Yangiliklar

Eronning «Sepaxon» klubi o‘zbekistonlik futbolchi Jaloliddin Masharipov bilan bog‘liq vaziyat yuzasidan «Istiqlol» ustidan shikoyat tayyorlamoqda. Bu haqda Footballi nashri xabar berdi.

Ikki holat bo‘yicha e’tiroz bor

«Sepaxon» vakillari «Istiqlol» Masharipovni FIFA tomonidan yangi futbolchilarni ro‘yxatdan o‘tkazishga cheklov qo‘yilgan davrda jamoa qaydnomasiga kiritganini ta’kidlamoqda.

Bundan tashqari, futbolchi mavsum boshida «Istiqlol» qaydnomasidan chiqarilganidan keyin qishki transfer oynasi rasman ochilishidan avval yana jamoa ro‘yxatiga kiritilgani ham klubda savollar uyg‘otgan.

Eron klubi bu holat futbolchini transfer oynasi yopiq vaqtda qayta ro‘yxatdan o‘tkazishga imkon beradigan FIFA qoidalaridagi istisnolarga mos kelmasligini taxmin qilmoqda.

Masala xalqaro tashkilotlargacha yetib borishi mumkin

«Sepaxon» dastlab masalani Eron...

2026-yilning dastlabki olti oyida O‘zbekistonda 562,9 mingta ehtiyojmand oilaga elektr energiyasi va tabiiy gaz xarajatlari uchun jami 92,1 mlrd so‘m kompensatsiya to‘landi. Bu haqda Ijtimoiy himoya milliy agentligi ma’lum qildi.

Unga ko‘ra, ehtiyojmand oilalarga elektr energiyasi va tabiiy gazdan belgilangan bazaviy me’yordan ortiq foydalanilgan qism uchun tariflar o‘rtasidagi farq qoplab beriladi.

Elektr energiyasi uchun 51,4 mlrd so‘m to‘landi

Yilning birinchi yarmida ehtiyojmand oilalarga elektr energiyasi xarajatlari uchun 51,4 mlrd so‘mdan ortiq kompensatsiya ajratildi.

Tabiiy gaz uchun esa 40,7 mlrd so‘mdan ortiq mablag‘ to‘lab berildi. Umumiy hisobda kompensatsiya olgan oilalar soni 562,9 mingtani tashkil etdi.

Kompensatsiya bo‘yicha qayerga...

O‘zbekistonda iste’mol bozoridagi nooziq-ovqat mahsulotlari xavfsizligini nazorat qilishning yangi tartibi yo‘lga qo‘yiladi. Senatning 18-yalpi majlisida «Bozor nazorati to‘g‘risida»gi qonun ma’qullandi.

Yangi hujjat texnik jihatdan tartibga solish tizimini takomillashtirish, iste’molchilarni xavfli mahsulotlardan himoya qilish va tadbirkorlik subyektlari uchun zamonaviy nazorat mexanizmlarini joriy etishga qaratilgan.

Nazorat xavf darajasiga qarab amalga oshiriladi

Qonun bilan bozor nazoratining xavfga asoslangan mexanizmi joriy qilinadi. Ya’ni nazorat tadbirlari barcha tadbirkorlarni bir xil tartibda tekshirishga emas, balki inson salomatligi va xavfsizligiga ko‘proq xavf tug‘dirishi mumkin bo‘lgan mahsulotlarni aniqlashga yo‘naltiriladi.

Buning uchun xavfli mahsulotlar haqida ma’lumot almashish imkonini beruvchi milliy axborot tizimi tashkil etiladi.

Xavfli mahsulot...

O‘zbekistonlik futbolchi Behruz Karimov Shveysariyaning «Lugano» klubi muxlislariga murojaat qilib, yangi jamoasi safida maydonga tushishni sabrsizlik bilan kutayotganini aytdi. Klub o‘z Instagram sahifasida Karimovning murojaatini e’lon qildi.

Karimov «Lugano» muxlislariga murojaat qildi

19 yoshli himoyachi muxlislarni qutlab, Shveysariya klubida o‘ynash imkoniyatidan xursand ekanini bildirdi.

«Lugano» muxlislariga salom. Men Behruz Karimovman. Ushbu klub safida o‘ynash imkoniyatini intiqlik bilan kutyapman. Olg‘a, «Lugano» – degan u.

Karimovning «Lugano»ga o‘tgani avgust oyida ma’lum bo‘lgan. U yangi jamoasiga Termizning «Surxon» klubidan qo‘shildi.

