Yangiliklar

Samsung hali One UI 9 operatsion qobig‘ining barqaror versiyasini chiqarmagan bo‘lsa-da, kompaniya allaqachon navbatdagi yirik yangilanish – One UI 9.5 ustida ishlashni boshlagan. Ma’lumotlarga ko‘ra, yangi dasturiy ta’minotning dastlabki ichki test yig‘ilmasi Galaxy S26 seriyasi uchun tayyorlangan.

Ishlar odatdagidan ertaroq boshlandi

Tarun Vats ma’lumotiga ko‘ra, Galaxy S26 uchun One UI 9.5 ning dastlabki test versiyasi identifikatori CZH1 bilan yakunlanadi.

Bu safar Samsung yangi qobiqni ishlab chiqishni avvalgidan ancha erta boshlagan. Taqqoslash uchun, o‘tgan yili Galaxy S25 uchun One UI 8.5 ustidagi ishlar sentabr o‘rtalarida boshlangan edi. One UI 9.5 bo‘yicha dastlabki ishlar esa avgust oyidayoq boshlangan.

Bu Samsung...

Tijorat banklari tomonidan 13-avgust kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 13-avgust uchun valyutalar kursi e’lon qilingani haqida yozgan edi.

Hindiston bosh vaziri Narendra Modi 28-avgust kuni O‘zbekistonga tashrif buyurishi kutilmoqda. Bu haqda StratNewsGlobal nashri xabar berdi.

Tashrif ShHT sammiti oldidan bo‘ladi

Modi O‘zbekistondan so‘ng Qirg‘izistonga yo‘l oladi. U 31-avgust va 1-sentabr kunlari Bishkekda o‘tkazilishi rejalashtirilgan Shanxay hamkorlik tashkiloti (ShHT) sammitida ishtirok etadi.

Nashrning yozishicha, Toshkentga tashrif Hindiston va O‘zbekiston o‘rtasidagi iqtisodiy hamda strategik hamkorlikni kengaytirishga qaratiladi.

Savdo va strategik minerallar asosiy mavzulardan

Tashrif davomida savdo, transport va logistika, mudofaa, tog‘-kon sanoati hamda strategik minerallar masalalariga alohida e’tibor qaratilishi kutilmoqda.

2025-yilda ikki davlat o‘rtasidagi savdo aylanmasi 1,3 milliard dollarga yetgan. Tomonlar farmatsevtika, tibbiy texnologiyalar, qishloq...

Kongo Demokratik Respublikasida davom etayotgan Ebola epidemiyasi tarixdagi eng halokatli avj olish holatidan ham oshib ketishi mumkin. Bu haqda Jahon sog‘liqni saqlash tashkiloti (JSST) bosh direktori Tedros Adhanom Gebreyesus ma’lum qildi, deb yozmoqda BBC.

Uning so‘zlariga ko‘ra, 2026-yilgi epidemiya hozirgi sur’atda davom etsa, 2014 – 2016-yillarda kamida 11 ming kishining hayotiga zomin bo‘lgan Ebola epidemiyasidan ham og‘irroq oqibatlarga olib kelishi mumkin.

Joriy yil 15-may kuni rasman e’lon qilingan epidemiya doirasida hozirgacha kamida 4,3 mingta kasallanish holati qayd etilgan, 2 mingdan ortiq kishilar vafot etgan.

Virus fevral oyidan tarqala boshlagani aytilmoqda

JSST 2026-yilgi epidemiyani uch oy ichida nazorat ostiga...

O‘zbekistonda 2026-yilning yanvar – iyun oylarida yirik korxonalar tomonidan 126,7 mingta avtomobil dvigateli ishlab chiqarildi. Bu haqda Milliy statistika qo‘mitasi ma’lum qildi.

Ishlab chiqarish hajmi o‘tgan yilning mos davridagiga nisbatan oshgan. 2025-yilning dastlabki olti oyida mamlakatda 116,5 ming dona avtomobil dvigateli ishlab chiqarilgan edi.

Ishlab chiqarish 10 ming donadan ko‘proqqa oshdi

Statistika qo‘mitasi ma’lumotlariga ko‘ra, 2026-yil yanvar – iyun oylarida avtomobil dvigatellari ishlab chiqarish hajmi 126 671 donani tashkil etdi. Bu 2025-yilning shu davridagiga nisbatan 10 ming donadan ko‘proq.

