savdosi to‘xtatilganidan...

Toshkent shahrida o‘tkazilgan dastlabki ommaviy baholash natijalariga ko‘ra, 600 mingdan ortiq kvartiraning bahosi amaldagi kadastr qiymatidan qariyb 7,4 baravar, 213 mingdan ortiq hovli-joyniki esa qariyb 15 baravar yuqori chiqdi. Natijalar hozircha dastlabki bo‘lib, 60 kun davomida jamoatchilik muhokamasidan o‘tkaziladi.

Bu haqda 14-avgust kuni Iqtisodiyot va moliya vazirligida Toshkent shahridagi ko‘chmas mulk obyektlarini ommaviy baholashning dastlabki natijalariga bag‘ishlangan matbuot anjumanida ma’lum qilindi, deya xabar berdi Kursiv Uzbekistan muxbiri.

Ommaviy baholash Kadastr agentligi huzuridagi Ko‘chmas mulkni ommaviy baholash milliy markazi tomonidan amalga oshirilgan. Tizimning asosiy maqsadi ko‘chmas mulkning amaldagi kadastr qiymatini bozor sharoitlariga yaqinlashtirishdan iborat.

Kvartiralarning umumiy qiymati...

AQSh hukumati Xitoyning Amerika bojlarini chetlab o‘tishiga yordam bergan 40 dan ortiq davlatlarni sanab o‘tdi. Ro‘yxatda O‘zbekiston ham qayd etilgan. Bu haqda Oq uyning «Yuklarni qayta yo‘naltirish bo‘yicha katta firibgarlik» deb nomlangan hisobotida ma’lum qilingan. 

AQSh: Xitoy mahsulotlari boshqa davlatlar orqali olib kirilgan

Hisobotda aytilishicha, Xitoy kompaniyalari AQShga mahsulot eksport qilishda ayrim davlatlardan vositachi sifatida foydalangan. Tovarlar avval boshqa mamlakatlarga yuborilgan, u yerda esa ularga kichik o‘zgarishlar kiritilgan: mahsulot qayta qadoqlangan, yorlig‘i almashtirilgan yoki oz miqdorda qayta ishlangan.

Shundan so‘ng mahsulotlar go‘yoki Xitoyda ishlab chiqarilmagandek ko‘rsatilgan va AQSh bozoriga boshqa davlat nomidan olib kirilgan.

Oq uy...

Jorjina Rodriges hayotini moda, qimmatbaho taqinchoqlar va sayohatlar bilangina emas, hashamatli avtomobillar bilan ham chambarchas bog‘lagan. Kursiv Uzbekistan nashrining ushbu maqolasida modelning avtomobillari haqida hikoya qilinadi.

Ferrari SF90 — Jorjina bilan ko‘ringan eng qimmat avtomobillardan biri

2026-yil fevralida Jorjina Rodriges Instagram’dagi suratlaridan birida oq rangli Ferrari SF90 Stradale Assetto Fiorano yonida ko‘rinish berdi. Britaniyaning The Sun nashri avtomobil qiymatini qariyb 440 ming funt deb baholagan. Ayrim xorijiy nashrlar uni Jorjinaning yangi avtomobili sifatida taqdim etgan, biroq mashinaning aynan uning nomiga rasmiylashtirilgani haqida ochiq tasdiqlangan ma’lumot yo‘q.

SF90 Stradale Ferrari tarixidagi muhim modellardan biri hisoblanadi. Kompaniya ma’lumotiga ko‘ra, bu Ferrari’ning...

Prezident Administratsiyasining mansabdor shaxslari daxlsizlik va immunitetga ega bo‘ladi hamda bu kafolatlarni Administratsiyadagi faoliyatini tugatganidan keyin ham umrbod saqlab qoladi. Bu O‘zbekiston Respublikasining Qonunida qayd etildi.

Boshqaruv xodimlari uchun esa daxlsizlik va immunitet ishdan bo‘shaganidan keyin besh yil davomida amal qiladi.

Daxlsizlik oila a’zolariga oid ma’lumotlarni ham qamrab oladi

Qonunning 25-moddasiga ko‘ra, Prezident Administratsiyasining mansabdor shaxslari va boshqaruv xodimlari daxlsizlik hamda immunitetga ega.