Oliy Majlis Senatining 18-yalpi majlisida ekstremizmga qarshi kurashishga oid qonunchilikni yangilash nazarda tutilgan qonun ma’qullandi. Hujjat bilan Jinoyat kodeksi, Ma’muriy javobgarlik to‘g‘risidagi kodeks va boshqa qonunlarga bir qator o‘zgartirishlar kiritilishi ko‘zda tutilgan.

Birinchi marta sodir etilgan qilmish uchun jinoiy jazo qo‘llanmaydi

Yangi tartibga ko‘ra, ekstremizm, separatizm yoki aqidaparastlik g‘oyalari aks etgan materiallarni tayyorlash, ularni tarqatish maqsadida saqlash, shuningdek, ekstremistik yoki terrorchilik tashkilotlarining ramz va belgilarini tarqatish yoki namoyish qilish uchun tayyorlash va saqlash birinchi marta sodir etilganda ma’muriy huquqbuzarlik hisoblanadi, ya’ni bunday qilmish uchun darhol jinoyat ishi qo‘zg‘atilmaydi. Shaxs avval ma’muriy javobgarlikka tortiladi.

Agar u ma’muriy...

Giztop platformasida Redmi K100 Pro Max smartfoni xalqaro yetkazib berish imkoniyati bilan sotuvga chiqarildi. Bu haqda Gizmochina nashri xabar bermoqda.

Qurilma Snapdragon 8 Elite Gen 5 protsessori, 185 Gts yangilanish chastotasiga ega OLED ekran va 9070 mA/soat sig‘imli batareya bilan jihozlangan. Gizmochina ma’lumotiga ko‘ra, smartfonning boshlang‘ich narxi $799 ni tashkil etadi.

Model 6,9 dyuymli 1.5K+ OLED displeyga ega bo‘lib, uning maksimal yorqinligi 4500 nitgacha yetadi. Ekran P3 ranglar diapazoni va DC Dimming texnologiyasini qo‘llab-quvvatlaydi. Shuningdek, qurilmada tasvir bilan ishlash uchun alohida Xiaomi D2 chipi o‘rnatilgan.

Texnik imkoniyatlar

Smartfon Qualcomm Snapdragon 8 Elite Gen 5 platformasida ishlaydi. U...

Yevropa qit’asining katta qismida yoz boshidan beri uchinchi kuchli issiq to‘lqini kuzatilmoqda. DW xabariga ko‘ra, bir qator davlatlar keyingi issiqlik to‘lqiniga tayyorlanmoqda.

Fransiya, Italiya va Ispaniyada qariyb 92 mln kishi 35 darajadan yuqori harorat sharoitida qolishi kutilmoqda. Umuman olganda, Yevropada 300 mln ga yaqin aholi, ya’ni qit’a aholisining yarmidan ko‘pi 30 darajadan yuqori issiqni boshdan kechiradi.

Germaniyada harorat 39 darajagacha chiqishi mumkin

Germaniya meteorologiya xizmati mamlakatda havo harorati chorshanba kuni 34 darajaga, payshanba kuni 37 darajaga ko‘tarilishini prognoz qilgan. Juma kuniga kelib esa Germaniyaning g‘arbiy va janubiy hududlarida harorat 39 darajagacha yetishi mumkin.

Bu Germaniyada joriy yoz davomida...

«Kapital bozori to‘g‘risida»gi yangi qonun loyihasida Istiqbolli loyihalar milliy agentligining (ILMA) vakolatli regulyator sifatidagi vakolatlari sezilarli darajada kengaytirildi. Masalan, O‘zbekiston respublikasi emitentlarining qimmatli qog‘ozlarini chet elda joylashtirish va muomalaga kiritish kvotalarini tartibga solish, shuningdek, xorijiy qimmatli qog‘ozlarni mahalliy bozorga kiritish bo‘yicha Vazirlar Mahkamasining funksiyalari agentlikka o‘tkaziladi. Bu haqda regulyator vakillari Kursiv Uzbekistan’ga 12-avgust kuni bo‘lib o‘tgan matbuot anjumanida ma’lum qildi.

Yangi moliyaviy vositalar

ILMA Kapital bozorini rivojlantirish departamenti boshlig‘i Saibjan Xudayberdiyevning ta’kidlashicha, qonun loyihasining asosiy yangiligi ilgari mamlakat qonunchiligida mavjud bo‘lmagan qator yangi moliyaviy mahsulotlar uchun huquqiy asos yaratish va ularni amaliyotga joriy etishdan iborat.