2025-yilning yanvar – iyun oylarida yirik korxonalar 116 543 dona avtomobil dvigateli ishlab chiqargan.

Ko‘rsatkich 2024-yil darajasidan ham...

AQShning Texas shtatida mamlakat armiyasiga tegishli AH-64 Apache harbiy vertolyoti qulab tushdi. Hodisa oqibatida bortdagi ikki askar halok bo‘lgan. Bu haqda Reuters xabar berdi.

Vertolyot dalaga qulab tushgan

Hodisa 12-avgust kuni Texas shtatining Bell okrugida, Ostin shahridan qariyb 100 kilometr shimolda sodir bo‘lgan. Vertolyot AQSh armiyasining Fort Hood harbiy bazasiga biriktirilgan bo‘lgan. U o‘quv yoki xizmat operatsiyasi vaqtida qulagani aytilmoqda.

Qulashdan so‘ng dalada kuchli yong‘in yuzaga kelgan. Voqea joyiga bir nechta mahalliy yong‘in-qutqaruv bo‘linmalari yuborilgan.

Ikki askarning halok bo‘lgani tasdiqlandi

Bell okrugi vakili Kliff Koulmanning ma’lum qilishicha, vertolyot bortidagi ikki kishi halok bo‘lgan. Mahalliy sudya...

Google kompaniyasi yangi buklanuvchi Google Pixel 11 Pro Fold smartfonini taqdim etdi. Bu haqda kompaniya saytida ma’lum qilindi.

Qurilmaning boshlang‘ich narxi $1,9 ming etib belgilangan. Yangi model o‘tgan yilgi avlod bilan solishtirganda yengilroq korpus, yangilangan sharnir va kuchliroq platformaga ega bo‘ldi, biroq batareya sig‘imi kamaytirildi.

Pixel 11 Pro Fold’ning vazni 238 grammni tashkil qiladi. Bu avvalgi modelga qaraganda qariyb 10% kam. Shunga qaramay, qurilma bozordagi ayrim raqobatchilaridan hanuz og‘irroq.

Sharnir yangilandi, buklanish izi kamaytirildi

Google yangi modelda sharnir konstruksiyasini qayta ishlagan. Kompaniya ma’lumotiga ko‘ra, bu ichki displeydagi buklanish izini kamroq sezilarli qilishga yordam beradi.

Ekranni himoyalash uchun keramik...

Portugaliyalik futbolchi Krishtianu Ronaldu Lionel Messining otasi Xorxe Messi 68 yoshida vafot etgani yuzasidan hamdardlik bildirdi. Bu haqda Marca xabar qildi.

Xorxe Messi 8-avgust kuni Argentinaning Rosario shahrida uzoq davom etgan kasallikdan so‘ng vafot etgan. U Lionel Messining faoliyatida muhim o‘rin tutgan va uzoq yillar davomida uning vakili hamda eng yaqin maslahatchilaridan biri bo‘lib kelgan.

Ronaldu Messiga dalda berdi

Otasi vafotidan keyin Lionel Messi ijtimoiy tarmoqlarda unga bag‘ishlangan ta’sirli murojaatini e’lon qildi. Krishtianu Ronaldu esa ushbu postga munosabat bildirib, argentinalik futbolchiga og‘ir damlarda kuch tiladi. Ronaldu bilan birga futbol olamining boshqa taniqli vakillari ham Messiga hamdardlik bildirgan.

Samsung kelgusi Samsung Galaxy S27 seriyasidagi smartfonlarga o‘zgaruvchan diafragmali kamera o‘rnatish rejasidan voz kechgan bo‘lishi mumkin, deb yozmoqda SamMobile ETNews ma’lumotlariga tayanib.

Yangi ma’lumotlarga ko‘ra, o‘zgaruvchan diafragma Galaxy S27, Galaxy S27+, Galaxy S27 Pro va Galaxy S27 Ultra modellarining hech birida qo‘llanmaydi.

Samsung yangi kamerani sinovdan o‘tkazgan

Ma’lumotlarga ko‘ra, Samsung MCNEX va Samsung Electro-Mechanics tomonidan ishlab chiqarilgan o‘zgaruvchan diafragmali kamera modullarini sinovdan o‘tkazgan.

Bunday texnologiya kamera obyektividan o‘tadigan yorug‘lik miqdorini sharoitga qarab mexanik ravishda o‘zgartirish imkonini beradi. Bu, ayniqsa, kuchli yorug‘lik yoki qorong‘i muhitda surat sifatini yaxshilashga yordam berishi mumkin.