Daxlsizlik ularning o‘ziga, shuningdek, turmush o‘rtog‘i, farzandlari va ota-onasining shaxsiy hayotiga taalluqli. Bundan tashqari, turarjoy, xizmat xonasi, shaxsiy va xizmat transporti, aloqa vositalari, xat-xabarlar, yozishmalar, elektron ma’lumotlar, ashyo va hujjatlar ham ushbu kafolat doirasiga kiritilgan.

Chevrolet 2027-yilgi Traverse modeli uchun yangi Twilight Blue kuzov rangini taqdim etdi. GM Authority’ga ko‘ra, ushbu rang faqat High Country va RS versiyalarida taklif qilinadi.

Yangi rangning zavod kodi G46 bo‘lib, u High Country va sport uslubidagi RS komplektatsiyalarida qo‘shimcha to‘lovsiz taqdim etiladi. LT va yo‘ltanlamas Z71 versiyalarida esa Twilight Blue mavjud bo‘lmaydi.

Traverse uchun sakkiz xil rang taklif qilinadi

2027-yilgi Chevrolet Traverse uchun jami sakkiz xil kuzov rangi mavjud bo‘ladi. Yangi Twilight Blue bilan birga Trillium Green Metallic rangi ham model qatoriga qo‘shildi.

Ular avvalgi Lakeshore Blue Metallic va Stardust Metallic ranglarini almashtiradi.

Traverse uchun Mosaic Black...

Instagram 2016-yildan beri foydalanib kelgan logotip yozuvini yangiladi. Platforma eski dizayndan voz kechib, qo‘lyozma va bosma shrift elementlarini birlashtirdi. Bu haqda platforma rahbari Adam Mosseri ma’lum qildi.

Yangi logotip foydalanuvchilar orasida bahsga sabab bo‘ldi

Mosseri yangi dizayn haqida ma’lum qilib, platformaning avvalgi yozuvi qariyb 10 yil davomida o‘zgarmaganini aytdi.

Uning so‘zlariga ko‘ra, yangi variant yanada ixcham va zamonaviy ko‘rinishga keltirilgan. Shu bilan birga, Instagram’ning dastlabki uslubiga xos ayrim jihatlar saqlab qolingan.

Biroq yangi logotip foydalanuvchilarning barchasiga ham yoqmagan. Ayrimlar yozuvni o‘qish qiyinlashganini ta’kidlab, u hatto «Instagram» emas, boshqa so‘zga o‘xshab qolganini yozgan.

AQSh sudi prezident Donald Tramp ma’muriyatiga arzon import mahsulotlarini, jumladan Xitoyning Temu va Shein kabi platformalari orqali yuboriladigan posilkalarni bojsiz olib kirishni cheklashga ruxsat berdi. Bu haqda Axios xabar berdi.

Sud qarori Tramp ma’muriyatining savdo siyosati uchun muhim huquqiy g‘alaba bo‘ldi.

Qarorga ko‘ra, qiymati $800 va undan kam bo‘lgan posilkalarni bojdan ozod qiluvchi de minimis imtiyozini vaqtincha to‘xtatish amaliyoti davom etishi mumkin.

$800 gacha bo‘lgan posilkalar endi imtiyozdan foydalana olmaydi

De minimis tartibi AQShga qiymati $800 gacha bo‘lgan kichik posilkalarni boj to‘lamasdan olib kirish imkonini bergan. Mazkur mexanizm elektron tijorat rivojlanishi ortidan, ayniqsa, Xitoydan jo‘natiladigan arzon tovarlar savdosida...

2026-yilning dastlabki yetti oyida Migratsiya agentligi xorijda ishlayotgan 622 nafar o‘zbekistonlikning murojaatini ko‘rib chiqib, chet ellik ish beruvchilardan ular foydasiga jami $570 ming miqdorida ish haqi va kompensatsiyalarni undirib berdi.

Agentlik ma’lumotiga ko‘ra, yil boshidan buyon xorijda mehnat qilayotgan fuqarolarning ish haqi, hujjatlari va ish bilan bog‘liq muammolari bo‘yicha murojaatlari ko‘rib chiqilgan.

Natijada 622 nafar fuqaro foydasiga jami $570 ming mablag‘ xorijiy ish beruvchilardan undirib berildi.

Eng ko‘p holat Rossiyada qayd etilgan

Ish haqi va kompensatsiyalarni undirish bilan bog‘liq 375 ta holat Rossiyaga to‘g‘ri kelgan.

Turkiyada 129 ta, Janubiy Koreyada 85 ta, boshqa davlatlarda esa 33 ta shunday...