Qirg‘iziston chegarasida O‘zbekistondan olib kirilgan 28 tonna piyoz va sabzi ortga qaytarildi. Bu haqda mahalliy 24.kg nashri xabar berdi.

Sabzavotlar nima uchun qaytarib yuborildi

Mahalliy nashrlar xabariga ko‘ra, yuk «Qizil-Qiya – avtomobil yo‘li» fitosanitariya nazorat postida tekshirilgan. Nazorat davomida 23 tonna piyoz va 5 tonna sabzi mahsulotlarida majburiy markirovka mavjud emasligi aniqlangan.

Qirg‘iziston Qishloq xo‘jaligi vazirligi mazkur holatni karantin ostidagi mahsulotlarni belgilangan talablarga rioya qilmagan holda olib kirishga urinish sifatida baholagan.

Yevroosiyo iqtisodiy ittifoqi hududida karantin nazoratidagi mahsulotlarni tegishli tamg‘alarsiz olib kirishga yo‘l qo‘yilmaydi. Shu sababli qoidabuzarlik aniqlangan yuk O‘zbekistonga qaytarib yuborilgan.

Avvalroq Rossiyaning «Rosselxoznadzor» agentligi Krasnodar...

Navoiy shahrida 212,9 gramm oltin savdosi fosh etildi. Bu haqda Davlat xavfsizlik xizmati (DXX) xabar bermoqda.

Oltinni 340 mln so‘mga sotmoqchi bo‘lishgan

DXX ma’lumotiga ko‘ra, Buxoro viloyatining Shofirkon tumanida yashovchi, 1987 va 1993-yillarda tug‘ilgan ikki nafar shaxs 212,9 gramm quyma oltinni xaridorga 340 mln so‘mga sotishga kelishgan.

Ular dastlab xaridorga 999 probali 26,3 gramm oltinni bergan va mahsulotning qolgan qismini keyinchalik yetkazib berishini bildirgan.

20 ming dollar va 100 mln so‘m olayotganda ushlandi

Tezkor tadbir davomida gumonlanuvchilar xaridordan 20 ming AQSH dollari hamda 100 mln so‘m olayotgan vaqtida ashyoviy dalillar bilan ushlangan.

Huquqni muhofaza qiluvchi organlar tezkor...

Tailanddan O‘zbekistonga olib kirilgan yirik miqdordagi sintetik giyohvandlik vositalarini aniqladi. Bu haqda Davlat xavfsizlik xizmati xabar bermoqda.

Aeroportda 4,6 kg mefedron topildi

DXX ma’lumotiga ko‘ra, «Bangkok – Toshkent» yo‘nalishidagi aviareys bilan kelgan, 2004-yilda Jizzax viloyatida tug‘ilgan hamda 1993-yilda Toshkent shahrida tug‘ilgan ikki nafar fuqaro Toshkent xalqaro aeroportida tekshiruvdan o‘tkazilgan.

Tekshiruv vaqtida ularga tegishli yuklar orasida shisha va alyuminiy idishlarga qadoqlanib, yashirilgan 4,6 kg mefedron sintetik giyohvandlik moddasi aniqlangan.

Yashash manzilidan gashish moyi olindi

Shundan so‘ng gumonlanuvchilarning Toshkent shahridagi yashash manzili ham ko‘zdan kechirilgan.

U yerdan 1,5 litr gashish moyi hamda 8 litr erituvchi vositalar topilib, belgilangan tartibda...

AQShda ayrim kompaniyalar bo‘lajak ota-onalarga kelajakdagi farzandining ayrim genetik xususiyatlarini oldindan baholash imkonini beruvchi xizmatlarni taklif qilmoqda. Ular yordamida ota-onalar sun’iy urug‘lantirish orqali hosil qilingan bir nechta embrion orasidan tanlov qilishi mumkin. Bu haqda The Economist xabar berdi.

Avval embrion qanday hosil qilinadi

Bu jarayonda IVF – tuxum hujayrasi va erkakning urug‘ hujayrasini laboratoriyada birlashtirish usuli qo‘llanadi. Natijada embrion, ya’ni kelajakda bola rivojlanishi mumkin bo‘lgan dastlabki hujayralar to‘plami hosil bo‘ladi. Odatda bir nechta embrion yaratiladi. Keyin ularning genetik ma’lumotlari tekshiriladi.

Embrionlar qanday tanlanadi

Maxsus genetik tahlil orqali embrionlarda ayrim irsiy kasalliklarga moyillik, bo‘y va...