Biroq ichki sinovlar yakunida kompaniya texnologiyani Galaxy S...

Chevrolet AQShda 2026-yilgi Chevrolet Equinox elektromobili uchun avgust oyiga mo‘ljallangan yangi chegirma, imtiyozli kredit va lizing dasturlarini e’lon qildi. Takliflar 2026-yil 31-avgustgacha amal qiladi, deb yozmoqda GM Authority.

Kompaniya ayrim komplektatsiyalarni xarid qiluvchilarga $1 ming miqdorida chegirma taklif qilmoqda. Bundan tashqari, avtomobilni GM Financial orqali yillik 2,9% stavkada 36 oyga moliyalashtirish imkoniyati mavjud.

Equinox EV uchun lizing oyiga $539 dan boshlanadi

Chevrolet 2026-yilgi Equinox EV LT 2 FWD versiyasi uchun AQSh bo‘ylab maxsus lizing dasturini ham taklif qilmoqda.

Dastur bo‘yicha avtomobilni 39 oy muddatga oyiga $539 dan lizingga olish mumkin. Yillik yurish chegarasi 10 ming mil etib belgilangan...

Namangan shahrida qiymati 577 mln 381 ming so‘mlik, tegishli hujjatlari bo‘lmagan va sifati kafolatlanmagan dori vositalari aniqlandi. Bu haqda Davlat xavfsizlik xizmati ma’lum qildi.

13 mingdan ortiq dori vositasi olib qo‘yildi

Tadbir davomida Namangan shahridagi uylardan biri xolislar ishtirokida ko‘zdan kechirilgan. Tekshiruvda 1996-yilda tug‘ilgan fuqaro kelgusida sotish maqsadida dori vositalarini sanitariya talablariga zid sharoitda saqlab kelayotgani aniqlangani aytilmoqda.

Uydan tegishli hujjatlari mavjud bo‘lmagan hamda sifati kafolatlanmagan 56 turdagi jami 13 184 dona dori vositasi ashyoviy dalil sifatida olib qo‘yilgan.

Ular orasida «Sefotaksim», «Bifidumbakterin», «Atropin», «Tidomet Forte» hamda boshqa turdagi preparatlar bor.

Baholash xulosasiga ko‘ra, olib qo‘yilgan dori vositalarining...

Qozog‘istonlik grossmeyster Bibisara Asaubayeva AQShning Sent-Luis shahrida o‘tayotgan Cairns Cup 2026 ayollar superturnirining uchinchi turida musobaqa peshqadami, amerikalik Elis Li bilan durang o‘ynadi. Asaubayeva turnirdagi uchinchi partiyasida ham ochko bo‘lishdi, deya yozmoqda Kursiv Kazakhstan.

16 yoshli Elis Li musobaqaning dastlabki turidan buyon turnir jadvalida yetakchilik qilmoqda. U o‘tgan yili ham Cairns Cup’da muvaffaqiyatli qatnashib, faqat amerikalik Karissa Yipga imkoniyatni boy bergan holda ikkinchi o‘rinni egallagan edi.

Asaubayeva qora donalarda durangga erishdi

Uchinchi turda qora donalarda o‘ynagan Asaubayeva partiya davomida vaziyatni tenglashtirishga muvaffaq bo‘ldi. Markazdagi piyodalar tuzilmasi muvozanatlashgach, raqiblar 40-yurishda durangga kelishdi.

Uch turdan keyin Elis Li ham, Bibisara...

Portugaliyalik futbolchi Krishtianu Ronaldu va Jorjina Rodriges 11-avgust kuni Portugaliyaning Kashkaysh shahrida yopiq fuqarolik marosimida turmush qurgani haqida xabarlar tarqaldi. Marca nashriga ko‘ra, qariyb o‘n yillik munosabatlardan keyin o‘tgan marosim ommaviy tadbirdan ko‘ra, eng yaqin insonlar davrasidagi oilaviy bayram sifatida tashkil etilgan.

Ma’lumotlarga ko‘ra, marosimda juftlikning besh farzandi hamda cheklangan doiradagi yaqinlari qatnashgan. Biroq to‘y mehmonlarining rasmiy ro‘yxati e’lon qilinmagan. Marca Ronalduning ko‘p yillik do‘stlari va yaqinlari haqidagi ma’lumotlarga asoslanib, marosimga taklif etilgan bo‘lishi mumkin bo‘lgan besh insonni sanab o‘tdi.