Xitoyning Li Auto kompaniyasi Li Auto L6 krossoverining jami yetkazib berish hajmi 400 ming donadan oshganini ma’lum qildi. Bu haqda Mydrivers nashri xabar bermoqda.

Model 2024-yil 18-aprelda taqdim etilgan, ilk avtomobillar esa olti kundan so‘ng – 24-aprelda xaridorlarga topshirila boshlagan.

Shu tariqa Li Auto L6 qariyb ikki yilu to‘rt oy ichida 400 minglik marraga yetdi. Ishlab chiqaruvchiga ko‘ra, u 200 ming yuandan qimmatroq, yurish zaxirasi oshirilgan gibrid avtomobillar orasida bu natijaga eng tez erishgan model bo‘ldi.

Yangi versiya 300 km faqat elektrda yura oladi

Li Auto iyul oyida L6’ning yangilangan versiyasini taqdim etdi. Model Xitoyda yagona komplektatsiyada...

«Manchester Siti» yarim himoyachisi Tijjani Reynders faoliyatini Saudiya Arabistonining «Al-Qodisiya» klubida davom ettiradi. Tomonlar transfer bo‘yicha kelishuvga erishgan. Bu haqda transferlar bo‘yicha insayder Fabrizio Romano ma’lum qildi.

Transfer summasi 60 mln yevroga yaqin

Manbalarga ko‘ra, «Al-Qodisiya» 28 yoshli futbolchi uchun «Manchester Siti»ga taxminan 60 mln yevro to‘laydi. Ayrim ma’lumotlarda yakuniy summa 61 mln yevroga yaqin bo‘lishi aytilmoqda.

Reynders «Manchester Siti»ga 2025-yilda «Milan»dan o‘tgan edi. U Angliya klubidagi bir mavsumidan so‘ng Saudiya Arabistoniga yo‘l olmoqda. O‘tgan mavsumda niderlandiyalik futbolchi barcha turnirlarda 50 ga yaqin uchrashuvda maydonga tushib, 7 ta gol urgan va 8 ta golli uzatmani amalga...

Yevropadagi qurg‘oqchilik va Dunay daryosida suv sathining rekord darajada pasayishi energetika tizimiga bevosita ta’sir qila boshladi. Ruminiya mamlakatdagi yagona atom elektr stansiyasi – Cernavoda AES faoliyatini to‘liq to‘xtatdi.

Vengriya esa xuddi shu daryodan sovitish uchun foydalanadigan Paks AESini ishlatib turish maqsadida Dunayda vaqtinchalik va doimiy to‘siqlar qurishga kirishdi.

Cernavoda AES odatda Ruminiyada ishlab chiqariladigan elektr energiyasining qariyb beshdan bir qismini ta’minlaydi. Stansiyaning ikkala reaktori ham sovitish uchun to‘liq Dunay suviga bog‘liq.

Ruminiyada ikkala reaktor ham to‘xtatildi

Cernavoda AES operatori Nuclearelectrica avvalroq stansiyaning ikki reaktoridan birini to‘xtatgan edi. 13-avgust kuni kompaniya Dunaydagi suv sathi «sezilarli va davomli» ravishda pasayayotgani...

Investorlar amerikalik qo‘shiqchi va aktrisa Selena Gomesni Wondermind Global startapi bilan bog‘liq $1,2 mlnlik sarmoya bo‘yicha firibgarlikda ayblab, sudga murojaat qildi. Gomes vakillari hozircha da’volarga izoh bermagan, deya xabar berdi Reuters.

Investorlar Selena Gomes va Wondermind Global rahbariyatiga qarshi AQShning Delaver shtati federal sudiga da’vo arizasi kiritdi.

Da’vogarlarga ko‘ra, ular ruhiy salomatlik yo‘nalishidagi Wondermind Global startapiga qariyb $1,2 mln sarmoya kiritgan. Investorlar Gomes kompaniyani faol targ‘ib qilishi va loyihaning marketing yo‘nalishida muhim rol o‘ynashiga ishonganini bildirgan.

Investorlar va’da qilingan ishlar bajarilmaganini aytmoqda

Wondermind Global 2021-yilda foydalanuvchilarga ruhiy salomatlik haqida ma’lumot va xizmatlar taqdim etuvchi platforma sifatida ishga tushirilgan.