Qozog‘iston Sun’iy intellekt va raqamli rivojlanish vazirligi eGov tizimi buzilgani va 15 mln qozog‘istonlikning shaxsiy ma’lumotlari sizdirilgani haqidagi xabarlar haqiqatga to‘g‘ri kelmasligini ma’lum qildi.

eGov tizimiga hujum aniqlanmadi

Vazirlik va vakolatli organlar birgalikda texnik tekshiruv o‘tkazgan. Tekshiruv natijasida eGov axborot tizimlarining buzilgani aniqlanmagan. Shuningdek, mutaxassislar darknetda sotuvga qo‘yilgan fayllardan foydalanish imkoniga ega bo‘lgan va ularni tahlil qilgan.

Vazirlik ma’lumotlariga ko‘ra, fayllar turli hujjatlar va tasvirlardan iborat bo‘lib, eGov tizimidan chiqarib olingan ma’lumotlar bazasi emas.

Sotuvga qo‘yilgan fayllar bo‘yicha shubhalar paydo bo‘lgan

Iddao qilinayotgan ma’lumotlar bazasining hajmi va mazmuni ham bir-biriga mos kelmasligi aniqlangan.

Bundan...

Honor kompaniyasi kelajakdagi Honor Magic 9 flagman smartfonlari seriyasining dizaynini ilk bor rasman namoyish etdi. Bu haqda Gizmochina nashri xabar bermoqda.

Yangi avlod sentabr oyida taqdim etilishi kutilmoqda. Dastlabki ma’lumotlarga ko‘ra, qurilmalar yangilangan kamera bloki, professional video suratga olish texnologiyalari va ikkita 200 MP kameraga ega bo‘lishi mumkin.

Kamera bloki yangi joylashuvga ega bo‘ladi

Honor Xitoyda o‘tkazilgan Robot Phone taqdimoti davomida Magic 9 seriyasiga oid birinchi rasmiy tizerni namoyish qildi. Shu bilan birga kompaniyaning onlayn-do‘konida yangi qurilmalar uchun oldindan ro‘yxatdan o‘tish ham boshlandi.

Tizerga ko‘ra, Magic 9 ning orqa panelida katta dumaloq kamera bloki joylashadi. Biroq avvalgi avloddan...

12-avgust kuni Yevropaning ayrim hududlari noyob astronomik hodisalarga guvoh bo‘ldi. BBCga ko‘ra, avval Oy Quyosh yuzini to‘sib, ayrim joylarda to‘liq Quyosh tutilishini yuzaga keltirdi. Oradan bir necha soat o‘tib esa tungi osmonda Perseidlar meteor yomg‘iri eng faol bosqichiga chiqdi.

Yevropa osmonida Quyosh tutilishi

12-avgust kuni Oy Yer bilan Quyosh orasidan o‘tishi natijasida Quyosh tutilishi yuz berdi. Ispaniya, Islandiya, Grenlandiya va Rossiyaning ayrim hududlarida Quyosh to‘liq to‘sildi. Yevropaning boshqa ko‘plab joylarida, jumladan, Buyuk Britaniyada hodisa qisman kuzatildi.

To‘liq tutilish kuzatilgan hududlarda qisqa vaqtga osmon qorong‘ilashib, Quyoshning tashqi qatlami ko‘rindi. Ispaniyada minglab odamlar ushbu noyob hodisani maxsus ko‘zoynaklar orqali kuzatdi.

AQSh prezidenti Donald Tramp Oq uy matbuot kotibi Karolin Levitt joriy oy oxirida o‘z lavozimini tark etishini ma’lum qildi. Bu haqda BBC xabar berdi.

Tramp Levittni o‘zining «eng ishonchli yordamchilaridan biri» deb atadi. Prezidentning so‘zlariga ko‘ra, 28 yoshli Levitt yosh farzandlari va oilasiga ko‘proq vaqt ajratish uchun lavozimidan ketishga qaror qilgan.

Shu bilan birga, u Tramp jamoasidan butunlay ketmaydi. AQSh prezidenti Levitt bundan buyon uning asosiy tashqi maslahatchilaridan biri bo‘lishini va Respublikachilar partiyasida faoliyatini davom ettirishini aytdi. Hozircha Oq uyning yangi matbuot kotibi kim bo‘lishi ma’lum qilinmagan.

Levitt oilasiga ko‘proq vaqt ajratmoqchi

Karolin Levitt may oyida ikkinchi farzandi...