Joze Semedu — mashhurlikdan oldingi do‘st

Ronalduning eng uzoq yillik do‘stlaridan biri — Joze Semedu. Ular hali o‘smirlik...

Oʻzbekistonda dividendlar va obligatsiyalar boʻyicha foizlarga berilgan amaldagi soliq imtiyozlari muddatini 2038-yilgacha uzaytirish taklif qilinmoqda. Regulyator investorlarga uzoq muddatli barqarorlikni ta’minlash uchun ushbu muddatni uzaytirishni zarur deb hisoblaydi. Bu haqda 12-avgust kuni oʻtkazilgan matbuot anjumanida ILMA boshqarma boshligʻi Saulat Toreshov ma’lum qildi, deb xabar bermoqda Kursiv Uzbekistan muxbiri.

Aksiyalar va dividendlar boʻyicha imtiyozlarni saqlab qolish

Uning ta’kidlashicha, imtiyozlar paketi ham an’anaviy aksiyalarni, ham mutlaqo yangi instrumentlarni (sukuk va sekuritizatsiyalangan obligatsiyalar) qamrab oladi.

«2028-yilgacha soliq imtiyozlari berilgan, xabaringlar bor. Buni biz yana qayta koʻrdik, imtiyozlarni qoʻshimcha uzaytirishni nazarda tutdik. Yaʼni, 2038-yilga qadar Oʻzbekiston Respublikasining rezidentlari va...

2026-yilda O‘zbekiston o‘quvchilari xalqaro fan olimpiadalarida munosib natijalarni qayd etdi. Yil davomida ular jami 220 ta medal, jumladan, 35 ta oltin, 81 ta kumush va 104 ta bronza medalni qo‘lga kiritdi. Bu haqda Maktab va maktabgacha ta’lim vazirligi xabar berdi.

Sun’iy intellekt olimpiadasida ilk ishtirok

O‘zbekiston o‘quvchilari joriy yilda ilk bor Xalqaro sun’iy intellekt olimpiadasida qatnashdi. Debyut ishtirok 3 ta medal bilan yakunlandi – 1 ta kumush va 2 ta bronza.

Shuningdek, O‘zbekiston mezbonligida o‘tkazilgan Xalqaro kimyo olimpiadasida mamlakat vakili oltin medalni qo‘lga kiritdi.

Al-Xorazmiy olimpiadasida 61 ta medal

Toshkent viloyatida tashkil etilgan Al-Xorazmiy nomidagi xalqaro matematika...

Istiqbolli loyihalar milliy agentligi (ILMA) kriptoaktivlar sohasidagi xizmat ko‘rsatuvchilar uchun noqonuniy daromadlarni legallashtirishga qarshi ichki nazorat qoidalariga o‘zgartirishlar kiritishni taklif qildi.

Tegishli hujjat loyihasi jamoatchilik muhokamasiga qo‘yilgan. O‘zgarishlar kripto birjalar, kripto-do‘konlar va boshqa xizmat ko‘rsatuvchilarning ichki nazorat tizimiga taalluqli.

Mijozni tekshirishda uchinchi tomon jalb qilinadi

Taklif etilayotgan tartibga ko‘ra, kriptoaktivlar xizmatlari provayderlari mijozlarni identifikatsiya qilish va tekshirish jarayonida uchinchi tomon xizmatlaridan foydalanishi mumkin.

Bunda shaxsiy ma’lumotlarning haqiqiyligini tasdiqlashga ixtisoslashgan tashkilotlar jalb qilinishi mumkin. Bu mijozlarni tekshirish jarayonini tashqi xizmat orqali amalga oshirish imkonini beradi.

Mas’ul xodim bir oy ichida tayinlanadi

Yangi litsenziya olgan kriptoaktivlar xizmatlari provayderi litsenziya...

Xitoyning Anxoy provinsiyasida 67 yoshli fermer sun’iy intellekt tavsiyasiga amal qilishi oqibatida 10 gektarlik kunjut maydonidan ayrildi. Fermer ekinlarni begona o‘t va zararkunandalardan himoya qilish uchun chat-botdan maslahat olgan.