AQSh politsiyasi hisobotida 2026-yilgi futbol bo‘yicha Jahon chempionati vaqtida Lionel Messi va Krishtianu Ronalduga qarshi bir nechta tahdid bo‘lgani ma’lum qilindi. Bu haqda politsiya ma’lumotiga tayanib, Marca nashri xabar berdi.

Messi ishtirokidagi o‘yinlar oldidan tahdidlar kuchaygan

AQSh huquq-tartibot idoralari ma’lumotlariga ko‘ra, Argentina va Iordaniya terma jamoalari o‘rtasidagi guruh bosqichi uchrashuvi oldidan Dallas aeroportiga noma’lum shaxs qo‘ng‘iroq qilib, stadionga yana ikki kishi bilan bostirib kirishini aytgan. Ular qurol va qo‘lbola portlovchi qurilmalar olib kirishi haqida tahdid qilgan hamda Messini o‘ldirish niyatini bildirgan.

Argentina va Misr o‘rtasidagi nimchorak final uchrashuvi oldidan ham shunga o‘xshash tahdid qayd etilgan. Ijtimoiy...

O‘zbekistonda tadbirkorlarga ayrim litsenziyalanadigan yoki ruxsat beruvchi hujjat talab qilinadigan faoliyatlarni uch oy davomida tegishli hujjatlarsiz boshlash imkoniyati yaratilmoqda. Bu haqda Adliya vazirligi xabar bermoqda.

Qonunchilikka kiritilgan qo‘shimchalarga ko‘ra, tadbirkor faoliyatini boshlashdan oldin vakolatli organga maxsus elektron tizim yoki Yagona interaktiv davlat xizmatlari portali orqali bepul xabarnoma yuborishi kerak bo‘ladi.

Maxsus rejim uch oy amal qiladi

«Biznesga litsenziyasiz kirish» rejimining amal qilish muddati uch oyni tashkil etadi. Shu vaqt davomida talabgor tegishli litsenziya yoki ruxsat etish xususiyatiga ega hujjatni olmasdan faoliyat yuritishi mumkin.

Bunda u mazkur faoliyatni litsenziyasiz yoki ruxsat beruvchi hujjatsiz amalga oshirgani uchun javobgarlikka tortilmaydi.

Uch...

O‘zbekistonda homiladorlik va tug‘ish, ya’ni «dekret» nafaqasi hamda vaqtincha mehnatga layoqatsizlik – «kasallik» nafaqasini tayinlash tartibi yangilandi. Bu haqda Ijtimoiy himoya milliy agentligi xabar berdi.

Yangi tartibga ko‘ra, mehnat munosabatlari saqlanib qolgan holda ish haqi to‘lanmagan oylar endi sug‘urta stajining uzilishiga sabab bo‘lmaydi.

Bunga xodimning o‘z hisobidan olgan ta’tili va kasallik davri ham kiradi. Shu tariqa «dekret» yoki «kasallik» nafaqasini olish uchun talab qilinadigan olti oylik uzluksiz sug‘urta stajini hisoblash tartibi yengillashtirildi.

Kam maosh oluvchilar uchun ham staj hisoblanadi

Endi kam maosh oladigan yoki to‘liq bo‘lmagan stavkada ishlaydigan xodimlarning ham sug‘urta staji hisobga olinadi.

Agar bir oylik ish...

Toshkent shahrining Uchtepa tumanida o‘zlarini ko‘p qavatli uy boshqaruv organi rahbari sifatida ko‘rsatib, fuqarolarning 574,6 mln so‘mini firibgarlik yo‘li bilan qo‘lga kiritganlikda gumon qilinayotgan ikki shaxs aniqlandi. Bu haqda Bosh prokuratura huzuridagi Departament ma’lum qildi.

O‘zlarini uy boshqaruvi rahbari sifatida tanishtirishgan

Departamentning Uchtepa tumani bo‘limi tomonidan o‘tkazilgan tergovga qadar tekshiruv davomida ikki nafar fuqaroning harakatlari o‘rganilgan.

Aniqlanishicha, ular o‘zlarini «Vatanparvar» mahalla fuqarolar yig‘ini hududida joylashgan 29-sonli uyning boshqaruv organi rahbari sifatida ko‘rsatgan.

Shundan so‘ng mazkur ko‘p qavatli uyda yashovchi fuqarolardan turli to‘lovlar uchun pul mablag‘lari yig‘ilgan.

Zarar 574,6 mln so‘mni tashkil qilgan

Tergovga qadar tekshiruv ma’lumotlariga ko‘ra...