Qashqadaryo viloyatining Chiroqchi tumanida Nexia-2 haydovchisi YPX xodimlarining ketma-ket to‘xtash ishoralariga bo‘ysunmay, patrul avtomashinasiga urilgan va qochishga uringan. Bu haqda viloyat Ichki ishlar boshqarmasi xabar berdi.

Nexia haydovchisi YPX talabiga bo‘ysunmagan

12-avgust kuni tungi xizmatga jalb qilingan YPX inspektorlari Nexia-2 avtomashinasini hujjatlarini tekshirish uchun to‘xtatgan.

Biroq haydovchi to‘xtash ishorasiga bo‘ysunmasdan, voqea joyidan qochishga uringan. Keyingi chorrahada boshqa YPX xodimlari ham unga bir necha bor to‘xtash ishorasini bergan, ammo haydovchi harakatini davom ettirgan.

Patrul avtomashinasiga urilib, qochmoqchi bo‘lgan

Patrul ekipaji haydovchining yo‘lini qarama-qarshi yo‘nalishda harakatlangan Nexia-2 xizmat avtomashinasi yordamida cheklagan.

Shunga qaramay, haydovchi patrul avtomashinasiga urilib...

AQSh prezidenti Donald Trampga qarashli Truth Social tarmog‘idagi postlarga boshqalardan oldin kirish imkonini beruvchi pullik xizmat sud da’vosiga sabab bo‘ldi. Xizmat narxi oyiga $60 mingdan $100 minggacha bo‘lib, undan asosan yuqori tezlikdagi savdo bilan shug‘ullanuvchi kompaniyalar foydalanmoqda.

The Intercept Media va Freedom of the Press Foundation jurnalistik tashkilotlari AQSh prezidenti Donald Tramp ustidan Manxettendagi federal sudga da’vo arizasi kiritdi.

Da’voga Truth Social ijtimoiy tarmog‘ining Truth API nomli yangi xizmati sabab bo‘lgan. U korporativ mijozlarga Tramp va platformadagi boshqa yirik akkauntlarning postlarini oddiy foydalanuvchilarga qaraganda tezroq olish imkonini beradi.

Da’vogarlarning fikricha, Tramp davlat siyosatiga oid va moliya bozorlariga ta’sir...

Krishtianu Ronaldu bilan munosabatlari sabab dunyoga tanilgan Jorjina Rodrigesning boyligi barcha uchun qiziqarli mavzulardan biri. Kursiv Uzbekistan modelning mol-mulki haqida ma’lumotlarni bitta materialga jamladi.

Netflix Jorjinaga millionlab dollar olib keldi

Rodrigesning eng yirik mustaqil daromad manbalaridan biri Netflix uchun suratga olingan «Soy Georgina» («Men – Jorjina») hujjatli realiti-shousi bo‘ldi. Serialda uning oilaviy hayoti, moda tadbirlari, biznesi va Ronaldu bilan hayoti namoyish etilgan.

Netflix Jorjinaga to‘langan haqni rasman oshkor qilmagan. Biroq AS va boshqa xorijiy nashrlar birinchi mavsumning o‘zi uchun u $10 mlngacha daromad olgan bo‘lishi mumkinligini yozgan. Keyinchalik yana ikki mavsum namoyish etildi. Shu sababli uning Netflix...

Vivo kompaniyasi tomonidan Xitoyda yangi Vivo S50t Vitality Edition smartfoni rasman taqdim etildi. Bu haqda Gizmochina nashri xabar bermoqda.

Yangi model Snapdragon 8s Gen 3 protsessori, 6500 mA/soat sig‘imli batareya va 50 MP periskop telekamera bilan jihozlangan. Qurilmaning boshlang‘ich narxi 3299 yuan, ya’ni qariyb $490 ni tashkil etadi.

120 Gs AMOLED ekran va Snapdragon 8s Gen 3

Vivo S50t Vitality Edition 2750 × 1260 piksel aniqlikdagi 6,59 dyuymli AMOLED displeyga ega. Ekran 120 Gs yangilanish chastotasini va sensorning 2000 Gs gacha tezkor javob berish rejimini qo‘llab-quvvatlaydi.

Smartfonning ishlashi Qualcomm Snapdragon 8s Gen 3 chipi zimmasiga yuklangan. Qurilma...