Dastlabki tavsiyalar fermer ishonchini qozongan

Chuchjou okrugida yashovchi Vu qariyb bir yil avval qishloq xo‘jaligi masalalarida sun’iy intellektdan foydalanishni boshlagan. Dastlab u chat-bot tavsiyalariga ehtiyotkorlik bilan yondashgan.

Biroq ayrim maslahatlar foydali natija bergach, fermer sun’iy intellekt tavsiyalariga ko‘proq ishona boshlagan.

Bir nechta kimyoviy vositani aralashtirish tavsiya qilingan

Keyinchalik Vu kunjut dalasidagi begona o‘tlar va zararkunandalarga qarshi kurashish bo‘yicha sun’iy intellektdan maslahat so‘ragan.

Chat-bot unga bir nechta kimyoviy vositani...

O‘zbekistonda malakali va malakasiz investorlar tushunchalari va mezonlarini belgilovchi normativ hujjat ishlab chiqilmoqda. Bu haqda 12-avgust kuni «Kapital bozori to‘g‘risida»gi qonun loyihasiga bag‘ishlangan matbuot anjumanida Istiqbolli loyihalar milliy agentligi (ILMA) maslahatchisi Sardor Qoshnazarov ma’lum qildi.

Loyiha «Kapital bozori to‘g‘risida»gi asosiy qonun qabul qilingandan keyingina jamoatchilik muhokamasiga qo‘yiladi. Tashabbus hozircha ishlab chiqilmoqda, biroq ma’lumki, yangi qoidalar faqat jismoniy shaxslarga ta’sir qiladi va investorlarga maqomni brokerlar beradi. Regulyator faqat asosiy talablarni belgilaydi.

«Kapital bozori to‘g‘risida»gi qonun loyihasining maqomi

Kapital bozori to‘g‘risidagi qonun loyihasi zarur kelishuvlar, ommaviy muhokamalardan o‘tdi va hozirda Oliy Majlis Qonunchilik palatasida ko‘rib chiqilmoqda, u yerda birinchi o‘qishda qabul...

Qirg‘izistonning O‘sh shahrida xalqaro qidiruvda bo‘lgan ikki nafar O‘zbekiston fuqarosi qo‘lga olindi. Bu haqda O‘sh shahar militsiya boshqarmasi ma’lumotlariga tayanib, 24.kg xabar berdi.

Birinchi fuqaro 2025-yildan beri qidiruvda bo‘lgan

1988-yilda tug‘ilgan fuqaro 6-avgust kuni Masaliyev ko‘chasidagi xonadonlardan birida ushlangan. U Andijon viloyatida yashagan va ilgari bir necha marta sudlangan.

Ma’lumotlarga ko‘ra, u 2025-yil 31-dekabrdan buyon xalqaro qidiruvda bo‘lgan. O‘zbekiston hududida fuqarolar hamda huquq-tartibot organlari xodimlariga nisbatan kuch ishlatish bilan bog‘liq jinoyatlarda gumon qilinmoqda.

Ikkinchi shaxs qotillikda gumonlanmoqda

1985-yilda tug‘ilgan ikkinchi fuqaro 7-avgust kuni Avitsenna ko‘chasida qo‘lga olingan. U ham Andijon viloyati rezidenti.

Qirg‘iziston IIB ma’lumotlariga ko‘ra, mazkur...

Adliya vazirligi fermer xo‘jaliklarining buxgalteriya hisobini yuritish tartibini belgilovchi nizomni davlat ro‘yxatidan o‘tkazdi. Hujjat 11-avgust kuni 3921-raqam bilan ro‘yxatdan o‘tkazilgan.

Yangi tartib Soliq-servis AJning hududiy bo‘limlari tomonidan fermer xo‘jaliklariga buxgalteriya hisobi va hisobotlarini yuritish bo‘yicha xizmatlar ko‘rsatish mexanizmini belgilaydi.

Ayrim fermerlarga xizmatlar bepul ko‘rsatiladi

Nizomga ko‘ra, ayrim toifadagi fermer xo‘jaliklari uchun buxgalteriya va hisobot xizmatlari bepul amalga oshiriladi.

Jumladan, paxta va g‘alla yetishtiruvchi fermer xo‘jaliklariga buxgalteriya hisobi hamda hisobotini yuritish bo‘yicha xizmatlar bepul ko‘rsatiladi.

Yangi tashkil etilgan fermer xo‘jaliklari esa o‘z xohishiga ko‘ra dastlabki 6 oy davomida soliq va moliyaviy hisobotlarni yuborish xizmatlaridan bepul foydalanishi mumkin.