Lionel Messi hozircha futbolchilik faoliyatini yakunlaganini e’lon qilgani yo‘q. Biroq otasi Xorxe Messining vafotidan keyin 39 yoshli argentinalik futbolchi faoliyatini yana qancha davom ettirishiga shubha qilayotganini bildirdi, deya xabar berdi SkySports.

Lionel Messi otasi va uzoq yillar davomida uning agenti bo‘lgan Xorxe Messi 68 yoshida uzoq davom etgan kasallikdan so‘ng vafot etgach, ijtimoiy tarmoqlarda unga bag‘ishlangan murojaatini e’lon qildi.

Futbolchi otasining o‘limi unga qattiq ta’sir qilganini va professional faoliyatini uzoq davom ettirishiga ishonchi kamayganini aytdi.

«Sensiz nima qilishimni, qanday davom etishni bilmayman», – deb yozdi Messi. Shuningdek, u futbol o‘ynashni yana uzoq vaqt davom ettirishiga...

Qirg‘iziston prezidenti Sadir Japarov sobiq davlat mulozimi Qamchibek Tashiyev bilan munosabatlari haqida gapirib, uning boshqa davlat lavozimiga tayinlanishi rejalashtirilmaganini ma’lum qildi. Bu haqda davlat rahbari Ali Toqtaqunovga bergan intervyusida so‘z ochdi.

Japarov Tashiyev bilan do‘stligi saqlanib qolishini aytdi

Japarov intervyu davomida Tashiyev bilan 2005-yildan beri do‘st bo‘lib kelayotganini aytdi. Uning so‘zlariga ko‘ra, ular oilaviy tarzda ham yaqin munosabatda bo‘lgan.

Prezident 2020-yilda hokimiyatga kelganidan so‘ng Tashiyevni Milliy xavfsizlik davlat qo‘mitasi raisi etib tayinlaganini eslatdi. Japarovning baholashicha, Tashiyev besh yil davomida lavozimida yaxshi ishlagan. Biroq uning faoliyatida jiddiy kamchilik ham bo‘lgan.

«U do‘stligicha qoladi...

Tijorat banklari tomonidan 14-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 14-avgust uchun valyutalar kursi e’lon qilingani haqida yozgan edi.

Yaponiyaning Tokio bilan chegaradosh Tiba prefekturasida yomg‘irlar oqibatida kamida to‘rt kishi halok bo‘ldi, yana bir kishi bedarak yo‘qolgan. Bu haqda BBC xabar berdi.

Yaponiya meteorologiya agentligi (JMA) Tiba hududida kuchli yomg‘ir, ko‘chki va suv toshqini xavfi sabab eng yuqori darajadagi ogohlantirishni e’lon qilgan edi. 14-avgust tongida yog‘ingarchilik biroz susaygach, ogohlantirish darajasi pasaytirildi, biroq mutaxassislar xavf to‘liq bartaraf etilmaganini bildirdi.

Qariyb 230 ming kishiga xavfsiz joyga ketish tavsiya qilindi

Tiba prefekturasi ma’muriyati ma’lumotlariga ko‘ra, qariyb 230 ming aholiga xavfsiz hududlarga ko‘chib o‘tish tavsiya qilingan. Kuchli yomg‘ir natijasida 80 dan ortiq uy suv ostida qolgan.

Ayrim shaharlarda yog‘ingarchilik rekord ko‘rsatkichlarga...

Tecno kompaniyasi Pova 8 seriyasining yangi modeli – Tecno Pova 8 Pro smartfonini rasman taqdim etdi. Bu haqda Gizmochina nashri xabar bermoqda.

Qurilma MediaTek Dimensity 7400 Ultimate protsessori, 144 Hz chastotali AMOLED ekran, 6500 mA/soat sig‘imli batareya va o‘yinlar uchun alohida grafik chip bilan jihozlangan.

Smartfonning tashqi ko‘rinishi ham noodatiy uslubda ishlab chiqilgan. Tecno uning dizaynini «starship» deb atamoqda. Orqa panelda uchburchak shakldagi kamera bloki hamda foydalanuvchi sozlashi mumkin bo‘lgan Mini LED nuqtali matritsa joylashtirilgan.

O‘yinlarda 144 fpsgacha ishlashi mumkin

Tecno Pova 8 Pro MediaTek Dimensity 7400 Ultimate chipi asosida ishlaydi. Qurilmaga 12 GBgacha tezkor xotira va...