So‘nggi yigirma yil ichida jahon ishlab chiqarish sanoatining markazi keskin o‘zgardi. Ushbu o‘zgarishning asosiy omili Xitoyning jadal rivojlanishi bo‘lib, mamlakat dunyoning eng yirik ishlab chiqarish iqtisodiyotiga aylandi. Bu haqdagi tadqiqot Naked Science tomonidan e’lon qilindi.

Yetakchi davlatlarning jahon ishlab chiqarishidagi ulushi qanday o‘zgardi

2005 – 2025-yillar oralig‘ida dunyoning sakkizta yetakchi mamlakatlar iqtisodiyotining jahon qayta ishlash sanoatidagi ishlab chiqarish hajmiga qo‘shgan hissasi sezilarli darajada o‘zgargan.

Hisob-kitoblarda AQSh Iqtisodiy tahlil byurosi va Jahon bankining eng so‘nggi ma’lumotlaridan foydalanilgan. Ulushlar qayta ishlash sanoatining qo‘shilgan qiymati asosida, joriy AQSh dollarida hisoblangan.

2005-yilda Yevropa Ittifoqi jahon qayta ishlash sanoatining qo‘shilgan...

O‘zbekistonda har yili o‘rtacha 50 ming ayol salomatligi to‘liq tiklanmasdan, avvalgi tug‘uruqdan keyin ikki yil o‘tmay yana farzand ko‘rmoqda. Bunday holatlar, ayniqsa, Toshkent va Surxondaryo viloyatlarida ko‘p uchramoqda.

Sog‘liqni saqlash vaziri Eldor Adilov boshchiligida o‘tkazilgan yig‘ilishda onalar va bolalar salomatligi hamda reproduktiv salomatlik sohasidagi muammolar muhokama qilindi.

Yig‘ilishda ayollarning tug‘uruqlar oralig‘ida yetarlicha tiklanmasdan yana homilador bo‘lishi ona va bola salomatligi uchun xavf tug‘dirishi ta’kidlandi. Shu sababli hududlarda reproduktiv salomatlik ko‘rsatkichlarini muntazam tahlil qilish va zarur choralarni ko‘rish topshirildi.

Onalar o‘limining 30 foizi xavf guruhidagi ayollar hissasiga to‘g‘ri kelgan

Vazirlik ma’lumotiga ko‘ra, sog‘lig‘i homiladorlikni ko‘tarmasligiga qaramay farzand kutayotgan ayrim...

O‘zbekistonning bir qator hududlarda jami qariyb 4,5 mlrd so‘mlik elektr energiyasidan noqonuniy foydalanish holatlari aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti ma’lum qildi.

Bekobodda 2,1 mlrd so‘mlik elektr energiyasidan noqonuniy foydalanilgan

Departamentning Bekobod tumani bo‘limi tomonidan o‘tkazilgan tergovga qadar tekshiruvlarda ikki xo‘jalik rahbari suv nasoslarini elektr tarmog‘iga o‘zboshimchalik bilan to‘g‘ridan to‘g‘ri ulab olgani aniqlandi.

Ma’lumotlarga ko‘ra, Yangi hayot mahallasi hududidagi hamda Xos mahallasi hududidagi yer maydonlarida foydalanilgan suv nasoslari orqali jami 2,1 mlrd so‘mlik elektr energiyasidan noqonuniy foydalanilgan.

Nurafshonda 37 ta ko‘p qavatli uy bo‘yicha holat aniqlandi

Departamentning Nurafshon shahri bo‘limi o‘tkazgan tergovga...

Wildberries mobil ilovasi AQShdagi App Store’da qisqa vaqtga yo‘qolib, yana yuklab olish va yangilash uchun ochildi. Ilovaning vaqtincha olib tashlanish sababi hozircha ma’lum qilinmagan.

Wildberries ilovasi AQShdagi App Store’da yana foydalanuvchilar uchun mavjud bo‘ldi. Bu haqda Wildberries & Russ birlashgan kompaniyasi matbuot xizmati ma’lum qildi.

Avvalroq, 12-avgust kuni Moskva vaqti bilan taxminan soat 17:30 da Wildberries ilovasi App Store’ning AQSh segmentidan yo‘qolib qolgani aniqlangan edi. Shu vaqt davomida AQSh hududidagi foydalanuvchilar ilovani qidiruv orqali topa olmagan va qurilmalariga yuklay olmagan.

Boshqa mamlakatlarda ilova ishlashda davom etdi

Muammo faqat AQShdagi App Store foydalanuvchilariga ta’sir qilgan. Boshqa mamlakatlarda, jumladan, Rossiyada...