Rahbari yoshlar...

13-avgust uchun valyutalar kursi yangilandi. Unga ko‘ra, dollar kursi 58,63 so‘mga oshib, 11 948,58 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

Dollar 6-avgustda esa 55,49 so‘mga tushib, 11 886,72 so‘m bo‘ldi. 7-avgust kuni 28,92 so‘mga oshib, 11 915,64 so‘mni, 10-avgust kuni 36,46 so‘mga oshib, 11 952,10 so‘mni, 11-avgust kuni esa 17,49 so‘mga tushib, 11 934,61 so‘mni tashkil etdi. 12-avgust kuni dollar 44,66 so‘mga tushib, 11 889,95 so‘m bo‘ldi.

Yevro kursida ham o‘sish kuzatildi. Yevropa valyutasi 76 so‘mga oshib, 13 793,44 so‘m bo‘ldi. Rossiya rubli oshdi...

Serbiyada O‘zbekiston fuqarolari uchun qurilish sohasida 120 ta bo‘sh ish o‘rni taklif etilmoqda. Bu haqda Migratsiya agentligi xabar berdi.

Nomzodlar armaturachi, duradgor, qurilish muhandisi, kran operatori va stanok operatori lavozimlariga ishga qabul qilinadi.

Eng ko‘p ish o‘rni armaturachi va duradgorlar uchun ajratilgan – har bir yo‘nalish bo‘yicha 50 tadan vakansiya mavjud. Ularning oylik maoshi qo‘lga 1 000 yevrodan tegadi.

Muhandislar uchun maosh 1 500 yevrogacha

Qurilish muhandislari uchun 5 ta ish o‘rni mavjud. Nomzod qurilish, xususan, fuqarolik muhandisligi yo‘nalishini tamomlagan bo‘lishi kerak. Ushbu lavozimda maosh 1 500 yevroni tashkil etadi.

Kran operatorlari uchun 5 ta, stanok operatorlari uchun...

Markaziy bank kredit reklamalari va shartnomalarida qarz oluvchilarni moliyaviy xatarlar haqida majburiy ogohlantirish tartibini joriy etishni taklif qilmoqda. Tegishli qaror loyihasi jamoatchilik muhokamasiga qo‘yildi.

O‘zbekiston Markaziy banki kredit mahsulotlarini reklama qilish va kredit shartnomalarini rasmiylashtirishda qo‘shimcha ogohlantirishlarni majburiy joylashtirishni taklif qilmoqda. Bu haqda Markaziy bank boshqaruvi tomonidan tayyorlangan normativ-huquqiy hujjat loyihasida keltirilgan.

Loyiha 11-avgust kuni jamoatchilik muhokamasiga qo‘yilgan bo‘lib, muhokama 21-avgustgacha davom etadi.

Reklamaning kamida 10 foizi ogohlantirish uchun ajratiladi

Loyihaga ko‘ra, bank kredit reklamasida kredit bo‘yicha majburiyatlarni bajarmaslik moliyaviy xatarlarni yuzaga keltirishi mumkinligi haqida ogohlantirish berishi kerak bo‘ladi.

Bunday ogohlantirish reklamaning asosiy maydoni yoki davomiyligining kamida...

2026-yilning yanvar – iyul oylarida O‘zbekistonda 210 837 dona avtomobil sotildi. Bu 2025-yilning mos davridagiga nisbatan 7 940 dona yoki 3,6% kam. Avtomobil bozoridagi yillik pasayish ketma-ket to‘rtinchi oy davom etmoqda, deya ma’lum qildi O‘zbekiston avtomobil biznesi assosiatsiyasi «Kursiv» nashriga.

Iyul oyining o‘zida mamlakatda 31 324 dona avtomobil sotildi. Bu iyun oyiga nisbatan 4,7% ko‘p bo‘lsa-da, 2025-yil iyulidagi natijadan qariyb 30% past.

Umumiy savdo hajmi qisqarayotgan bir paytda bozor tarkibida sezilarli o‘zgarishlar kuzatilmoqda. Xususan, UzAuto Motors’ning ulushi kamayib, Xitoy avtomobil brendlari bozordagi mavqeyini mustahkamlamoqda.

UzAuto Motors ulushi 74,6% gacha tushdi

2025-yilning yanvar – iyul oylarida UzAuto Motors O‘zbekiston avtomobil...